إعـــــــلان

Collapse

.

,
See more
See less

المرور فى فسادستان...

Collapse
X
 
  • Filter
  • الوقت
  • Show
Clear All
new posts

  • المرور فى فسادستان...

    السلام عليكم احبتى فى الله
    اليوم سأحكى لكم تجربتى الجميلة فى مرور مدينة بلبيس المشرف
    حاولت مرارا وتكرارا استخراج رخصة قيادة عندما اتممت سن ال18 وذلك من سنتين...ولكننى فشلت ,فمن لا يتقدم بالتدريب فى مدرسة المرور يتم تضييق القراطيس الحمراء له والخنق عليه وبالتالى الفشل
    ولكنى اليوم قررت ان اشترى فيتامين واو وهو المنتشر فى هذه الايام فبدون واسطة ابقى فوت علينا بكرة
    واسطتى ليست بالكبرى لكنها تساعد فى تسيير الاجراءات بشكل افضل
    بعد الدوار الروتينى فى انهاء ورق الرخصة(اللى حفظته خلاص) وامضاء الظابط على طلبى المقدم فى الساعة التاسعة (لحظة وصوله) ودفع مصاريف المدرسة التى لم اشترك بها....لم يعد امامى الا تأشيرة الظابط(امضاء رئيس المرور)
    على الاقرار اننى لا اريد ان اتدرب (بعد ماخدوا فلوس المدرسة) وبعدها اترك هذا الوكر لأعود الى بيتى ولكنى فوجئت بإزدحام رهيب امام شباك الظابط ...الظابط غير موجود حاليا من فضلك حاول التثقيل عليه فى وقت لاحق
    حاولت ان (اسلك )طريقى من تحت لتحت لكى احصل على الامضاء الذهبية ولكنى فوجئت
    بالكارثةالتى لم استوعبها فى اللحظات الاولى من سماعها من واسطتى الذى اخذ الورقة منى ليأتينى بالامضاء الذهبية
    الباشا نايم....
    انا متعجباً:نايم؟؟؟!!!!
    الواسطة:ايوة ,بيريح شوية ...استنى عشر دقايق كدة يكون صحى
    ساعاتان من الانتظار حتى يستيقظ بسلامته...الحمد لله الباشا صحى وتكرم بالأمضاء على اول من فى الجيش المنتظر سيادته ....وبسبب الازدحام والفوضى بدأت الناس تتشاجر مع بعضها البعض وبالتالى عكننوا على الباشا الذى اغلق الشباك فى وجه المواطنين عقابا لهم...ووسط توسلات الغلابة(والنبى معلش يابيه,آخر مرة يابيه,والنبى امضى يابيه) التى استفزتنى شخصيا وجعلتنى اصرخ فى وجه من يتوسل :انتوا هاتتحايلوا عليه!!!...ووجدت تصرف سلبى من الناس المنتظرة: اسكت ياعم بقى خليه ييجى يمضيلنا عشان نشوف مصالحنا
    وعندما جاء الدور علىَََّ فى الامضاء واصبحت وجها لوجه امام الظابط اردت ان اقول له:الفوضى دى انت اللى عاملها ,متجيش تلوم الناس عليها
    ولكنى تذكرت ان اختبارى غدا وان كان لك حاجة عند الكلب قوله ياسيدى....ولكنى لست من هذا النوع ولم ولن اقل لأحد ياسيدى ولكنى اكتفيت بالصمت
    وغدا بإذن الله فى لحظة استلامى للرخصة (ان شاء الله ربنا يوفقنى فى الاختبار),سأقول له ما كتمته اليوم وبعد العودة سأتقدم بشكوى لوزير الداخليه على الاميل الخاص به وايضا فى موقع وزارة الداخلية لعل وعسى اجد من يمتلك ضمير ليعاقب هذا الفاسد المُرتشى على افعاله

    اسف للإطالة ولكننى مقهور مما شاهدته اليوم من اهمال وتعطيل مصالح الناس و ايضا من سلبية الناس الغير طبيعية....وارجوا ممن لديهم اى معلومات عن اى جهة استطيع البلاغ فيها ألا يبخل بإخبارى بها
    اترككم فى رعاية الله
    [CENTER]نص مخى شريحة الكترونية ونصه التانى ماتور عربية
    [/CENTER]
    محمود حمودة...صيدلى عاشق للهندسة

  • #2
    انت لسة شوفت حاجة ؟؟!!

