إعـــــــلان

Collapse

.

,
See more
See less

هل الإحتشام بقي عيب ؟

Collapse
X
 
  • Filter
  • الوقت
  • Show
Clear All
new posts

  • هل الإحتشام بقي عيب ؟

    اعذروني للعنوان الغريب بس دة اللي بيلخص الموقف اللي حصللي

    دلوقتي انا كنت في رحله عمل و رجعت الحمد لله فقلت اخلي عندي دم و افسح المدام و بنتي شوية فقلت افضل حاجة اننا نسافر كام يوم و نقعد في فندق و نقضي يومين حلويين و فضلت العين السخنه لانها قريبه من القاهرة و انا بحبها جدا بصراحه

    المهم انا زوجتي محجبه فالطبيعي علشان تنزل المايه اشترينا مايوة محجبات بيقولوا عليه شرعي لاننا لما سافرنا السنه اللي فاتت معرفتش تنزل حمام السباحه

    رحنا الفندق مش هقول اسمه دلوقتي و هقول السبب في الاخر لقيت البنت بتاعه الاستقبال بتقولي حضرتك اتفضل امضي علي شروط الفندق لقيت من ضمن الشروط ( ممنوع نزول حماما السباحه بالملابس العاديه او الجينز او ملابس السباحه الطويله قلت للبنت انا زوجتي معاها مايوة شرعي قالتلي اسفه حصرتك ممنوع ( خلوا بالكم انا كنت حاجز و حولت الفلوس من كام يوم ) قلتلها ممنوع ايه امال ننزل حماما السباحه ازاي قالتلي ممكن تنزل البحر لكن حمام السباحه ممنوع قلتلها انا مش بحب مايه البحر و بنتي اساسا اتقرصت في المايه السنه اللي فاتت فعندها عقدة من البحر يعني انا هقضي معظم الوقت علي حمام السباحه قالتلي هتصل بمدير الفندق و حضرتك تتكلم معاه

    المهم مش هطول عليكم جه المدير و قالي احنا عندنا قواعد كتير ممكن نعديها لكن القاعده دي صاحب الفنادق حاطط عليها خط احمر ممنوع تجاوزها قلتله طيب في حمام سباحه للسيدات و مش مشكله مراتي و بنتي ينزلوا لوحديهم و انا لوحدي و اهي اجازة و خلاص قالي انا اسف مفيش كنت هتجنن طبعا (( لا و البنت في الاستقبال بتقولي علي فكرة النزول بالمايوة صحي اكتر )) المهم بعد جدال طويل و بالعافيه اتفقنا انها هتقعد مع البنت في حمام الاطفال

    طبعا الحمد لله قضينا وقت كتير في البحر لان مراتي صعبت عليا انها تقعد في حمام عمقه 30 سم للاطفال . و ربنا كرمنا و البنت مخافتش و كانوا كام يوم حلوين

    انا عنوان الموضوع مقلتش الحجاب بقي عيب قلت الاحتشام لاني اعتقد الموضوع دة مش مرتبط بدين يعني 90 % من الناس اللي بتنزل حمام السباحه هناك اجسامها ميصلحشي معاها مايوة خالص فمش عارف ازاي يعني
    يعني علشان ناس بتحاول تلتزم معني كدة ان الست تتخنق يعني احنا قضينا كام يوم تحت الحصار كل شوية تلاقي الموظفين رايحين جايين يتأكدوا انها منزلتشي حمام السباحه الكبير اكنها عامله جريمه و اللي عرفته بعد كدة ان القاعده دي جت بعد شكوي مصريين كتير من المايوة دة مش الاجانب

    انا مع القاعده بتاعه عدم النزول بملابس لانها فعلا بيبقي شكلها مش حلو لكن لو واحد محجبة او حتي واحدة مش مسلمه لكن ملتزمه و محتشمه في لبسها تعمل ايه

    انا عايز احد الاخوة هنا اللي شاغلين في فنادق يجاوبني هي دي حاجة في كل الفنادق لانها كدة تبقي كارثه يعني اللي عايزة تحتشم يبقي يا البحر يا تقعد في عز الشمس تتفرج علي المايه من بعيد

    انا مقلتش اسم الفندق لان مش عايز اعمله سمعه وحشة لان كان كل الخدمات رائعه و الناس معاملتها كويسة جداااااااااااا لكن فعلا الموضوع دة نرفزني جدااااااااا

    انا عندي معلومه ان في نادي اسمه محمد علي رويال كلوب دة ممنوع فيه دخول المحجبات بس مش متأكد من المعلومه

