استطلاع : أى المدارس تختار لتعليم اولادك ؟وليه الاجنبى و اللغات ؟

[M.ABDOU]

لا للمدارس الاجنبيه

السلام عليكم

انا ليا وجهه نظر تانيه بالنسبه للناس اللى عاوزه تودى ابنها مدارس لغااات

يا جماعه ثبت بالنظريات وبالحقائق وبالتجربه ان التعليم الاساسى لاااااااااااااااااااااااااااازم يكون بنفس لغه الام المتعلم

يعنى من الاخر لااازم ولادنا يتعلموا بالعربى مش باى لغه تانيه

حضرتك حتقولى ليه؟؟؟؟؟؟؟؟؟

حقولك

ثبت ان تعليم العلوم الاساسيه لازم الطفل او الدارس يدرسها باللغه الام علشان يعرف يتعمق فيها ويفهما كويس لانه باللغه الام لما بيدرسها بيبذل مجهوود واااحد بس هوا مجهوود الفهم مش الفهم والترجمه


وده على فكره حاجه مش جديده ومعروووفه من زماااااااااااااااااااااااااااان


فعلى سبيل المثل لما كانت الامه الاسلاميه فى اوج مجدها وكانت اوربا تجر ازيال الجهل والفقر كانت بدايه الثوره الاوربيه انهم بيبعتوا مجموعااات للدراسه فى بلاد المسلمين وبعديت يترجموا واكرر يترجموا العلوم بتاعه المسلمين للغتهم هما ويبتدوا يدرسوها


ونفس الشيىء عمله محمد على لما بعت الرحلات لدراسه العلوم الاروبيه وجعل رفاعه طهطاوى يترجم الكتب دى للعربيه علشان يبتدى الثوره العلميه



وهيا دى حتبقى الطريقه بتاعتنا لو فكرنا اننا بتدتى من جديد ونقوم بنفسنا


واحد زميللى ربنا يمسيه بالخير كان بيدرس فى الموضوع ده فكان بيقولى ان الطالب لو درس بلغه غير اللغه بتاعته فاقصى اقصى ما يستطيع ان يفعله ان يفهم ما يدرسه فقط اما ان يوصل لمرحله الابداع والابتكار فليس ممكنا


بص حتلاقى اغلب اوائل الثانويه العامه مدارس كانت بتدرس بالعربى

شوف اوائل الجامعات حتلاقيهم كانوا بيدرسوا فى مدارس حكوميه اغلبهم


هوا ده منطقى لما اجى اختار لابنى مدرسه فانا حختار مدرسه خااصه ليكون الالتزام موجووود وستكون الدراسه بالعربيه اما من ناحيه اللغه الانجليزيه فانا ارى ان اى مدرسه خااصه سوف يكون فيها كورس اللغه الانجليزيه مكثفا عن المدارس الحكوميه ولو لزم الامر يوجد كورسات او معاهد المتخصصه فى اللغه ولكن ليس من اجل اللغه اضحى بكل المواد الاخرى


وشكرا

[Hany.ElBaathy]

انا اتفق مع حضرتك كثيرا
لكن لما حضرتك تلاقى السلام الوطنى لبلاد هذه المدارس الاجنبية هى اللى بيسمعها و يرددها اولادك و علم هذه الدول صاحبة المدارس هو اللى بيرفعوه كل صباح ،ممكن يكون علم بلدنا واقف جنبه كده على استحياء
تقول ايه ؟
وهو اللى اتعلم النظم و الالتزام الالمانى مثلا ،
يعرف يتعامل مع النظم المصرية ولا احسن له يسافر يشتغل فى المانيا ان سنحت له الفرصة ؟ يسافر طبعا
طيب لو ماعرفش يسافر و لقى شغل مثلا فى شركة المانية فى مصر يشتغل فيها ولا يشتغل فى شركة مصرية ؟ طبعا اريح له واكسب له الالمانية
طيب الشركة الالمانية دى بتشتغل لحساب مين احنا ولا المانيا ؟ ولو سافر المانيا حيفيد مين احنا ولا هما ؟
وقيس على كده كل القوميات الاجنبية الاخرى مش بس المانيا

فعلا زى ما قلت حضرتك ربنا يستر

زويل مجدى يعقوب و غيرهم مئات اتعلموا التعليم المصرى مين استفاد منهم فى الاخر ؟؟؟؟؟؟؟

[Hany.ElBaathy]

أنا زعلان جدا من أغلب الآراء دي ....

أهم حاجة عندي ان ولادي تكون ثقافتهم و فكرهم اسلامي عربي مش غربي علماني
لما أودي بنتي مدرسة أمريكية واحده واحده كده هتتحول من بنت مسلمة مصرية الى مسخ عربي الأصل أمريكي أو انجليزي أو ألماني الهوى كاره لكل ما هوه مصري أو حتى عربي و هتكون بتحلم بامريكا .....

