ماكينه حلاقه كويسه؟؟؟

[EL Tanna]

السلام عليكم

لو سمحتوا بفكر اشترى ماكينه حلاقه كهربا للذقن

لان فى اماكن فى الوجه لو عملتها بالموس هتتقل وانا مش عايزها تبقى تقيله

فعايز ماكنه تكون كويسه و سعرها فى حدود ال200 جنيه
وياريت المكان الى اقدر اجيبها منه

[Dr.Karim Emam]

بصراحه انا ماعرفش اسعار مكن الحلاقه ايه بالظبط بس بأفكر اشتري واحده

ممكن تروح كارفور هتلاقي فيه انواع كتير

بس في سؤال صغير: هل مكنة الحلاقة بالكهرباء بتحلق زي الموس ولا مش بنفس درجة النعومه؟

[EL Tanna]

الى اعرفه ان فى انواع بتبقى زى الموس لكن نوع ايه بقى معرفش والله

اصل لسه مجربتش انا بحلق بالموس دايما بس زهقت فقلت اجيب ماكنه على قدى
بس مفيش حد راضى يساعد تقريبا و يتكرم و يقولى

[amrbakly]

ادفع اكتر شوية من 200 و هات الفيليبس الفيلشيف

بقالها معايا 14 سنة من اول ما بدأت احلق دقني و شغالة زي العفريت

كمان ممتازة في انك تخف دقنك بيها الأول و بعدها تكمل الباقي بالموس

[EL Tanna]

ادفع اكتر شوية من 200 و هات الفيليبس الفيلشيف

بقالها معايا 14 سنة من اول ما بدأت احلق دقني و شغالة زي العفريت

كمان ممتازة في انك تخف دقنك بيها الأول و بعدها تكمل الباقي بالموس

ياريت يا غالى تقولى نوعها و بكام سعرها دلوقتى و اقدر اجيبها منيين

يارب متعديش ال200 بكتيير

[omar-saad]

انا لسة من فترة كان فى دماغى الحوار دة
سالت على المكنة دى او مش نوع تانى من فيليبس برضة
كانت ب400 واكتر
فكبرت طبعا

[EL Tanna]

طيب يا مومو مشفتش انواع تانيه غير فيلبس

زى هيتاشى او اى ماركه تانيه

[ghabbour]

فيلبس تمام
فى نوعين
نوع على 3 اسطونات
و نوع عمودى
الافضل الثلاث اسطونات
بس للعم
لازم تاخد عليها لفترة مش اقل من شهر او شهرين

و مش ظريفة و هى بتحلق شعر الذقن لما يكون لسة نمنم
انا شغال بيها من 10 سنين
دى 3 ماكينة
بس انا بحلق يوم و يوم علشان انا ذقنى ثقيلة
و نسبة التنعيم بعد فترة لما شعرة الذقن تتعود عليها و اتجهاتها

[mohamedbook]

انا شريها من حوالي سنتين ب 350 ج كانت فليبس كهرباء ليها 3 شفرات مستديرة للحلق
انزل العجيل في اي مكان او في وسط البلد وانت هتلقيها هناك ان شاء الله
بس مش هتكون ب200 طبعا
الكهرباء افضل من الموس الف مرة كفايه نها مش هتجرح وشك خالص

[EL Tanna]

يعنى تنصحونى بايه

انا عايز حاجه اشيل بيها بس الشعر الى بيبقى فوق القن المنطهق القريبه من العين كده

يارب اوكن قادر اشرح انا عايز ايه يعنى مش عايز استخدمها فى تنعيم او حلاقه دقنى كلها

يعنى كل الاستخدام حاجات بسيطه لان المنطقه دى لو فضلت احلقها موس هتتقل و هتبقى منظرها مش كويس خالص

[ghabbour]

ايضا لو عملتها بالماكينة الكهرباء هتتقل الشعر مع الوقت
نصيحة كل فترة كبيرة جدااا اعملها فتله عند الحلاق

[EL Tanna]

كلامك مظبوط

بس بالماكنه هتتقل فى مده اطول من الموس

و حكايه الحلاق دى طبيعى بس انا من النوع الى اصلا بروح الحلاق كل 6 او 7 شهور مرة

[mohamedbook]

يعنى تنصحونى بايه

انا عايز حاجه اشيل بيها بس الشعر الى بيبقى فوق القن المنطهق القريبه من العين كده

يارب اوكن قادر اشرح انا عايز ايه يعنى مش عايز استخدمها فى تنعيم او حلاقه دقنى كلها

يعنى كل الاستخدام حاجات بسيطه لان المنطقه دى لو فضلت احلقها موس هتتقل و هتبقى منظرها مش كويس خالص

متجيش جمبها خالص لا من قريب ولا من بعيد ولا بفتله حتي زي نصايح بعض الاخوه بالعكس بصيله الشعر بتقوي اكتر
وبعدين انا شيف انك راجل معندكش مشكله امال الستتات الي بيطلعلها زقن نعمل ايه تموت نفسيها

[msafa]

انا يا جماعة جبت واحدة من كام سنة و كانت فيليبس من السعودية اللي هي ب 3 امواس مدورين
الامواس د كانت بتسخن جدا و محلقتش بيها غير مرتين و بطلت استعملها
فهل المكن الجديد كده ولا ايه؟؟

[EL Tanna]

متجيش جمبها خالص لا من قريب ولا من بعيد ولا بفتله حتي زي نصايح بعض الاخوه بالعكس بصيله الشعر بتقوي اكتر
وبعدين انا شيف انك راجل معندكش مشكله امال الستتات الي بيطلعلها زقن نعمل ايه تموت نفسيها

ألمشكله بقى انى جيت جمبها من زمان هههههه

فعايز حل للمشكله دى لو عندك ياريت تقولى
المشكله انها مش هيبقى منظرها حلو لما تكون ذقنى بحجم وشى هههههههههه