    و دور الجيش ممنوع فيها الجلاليب و الدقون و المنتقبات و دي حاجة انا متأكد منها لان في الشركه القديمه اللي كنت شغال فيها كان في افطار جماعي في رمضان و زوجه واحد من زمايلنا فطرت في الشارع جنب بتاع الامن هي و زوجها لان ذنبها الوحيد انها منتقبه ( دة كان في دار الدفاع الجوي )

    يعني هي مش الحريه الشخصيه معانها انت حر مالم تضر يعني مش هتكلم من وجهه النظر الدينيه حتي هتكلم من وجهه نظر الناس بتاعه الديمقراطيه و الحريه

    اسف للاطاله

  • #2
    المشاركة الأصلية كتبت بواسطة m.mosaad مشاهدة المشاركة
    انا مقلتش اسم الفندق لان مش عايز اعمله سمعه وحشة لان كان كل الخدمات رائعه و الناس معاملتها كويسة جداااااااااااا لكن فعلا الموضوع دة نرفزني جدااااااااا
    أنا مش مع حضرتك في الموضوع ده لأن الحمد لله الموضوع ظبط معاك و عرفتوا تستمعوا

    بس ممكن الموضوع ما يظبطش مع ناس تانية و تبوظ الأجازة

    Comment


    • #3
      اولا حضرتك وجهة نظرك صح .. الأحتشام اصبح تخلف للأسف عند بعض الناس .. بس يا رب تكون الرحلة كانت حلوة
      ثانيا : موضوع فنادق بتشترط فعلا فنادق كتير .ز ولو مش بيشترط عليك في العقد .ز فبيشترط عليك وقت النزول . يعني لما تيجي تنزل هيقولك لأ.. بس حتت المايوه الشرعي بتهيألأى اماكن كتير بتعديها
      ثالثا: مفيش حاجة اسمها مايو شرعي .. انا مش عارف شرعوه منين .. دا ضيق وبيصف دا غير حضرتك انه قصير

      رابعا: الاحتشام راح فين .. بسيطة
      يص حضرتك الحرب على الدين اصلا جت من برا .. هما بدأوا لقو السيدات منتقبة .. قالوا النقاب تخلف وبيقيد جرية المرأة
      خلعوا النقاب لبسزا حجاب طويل .. قالك شكله فلاحي وارهاب و و و و و بيضيق الحرية
      عملوا حجاب صغير قالك مش ستايل وبيحرر
      عملوه سبانيش ودخلو فيه كل الوان الدنيا .. قالولك من الأخر الحجاب دا بيقيد فكر المرأة وحريتها واللي يقولك بيخليها معاقة ..
      انا نفسي اعرف .. هو المرأة المحجبة ايه مشكلتها ؟؟ مضيقاهم في ايه ؟؟
      دا غير يقولك زي محضرتك بتقول .. النادي لغير المحجبات واسكندرية فيها اماكن ممنوع دخول المحجبات .. وشواطئ في العجمي مكتوب ممنوع الدخول بغير ملابس البحر (المايوه)

      الفكرة انهم بيقيدونا والغرب للأسف السبب اوهمونا ان دا سبب تخلفنا . واحنا صدقنا للأسف.. او ناس دا فكرها



      المهم احنا بكلم عن الأحتشام ... حضرتك هو عايز مظهر الأوتيل بتاعه والناس تيجي تبص تلاقي الموضوع هايص . ناس تيجي اكتر .. دا غير للأسف الأحتشام عند بعض الناس يساوي كلمة تخلف .. بص حضرتك .. بأمانة حنا عيشين نرضي ربنا .. لو حاولنا نرضي الناس مش هيرضوا .. كل واتحد برأي وكل واحد عنده رأي ولو جينا قلنا الاحتكام لرأي الدين في النهاية هيقولك متشدد ومتعصب ..
      والموضوع بكل بساطة احنا اتخلقنا عشان نعبد ربنا ونرضيه .. مش نرضي الناس ..