    Comment


    • #3
      عادى الموضوع دة والتناكة دى مش من الظباط بس
      من اى موظف ممكن تتعامل معاة فى حياتك
      [SIGPIC][/SIGPIC][SIZE=3][COLOR=#68d122]من اهم انجازات مبارك :
      توحيد المصرين على كلمة حسبى الله و نعم الوكيل
      [/COLOR][/SIZE]


      محمد العصار

      Comment


      • #4
        ياسيدى عادى جدا انا رحت مع واحد زميلى فى الشغل مرور عبود ودة بجد زبالة الموظف صحبى بيديلة الورق بيقلة فين الشاى بيديلة 5 جنية بيقلة انت كدة زعلتنى وانا كنت سعتها همسك فية الباشا الموظف لابس قميص حرير طبيعى ايوة شوف كم الطلبات على الراجل دة لا يقل عن 500 شخص يتم الترخيص لهم هن طريق هذا الشخص شوف انت لو خد من كل واحد 10 ج 5000 فى اليوم اى 150000 الف فى الشهر من فساد الى فساد اخر المتمة عشان صحبى ادالة 5 ج رمانا اخر ناس رحت بكل بساطة دخلت لمدير المرور وطلبت منة استدعاء النجدة لتبلغهم عملية ابتزاز المواطننى وفى شهود على واقعة الرشوة والابتزاز ويا انا يا الموظف الظابط وقفلةى وقلى مالك بس قلتلة انا المحامى تامر وطبعا انا لسة فى كلية حقوق وخلص الورق فى نص ساعة انا كنت مصمم على المحدر لكن صحبى قلى الطيب احسن وانا عايز اخلص طيب
        السلبية هى السببببببببب فى مثل هذة المواقف ولمثل هذة النوعية من الموظفين
        [CENTER][I][U][SIZE=3][COLOR=black][SIGPIC][/SIGPIC][/COLOR][/SIZE][/U][/I][/CENTER]

        [CENTER][I][U][COLOR=black][SIZE=7][COLOR=magenta]i love my[/COLOR] [COLOR=magenta]car[/COLOR][/SIZE][/COLOR][/U][/I][/CENTER]

        Comment


        • #5
          المشاركة الأصلية كتبت بواسطة tamertamer مشاهدة المشاركة
          ياسيدى عادى جدا انا رحت مع واحد زميلى فى الشغل مرور عبود ودة بجد زبالة الموظف صحبى بيديلة الورق بيقلة فين الشاى بيديلة 5 جنية بيقلة انت كدة زعلتنى وانا كنت سعتها همسك فية الباشا الموظف لابس قميص حرير طبيعى ايوة شوف كم الطلبات على الراجل دة لا يقل عن 500 شخص يتم الترخيص لهم هن طريق هذا الشخص شوف انت لو خد من كل واحد 10 ج 5000 فى اليوم اى 150000 الف فى الشهر من فساد الى فساد اخر المتمة عشان صحبى ادالة 5 ج رمانا اخر ناس رحت بكل بساطة دخلت لمدير المرور وطلبت منة استدعاء النجدة لتبلغهم عملية ابتزاز المواطننى وفى شهود على واقعة الرشوة والابتزاز ويا انا يا الموظف الظابط وقفلةى وقلى مالك بس قلتلة انا المحامى تامر وطبعا انا لسة فى كلية حقوق وخلص الورق فى نص ساعة انا كنت مصمم على المحدر لكن صحبى قلى الطيب احسن وانا عايز اخلص طيب
          السلبية هى السببببببببب فى مثل هذة المواقف ولمثل هذة النوعية من الموظفين



