وحيدة في منتدى معظمه من الرجال

[OlaOsman]

ايه دا يا عُلا... معقول زحمه المهندسين بتطلع الكلام الكبير دا!!
طبيعي انك تلاقي عدد اكبر بكتير من نوع "هو" لأن المنتدى خاص بالسيارات و هي من اهتمامات الرجال اكثر من السيدات.... يعني لو كان المنتدى عن الطبخ او الموضه كنتي هتلاقي الوضع معكوس اكيد :)
عموما طبعا مرحب بيكي في الممنتدى دايما.

زحمة المهندسين يا احمد بتطلع اكتر من كده :D

شكرا جزيلا على الترحيب :)

[OlaOsman]

اكيد احنا بنرحب بيكى و بكل الاعضاء... مش عشان انتى بنت لكن عشان انتى عضو محترم فى مجتمعنا قبل كل شىء

يمكن لان العربيات من اهتمامات الجنس الخشن اكتر من الجنس الناعم فا كان طبيعى ان عدد البنات يبقى قليل... و غالبا زى ما قلتى البنات بتخش عشان تسال سؤال و بس فا مشاركتهم مش حتبقى كتير زى الرجال و بالتالى ممكن يبان ان مشاركتهم هامشية لكن هى فى الحقيقة مشاركة متلقى اكتر منها مشاركة ملقى

على فكرة القصة دى موجودة فى معظم منتديات السيارات مش نايل موتورز بس او فى مصر بس... انا افتكر فى السنين اللى فاتت كان فيه بنتين فقط فى دايوتك فورم و بنت واحدة على دايو تك ياهو جروب... و دول البنات اللى كانوا بيشاركوا فى المواضيع و يكتبوا رايهم و كدة لكن معم البنات التانية مكنش حد بيكتب الا لو عندة مشكلة

زى ما قلت دة اكيد راجع لطبيعة المنتدى اللى مرتبطة بالسيارات و بالتالى الجنس الناعم مبيبقاش مهتم اوى... حتى انتى اعجبتى بالروح اللى فى العام و الاجتماعى اكتر من المواضيع الفنية مثلا و كدة... و دا عادى و يمكن دة المنتدى الوحيد اللى لقيت فيه منتدى عام و اجتماعى و فيه هذا الكم من النشاط... يمكن عشان طبيعتنا كا مصريين او لسبب اخر بس فعلا دة المكان الوحيد اللى علاقة افرادة ببعض مش معتمدة على علاقة صاحب سؤال و مجيب للسؤال

انا شخصيا حسيت بكدة لما حصلتلى حادثة و بمكالمة تليفون لقيت الناس كلها جنبى و تليفوناتهم لم تنقطع للسؤال عنى بالرغم انى عمر ما شفت حد فيهم وجها لوجة و الحقيقة دة اكبر دليل على ان الرابط بينا مش عربيات و بس و دى حاجة كويسة

اما موضوع المعاملة بحذر و كدة فا دة ملوش علاقة بيكى لان الناس هنا محترمة بطبعها و دا العادى بتاعهم بغض النظر انتى بنت ولا لا... بالعكس انا لاحظت ان لو فيه موضوع عاملاه واحدة بنت بيبقى فيه ردود كتير و مساعدات كتير و دى طبيعة المصرى اللى بيبقى دايما شهم مع الجنس الناعم... لكن هما برضة جدعان اوى مع الرجالة

فى النهايه احب اقولك اهلا بيكى فى المنتدى و متحطيش فى دماغك اى فروق فى المعاملة و كدة لاننا كلنا اخوات فى الاول و الاخر

MMamdouh

متشكرة جدا على الترحيب.. انا فعلا كنت متخوفة في الأول من المشاركة بقلب جامد في المواضيع العامة في المنتدى اللي مش مرتبطة بالسيارات.. انما اللي لقيته منكم من تشجيع و معاملة طيبة شجعني اني استمر اكتر.