      بس انا احي نزعة النخوة عند حضرتك أللى فعلا نفسنا كل واحد فينا يبقى عنده حتة النخوة والغيرة على الأهل اللي ربنا يستر ومتنقرضش
      [COLOR=#a31515][justify][/justify][/COLOR][justify][COLOR=#a31515]قل: "سبحان الله وبحمده سبحان الله العظيم"
      لا تبخل علي نفسك بالحسنات فأنت في امس الحاجة لها. [/COLOR][/justify]

      [URL="http://www.nilemotors.com/Nile/showthread.php?t=67408"]
      [/URL]

      Comment


      • #4
        على فكرة لو مكان حضرتك واحد كويتي او اماراتي مكنش حد هيفتح بقه للاسف ودي حقيقة
        [mshosh2]http://www7.0zz0.com/2013/05/08/17/903528565.jpg[/mshosh2]

        Comment


        • #5
          للأسف كل الفنادق ال ٥ نجوم وال٤ نجوم حتى فيها الشرط ده!!!
          [img3]http://img21.imageshack.us/img21/3957/28138510150332809507433.jpg[/img3]

          Comment


          • #6
            المشاركة الأصلية كتبت بواسطة adfarouk مشاهدة المشاركة
            أنا مش مع حضرتك في الموضوع ده لأن الحمد لله الموضوع ظبط معاك و عرفتوا تستمعوا

            بس ممكن الموضوع ما يظبطش مع ناس تانية و تبوظ الأجازة
            انا قلت استني لحد ماعرف هل دي قاعده عامه في الفنادق في مصر و لا دة حاله خاصة لان انا قعدت في فنادق كتير قبل كدة و دة بصراحه كان افضلهم فلو لقيت ان دي قاعده عامه يبقي ممكن انصح بيه الناس انها تروحه و لو هو حاله خاصة يبقي اقول اسمه علشان الناس كلها تعرفه

            Comment


            • #7
              المشاركة الأصلية كتبت بواسطة samoevil911 مشاهدة المشاركة
              ا

              المهم احنا بكلم عن الأحتشام ... حضرتك هو عايز مظهر الأوتيل بتاعه والناس تيجي تبص تلاقي الموضوع هاي
              صدقني منظر معظم المصريات اللي لابسين مايوهات سيء جداااااااا لان في ستات لابسة مايوهات و اجسامهم غايه في الترهل يعني الاجانب الحاجات دي مش بتبقي ملفته عليهم او ممكن تقول لايقه لكن فعلا مناظر سيئة جداااا .

              المشاركة الأصلية كتبت بواسطة abogogo مشاهدة المشاركة
              على فكرة لو مكان حضرتك واحد كويتي او اماراتي مكنش حد هيفتح بقه للاسف ودي حقيقة

              انا متاكد تماما ان المصريين مهانين في كل مكان و الاكتر اهانه بيبقي في بلدهم و من اهل بلدهم و اعتقد فعلا لو حد خليجي كان الموضوع ممكن يعدي و كان ممكن يحفرله حمام سباحه لو عاوز

              المشاركة الأصلية كتبت بواسطة yoko مشاهدة المشاركة
              للأسف كل الفنادق ال 5 نجوم وال4 نجوم حتى فيها الشرط ده!!!
              للأسف الواحد بيفضل يقضي الاجازة في فندق علشان تبقي اجازة ليه و لزوجته من الطبخ و الغسيل يعني بتستمتع بخدمه فندقيه و بتريح اعصابك من كل حاجة فكدة كدة الواحد بيضطر يروح فندق

              Comment


              • #8
                المشاركة الأصلية كتبت بواسطة M.Mosaad مشاهدة المشاركة
                انا قلت استني لحد ماعرف هل دي قاعده عامه في الفنادق في مصر و لا دة حاله خاصة لان انا قعدت في فنادق كتير قبل كدة و دة بصراحه كان افضلهم فلو لقيت ان دي قاعده عامه يبقي ممكن انصح بيه الناس انها تروحه و لو هو حاله خاصة يبقي اقول اسمه علشان الناس كلها تعرفه
                أنا أخر مرة كنت في العين السخنة نزلنا في Jaz محدش قلنا حاجة كنا 3 أسر و مراتتنا كلهم محجبات و نزلوا حمام السباحة عادي مع الولاد

                Comment


                • #9
                  انا كمان متأكد من موضوع القرى بتاعت القوات المسلحه
                  لانى كنت هناك السنه اللى فاتت وممنوع دخول المنفبات
                  ابـــــو هــــــــــاشـــــــــم [sor2]http://nileup.com/up/uploads/nilemotors_13674136111.jpg[/sor2]

                  Comment


                  • #10
                    المشاركة الأصلية كتبت بواسطة m.mosaad مشاهدة المشاركة
                    صدقني منظر معظم المصريات اللي لابسين مايوهات سيء جداااااااا لان في ستات لابسة مايوهات و اجسامهم غايه في الترهل يعني الاجانب الحاجات دي مش بتبقي ملفته عليهم او ممكن تقول لايقه لكن فعلا مناظر سيئة جداااا .
                    يا باشا الفكره في المبدأ مش في الترهلات و لا غيره
                    يعني هوا لبس المايوه بقى اساسه جسمها مترهل ولا لا
                    مش مبدأ ان هوا اصلا غلط

