الامتحانات في الحر !!

[moudy88]

الى كل الطلبه اللي زي حالاتي كده ..عاملين ايه في الامتحانات في الحر الرهيب ده ..وبتعرفو تحلو ازاي في الحر الشديد ده !!

النهارده كنت بمتحن ماده من اصعب وارخم المواد اللي درسناها في حياتنا وهي control ومكان الامتحان عندنا في حوش مبنى اسمه hanger وده عباره عن جراج صيانه طيارات قديم وبيحطو فيه
حوالي 500 طالب يمتحنو جمب بعض
والحمد لله على كل شئ ..النهارده كان يوم سئ جدا جدا

الامتحان كان صعب جدا ..ومكنش فيه تركيز بسبب اني كنت مطبق ومش نايم

ودرجه الحراره الشديده والعرق اللي كان بينزل من كل حته لدرجة ان ورقة الامتحان اتبلت واتبهدلت من العرق ..ولدرجه اني والله حسيت اني هفطس وهموت من الكتمه والحر (3ساعات) من 9-12 ووالله فكرت اني اخرج بعد نص الوقت واسيب الامتحان والورقه فاضيه

ومفيش مياه ساقعه للشرب واساسا المياه قليله ومش مكفيه العدد الكبير ده

ده غير طبعا الكوابيس الفظيعه اللي حلمت بيها عن الامتحان بعد لما روحت البيت ونمت بعرقي وبهدلتي
وللاسف بعد اللي حصل النهارده في الماده دي انا حاسس اني هقعد السنه دي بنسبه كبيره ..وربنا يعديها على خير

[factorialx]

أخوك باكالوريوس مدني النهارده كان حر بطريقه فظيعه بس الحمد لله على الأقل اللجنه كان فيها مراوح

ربنا معاكوا و إن شاء الله الدكتور يراعيكوا في التصحيح

[nabaster]

نفس الظروف تقريبا بس الفرق ان في ميه ساقعه وفي مراوح

مع ان المروحه الي فوقي اصلا واقفه

بس اصلا مع جو الامتحان مش بتبقي فاضي لحر ولا غيره

انا اصراحه مش بحس بحر الا لما ارفع القلم وابدا بقي افكر في الحاجات الي محتاجه بقي تاليف

A.Yakout

[beautiful0mind]

والله ان شايل هم موضوع الحر جدا جدا وخصوصا انى قاعد جنب شباكي والشمس نزله عمودية عليا طول فترة الامتحان_ ربنا يستر بكرة ان شاء الله

[esraatefa]

الجو النهاردة بجد فظييييييييييع
بس الحمدلله كان التكييف شغال والله مكنش هاين عليا اقوم من اللجنة
يلا ربنا يعديها على خير الايام ديه ونخلص بقى الامتحانات

[NFS]

كان عليه النهار ده امتحان machine design و ما ادراك الdesign, امتحان 4 ساعات و بحل و ارسم فى ورقه A2 , ورقه نص متر فى نص متر, كنت بقلبها زى الفطيره من كتر الحر و العرق والقرف, سلمت الورقه عامله زى ماتكون خرجه من بوق كلب, الحمد لله.

[Ramy_2R]

أخوكم لسه أعدادى هندسه
انا كده بدأت أخاف عندى بكره إمتحان رسم 4 ساعات و درجه الحراره 44 + عندى دور برد جامد .......شكلها حتبقى لجنه ذى الفل

[hossam_elwani]

الى كل الطلبه اللي زي حالاتي كده ..عاملين ايه في الامتحانات في الحر الرهيب ده ..وبتعرفو تحلو ازاي في الحر الشديد ده !!

النهارده كنت بمتحن ماده من اصعب وارخم المواد اللي درسناها في حياتنا وهي control ومكان الامتحان عندنا في حوش مبنى اسمه hanger وده عباره عن جراج صيانه طيارات قديم وبيحطو فيه
حوالي 500 طالب يمتحنو جمب بعض
والحمد لله على كل شئ ..النهارده كان يوم سئ جدا جدا

الامتحان كان صعب جدا ..ومكنش فيه تركيز بسبب اني كنت مطبق ومش نايم

ودرجه الحراره الشديده والعرق اللي كان بينزل من كل حته لدرجة ان ورقة الامتحان اتبلت واتبهدلت من العرق ..ولدرجه اني والله حسيت اني هفطس وهموت من الكتمه والحر (3ساعات) من 9-12 ووالله فكرت اني اخرج بعد نص الوقت واسيب الامتحان والورقه فاضيه

ومفيش مياه ساقعه للشرب واساسا المياه قليله ومش مكفيه العدد الكبير ده

ده غير طبعا الكوابيس الفظيعه اللي حلمت بيها عن الامتحان بعد لما روحت البيت ونمت بعرقي وبهدلتي
وللاسف بعد اللي حصل النهارده في الماده دي انا حاسس اني هقعد السنه دي بنسبه كبيره ..وربنا يعديها على خير

الوصف الى انت بتقوله ده معناه ان انتو كنتم فى جوانتنمو

[moudy88]

أخوك باكالوريوس مدني النهارده كان حر بطريقه فظيعه بس الحمد لله على الأقل اللجنه كان فيها مراوح