صحيح التعليم في مصر زيه زي حاجات كتير غلط في بلدنا و عشان نصلحها لازم الاصلاح يكون بعقول و تفكير اسلامي عربي و ده لعدم وجوده حاليا في مصر هيكون ده دور الأم المصرية اللي مطلوب منها تكون قد المسؤلية و تربي رجالة يصلحوا بلدنا

هودي بنتي أقرب مدرسة عربي من بيتنا مادام كده كده هتاخد دروس في كل المواد يبقى أرخص مكان هوه أحسن مكان

اسف بس الكلام دا من بعيد أنا بنتى فى مدرسة فرنسية دولية مدرسيها فرنسيين و مدير المدرسة مسيحى محترم و المدرسة تشجع الاولاد على بناء شخصيتهم الخاصة و تحسين قدرتهم على التفكير السليم و برغم الدراسة القادمة من بلاد الجن و الملائكة و المدرسين الاجانب فإبنتى تواظب على الصلاة فى البيت و المدرسة كما يطلب منهم و تحفظ القرآن و أجمل مناقشة تمت بيننا مؤخرا طلبها لبس الحجاب و هي فى سن 11 سنة هل هؤلاء يربوها لتصبح فرنسية و ان كان فمرحبا بذلك أن كانت ابنتى ذات شخصية و دين فأهلا و سهلا بأي جنسية

[زينة الله]

السلام عليكم

انا ليا وجهه نظر تانيه بالنسبه للناس اللى عاوزه تودى ابنها مدارس لغااات

يا جماعه ثبت بالنظريات وبالحقائق وبالتجربه ان التعليم الاساسى لاااااااااااااااااااااااااااازم يكون بنفس لغه الام المتعلم

يعنى من الاخر لااازم ولادنا يتعلموا بالعربى مش باى لغه تانيه


وشكرا

شكرا لك ، انا معاك و ربنا يصلح الحال

[زينة الله]

زويل مجدى يعقوب و غيرهم مئات اتعلموا التعليم المصرى مين استفاد منهم فى الاخر ؟؟؟؟؟؟؟

زويل و مجدى يعقوب اتعلموا تعليم مصرى صح فى زمن صح عشان كده العالم كله استفاد منهم
الا احنا لتغير الحال عندنا الى الاسواء حاليا و لا نريد الخير لانفسنا ، و لو حضرتك تفتكر كلام زويل عن مشروعه للاستفادة منه فى مصر و الذى تعطل حتى الان

و يا ترى الان كام واحد مصرى بالتعليم الاجنبى افاد مصر أو العالم كما افاد زويل ومجدى يعقوب العالم ؟، انا بصراحة لا اعرف أحد بالمرة

[زينة الله]

بما أن موضوع التقديم للمدارس له الاولويه عند اولياء الامور هذه الايام
حبيت انقل لكم تجربة اتنين من معارفى

• واحدة دخلت بناتها مدارس عربى مصاريفها معقولة و حجزت لهن شقق اقتصادية و استلمت الشقق و ممكن تأجرها و تحوش منها فلوس جواز البنات غير الشقة فى حد ذاتها و بالنسبة للدراسة ما شاء الله بناتها من الاوائل و لهم انشطة مختلفة و عندهم ثقة بالنفس و ان شاء الله نشوفهم قريبا فى كليات محترمة
• التانية دخلتهم مدارس لغات خاصة بمصاريف غالية بتشتغل هى و زوجها فترات طويلة عشان يقدروا يسددوا المصروفات و يادوب الولاد بينجحوا و ليهم نشاط رياضى معقول و عندهم احساس بالتميز (يمكن عشان بيرطنوا) دا ما يمنعش إن فى بردوا شاطرين فى اللغات
• بس يا ترى المصاريف المبالغ فيها للمدارس اللغات والاجنبية ما كانتش تحوش تمن الشقة أو مشروع للابن لما يتخرج أفضل
• و لو اتجهنا للتوظيف بعيدا عن المشاريع الخاصة اعتقد أن الاساس هو العلم و الخبرة اللى بيتمتع بها طالب الوظيفة وشاطرته فى مجاله و امانته و يجى بعد كدة اللغة واستخدام التقنيات الحديثة زى الكمبيوتر (يعنى تروح لدكتور شاطر ولا دكتور نص نص بس بيتكلم انجليزى على ابوه وكذلك المهندس اللى بيبنى بيتك و ما الى ذلك)
• و فى ظل وجود الواسطة تفتكر حتفرق كتير
• تمنياتى بالخير للجميع يا أحلى منتدى وأحلى أعضاء

[MaZaGAngeE]

بما أن موضوع التقديم للمدارس له الاولويه عند اولياء الامور هذه الايام
حبيت انقل لكم تجربة اتنين من معارفى[list][*][color=darkgreen][b]واحدة دخلت بناتها مدارس عربى مصاريفها معقولة و حجزت لهن شقق اقتصادية و استلمت الشقق و ممكن تأجرها و تحوش منها فلوس جواز البنات غير الشقة فى حد ذاتها و بالنسبة للدراسة ما شاء الله بناتها من الاوائل و لهم انشطة مختلفة و عندهم ثقة بالنفس و ان شاء الله نشوفهم قريبا فى