          [overline]على فكرة محضر بال ض مش ( محدر ) حضرتك محامى صح [/overline]
          [CENTER][SIZE=7][COLOR=Blue][B]والله بحبك يامصر
          [/B][/COLOR][/SIZE][SIZE=6][B] [SIZE=7]عارفه سواد العسل اهو ده اللى حالك ليه وصل قوليلى ازاى مكمله[/SIZE][/B][/SIZE]
          [/CENTER]

          Comment


          • #6
            المشاركة الأصلية كتبت بواسطة m.osman مشاهدة المشاركة
            انت لسة شوفت حاجة ؟؟!!
            بتبشرنى ليه بس بالحاجات الحلوة دى

            المشاركة الأصلية كتبت بواسطة elassar2010 مشاهدة المشاركة
            عادى الموضوع دة والتناكة دى مش من الظباط بس
            من اى موظف ممكن تتعامل معاة فى حياتك

            ياريت على التناكة,كنا قلنا ماشى ..اما يريح ساعتين ويوقف مصالح الناس تبقى اسمها قلة ادب مش تناكة


            المشاركة الأصلية كتبت بواسطة tamertamer مشاهدة المشاركة
            ياسيدى عادى جدا انا رحت مع واحد زميلى فى الشغل مرور عبود ودة بجد زبالة الموظف صحبى بيديلة الورق بيقلة فين الشاى بيديلة 5 جنية بيقلة انت كدة زعلتنى وانا كنت سعتها همسك فية الباشا الموظف لابس قميص حرير طبيعى ايوة شوف كم الطلبات على الراجل دة لا يقل عن 500 شخص يتم الترخيص لهم هن طريق هذا الشخص شوف انت لو خد من كل واحد 10 ج 5000 فى اليوم اى 150000 الف فى الشهر من فساد الى فساد اخر المتمة عشان صحبى ادالة 5 ج رمانا اخر ناس رحت بكل بساطة دخلت لمدير المرور وطلبت منة استدعاء النجدة لتبلغهم عملية ابتزاز المواطننى وفى شهود على واقعة الرشوة والابتزاز ويا انا يا الموظف الظابط وقفلةى وقلى مالك بس قلتلة انا المحامى تامر وطبعا انا لسة فى كلية حقوق وخلص الورق فى نص ساعة انا كنت مصمم على المحدر لكن صحبى قلى الطيب احسن وانا عايز اخلص طيب
            السلبية هى السببببببببب فى مثل هذة المواقف ولمثل هذة النوعية من الموظفين
            شكلك ماتعرفش رئيس مرور بلبيس...انا مش عايز اقول اسمه لأنى متأكد ان الادارة هاتمسحه
            بس احب اقولك انه من ازبل الشخصيات اللى ممكن تشوفها فى حياتك..راجل جعااااان فلوس وبجح بطريقة رهيبة ....من الاخر بيقولك فى وشك بكل بجاحة :عايز تنجح ادفع


            المشاركة الأصلية كتبت بواسطة m_car مشاهدة المشاركة
            [overline]على فكرة محضر بال ض مش ( محدر ) حضرتك محامى صح [/overline]
            يا m_car اعذر الراجل ,لو انت بتكتب سريع على الكمبيوتر هتلاحظ ان انت بتكتب اللى ينطقه لسانك من غير مايترجمه عقلك للغة الصح....يعنى مثلا لو انت هتكتب(جتك نيلة) بسرعة ,هتلاقيها اتكتبت (كتك نيلة) لأننا تقريبا بننطقها كدة
            [CENTER]نص مخى شريحة الكترونية ونصه التانى ماتور عربية
            [/CENTER]
            محمود حمودة...صيدلى عاشق للهندسة

            Comment


            • #7
              المشاركة الأصلية كتبت بواسطة MoDy_ElMoSHaX مشاهدة المشاركة

              السلام عليكم احبتى فى الله

              ...