شكرا جزيلا مرة أخرى :)

[auto-masters]

**************************************
:p:p:p:p:p:p:p:p:p:p:p:p:p:p:p:p:p:p:p:p:p:p:p:p:p :p:p

تحذير للعضو المحترم من تكرار هذا الأسلوب
الادارة4

[OlaOsman]

****************
:p:p:p:p:p:p:p:p:p:p:p:p:p:p:p:p:p:p:p:p:p:p:p:p:p :p:p

طيب ليه كده هاتخليني أقفش؟ لسه باقول ناس محترمين و على مستوى راقي في التعامل

يا ريت من فضلك تبقى تحاسب على كلامك قبل ما تتكلم

[auto-masters]

طيب ليه كده هاتخليني أقفش؟

***************************

تحذير رقم 2 لنفس العضو لتكرار نفس الأسلوب والكتابة باللون الأحمر المخصص للإدارة
الإدارة4

[fahd_628]

اهلا بيكى اختى الكريمة و مرحبا بكى فى المنتدى

[Sharky]

أهلا بيكى فى المنتدى

[Abonora]

لا يا علا انتى مش وحيده
فى أنسات و سيدات كتير فى المنتدى
و على رأسهم دموع الثلج بصراحه أضفت بهجه و روح للمنتدى و أنتى كمان مواضيعك مميزه و لذيذه و جديده
لكن عن نفسى انا بصراحه مكنتش اتخيل انى اكون عضوه فى منتدى سيارات
و زيك بالظبط لما الظروف حكمت و احتجنا نبيع و نشترى دخلنا نسأل و نستفيد
بس يمكن انا بحب اكتر أقرأ الموضوعات و استفيد من خبرات الاعضاء و لا مانع ايضا من المشاركه ؛؛؛؛؛؛

بصراحه هنا مفيش فرق بين رجل و أمرأه
جميع الاعضاء و الحمد لله على قدر كبير من الثقافه و الجديه و الاحترام
و الاداره مميزه و مسيطره على الاوضاع
و ربنا يوفقهم ؛؛؛؛

[Chicco]

الأخوات الفاضلات مرحبا بكم جميعا و أكثر الله من أمثالكم و نرجو دوام المشاركة :)

[SEATLOVER]

اهلاً بيكى يا عُلا معانا وذى ما احنا ممكن نكون بنفيدك من خلال خبرتنا فى مجال العربيات احنا اكيد بنستفيد كتير من ارائك فى كتير من المواضيع اللى بتتسم بالموضوعية و الحيادية .احنا كلنا اخوات هنا و محتاجين نقف مع بعض جداً ..كفاية كل الظروف اللى حوالينا ..و يارب نفضل دايماً عند حسن ظنك بينا و عند حسن ظن اى حد بيحس انة محتاجلنا نقف جنبة و يحس انة مش لوحدوة .

[hazem_khidr]

اهلا بيكي يا آنسه علا وسط اخواتك :)

[OlaOsman]

اختى الفاضله طبعا انتى مرحب بيكى دائما وبأى اخت مهتمه بالسيارت وكون عدد السيدات قليل فى المنتدى ده لا يمنع انك عندك تجارب او خبرات سواء فى مجال السيارات او فى الحياه بصفه عامه ممكن تفيد اى حد فينا ... المشكله ان عدد السيدات المهتمات بمجال السيارات فى مصر او الوطن العربى يعتبر قليل جدااا عن عدد الرجال المهتمين بنفس المجال لان السيدات غالبا لديهم اهتمامات اخرى كمنتديات الاسره او الاكلات او الاكسسوارات وما الى ذلك :)

بإذن الله نقدر هنا كلنا نفيد و نستفيد، و جزاك الله كل خير على الترحيب :)

[OlaOsman]

أخت علا اسمحيلي ارحب بيكي
واحب اوضحلك ان عندنا عضوات كتير فعلا واكثرهم متابع فقط ويستفيد لان معظ البنات او ال هي معلوماتهم عن فنيات السيارت قليل
فده اللي بيخليهم يدوسوا في العام والاجتماعي وكان ده سبب انشانا للقسمين دول(مش عشان ال هي) لاء عشان كل اللي معلوماته قليلة في مجال العربيات بس عايز يتشارك ويكون عضو فعال وايجابي مش عضو سلبي وتطفلي بيبخل حتى بكلمة شكرا على اللي بيفيده
اعتقد عندنا حوالي 5 عضوات فعالات زيك بس كون انك بتدخلي في نقاشات ده مش غريب على شخص عضو مؤسس في (زدني ) زي ما بتقولي معلش اصلنا زملاء بس من بعيد (صحبة خير-وفاء وامل-تقوى الله -اذكر الله-كفاية-بص وطل-خرابيش-زدني-وغيرهم واكيد انتي ادرى بالباقي
اما عن نايل موتورز وعلاقة الادارة بالاعضاء لو تاخد باللك اننا ادارة ديموقراطية جدا والحمد لله واول ادارة كانت مخفية عن الاعضاء لعدم اثارة اي حساسية يسببها منصب لعضو ويكفي اني اقول اني عضو في نايل موتورز بدون مؤسس ولا مشرف ولا رئيس مجلس الادارة والعضو المنتدب والمنتخب كمان بالاكراه زي منتديات تانية بدون ذكر اسماء
واول منتدى حسس اعضاءة ان المنتدي بتاعهم ماديا ومعنويا عن طريق المساهمة في المنتدي مباشرة
ولكل الاسباب دي تلاقي عشان الغالبية هنا مثقفة وواعية وعلى قدر كبير من التحضر تلاقي الاعضاء اللي مش ولا بد ما بيلاقولهمش مكان وسطنا ونايل موتورز ككيان وجسد واحد بيلفظهم براه
اهلا بيكي
اخوكي في الله
كريم منير

