بتشرب مياه من الحنفيه ؟؟!!

[hamedstar]

طب انت مشكلتك بسيطة علشان لسه هتجيب
لكن اللى كع أد كده وجاب بالفعل ، يروح يسقى بيه الجونينة واللا ايه؟

ممكن اعرف مشكله حضرتك ايه ما الفلاتر ياريت تقولنا علشان نستفيد قبل ما الواحد يشترى ويتدبس

[Egyzizo]

أنا ماعنديش مشكلة ، عندى فلتر من زمان ، وبأغير له الشمعة بانتظام وماشى الحال ..
بس لما تفاجأ بتصريح رسمى يقول ان استخدام الفلاتر أكثر ضرراً من مياه الحنفية يوحمل أخطار على الصحة ، تبقى مش عارف تعمل ايه واللا تشرب منين :(

[hamedstar]

أنا ماعنديش مشكلة ، عندى فلتر من زمان ، وبأغير له الشمعة بانتظام وماشى الحال ..
بس لما تفاجأ بتصريح رسمى يقول ان استخدام الفلاتر أكثر ضرراً من مياه الحنفية يوحمل أخطار على الصحة ، تبقى مش عارف تعمل ايه واللا تشرب منين :(

فين التصريح الرسمى ده انا بدات اخاف

[Egyzizo]

ارفع شوية يا باشا للمشاركة رقم 163 ، واضغط على اللنك.

[pupil]

بداية انا اشكر كل من ساهم فى هذا الموضوع.انا استفدت من المناقشات فيه حيث اننى كنت ابحث عن فلتر مياه مناسب وتوصلت لفكرتين ثلاثة:
1-المياه المعدنية فكرة فاشلة ومضرة ومكلفة
2-الفلتر المحتوى على طريقة ro ضرره اكثر من نفعه لانه يحرم الجسم من املاح مفيدة, حتى لو عوضها باملاح من عنده فلن تكون النسب مظبوطة
3-معظمالفلاتر المتعددة المراحل التى رأيتها غير مضمونة(6 مراحل تيوانى ب600 جنيه فقط)
4- اعجبنى الفلتر الانجليزى دولتون وان لم اجده
لذا فى النهاية هأشترى اليابانى باناسونيك الكربونى ان لم اجد حاجة افضل
وشكرا لجميع المشاركين

[Elawany13]

http://www.nilemotors.net/Nile/293892-a.html

[amrelsha3er]

حضرتك لو عايز خلاصة الكلام ويكون كلام دكاتره

وتاخدها من واحد في دبلومة مكافحة العدوى ومسئول عن تأمين المنشآت الصحية وما بها من مرضى مناعتهم في الارض

تعالى نحط كذا قاعدة عشان نتكلم عليها
1. لا يوجد شيء اسمه تعقيم للمياه : كلمة تعقيم معناها القضاء على كافة اشكال الحياة الميكروبية بما فيها حويصلات البكتيريا وهذا مستحيل

2. ابنك الصغير لو شرب ميا معقمة (جدلا) في بقه الميا باظت تعقيمها (يعني فم ابنك هو اللي بوظ تعقيم الميا لان بق اي بني ادم فيه ملايين البكتيريات)

3. المياه المعدنية كارثة من كوارث الزمن
- مياه راكدة غير جارية : ومن ايام المقريزي عارفين ان الماء الجاري اذا وقف اصبح ماء آسن (معفن يعني)

- مياه تحتوي على املاح اعلى من المسموح (الحد الآمن)

لسه النهارده في معهد التدريب التابع لوزارة الصحة كنا بنجري تجربة على ملوحة الميا , وجبنا ميا معدنية بيعبيها الجيش (اللي بيتقال عليها انضف ميا) وعملنا لها اختبار ملوحة عن طريق وضع كام نقطة من محلول معين ونشوف لون الميا حيتغير بعد اد ايه

الدكتور ادامنا قعد يحط نقطة نقطة لحاد ما حاط الازازة كلها وقال لنا معلش يا دكاتره واضح ان الميا دي مفيش حاجه تغلبها

حضرتك متخيل يعني ايه
كمية من الاملاح المعدنة تعمل حمل على اي كلية بني آدم

4. في فرق بين كلمتين potable & palatable
الاولى معناها ان الميا طعمها حلو يعني طعم الميا اللي احنا متعودين عليه (اللي هو المفروض تكون بلا طعم)