              وغدا بإذن الله فى لحظة استلامى للرخصة (ان شاء الله ربنا يوفقنى فى الاختبار),سأقول له ما كتمته اليوم

              ...

              اترككم فى رعاية الله
              حايرد عليك بمنتهى الهدوء و الحنان الأبوى و يقولك و قد اغرورقت عيناه بدموع الشجن , إنت إيه يا إبنى بس اللى مزعلك من الإدارة العامة للمرور التابع لها , ورينى رخصتك كده إنت زى إبنى , ثانية واحدة بس .............

              أكمل النقاط بما ستراه غدا

              Comment


              • #8
                المشاركة الأصلية كتبت بواسطة mnmmnmmnmmnm مشاهدة المشاركة
                حايرد عليك بمنتهى الهدوء و الحنان الأبوى و يقولك و قد اغرورقت عيناه بدموع الشجن , إنت إيه يا إبنى بس اللى مزعلك من الإدارة العامة للمرور التابع لها , ورينى رخصتك كده إنت زى إبنى , ثانية واحدة بس :b4_564: .............

                أكمل النقاط بما ستراه غدا :c_laugh[1]:
                ههههههه غدا ده اللى هو اليوم...ورحت وماخبطش فى ولا قرطاس بس لاقيته بيقولى تدريب اسبوعين مابتعرفش تسوق...وبصراحة اخر كلمتين استفزونى ,رحت قايله قصاد الناس كلها: مابعرفش اسوق ايه أمال اللى سايبها برة دى ايه توكتوك!! (كنت رايح بعربيتى)....راح قايلى: نعم؟؟!!!..رحت منفضله وسايبه وماشى ...اجمل حاجة انى نفضتله قصاد الناس كلها
                اول مرة اعرف ان استخدام الفرامل ممنوع فى الاختبار...كانوا عايزين اسيب العربية تجرى لوحدها(نوبيرا اوتوماتيك و اول مرة اسوق اوتو)
                [CENTER]نص مخى شريحة الكترونية ونصه التانى ماتور عربية
                [/CENTER]
                محمود حمودة...صيدلى عاشق للهندسة

                Comment


                • #9
                  ولا يهمك استحمل واصبر

                  انا عانييييييييييييييييييييت اشد المعاناه في المرور والموظفين اللي فيه والضابط وفني البصمة كل دووووول كل واحد ليه موقف معايا
                  استغفر الله الذي لا إله إلا هو الحــي القيوم وأتوب إليه

                  Comment


                  • #10
                    المهم انك تبقى ايجابي ماتسيبش حقك ابدا ماترضاش بالظلم والفساد الأمل في الشباب للتغيير مش هانكون زي الجيل السابق

                    (( ومن يتق الله يجعل له مخرجا ويرزقه من حيث لا يحتسب ))

                    Comment


                    • #11
                      انا ليه تجربه فى مرور المنصوره
                      مع النقيب نبيل عبدالعظيم اكيد اى حد فى المنصوره يعرفه
                      يعتبر هو رئيس المرور
                      لو شكلك مش عاجبه ممكن يطردك
                      المهم انا فى سن ال18
                      قدمت اختبار لانى كنت بعرف اسوق من سنتين
                      كان اسمى اول اسم
                      دخلت الكمبيوتر فلازم تخش يشوفك الاول
                      و انا داخله التليفون رن قام قايلى انا مش قايل التليفونات تتقفل
                      فبصيت فى التليفون لقيت البيت فخفت يكون فى حاجه
                      قولتله انا اسف بس ممكن ارد قالى عايز ترد روح بيتكوا
                      وقالى اقعد على الجهاز الى قدامى ده
                      وكنت مذاكر الاسئله ولا سؤال من ال فى الكارت جه
                      المشكله انا اختار بالكى بورد و الراجل الى جمبى يختار الى على مزاجه بالماوس
                      و الحمد لله رسبت
                      [CENTER][FONT=Comic Sans MS][SIZE=6][COLOR=blue]BE FAST OR BE LAST[/COLOR][/SIZE][/FONT][/CENTER]
                      [CENTER][FONT=Comic Sans MS][SIZE=6][COLOR=#0000ff]-------------[/COLOR][/SIZE][/FONT][/CENTER]