ما تتصورش يا كريم ردك ده أضاف لي أد ايه.. في حد معايا اهوه في مجال التنمية البشرية :)

انا في الحقيقة مش عضو مؤسس في زدني.. مش Board يعني، بس عضو فعال و بدأت معاهم تقريبا من وقت ما بدأوا.. بس Board Member في عدد آخر من الجمعيات الخيرية و التنموية و يا رب كل الناس في البلد دي يحسوا بحلاوة طعم العمل التطوعي و الخيري.

انا أول مرة اعرف انك من المشرفين و على فكرة حلوة اوي فكرة ان المشرفين ما يكونوش معروفين للأعضاء.. بتدي حرية اكتر و بتمنع حزازيات كتير في التعامل.. اصلي كنت مشرفة في منتدى لمدة سنة تقريبا و عارفة المشرفين بيتعرضوا لإيه.. جزاكم الله خيرا على مجهوداتكوا و اهتمامكوا بالمنتدى و الأعضاء :)

[hamdy]

أخت علا اسمحيلي ارحب بيكي
واحب اوضحلك ان عندنا عضوات كتير فعلا واكثرهم متابع فقط ويستفيد لان معظ البنات او ال هي معلوماتهم عن فنيات السيارت قليل
فده اللي بيخليهم يدوسوا في العام والاجتماعي وكان ده سبب انشانا للقسمين دول(مش عشان ال هي) لاء عشان كل اللي معلوماته قليلة في مجال العربيات بس عايز يتشارك ويكون عضو فعال وايجابي مش عضو سلبي وتطفلي بيبخل حتى بكلمة شكرا على اللي بيفيده
اعتقد عندنا حوالي 5 عضوات فعالات زيك بس كون انك بتدخلي في نقاشات ده مش غريب على شخص عضو مؤسس في (زدني ) زي ما بتقولي معلش اصلنا زملاء بس من بعيد (صحبة خير-وفاء وامل-تقوى الله -اذكر الله-كفاية-بص وطل-خرابيش-زدني-وغيرهم واكيد انتي ادرى بالباقي
اما عن نايل موتورز وعلاقة الادارة بالاعضاء لو تاخد باللك اننا ادارة ديموقراطية جدا والحمد لله واول ادارة كانت مخفية عن الاعضاء لعدم اثارة اي حساسية يسببها منصب لعضو ويكفي اني اقول اني عضو في نايل موتورز بدون مؤسس ولا مشرف ولا رئيس مجلس الادارة والعضو المنتدب والمنتخب كمان بالاكراه زي منتديات تانية بدون ذكر اسماء
واول منتدى حسس اعضاءة ان المنتدي بتاعهم ماديا ومعنويا عن طريق المساهمة في المنتدي مباشرة
ولكل الاسباب دي تلاقي عشان الغالبية هنا مثقفة وواعية وعلى قدر كبير من التحضر تلاقي الاعضاء اللي مش ولا بد ما بيلاقولهمش مكان وسطنا ونايل موتورز ككيان وجسد واحد بيلفظهم براه
اهلا بيكي
اخوكي في الله
كريم منير

+1000000000000000000000000000000000000000000

[tmz9111]

اهلا بيكي اخت فاضلة في منتدانا ... وفعلا نايل موتورز منتدى محترم يجمع صفوة متميزة من الشخصيات المحترمة ...

100+++++++++++++