لو صاحبك رد عليك وحش فى التليفون..اعذره.. لييييييه؟ (منقول)

[emadkamel]

أقوللك ليه .... يمكن

· عايش قصة حب من طرف واحد!
· منتظر رسالة من واحدة بيحبها و طلعت من راجل بيقول له فيها "كلمنى شكرا!"
· عربيته عطلت قدام ناس مش المفروض انها تقطع قدامهم!
· الشركة الايه دى اس ال اتصلت بيه و ماسمعش التليفون فقطعت عليه الخدمة يوم الخميس بالليل!
· صاحبه الدون جوان طالع من عينه نفس البنت اللى بيحبها دون عن باقى البنات اللى فى العالم!
· البنت بتحب صاحبه!
· موبايله قطع و هو منتظر سماع كلمة مهمة جدا!
· تلات اربع اصحابه ماعزموهوش فى خطوباتهم و لا افراحهم علشان كانوا كلهم مستعجلين!
· بطاريه المنبه خلصت قبل مايضرب بربع ساعة!
· الاتوبيس فاته من خمس دقايق بس
· الدش هنّج تانى!
· الموبايل نسيه فى التاكسى ..للمرة الثالثة!
· جاله زكام فى الصيف!
· جاله مغص / اسهال/ القولون العصبى فى فرح!
· الفرح اللى جوع نفسه الصبح علشان ياكل فيه، اتفتح نصف الليل و طلع ما بيشبعش..زى الخمس افراح اللى قبله..دور عسكرية بقى!
· العربيه سخنت و عطلت فى طريق سريع و هو مش نايم كفاية!
· الوظيفة اللى بيحلم بيها طارت منه للمرة الرابعة!
· القضية المتهم فيها ظلما نجحت و اتحكم عليه فيها بغرامة بعكس ما اكد له المحامى و اصحابه فى الاجتماع!
· افشل ناس كانوا معاه فى الفصل و المدرسة بقوا انجح منه بمرااااااااحل!
· البنطلون اتفتق و هو قاعد سمتنى دوره فى انترفيو!
· السوستة اتكسرت و هو معزوم برة!
· معدته كركبت و اصدرت صوت (محيطى مجسم) فى وسط عزاء!
· الناس اللى حواليه كلهم خمنوا انه هو اللى عملها!
· الادارة اتخطته فى الترقية تانى!
· المدير اللى بيحبه استقال!
· شريط عمرو دياب اتقطع جوة الكاسيت!
· الويندوز ضربت و عايزة تتفرمت تااااااالت!
· النهاردة 4 فى الشهر و لسة ماقبضش!
· واحد خبط له عربيته و الف واحد فتوا له و أكدوا على حرمانية قبوله العوض!
· القهوة اتدلقيت عليه و هو نازل متأخر الصبح!
· الميه انقطعت عنه و هو بيستحمى..علشان يلحق بميعاد انترفيو!
· الكاوتش نام و هو رايح نفس الانترفيو!

لذلك و لعشر اسباب اخرى..عندما لا ترى الشخص الذى يكلمك فى التليفون بعصبية..اعذره..فهو اولا و اخيرا..بشر و عايش..

اكيد اكيد..فى مصر!

[LUX]

هههههههههههههههههههههه ايه المصايب دي كلها :)

عندك حق في كل الكلام ده.....بس افرض لو طلعت النمره غلط بعد ده كله؟؟؟

هههههههههههههههه.
________________

[segsauer]

ده ايه النحس ده كله

[mada121977]

دول كمان من عندى :)

نظارته الطبيه اتكسرت وهوا سايق ومش عارف يروح
لسه متخانق مع مراته ومطلقها
لسه متخانق مع خطيبته ورمالها الدبله فى وشها
الواد ابن الجيران عمله لوحه سرياليه بالمسمار على العربيه (حصلت معايا شخصيا ايام الشاهين ) وكنت مش طايق اكلم حد وواحد صاحبى كان بيكلمنى ساعتها وكان ناقص اتخانق معاه :) :) :)

[badblood]

ده بقى خظه من الاخر وانا كده هبعد عنه خااااااااالص
لابيهت عليه والواحد مش ناقص

[tmz9111]

هههههههههههههههههههههه ايه المصايب دي كلها :)

عندك حق في كل الكلام ده.....بس افرض لو طلعت النمره غلط بعد ده كله؟؟؟

هههههههههههههههه.
________________

100+++++++++++++++

[TAG_Turbo0]

لو صاحبى رد عليا وحش لأى سبب من الأسباب دى
انا هعيط علشانه