                    Comment


                    • #11
                      المشاركة الأصلية كتبت بواسطة ابوهاشم مشاهدة المشاركة
                      انا كمان متأكد من موضوع القرى بتاعت القوات المسلحه
                      لانى كنت هناك السنه اللى فاتت وممنوع دخول المنفبات
                      حضرتك عندك حق .. أنا مرضتش اعلق على المنوضوع دا .. بس انا اعرف واحد جاري ظابط .. بإختصار راح نادي تبع القوات المسلحة .. وزوجته منقبة فمرضوش يدخلوه عمل مشكلة دخلوه لمدير النادي.. لواء او عميد قاله بالنص(بص انا مش هدخلك وهعمل معاك خدمة اني مش هقول لحد ان مراتك منقبة) بيقول انا حسيت النقاب هوز اللي بقي حرام ..
                      يعني الدخول لازم بملابس بحر ..

                      دا اصبح فكر للأسف
                      [COLOR=#a31515][justify][/justify][/COLOR][justify][COLOR=#a31515]قل: "سبحان الله وبحمده سبحان الله العظيم"
                      لا تبخل علي نفسك بالحسنات فأنت في امس الحاجة لها. [/COLOR][/justify]

                      [URL="http://www.nilemotors.com/Nile/showthread.php?t=67408"]
                      [/URL]

                      Comment


                      • #12
                        اه حكاية نوادي الجيش دي صحيحه و من زمان كمان

                        انا كنت متعوده اجيب جاتوه من نادي جيش حلو اوي اللي في الشارع اللي قبل المنصه و كنت بدخل بعربيتي جوه و كان الموضوع عادي

                        اخر مره الكلام دا من سنه روحته , الامن مرداش يدخلني قلت له هسيب رخصتي او بطاقتي معاك قالي لا خالي والدتك هي تنزل تجيب و انتي استنيها بره :(

                        طبعا مشيت و ماردتش

                        كان الاول مسموح اننا ندخل لو هنتشري حاجه و نطلع علي طول

                        و من شهرين فيه اتنيين من صحاباتي ماكونتش شوفتهم من زمااااان اتفقنا ان احنا نتقابل و نتغدا مع بعض بس للاسف انا ماخدتش بالي انهم قالوليي نادي حرس الحدود الي علي النيل ماجاش في بالي انه جيش اصلا

                        لحد ما روحنا و احنا علي البوابه الامن رفض يدخلني و مكتوب لوحه بكده

                        و صاحباتي طبعا اخدت منهم تريقه للصبح و انتي بوظتي خروجتنا و فيها ايه لما ترفعي النقاب و تدخلي و انتي متطرفه و انتي مش عارفه ايه :(

                        و في الاخر روحنا تشيليز في نايل ستي و طبعا في حرس الحدود كان اخرهم هيدفعوا 40 جنيه بالكتير اوي

                        في الاخر يعني كنت هضرب و اروح باعاقه منهم بس والله عرضت عليهم اني ادفع الفرق او اشيل انا الليله كلها :) بس يرحموني من كلامهم :)


                        بس علي العموم الموضوع دا مش بيضايقني يعني خلاص الاماكن خلصت علشان نتحوج لدور الجيش يعني
                        [justify][CENTER][IMG]http://a4.sphotos.ak.fbcdn.net/hphotos-ak-ash4/218070_1900970253805_1528143011_32044969_2322091_n.jpg[/IMG]
                        [/CENTER]
                        [/justify]

                        [CENTER]
                        [/CENTER]

                        Comment


                        • #13
                          انا مقبلش ان مراتى تنزل البحر او البسين ابدا
                          مايوة شرعى مش شرعى
                          انسى

                          Comment


                          • #14
                            المشاركة الأصلية كتبت بواسطة m.mosaad مشاهدة المشاركة
                            اعذروني للعنوان الغريب بس دة اللي بيلخص الموقف اللي حصللي
                            شوف حضرتك هو الموضوع له علاقة بالمكان أكتر من أى حاجة تانية.

                            يعنى فنادق العين السخنة لا تتبع الشريعة الإسلامية بأى حال ومعظم المستثمرين أجانب وغير مسلمين أصلاً ، فالمعايير اللى اتبنت عليها المكان تغلب عليها الثقافة الغربية ، فكان أولى انك مترحش هناك.

