مين اللى تغير فينا احنا ولا الزمن ؟؟؟؟؟؟؟؟

[salmas]

السلام عليكم ورحمه الله وبركاته
الخير راح فين ليه لما تسال الناس الكبار يقولك مبقاش فى امان فى الدنيا ولا خير ؟؟
كان زمان لو واحد مشافش جاره فى يوم تلاقى الشارع كله بيسال عنه مش بس الناس اللى معاه فى البيت ويذهبوا لاطمئنان عليه هو واسرته اما دلوقتى انت بتسكن فى عمارة مبتعرفش مين جيرانك اصلا لية ؟؟
فين صله الرحم انت ممكن متشوفش اقربك ولا حتى تزورهم الا من السنة لسنة وفى المناسبات ليه ؟؟
دلوقتى لو رجل مسن او امراه مسنة او ام تحمل طفلها وركبت اى وسيلة موصلات مثل المترو او غيرها تلاقى الشباب قاعد ولا فى باله يبصلها وعادى ولا هو شايف حاجة لية ؟؟؟
لو واحد عربيته عطلانة مثلا ومحتاج حد يزقها معاه تلاقى الناس تبص وتقول ياحول الله يارب العربية بايظة وميشوا ولا شافوا حاجة وهو عمال يزق مع نفسه ربنا يقويه لية ؟؟؟؟
ليه دلوقتى مفيش حد بيعمل حاجة لحد حتى اقرب الاصدقاء والاقرب الا لو كانت فى مصلحة مشتركة او متبادلة وبعدها مبيعرفكش تانى ليه ؟؟؟؟
ليه احنا بقينا كدة ؟؟؟؟؟؟؟؟؟

[AshTurbo]

عشان كل واحد ملهي ومشغول في لقمة عيشه كل واحد بقى بيصارع ويسابق الزمن عشان يعرف يتنفس ويعيش فبقى مفيش حد فاضي للتاني وكله ملهي في مشاكله ... لو مستوى المعيشة كان أفضل أو لو كان في عدالة أجتماعية كان هيبقى في مساحة أكبر للعلاقات الأجتماعية لكن الماديات هي المسيطرة دلوقتي وطبعاً الناس شايفة قدامها طبقات معينة بتتغنى بسرعة فاحشة فبقى كله عينه عليهم ونفسه يبقى زي الناس الأغنياء دول فبقى عاوز عربية حديثة وفيلا في كمباوند وتلفزيون فخم ومدارس خاصة بالتالي الأحلام كبرت فبقى كله بيجري ورا الفلوس ... ببساطة الطبقة الوسطى هي اللي بتحافظ على العادات الأصيلة في مجتمعنا ومن ضمن العادات دي العلاقات الأجتماعية وصلة الرحم لكن بص دلوقتي شوف أيه حال الطبقة المتوسطة ... مطحونين ومفرومين بيحاولوا يتشبثوا في مكانهم الا ينزلوا وينضموا لطبقة الفقراء ويصبح المجتمع طبقتين بس يا أما فوق يا أما تحت ساعتها نقول عليه العوض ومنه العوض .

[powerofhelll]

مش كله علي فكره ابدا بنفسك و حاول تغيرها و انت هتلاقي الدنيا بتتغير حواليك و متفتكرش انك قليل الواحد ممكن يغير كتير بس ابدا بنفسك

[hamedo0]

عارفين انا الزمن دلوقتي بيفكرني بايه ومش عاوز حد يضحك
بقفس الفراغ البلاستيك البيبقي علي العربيات ده لما راجل يحب يدوغ الفراغ يقوم ماسك القفس ويهزه جامد الفراغ يعني تدوخ اهو احنا الفراغ والزمن والدنيا القفص الناس مش كتر الدوخه مش شايفه قدامها