اسبوع من الجحيم..الدنيا حر موت

[الغزالى]

طيب اية الحل يا جماعة انا عندى امتحان بالظبط فى الوقت الى ممنوع الناس تمشى فى الشارع اعمل اية
-----------
جورج وباقى الرجالة الى حصلهم كوارث ربنا يكون فى عونكم

[kar!m]

يا نهار إسود !!!

أنا رايح شرم الخميس ! .. هتشويييييييييييييييييييييييييييييييي

شرم الشيخ مشتى مش مصيف

[thedeveloper87]

أنا رحت أبص على العربية النهاردة وأنا معدي من تحت البيت علشان اشوف امبير الحرارة. لقيته على ال 50 !!!!!!!!!!!!!

[Eng.Geo]

لسه شايفاه وربنا يكون فعونك

الله يكرمك
متنزليش بكرة بقي أحسنلك

[icehearted girl]

انا المفروض بيته لمستشفي زوغت دلوقتي وروحت عشان ممشيش فلشمس بكرة

ربنا يسامحني بقي

[أبو إياد]

ميعاد خروجى الساعه 4 فضلت لازق فى الشغل لغايه 6.30 واول لما نزلت حسيت انى دخلت جوه ساونا بدون مبالغه وطبعا العربيه كانت جحيم

[nabaster]

انا المفروض بيته لمستشفي زوغت دلوقتي وروحت عشان ممشيش فلشمس بكرة

ربنا يسامحني بقي

طيب ما كنتي كملتي لغاية 6 ولا 7 مثلا

هتكون لسا الشمس بارده والجو لسا كويس

وربنا يسامحك في ساعتين غير لما تزوغي في 6 ساعات :)

A.Yakout

[SunSet]

من خرج من داره , اتقل مقداره

[الغزالى]

ميعاد خروجى الساعه 4 فضلت لازق فى الشغل لغايه 6.30 واول لما نزلت حسيت انى دخلت جوه ساونا بدون مبالغه وطبعا العربيه كانت جحيم

طيب بكرة بئى اركن العربية فى اى جراج او حتة ضل

[icehearted girl]

طيب ما كنتي كملتي لغاية 6 ولا 7 مثلا

هتكون لسا الشمس بارده والجو لسا كويس

وربنا يسامحك في ساعتين غير لما تزوغي في 6 ساعات :)

a.yakout

مقدرتش بصراحة كنت سايحة من لوقتي ..بس سبت واحدة صحبتي مكاني لحد الصبح

[أبو إياد]

طيب بكرة بئى اركن العربية فى اى جراج او حتة ضل

عاوز اقولك ان شغلى فى شارع الجلاء والبارك بتاعنا تحت كوبرى اكتوبر ضل وتمام التمام بس بجد العربيه كانت فرن من الجو
انا امبارح السبت كنت فى الشرقيه وسافرت الساعه 12 الظهر على ما صحيت وقولت التكييف باظ لانه كان ضعيف لكن وانا راجع على الساعه 7 بالليل كده لقيته شغال كويس جدا وتلاجه الاجمل بقا وانا فى الشرقيه كنت فى زياره لقبر والدى وهناك لقيت مكان ظل من الشجر قعدت هناك تحت الشجر ده وسبحان الله بجد رغم ان الجو حر الا انى لما قعدت لقيت هواء طبيعى يخليك تنام وفعلا كنت هانام لولا انى كان لسه عندى زيارات للعيله

وبعدين كنت ماشى هناك فى البلد فى التوقيت ده تحس انك ماشى لوحدك الناس مستخبيه من الحر فى البيوت رغم ان القاهره حر اكتر بسبب التكييفات والعربيات والزحام بس هناك بمجرد ماتقف فى مكان ظل سبحان الله بجد كانك كنت فى الصيف ودخل عليك الشتا

[الغزالى]

عاوز اقولك ان شغلى فى شارع الجلاء والبارك بتاعنا تحت كوبرى اكتوبر ضل وتمام التمام بس بجد العربيه كانت فرن من الجو
انا امبارح السبت كنت فى الشرقيه وسافرت الساعه 12 الظهر على ما صحيت وقولت التكييف باظ لانه كان ضعيف لكن وانا راجع على الساعه 7 بالليل كده لقيته شغال كويس جدا وتلاجه الاجمل بقا وانا فى الشرقيه كنت فى زياره لقبر والدى وهناك لقيت مكان ظل من الشجر قعدت هناك تحت الشجر ده وسبحان الله بجد رغم ان الجو حر الا انى لما قعدت لقيت هواء طبيعى يخليك تنام وفعلا كنت هانام لولا انى كان لسه عندى زيارات للعيله

وبعدين كنت ماشى هناك فى البلد فى التوقيت ده تحس انك ماشى لوحدك الناس مستخبيه من الحر فى البيوت رغم ان القاهره حر اكتر بسبب التكييفات والعربيات والزحام بس هناك بمجرد ماتقف فى مكان ظل سبحان الله بجد كانك كنت فى الصيف ودخل عليك الشتا

سبحان الله
-------------
انقل مكتبك تحت اى شجرة وخلى الناس تجيلك على هناك
بس مستنساش البتاعة الى ناس بتوع زمان دول بيستخدموهاا الى تقربيا بتهش الدبان دى
------------
ربنا يكون فى عوناا كلنا بكرة الى عندة شغل والى عندة امتحان
والى نازل يصيع يستاهل الى يجرالة

[A_H_M_A_D]

أنا كنت راكن العربية في الشمس

وأنا مروح شغلت التكييف على أخره و برضه كنت حران و بعرق و فضلت كده لمده نص ساعه على ما بدأ التكييف يعمل تأثير

[n_i_t_e]

فى الحر يجب تجنب الوقفه فى الشمس وشرب كثير من الماء وعند ترك السياره فى الشمس اترك حوالى 2 سم مفتوح من الزجاج الجانبى الامامى

عايز نصيحتى بلاش موضوع ال2 سم فى الازاز ده...هيبقوا كفاية أوي لواحد حرامي ناوي يسرق حاجة من العربية لو الشارع هادي

[ZALABANY]

الحر فعلا رهيب يعني درجة حرارة القاهرة زي الدوحة والغريبه بأه ان الرطوبه في القاهرة 45 % والدوحة 20%
ربنا يرحمنا خلاص بقينا زي الخليج