بتشرب مياه من الحنفيه ؟؟!!

[Mzeid]

لا
عندنا جهاز المياه و بنشتريله عبوات ال 20 لتر على طول
مية الحنفية مش بستلذ طعمها

[Eng. Rafy Samy]

موضوع رائع
اشكر كل القائمين عليه...
هل في اخبار جديدة... هل في حد جرب فلتر يساعدنا بخبرته... هل في انواع تانية نولت السوق...
اخر الكلام استقرينا على ايه ...

شكراً وتقبلوا تحياتي

[Adham]

مش اي فلتر الفلتر اللي بيشتغل بطريقة التناضح العكسي الريفرس اوسمزس هو الافضل اللي هوة بيبقى 6 او 7 مراحل علشان دة فعلا بيمرر المياة على غشاء رقيق و بالضغط الاوسموزي المياة بتطلع منة خالية من الاملاح و المعادن الثقيلة المذابة او الصدأ و الكلور و اي حاجة ممكن تكون في المياة

الفلتر دة سعرة حوالي 1200 جنية 6 مراحل

و فية مرحلة (شمعه املاح) لاضافة الاملاح المطلوبة و بالنسبة الصحيحة و بيبقى فية مرحلة بحبيبات جوز الهند علشان تدي للماة الطعم الطبيعي

احنا دلوقتي ما بنتشربش الا منة و لو مسافرين بنملا كولمان و قزايز منة معانا

و مابنشربش المياة المعدنية الا ما ندر و مش اي نوع

ايش عرفنا دي مياة حنفيات وللا مجاري ولا ملوثة و لا مسرطنة و لا بيعملوا فينا اية

انا باعاني من الاملاح في جسمي بشدة من اكتر من 10 سنين و من ساعه ماركبنا الفلتر بقيت مش بعاني من الاملاح زي الاول غير اني باستطعم مياة نقية


و للاخ اللي بيسأل

المياة المقطرة دي بيتم تكثيفها من بخار ماء يعني تغلى المياة و تبخرها و تكثفها تاني

المفلترة يعني تم تمريرها على فلتر

[Adham]

جبنا ميا معدنية بيعبيها الجيش (اللي بيتقال عليها انضف ميا) وعملنا لها اختبار ملوحة عن طريق وضع كام نقطة من محلول معين ونشوف لون الميا حيتغير بعد اد ايه

الدكتور ادامنا قعد يحط نقطة نقطة لحاد ما حاط الازازة كلها وقال لنا معلش يا دكاتره واضح ان الميا دي مفيش حاجه تغلبها

شكرا يا دكتور على توضيحك بس انا مش فاهم الجزء او الفقرة اللي فوق دي في الاقتباس ياريت توضحها

يعني مياة الجيش اللي هي انضف مياة دي فيها املاح كتير و للا اية

و في رأي حضرتك اية انضف نوع مياة "طبيعية معبأة" اقلهم املاح و انقاهم نقدر نشربة

انا باستعمل فلتر ريفرس اوسموزس 6 مراحل يعني فية مرحلتين كربون و كربون نشط 5 ميكرون و 0.3 ميكرون قبل الغشاء الاوسموزي

واعتقد ان دة كافي يشيل كل شيء من املاح و كلور و معادن ثقيلة مذابة و كل ما هو ضار من المياة

[hosiny]

أنا بستعمل الفلتر الأنجليزى British Berkefeld و ده شمعة واحدة سيراميك و بتتنضف و يستحسن تغييرها كل 6 شهور..سعره تقريبا 300 جنيه و بينقى لغاية 0.5 micron

ملحوظة :يوجد نوعين من الشموع


Sterasyl

Super Sterasyl

التانية أفضل

وده الموقع بتاعه Sterasyl from British Berkefeld on New Millennium Concepts

[Adham]

احنا كان عندنا البيركفيلد في الشغل و اعتقد انة ممتاز

بس كان لازم مع الاستهلاك الكبير (شركه فيها 40 موظف ) ان الشمعه تتفك كل يوم وتتمسح و تتغسل و الا تلاقي المياة نازلة منة نقطة نقطة

[grumby78]

على فكره الميه اللي في قزايز دي مياه معبأه مش مياه معدنيه
عشان الميه المعدنيه دي حاجه تانيه
وانا عن نفسي باشرب ميه من فلتر ro منزلي 6 مراحل

[hefnawy77]

مش اي فلتر الفلتر اللي بيشتغل بطريقة التناضح العكسي الريفرس اوسمزس هو الافضل اللي هوة بيبقى 6 او 7 مراحل علشان دة فعلا بيمرر المياة على غشاء رقيق و بالضغط الاوسموزي المياة بتطلع منة خالية من الاملاح و المعادن الثقيلة المذابة او الصدأ و الكلور و اي حاجة ممكن تكون في المياة

الفلتر دة سعرة حوالي 1200 جنية 6 مراحل

و فية مرحلة (شمعه املاح) لاضافة الاملاح المطلوبة و بالنسبة الصحيحة و بيبقى فية مرحلة بحبيبات جوز الهند علشان تدي للماة الطعم الطبيعي

ممكن لو سمحت حضرتك تعرفنا نوع و ماركة الفلتر ro اللى عندك.. و المكان اللى اشتريته منه.. و سعره..
و معدل تغيير الشمعات كل كام شهر مع تكلفة التغيير..