الثانية معناها مياه صالحة للشرب بغض النظر عن طعمها

العلاقة اللي بينهم : لا توجد علاقة
يعني ممكن ميا تكون طعمها مقبول وحلو عشان نسبة الحمضيات مثلا تساوي نسبة القلويات انما هما الاثنين نسبتهم عاليا والميا دي كده تبقى مضرة وغير صالحة للشرب


5. الطرق التي تستخدم (لمعالجة المياه) مش تعقيمها
* الكلور : افضل طريقة للقضاء على الميكروبات في المياه يعني من الآخر الميا جايه اصلا من المواسير بالكلور بتاعها ......

* الفلتره : ودي طريقة جيدة مع مراعاة الفلاتر الجيدة
من احسن الفلاتر اللي في مصر الفلتر الكربوني باناسونيك سيبك من الفلاتر بتاعة الخيط والشمعة البيضا

* استخدام التأين والاوزون (الموضة اللي طالعين لنا فيها) العيب الكبير لها لا توجد مفعول ممتد بمعنى لو مليت ازازة ميا من الفلتر وحطيتها في التلاجة بعد نص ساعة الميا بقت ملوثة ثاني

* استخدام الاشعة فوق البنفسجية (ثاني موضة) نفس العيب الكبير
+ عيب ثاني ان الاشعة دي كتر استخدامها مسرطن
+ عيب ثالث البكتيريا ممكن يتعمل لها reactivation

6. خلاصة الكلام

اشتري فلتر باناسونيك كربوني ب 300 جنيه
تغيره كل 3 شهور
انا بغير فلاتر الميا كل اول 3 شهور : اول يناير, ابريل, يوليو, أكتوبر
ازارة الميا تبقى قاعدة في التلاجة مش اكتر من 24 ساعة بلاش حكاية المصريين ان الازازة اللي عليها الدور او الاسقع هي التي تشتغل النبطشية دي والثانية تستنى
ازازة الميا متقعدش برا التلاجة اكتر من ساعتين تلاتة وبعد كده تترمي

وعيش حياتك

سلام

باشا يعنى اجيب فلتر بانسونيك ده ب300ج واغيره كل 3شهورب300ج برضو؟!!
حاجه كمان
ازازه المياه متقعدش فى التلاجه اكتر من يوم والا ارمى المياه؟!!!!!
فهمنى بس لو سمحت النقطتين دول؟!!

[egyptiandiver]

No, I use a filter

[ahmedfathi]

انا اشتريت فلتر تانك بقالى 3 اسابيع من توكيل تانك اللى فى مدينة نصر

الفلتر 6 مراحل ب 1200 جنيه ماشاء الله فرق كبير بين طعم الميه قبل وبعد الفلتر

وكفايه انه من شركه محترمه زى تانك المصانع بتاعتها معروفه فى العاشر من رمضان وخدمه ما بعد البيع ممتازه

[MohammedAladel]

ربنا يستر

[ZALABANY]

أنا بستخدم فلتر سيراميك اسمه بريتش فلتر وتمنه كان حوالي 300 جنيه وزي الفل والشمعه بتاعته بتتغسل وتتحط تاني

[MuhamedNabil]

يا جماعة هو حد لقى الفلتر البناسونيك ده فى حتة تانية غير التوحيد و النور , انا سألتهم قالولى ثمنه 415 المفهوش انديكيتور و 454 بالانديكيتور و الفلتر الداخلى 124 يترى حد لقى منه فى مكان تانى ارخص لان 300 ده بعيد خالص عن السعر اللقيته
ولا اروح اجيبه من التوحيد و النور !

[amr5500]

سعر التوحيد والنور بيكون اغلي من محلات وسط البلد بالنسبه للاجهزة الكهربائية وبعض الادوات المنزليه

[MuhamedNabil]

سعر التوحيد والنور بيكون اغلي من محلات وسط البلد بالنسبه للاجهزة الكهربائية وبعض الادوات المنزليه

طيب زى مين او فين فى و سط البلد

[amr5500]

ممكن تلاقي في محلات العجيل في وسط البلد او مصر الجديدة