                      Comment


                      • #12
                        المشاركة الأصلية كتبت بواسطة mody_elmoshax مشاهدة المشاركة
                        السلام عليكم احبتى فى الله
                        اليوم سأحكى لكم تجربتى الجميلة فى مرور مدينة بلبيس المشرف
                        حاولت مرارا وتكرارا استخراج رخصة قيادة عندما اتممت سن ال18 وذلك من سنتين...ولكننى فشلت ,فمن لا يتقدم بالتدريب فى مدرسة المرور يتم تضييق القراطيس الحمراء له والخنق عليه وبالتالى الفشل
                        ولكنى اليوم قررت ان اشترى فيتامين واو وهو المنتشر فى هذه الايام فبدون واسطة ابقى فوت علينا بكرة
                        واسطتى ليست بالكبرى لكنها تساعد فى تسيير الاجراءات بشكل افضل
                        بعد الدوار الروتينى فى انهاء ورق الرخصة(اللى حفظته خلاص) وامضاء الظابط على طلبى المقدم فى الساعة التاسعة (لحظة وصوله) ودفع مصاريف المدرسة التى لم اشترك بها....لم يعد امامى الا تأشيرة الظابط(امضاء رئيس المرور)
                        على الاقرار اننى لا اريد ان اتدرب (بعد ماخدوا فلوس المدرسة) وبعدها اترك هذا الوكر لأعود الى بيتى ولكنى فوجئت بإزدحام رهيب امام شباك الظابط ...الظابط غير موجود حاليا من فضلك حاول التثقيل عليه فى وقت لاحق
                        حاولت ان (اسلك )طريقى من تحت لتحت لكى احصل على الامضاء الذهبية ولكنى فوجئت
                        بالكارثةالتى لم استوعبها فى اللحظات الاولى من سماعها من واسطتى الذى اخذ الورقة منى ليأتينى بالامضاء الذهبية
                        الباشا نايم....
                        انا متعجباً:نايم؟؟؟!!!!
                        الواسطة:ايوة ,بيريح شوية ...استنى عشر دقايق كدة يكون صحى
                        ساعاتان من الانتظار حتى يستيقظ بسلامته...الحمد لله الباشا صحى وتكرم بالأمضاء على اول من فى الجيش المنتظر سيادته ....وبسبب الازدحام والفوضى بدأت الناس تتشاجر مع بعضها البعض وبالتالى عكننوا على الباشا الذى اغلق الشباك فى وجه المواطنين عقابا لهم...ووسط توسلات الغلابة(والنبى معلش يابيه,آخر مرة يابيه,والنبى امضى يابيه) التى استفزتنى شخصيا وجعلتنى اصرخ فى وجه من يتوسل :انتوا هاتتحايلوا عليه!!!...ووجدت تصرف سلبى من الناس المنتظرة: اسكت ياعم بقى خليه ييجى يمضيلنا عشان نشوف مصالحنا
                        وعندما جاء الدور علىَََّ فى الامضاء واصبحت وجها لوجه امام الظابط اردت ان اقول له:الفوضى دى انت اللى عاملها ,متجيش تلوم الناس عليها
                        ولكنى تذكرت ان اختبارى غدا وان كان لك حاجة عند الكلب قوله ياسيدى....ولكنى لست من هذا النوع ولم ولن اقل لأحد ياسيدى ولكنى اكتفيت بالصمت
                        وغدا بإذن الله فى لحظة استلامى للرخصة (ان شاء الله ربنا يوفقنى فى الاختبار),سأقول له ما كتمته اليوم وبعد العودة سأتقدم بشكوى لوزير الداخليه على الاميل الخاص به وايضا فى موقع وزارة الداخلية لعل وعسى اجد من يمتلك ضمير ليعاقب هذا الفاسد المُرتشى على افعاله