ربنا معاكوا و إن شاء الله الدكتور يراعيكوا في التصحيح

انا المفروض كنت ابقى في بكالريوس بس وقعت سنه ..وربنا يستر من السنه دي لحسن شكلي هقع تاني وخايف اموت ومشوفش البكالريوس .. وبعدين كان من الاولى الدكتوره تراعي من الاول وتجيب امتحان يتحل مش امتحان لطلبة ماجستير ويتحل في 48 ساعه

نفس الظروف تقريبا بس الفرق ان في ميه ساقعه وفي مراوح

مع ان المروحه الي فوقي اصلا واقفه

بس اصلا مع جو الامتحان مش بتبقي فاضي لحر ولا غيره

انا اصراحه مش بحس بحر الا لما ارفع القلم وابدا بقي افكر في الحاجات الي محتاجه بقي تاليف

A.Yakout

لما بتكون الماده صعبه وانت مش متمكن منها ..بتبتدي تحس بكل حاجه حواليك وتحس ان كل الظروف ضدك

والله ان شايل هم موضوع الحر جدا جدا وخصوصا انى قاعد جنب شباكي والشمس نزله عمودية عليا طول فترة الامتحان_ ربنا يستر بكرة ان شاء الله

ابقى خد معاك كاب ..او اطلب من المراقب يقعدك في حته تانيه

الجو النهاردة بجد فظييييييييييع
بس الحمدلله كان التكييف شغال والله مكنش هاين عليا اقوم من اللجنة
يلا ربنا يعديها على خير الايام ديه ونخلص بقى الامتحانات

يابختك ...شويه حسد بقى ..ده احنا في اللجنه بننصهر وبنتلحم في الكرسي اللي قاعدين عليه ..بس الجماعه بتوع التخلف هما اللي بيبقو مستريحين لانهم بيمتحنو في اماكن السكاشن المكيفه

كان عليه النهار ده امتحان machine design و ما ادراك الdesign, امتحان 4 ساعات و بحل و ارسم فى ورقه A2 , ورقه نص متر فى نص متر, كنت بقلبها زى الفطيره من كتر الحر و العرق والقرف, سلمت الورقه عامله زى ماتكون خرجه من بوق كلب, الحمد لله.

انا خايف للدكتوره تتنرفز وهي بتصحح ورقتي وتقطعها ..انا حليت بالرصاص ومسحت 100 مره والورقه بايشه من العرق وكلمه وكلمه هنا ربنا يستر

أخوكم لسه أعدادى هندسه
انا كده بدأت أخاف عندى بكره إمتحان رسم 4 ساعات و درجه الحراره 44 + عندى دور برد جامد .......شكلها حتبقى لجنه ذى الفل

انا كنت زيك كده في كاس العالم اللي فات 2006 وكان امتحان الرسم الهندسي بعد اول يوم في كاس العالم وكان 4 ساعات بس كان زي الفل وعدى على خير

الوصف الى انت بتقوله ده معناه ان انتو كنتم فى جوانتنمو

لا ياراجل مش للدرجه دي

جوانتنمو فيها مراوح

[sherif_taher]

انا في خامسه طب ولسه الامتحانات هتبدأ في نص شهر 8 يعني مذاكره+حر+صيام ونخاص في اول شهر عشره (الكلام ده دور اول)......شد حيلك.....

[sherif_taher]

معلش نسيت اقولك مفيش مراوح كمان ده غير ان مفيش ميه عشان الصيام........ولسه العملي في العنابر مع المرضى والشفوي بتاع الدكاتره والانتظااااااااااااااااااااار..........معلش الواحد معبي حبتين..........زعلى فكره مفيش عيد كمان عندي امتحان رابع يوم العيد

[mrwho1982]

كان عليه النهار ده امتحان machine design و ما ادراك الdesign, امتحان 4 ساعات و بحل و ارسم فى ورقه A2 , ورقه نص متر فى نص متر, كنت بقلبها زى الفطيره من كتر الحر و العرق والقرف, سلمت الورقه عامله زى ماتكون خرجه من بوق كلب, الحمد لله.

هههههههههههههههههههههههههههه ان شاء الله هاتنجح

[KHALED AYMAN]

عندى امتحان بكره ...
لحد دلوقت بفكر بجد مروحش الامتحان ...
العربيه مخبوطه ..هروح مواصلات ...الطريق ساعه كامله فى عز الحر و الزحمه
اللجنه 3 ساعات (بطلع بعد ساعه و نص)
المشكله فى ناس مش بتحس بالحر عشان بتكون مشغوله فى الامتحان ..
اانا بقى مش بلاقى حاجه اعملها ...
هفطططططططططس من الحر ...
و معايا طلبه اغبيه بيخلو المراقبين يقفلو المراوح عشان بتطير الورق !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!طبعا قصدهم على البرشام ...

[esraatefa]

يابختك ...شويه حسد بقى ..ده احنا في اللجنه بننصهر وبنتلحم في الكرسي اللي قاعدين عليه ..بس الجماعه بتوع التخلف هما اللي بيبقو مستريحين لانهم بيمتحنو في اماكن السكاشن المكيفه

ههههههههه
لا لا ربنا يبعدنا عن التخلف ويعديها على خير ان شاء الله
وبالتوفيق لينا كلنا

[ams]

انا اصراحه مش بحس بحر الا لما ارفع القلم وابدا بقي افكر في الحاجات الي محتاجه بقي تاليف

ههههههههههههههههههههههه
تقصد الفتى هوايتى المفضلة فى الامتحانات
المهم تبقى على اساس علمى و بدون غباوة