                            بعدين المايوه الشرعى اعذرنى لكن دة لا يمت للشرع بأى حال ، بمعنى لو هتتكلم بمنظور شرعى ، مينفعش أصلا المرأة تنزل حمام السباحة وفيه رجالة قاعدة ، فحتى لو سمحلك تنزل بالمايوه الشرعى ، فانت بتعصى ربنا برضه.

                            والموضوع مالوش أى علاقة بالدين على فكرة هتلاقيها فى الآخر عادات وتقاليد وثقافة أكثر منها دين ، لأن أصلا المايوه الشرعى يصف ويشف وكل حاجة ، لو مش باين قبل ما تنزل ، فى المياة هيبان أكتر بكتير ، فكون حضرتك متقبل المرأة تنزل حمام السباحة بمايوه يصف ويشف كأنه مش مغطى حاجة وفى حضرة رجال دى ثقافة وعادة انك مش متعود زوجتك درجة احتشامها تقل لكن مفيش فرق بينها وبين اللى بتلبس مايوه حقيقة ، حتى لو هنختلف فى درجة الإحتشام بين الاتنين ، هتلاقى الدرجة اللى انت فيها مخالفة جداً للدين ، فالفكرة غلط والأصح ان المرأة متنزلش حمام السباحة فى حضرة رجال.

                            أنا لو مكانك أتأكد من المكان أثناء الحجز هل يتبع قواعد مخالفة أم لا وهل تقدر تتقبلها أم لا.

                            بخصوص الحرية فأكيد من حقك انت وزوجتك تلبس اللى انت عايزه ، إنما فى أماكن لازم تلتزم بلبس معين Dress Code مينفعش تروح الشغل بشورت مثلاً أو تنزل حمام السباحة بالبدلة ، كل مكان وله شروط ، مفيش حرية مطلقة.
                            [CENTER][URL="http://www.youtube.com/watch?v=Y7lCM9ElUqQ"]Speeding. No one thinks big of you I[/URL]
                            [URL="http://www.youtube.com/watch?v=yt823zEGyMY"]Speeding. No one thinks big of you II[/URL][/CENTER]

                            Comment


                            • #15
                              المشاركة الأصلية كتبت بواسطة AhmedGen2 مشاهدة المشاركة
                              شوف حضرتك هو الموضوع له علاقة بالمكان أكتر من أى حاجة تانية.

                              يعنى فنادق العين السخنة لا تتبع الشريعة الإسلامية بأى حال ومعظم المستثمرين أجانب وغير مسلمين أصلاً ، فالمعايير اللى اتبنت عليها المكان تغلب عليها الثقافة الغربية ، فكان أولى انك مترحش هناك.

                              بعدين المايوه الشرعى اعذرنى لكن دة لا يمت للشرع بأى حال ، بمعنى لو هتتكلم بمنظور شرعى ، مينفعش أصلا المرأة تنزل حمام السباحة وفيه رجالة قاعدة ، فحتى لو سمحلك تنزل بالمايوه الشرعى ، فانت بتعصى ربنا برضه.

                              والموضوع مالوش أى علاقة بالدين على فكرة هتلاقيها فى الآخر عادات وتقاليد وثقافة أكثر منها دين ، لأن أصلا المايوه الشرعى يصف ويشف وكل حاجة ، لو مش باين قبل ما تنزل ، فى المياة هيبان أكتر بكتير ، فكون حضرتك متقبل المرأة تنزل حمام السباحة بمايوه يصف ويشف كأنه مش مغطى حاجة وفى حضرة رجال دى ثقافة وعادة انك مش متعود زوجتك درجة احتشامها تقل لكن مفيش فرق بينها وبين اللى بتلبس مايوه حقيقة ، حتى لو هنختلف فى درجة الإحتشام بين الاتنين ، هتلاقى الدرجة اللى انت فيها مخالفة جداً للدين ، فالفكرة غلط والأصح ان المرأة متنزلش حمام السباحة فى حضرة رجال.

                              أنا لو مكانك أتأكد من المكان أثناء الحجز هل يتبع قواعد مخالفة أم لا وهل تقدر تتقبلها أم لا.

                              بخصوص الحرية فأكيد من حقك انت وزوجتك تلبس اللى انت عايزه ، إنما فى أماكن لازم تلتزم بلبس معين Dress Code مينفعش تروح الشغل بشورت مثلاً أو تنزل حمام السباحة بالبدلة ، كل مكان وله شروط ، مفيش حرية مطلقة.
                              +1

                              Comment

                              Working...
                              X