                        اسف للإطالة ولكننى مقهور مما شاهدته اليوم من اهمال وتعطيل مصالح الناس و ايضا من سلبية الناس الغير طبيعية....وارجوا ممن لديهم اى معلومات عن اى جهة استطيع البلاغ فيها ألا يبخل بإخبارى بها
                        اترككم فى رعاية الله
                        نفس الموقف حصلى فى 2004 لما كنت بطلع الرخصة بس انا اتشاجرت بالكلام مع الظابط
                        وبعد معديت الاختبار بكل نجاح رحت لقيته مسقطنى ولما كلمته
                        قالى طب ايه رايك انك مش هطلع الرخصة نهائيا من هنا
                        قلت له ماشي هنشوف
                        مكانش يعرف ان طلبي ماضى هليه رئيس المرور عشان جيب له وسطه معرفة اكبر منه وهو رئيس ظباط المدينة
                        وكنت لما اروح للامين يقولى عاوزين صورة وصورة البطاقة واحنا اساسا فى مكان صحرة مفيش حد بيصور اوراق
                        وكان بيتكلم بكل تناكة
                        رحت قيلة دى امضاة احمد بيه اخد الطلب فى ثانية
                        حسبنا الله ونعم الوكيل
                        والناس كانت فى قمة الازلال وسكتين
                        قمة فى السلبية هما اللى بيطمعوا الناس ديه تعمل كدا
                        [CENTER][SIZE=6][SIGPIC][/SIGPIC]
                        [/SIZE][B][SIZE=5]أضفيت على الحسن العبقا … فالورد تضوّع و اعتنقا
                        حـسّـن يا رب لنا الـخـلقا … طـهّـره فـلا يـحوي نزقا[/SIZE][/B]
                        [/CENTER]

                        Comment


                        • #13
                          انتوا سخنتونى وشكلى كده هاروح اصفى المرور واحد واحد...اخدهم واحد واحد فى حتة ضلمة وانزل عليهم برشاش آلى هههههه
                          بجد والله كلامكم شجعنى وخلانى هابقى ايجابى اوى اوى اوى
                          وعشان كدة قررت اضحى بالرخصة اللى المفروض انى اطلعها بكرة بالطرق الغير مشروعة بعد فشل الطرق المشروعة
                          نويت والنية لله انى ابلغ عنهم النيابة وانا بديلهم الرشوة...بس اللى قلقان منه ان مبنى النيابة لازق فى المرور وبكدة ممكن يكون وكيل النيابة على علاقة برئيس المرور وممكن يلابسوهالى انا
                          ففكرت وقلت مافيش غير انى اوصل لحد من اتباع النائب العام و فضلت ادور النهاردة كله على اى موقع ينفع اقدم فيه بلاغ مش لاقى...وعشان أامن نفسى قلت ابقى اروح لمحامى وانتوا عارفين المحاميين هايهيصوا فى حاجة زى دى...غير كدة قلت ابلغ اى مراسل من مراسلين الصحف الخاصة عشان احبكها صح ومحدش يعرف يلعب فى القضية
                          ده مش فيلم هندى ...ده بجد والله وقلت سيبك من الرخصة ابقى اطلعها من اى حتة تانية غير الوكر ده

                          قولولى رأيكوا فى الحكاية دى وازاى ابلغ حد ثقة فى الدولة بتاعت الحكومة دى
                          [CENTER]نص مخى شريحة الكترونية ونصه التانى ماتور عربية
                          [/CENTER]
                          محمود حمودة...صيدلى عاشق للهندسة

                          Comment

                          Working...
                          X