مشكلة الإقتباس ........... وتوقف الأعضاء من المشاركة في المنتدى

[osoliman88]

انا ملاحظ من فترة توقف بعض الاعضاء عن المشاركة في المنتدي بعض اشتباكه مع عضو آخر
بسبب الاقتباس وعدم قبول صاحب الرأي ( المقتبس منه) لطريقة تعليق الشخص الذي قام بالإقتباس .....
علشان كده ومنعا للمشاكل في هذه الجزئية ، وووقف نزيف هروب الاعضاء، انا عندي إقتراح ، أنا شخصيا بأحاول أعمله من فترة.

الاقتراح:

هو أن يقتصر الإقتباس فقط في حالة التأييد والموافقة على الرأى،
أما في حالة الاعتراض أو الاختلاف في الرأي يفضل أن يكون من خلال رد عادي بدون إقتباس
كمان يفضل أن يتم توجيه الكلام بشكل عام دون الاشارة بشكل صريح لصاحب الرأي

ده مجرد رأي ... قد يكون صائب وقد لا يكون .... والله اعلم

[Dojuar]

انا ملاحظ من فترة توقف بعض الاعضاء عن المشاركة في المنتدي بعض اشتباكه مع عضو آخر
بسبب الاقتباس وعدم قبول صاحب الرأي ( المقتبس منه) لطريقة تعليق الشخص الذي قام بالإقتباس .....
علشان كده ومنعا للمشاكل في هذه الجزئية ، وووقف نزيف هروب الاعضاء، انا عندي إقتراح ، أنا شخصيا بأحاول أعمله من فترة.

الاقتراح:

هو أن يقتصر الإقتباس فقط في حالة التأييد والموافقة على الرأى،
أما في حالة الاعتراض أو الاختلاف في الرأي يفضل أن يكون من خلال رد عادي بدون إقتباس
كمان يفضل أن يتم توجيه الكلام بشكل عام دون الاشارة بشكل صريح لصاحب الرأي

ده مجرد رأي ... قد يكون صائب وقد لا يكون .... والله اعلم

اقتراح ممتاز

هاحاول اطبقه ان شاء الله

[بحري]

مهما كانت درجة الاختلاف فلو كان الأسلوب مهذب وهادئ وموضوعي فلن تكون هناك مشاكل..ولو حدثت فالسبب بيكون واضح من انفعالية البعض وحدته وعدم قدرته على الاستمرار في حوارات هادئة
الأسلوب الآخر الخاص بالرد دون اقتباس قد يصلح أحيانا وأرى أنه لا يصلح في أكثر الأحيان..لأن من آداب النقاش- طالما كان نقاشا- أن يتم تحديد من يتوجه له الكلام منعا للخلط وحتى يتحمل الإنسان مسؤولية كلماته بدلا من أسلوب..(هو حد كلمك إنت..أنا باتكلم كلام عام..أخدته على نفسك ليه..)

[osoliman88]

الاسلوب المهذب وغير المهذب ، والموضوعي وغير الموضوعي ، والمقبول وغير المقبول أمر نسبي ويصعب وضع اطار أو اتفاق عام حوله ، والا ما رأينا الخلاف أو الاشتباك الذي يصل في بعض الاحيان الى التراشق بالالفاظ والسباب ..... والله أعلم

[بحري]

قد نختلف أو نتفق حول درجة الموضوعية
لكن لا يمكن أن نختلف حول درجة التهذيب والهدوء...الكلام المهذب مهذب..والهادئ هادئ...أما التطاول والسباب والانفعال فيظهر بسهولة
ولو اعتبرنا كل الأمور نسبية بما فيها الخير والشر فلن تستقيم للناس حياة

[osoliman88]

لو كان الكلام المهذب وغير المهذب أمر غير نسبي ، فبما نفسر ان عضو يتهم الآخر بان يكون أسلوبه أو رده مهذب ثم يرد العضو الآخر بان اسلوبه - يراه - مهذب (وأحيانا يضيف عبارة غصب عنك، كتصعيد للخلاف)، والأمثلة على ذلك كثيرة ، ولا أحب ان أذكر أسماء حتى لا يغضب أحد .

