عايز سيرفير Sharing كويس مش بيقطع

[MRBEBO]

على فكرة نسيت اقول ان برضوا السيرفر فيه نظام cccam بس الاسعار مختلفة طبعا

[bassem.naguib]

اسف على التأخير - الواى ماكس اتحرق امبارح و كانه بيغيروه
ايوه اشتركت بكروت فودافون
كنت متخوف فعلا
بس الرد كان سريع
يعنى بعت باليل - الصبح كان معايا الكونفج فايل
و بعت تانى الصبح لوالدى مافيش كام ساعه و بعت الفايل
و الماتشات مافيش تقطيع نهائى و عموما تحويل بين القنوات سريع جدا و stable جدا فى الكام يوم اللى جربته

انا عندى نايلسات بس فامعرفش بقيت الاوروبى نظامه ايه

انا سألته قالى ال cccam احسن حاجه للدريم بوكس

بس انا مبسوط بالتعامل معاه

اللي فهمته من حضرتك أن عندك دريم بوكس .. وده فعلاً بيكون سريع في التنقل بين القنوات حتى لو السيرفر تقيل ومش قد كدة .. فهل حيكون الكلام ده برضه على رسيفرات تانية زي الترومان 1000 ولا اقل في الكفاءة .

حضرتك عندك نايل سات فقط .. يا ترى أيه القنوات اللي مفتوحة فيه اللي يهمني الأيه أر تي والشو تايم كاملة (متضمنة شو سينما ولا لآه) والأوربيت كاملة .. يا ريت توضيح للقنوات المفتوحة .

لا أنا عندي ترومان بس عمري ما عملت فيه حاجة..
أنا شفت طريقة على السايت arabseed و شكلها مش صعبة ..

إدخال البيانات في الترومان 1000 سهلة .. وتحت أمرك لو أحتجت أي مساعدة .. لأني أنا كمان عندي ترومان 1000 .

واحد صحبي مشترك في سيرفر بقاله 5 شهور وبيشكر فيه جدا جدا

السيرفر نايل سات وعرب سات + شوية اوربي

ونظامه نيوكامد

المهم انا مصدقتش السعر ب 15 جنيه في الشهر وممكن تدفع شهريا مش لازم كل 3 شهور يعني 3 شهور = 45 جنيه !

المهم صحبي ده بيقولي انه كان كل شوية يغير سيرفرات لحد ما اشترك مع السيرفر ده واتبسط منه جدا

السيرفر على منتدى اسمه raaw2an.com وده سيرفر منتدى كورة دوت كوم لو حد يعرفه ونقلوه هناك بسبب حرب قناة الجزيرة عليه

المهم انا حبيت افيدكم بالمعلومة دي خصوصا اني مسمعتش خالص السعر ده في اي حتة تاني

وانا كمان ان شاء الله ناوي اجربه قريب جدا

غريب قوي السعر ده !!!

[MRBEBO]

غريب قوي السعر ده !!!

معاك حق بس اللي عرفته انه كمان كده غلي عن الاول

تخيل الاول كان ب 10 جنيه في الشهر ( ودي عرفتها من خلال شوية سيرش عن بداية فكرة السيرفر بتاع كورة مصرية قبل ما يتنفذ )

سيبك من موضوع الفلوس المهم ان صحبي ده راجل خبرة في السيرفرات جدا

يعني ممكن تقول اتعامل مع 20 او 30 سيرفر قبل كده بدون مبالغة ... هو غاوي دايما يجرب ويشوف الجديد

بس الغريبه مع السعر ده وبيشكر فيه

عموما التجربه احسن حاجة للحكم عليه كويس

[motoxp]

انا اشتركت مع عرب سيد بعد ايميل برقم الكارت فودافون جاتلى البيانات بعد ساعة و نصف وسيرفر سريع و ثابت

[bassem.naguib]

انا اشتركت مع عرب سيد بعد ايميل برقم الكارت فودافون جاتلى البيانات بعد ساعة و نصف وسيرفر سريع و ثابت

ممكن توضح حضرتك نوع الريسيفر اللي عندك .. ورقم السوفت اللي نازل عليه

[adhamsabry51]

طيب سؤال بقي يا جماعه هو ينفع في الموضوع ده اني استخدم الأنترنت بتاع الوصله و لا ايه اصل انا التليفون عندي لاسلكي ولا حتكون السرعه بطيئه ولا ايه و سعر الدريم بوكس كام و انواعه ايه

[MRBEBO]

طيب سؤال بقي يا جماعه هو ينفع في الموضوع ده اني استخدم الأنترنت بتاع الوصله و لا ايه اصل انا التليفون عندي لاسلكي ولا حتكون السرعه بطيئه ولا ايه و سعر الدريم بوكس كام و انواعه ايه

ينفع بس تشتري سويتش

هتاخد الواصلة وهتوصلها بالسويتش

وتطلع منه كابلين واحد للكمبيوتر وواحد للريسيفر

الدريم المعقول سعره في حدود 600 جنيه اللي هو DreamBox 500s الصيني على فكرة عندي واداءه كويس جدا وميزته انه بيدعم جميع انظمة الشيرنج المتاحة

بس الموديلات اللي بتدعم الهاي ديفنيشن وكده بتعدي ال 3000 جنيه بس طبعا دي الاصلي من توكيل الدريم اللي قدام المريلاند

[M.Mosaad]

انا اشتركت مع عرب سيد بعد ايميل برقم الكارت فودافون جاتلى البيانات بعد ساعة و نصف وسيرفر سريع و ثابت

اشتركت و بعتلي البيانات بس القنوات لسة مفتحتشي يعد ما حطيت البيانات و بعتله ميل امبارح لسة مردش مش عارف بقي قصة الدعم الفني دي فشنك و لا ايه

[MRBEBO]

اشتركت و بعتلي البيانات بس القنوات لسة مفتحتشي يعد ما حطيت البيانات و بعتله ميل امبارح لسة مردش مش عارف بقي قصة الدعم الفني دي فشنك و لا ايه

اكيد فيه حاجة غلط عندك ... مش معقول مفيش ولا قناة فتحت لو فيه مشكلة من السيرفر هتبقى في قناة او في باقة مش في الكل

اتاكد انك حاطط ملف الاشتراك في الفولدر الصح واتاكد من كابل النت واعدادات الايبي وكده واتاكد اخر حاجة من الايمو بتاع الشيرنج انت مفعله ولا لا