انا ناوى اجيب واحد باذن الله لكن محتار اجيب اى نوع..

اصل المياه هنا فى القليوبية اجارك الله..

[bayoumisoft]

شكرا على الموضوع الجميل

فعلا موضوع مفيد جدا

[msfahim]

اشرب مايه من الفلتر و كل اما مراحل التنقيه اكتر اعتقد يبقى افضل وخليك فى الأصلى و ابعد عن اى حاجه صينى و ربنا يستر من السولار اللى وقع فى النيل

[Adham]

ممكن لو سمحت حضرتك تعرفنا نوع و ماركة الفلتر ro اللى عندك.. و المكان اللى اشتريته منه.. و سعره..
و معدل تغيير الشمعات كل كام شهر مع تكلفة التغيير..

انا ناوى اجيب واحد باذن الله لكن محتار اجيب اى نوع..

اصل المياه هنا فى القليوبية اجارك الله..

uniontech اللي هما يونيون اير بيجمعوة هنا مصري لتوكيل امريكي على ما اعتقد و اشتريتة من يونيون تك اللي في مكرم عبيد و اعتقد ان تمنة كان حوالي 1200 جنية من تقريبا سنة و نص سنتين دة ال 6 مراحل بتانك و موتور طلمبة

فية شمعه بتتغير كل شهرين ب 10 - 12 ج

و شمعه كل 3-4 شهور ب 20 تقريبا

و شمعه كل 6 شهور ب 25 تقريبا

و شمعتين تانيين بيعيشوا من سنتين لتلات سنين (شمعه الغشاء الاسموزي و شمعه جوز الهند) دول ماغيرتهمش لسة

[ahmedezar]

الحقيقة موضوع جميل ولقيته بالصدفة وأنا ببحث عن أحسن أنواع الفلاتر للمياه علي Google
أنا من سكان حدائق الأهرام أو من هضبه الهرم والمياه بيقولوا أنها بتيجي من أكتوبر
كان عندي فلتر Aquapure وملقتلوش شمع لان الموجود هنا مضروب مش أصلي ف جبت فلتر تانك 3 مرحلة بس مش مقتنع طعم المياه غريب فيه مراره فا مش مستريح للفلتر هلي اجيب بقي الباناسونيك أفضل ولا أجيب حاجه فيها ال ro
ولا فعلا اجيب الكولدير ومياه نسله واريح دماغي ؟؟؟

شكرا ليكم

[Deshahcoka]

احنا بنشرب ميه نسلة على طول بقالنا سنين ! عندنا الفلتر البيركفيلدبس بمنستخدمهوش الحج بس الي مقتنع بيه و مبيشربش ميه معندية :( احنا لما نروح اي مكان عند ناس مبشربش ميه و الكافيهات و القهاوي لازم تكون قزازة ميه معندية :(

نسلة انا شايف انها افضل شركة بركة طعمها مش حلو خالص و داساني و اكوافينا عادي في نفس مستوي نسلة بس انا شايف ان نسلة عليها سحب اكتر :) علشان كدة بفضلها !

[amagroup]

الفلتر الست مراحل احسن واحد وطعم المياة جميل وللمعرفه الفلتر بيعزل كل حاجه وعلي فكرة دي مش دعايه

المراحل
1:- فلتر اولي للشوائب الكبيرة
2:-فلتر كربوني لرفع الرائحه
3:-فلتر مصمت لرفع مزيد من الرائحه والطعم
4:-مقطر للمياه لتحويل المياه لمياه مقطره بدون املاح تماما وعلي فكرة دي تنفع في مياه السياره لانها زي مياه البطارية بالظبط
5:-وحده وضع املاح المياه بالنسبة المطلوبه وهذا هو المسؤل عن وضع الاملاح في المياة وهذه اهم مرحله وضبطها سهل جدا وذلك علي حسب مرضي الكلي او الناس العاديين
6:-فلتر البكتريا
7:فلتر اختياري فوق البنفسجي لمزيد من قتل البكتريا
او
فتلر تحت الحمراء لمزيد من ادخال الاكسجين داخل المياه ومزجها لضمان النشاط والحيوية للجسم

انا جربت 6ىمراحل وهجيب ليا واحد في شقتي بعد الزواج ان شاء الله

[ahmedezar]

'طيب في نقطة برده
الفلتر ال 6 مراحل أو ال 7
هل فعلا في أضرار من استخدام الاشعة فوق البنفسجية أو الاشعة تحت الحمراء كنت سمعت انها ممكن تجيب سرطان علي المدى الطويل هل ده ليه اساس من الصحة
وبرده ده هيبقي افضل ولا البانسونيك السيراميك؟؟؟