عين العقل .... احترم هذه السيده و تفكيرها السليم و ربنا يقدرني و اعمل كده برضه ... ده نفس اللي بفكر فيه لاولادي

[sama_Sama]

عامة نظام التعليم المصري و المناهج تساهم لحد كبير في خفض قدرة الطلاب على الإبداع،
أنا هختار المدارس الأجنبي وليس الهدف منها الوظيفة ولكن بناء العقل بنية صحيحة وصحية
أنا شخصيا لمست الفارق بين الإثنين، وكانت النتيجة لصالح التعليم الأجنبي والمناهج الأجنبية
المدرسة لها دور في بناء الشخصية ولكنها ليست كل شيء
والفرق واضح، حط إتنين من أغلبية الجانبين جنب بعض، ومن بس طريقة كلامهم هتعرف الفرق
ده ما يمنعش ان المدارس الحكومية بتطلع نوابغ، والمدارس الأجنبية ممكن تطلع بلاوي لكن الأغلبية هي الحكم

[زينة الله]

كل سنة وأنتم طيبين بمناسبة العام الدراسى الجديد
خبر لفت نظرى منقول من المصرى اليوم
الخبر ...
أطفال المدارس يحتفلون بذكرى سقوط حائط برلين بالرسم على الحوائط الخرسانية أمام السفارة

كتب داليا عثمان ٢١/ ٩/ ٢٠١٠

تصوير- نمير جلال
طفل مصرى يرسم فى ذكرى سقوط حائط برلين

أراد القائمون على السفارة الألمانية فى القاهرة أن يحتفلوا بمرور ٢٠ عامًا على توحيد الألمانيتين بشكل يختلف عن كل عام، فخرجوا باحتفالهم خارج حديقة السفارة، ودعوا أطفال المدارس الألمانية فى مصر، ليرسموا لوحات على المصدات الخرسانية أمام المبنى، تعبر عن وحدة الألمانيتين، فرسم الأطفال علمهما جنبا إلى جنب، بالإضافة إلى عمل لمبات من النيون تمتد من مبنى السفارة بالزمالك فى اتجاه مبنى سفارة ألمانيا الشرقية القديم بالدقى، الذى يمثل الآن أحد أقسام معهد جوته بالقاهرة.
وقال السفير الألمانى بالقاهرة ميشائيل بوك: «أردنا هذا العام أن نٌظهر الجانب الآخر من الشخصية الألمانية، والتأكيد على أننا لسنا شعبا حازما فقط، بل لدينا الفرصة للمرح، وأردنا إظهار ذلك ونحن نحتفل بذكرى توحيد الألمانيتين، لكسر الجدية التى تطغى على مبنى السفارة بالزمالك».
وأضاف: «العام الماضى احتفلنا بذكرى سقوط حائط برلين وسنحتفل هذا العام بدخول اتفاقية توحيد ألمانيا حيز التنفيذ، ولا نكتفى هذا العام بالاحتفال داخل أروقة السفارة وحديقتها فقط، بل هناك العديد من الأنشطة والفعاليات.. لهذا السبب طلبنا من المدارس الألمانية الشريكة مساعدتنا فى تجميل مبنى السفارة، وقام عدد من الطلاب برسم العديد من اللوحات على الحوائط الخرسانية أمام السفارة، فضلا عن وجود مجسم على حائط السفارة من مصابيح النيون، يشكل دليلا للطريق إلى مقر سفارة ألمانيا الشرقية بالدقى، ويعد نصباً تذكارياً لهذا الحدث».

أنتهى الخبر ...
ما رأيكم يا سادة يا أفاضل
هو دا الأنتماء صحيح ؟؟*@&*!!!!!
لكن لألمانيا .........ولادنا المصرييييييييين بيحتفلوا بأعياد ألمانيا فى مصر ... و نعمى التربية الوطنية و القومية
و بكدا مصر حتتقدم بينا
يا ترى المدارس الأجنبية مشكورة تسمح لولادنا المصريين الملتحقيين بها بالأحتفال بأعيادهم القومية فى بلدههمممممممممم مصر بردوا
حالنا مش عاجبنا نحاول نصلحه زى الحلوين مش ننساق ورا الناس طيب ماحنا هنفضل وررررررررررا

[shaddadfalcon1]

بصراحه الماديات ساعتها هي اللي هتحكم
بس انا عن نفسي شايف بنات واحده زميلتي في الشغل مدخلاهم المدرسه الألمانيه بصراحه بتوهم لما اشوفهم
البنت مكملتش 5 سنين وتحس انك بتتكلم مع دكتوره ده غير مستواهم واللغه كمان حاجه بجد تفرح

بالنسبه للدين فاعتقد مهما كان دور المدرسه - ففي الاول والاخر البيت ليه دور هااااااااام جدا وتقدر تعلم ابنك الدين كويس في البيت

انا كنت مدارس حكوميه ومتعلمتش اي حاجه عند الدين ولا الأنتماء ولا الكلام ده كله في المدرسه

كله كان من البيت

[ابو البنات]

انا محتار جدا ومش عارف ادخل بنتى ايه للاسف