[Dojuar]

طالما النقاش يهدوء و احترام فيفضل استخدام الاقتباس

انما لو تطور النقاش و اصبح لا مفر من الرد, و في نفس الوقت اضطررت للرد على مشاركة لشخص غير مهذب مثلا فلا مفر من عدم الاقتباس

[بحري]

النسبية المطلقة في الأخلاق والصواب والخطأ أمر في غاية الخطورة وهو ما تدعو إليه كل الاتجاهات المشبوهة التي تريد أن تصل بالناس إلى الإباحية التامة
أما مراعاة فروق السن والمكانة والجنس ومدى المعرفة والقرب فهذه أمور لابد من الانتباه لها وقد يحدث بسببها سوء فهم أو حدة لكن عند تبيينها للمختلفين يمكنهم بسهولة استيعابها لو سلمت النفوس من الكبر...ويبقى أن وقوع الاختلاف بين البشر أمر لا مفر منه ولكن علينا معالجته بحسن الخلق والصبر

[ahmed4000]

فعلا من أكتر الحاجات المستفزة ان واحد ياخد كلامك ويتريق عليه

المنتدى يعنى مناقشة بادب واختلاق بادب ولو انا دخلت قلت راى معجبكش ممكن تعلق باختلافك عليه بهدوء وساعتها مش حزعل ....لكن تلاقى الردود بتريقة وتعليقات ملهاش اى لازمة فلازم الدنيا تولع


غير بقى الاستقصاد بتاع الاطفال اللى بقى موجود يعنى انا اتخانقت معاك فى موضوع فافضل مستنى اشوف اسمك فى اى موضوع تانى علشان ادخل انقد كلامك وخلاص

من ناحية تانية وان كان ده بره الموضوع ان واحد يعمل موضوع ومش عايز حد يعارضه فى الفكر كأنه مدام عمل الموضوع يبقى بقى ملاكى

[Mohamed.Raafat]

قكرة هايلة

بس صعب تتنفذ لأن العيب مش بيكون في اللى بيعمل الاقتباس بنسبة 100%

العيب بيكون في العضو المقتبس منه بنسبة 70%
لأنه لا يتقبل النقد
أو لأننا اتعودنا ان رأينا هو الأفضل بغض النظر عن الآخرين و لو كان كده فعلا كان أية ( و شاورهم في الامر ) منزلتش على سيدنا محمد -عليه الصلاة و السلام-


و مهما حصل احنا لسه اخوااااااااااااات و ما مهما حصل لازم نتعامل مع بعض على نفس الاساس
ده لو حبينا ان نايل موتورز يكون نواة للأخلاق الحميدة في المجتمع بتاعنا

و تقبلوا مروري

[amir]

طيب و نعمل ايه في اعضاء كلامهم غلط في غلط
و تقول كلمه حق تلاقيه بيحور كلمتك الي حاجه تانيه
و اللي ينرفز ان معظم الناس دي بتطلب منك الاحترام و هي ابعد ما تكون عنه!!!!
و اللي يضحك ان معظم كلامهم كذب و نفاق
يتهكم علي اسلوب و ينفذه حرفيا
و ترجع لمشاركاته تلاقيه بيتبع ما يستنكر
مضطرين نتعامل معاهم و خلاص

[ahmed4000]

غير بقى الاستقصاد بتاع الاطفال اللى بقى موجود يعنى انا اتخانقت معاك فى موضوع فافضل مستنى اشوف اسمك فى اى موضوع تانى علشان ادخل انقد كلامك وخلاص

مش بقولكم الموضوع بقى زايد اوى وحاسس الناس بقت فاضية بجد ومورهمش حاجة او بعضهم عندهم طفولية بشكل زائد علشان يقعدوا يضيعوا وقتهم فى التفاهات...ربنا يهدينا جميعا