حد جرب موضوع المبرد الصحراوى

[Pharaoh]

اصدقاء نايل موتورز
طبعا كلنا حاسين اد اية الجو بارد جدا جدا جدا اليومين دول
كنت بسال عن حاجة سهله التركيب و التشغيل لتسقيع الجو بدل التكييف

ناس قالتلى مبرد صحراوى - اول مرة اسمع عنه -

مش عارف رايكم اية فيه؟ هل هو عملى؟ له اضرار على الاطفال؟

انا سالت عليه جنبى قالولى فى نوعين سانيو و البرنس
ب 550 ج

هل فى اقتراحات اخرى؟ هل حد ليه خبرات فى الموضوع دة يقدر يفيدنا؟

شاكر جدا جدا

[ahmed_su]

هو عبارة عن ستارة من اللباد او نوع معين من القماش

بتدور بين اسطوانتين احدهم بتمر فى وعاء بتضيف ليه الثلج والماء

فالقماشة تبلل بالماء المثلج وخلفها مروحة تدفع الهواء اللى بيمر على القماشة المبللة
والمفترض ان يخرج الهواء بارد نسبيا

على فكرة هو اختراع فاشل ده غير انه مزعج فى ملئه وتفريغه

والنتيجة غير المتوقعة منه كمل على ثمنه حاجة بسيطة واشترى تكيف

مستعمل حتى ولو شباك هيكون افضل بكتيييييييييييييييييييييييير

[بحري]

اسمه صحراوي لأنه المفروض يشتغل في مكان ليس به رطوبه..وفكرة عمله هي ترطيب الجو بالإضافة إلى تبريده..ومحتاج مكان مفتوح نسبيا زي الخيام أو الحدائق إنما في البيوت فهو فكره فاشله تماما

[tahayt]

السلام عليكم
التكييف الصحراوى لا يصلح للاستخدام الا فى المناطق اللى الرطوبة فيها قليلة جدا زى المناطق الصحراوية (عشان كدة اسمة صحراوى) لان فكرتة تعتمد على تبريد الهواء الجاف بزيادة نسبة الرطوبة فية اما فى مصر الرطوبة عالية جدا فيكون استخدامة غير مناسب لانة اولا اولا لا يوجد امكانية كبيرة لرفع الرطوبة لانها بالفعل عالية جدا و ثانيا الرطوبة هتعلى اكتر و دا طبعا و ضع غير مريح للناس
يعنى مثلا البنى ادم عشان يبقى مستريح عاوز رطوبة نسبية حوالى 30 % , فى الصحراء الرطوبة ممكن تبقى مثلا 5% فممكن التكييف الصحراوى يرفعها الى 30% و فى الحالة دى الحرارة هتقل شوية
لكن فى مصر الرطوبة النسبية ممكن توصل ل 60% و80% فالتكييف الصحراوى مش هيكون مفيد لان احنا اصلا محتاجين ننزل الرطوبة
لكن للاسف التجار بيجيبوا حاجات مش عارفين عنها حاجة او عارفين و بيستعبطوا

[Mzeid]

السلام عليكم
التكييف الصحراوى لا يصلح للاستخدام الا فى المناطق اللى الرطوبة فيها قليلة جدا زى المناطق الصحراوية (عشان كدة اسمة صحراوى) لان فكرتة تعتمد على تبريد الهواء الجاف بزيادة نسبة الرطوبة فية اما فى مصر الرطوبة عالية جدا فيكون استخدامة غير مناسب لانة اولا اولا لا يوجد امكانية كبيرة لرفع الرطوبة لانها بالفعل عالية جدا و ثانيا الرطوبة هتعلى اكتر و دا طبعا و ضع غير مريح للناس
يعنى مثلا البنى ادم عشان يبقى مستريح عاوز رطوبة نسبية حوالى 30 % , فى الصحراء الرطوبة ممكن تبقى مثلا 5% فممكن التكييف الصحراوى يرفعها الى 30% و فى الحالة دى الحرارة هتقل شوية
لكن فى مصر الرطوبة النسبية ممكن توصل ل 60% و80% فالتكييف الصحراوى مش هيكون مفيد لان احنا اصلا محتاجين ننزل الرطوبة
لكن للاسف التجار بيجيبوا حاجات مش عارفين عنها حاجة او عارفين و بيستعبطوا

+1

بس نسبة الرطوبة في الجو المهيأ من 40 ل 60 مش 30 و درجة الحرارة من 24 ل 27

[m_car]

التكيف الصحراوى !! اللى هو بالمياه

ازيكم ياجماعة ايه الاخبار

انا بسال عن التكيف اللى هو تحط ليه مايه وتشغله يطلع هوا حلو اوى

هو موجود فى السعودية وكنا بنجيبه هناك

هنا فى مصر لقيت اعلان عنه وهو فيه ميزة انك ممكن تشيله لاى مكان والشقة عندنا واسعة وعلشان تجيب تكيف ليها يبقى عاوز واحد مركزى كبير

ياريت ياجماعة لو حد يعرف يقولى وهل فيه ماركة نضيفة كارير او يونيون اير

[Karim_Mohy]

متاااابع.......

[eng_ahmedryad]

كان فيه ماركه اسمها الجزيرة منتشرة جدا في أسوان وليها مصنع هناك كمان

وأعتقد أن أصل الماركة دي سعودي

ولا أعتقد نهائي بأن الشركات الكبير في مجال التبريد والتكييف بتنتج النوع ده ، خصوصا أنه مش مكيف ممكن تقول عليه ملطف للجو

وفكره عمله بسيطه جدا

وعلى فكره التكييف ده غلط جدا في المناطق الساحليه لأنه بعتمد على الماء مما يؤدي إلى أرتفاع نسبة الرطوبه بالجو جدا

وبما أن الأجواء الصحراوية نسب الرطوبة بها منخفضه جدا فبالتالي مش بتفرق عندهم

كمان نع أرتفاع الرطوبه في بلادنا تأثير التكييف الصحراوي هايكون أضعف وده نتيجة تشبع الجو بالرطوبة أصلا

الخلاصة

في وجه بحري في مصر ليس له داعي على الأطلاق

في وجه قبلي ، رخيص السعر وغير مكلف في تشغيله وملطف للجو

التكييف الشباك العادي أقوى بمراحل

[wahba87]

http://www.nilemotors.net/Nile/159042-a.html

[m_car]

شكرا على اهتمامكم

بس التكيف التانى مكلف كهرباء كتييييييير اوى

[Pharaoh]

شكرا ليكم يا جماعه

انا صرفت نظر عنه خلاص و بدور على تكييف محمول

لقيته 2 حصان ب 3000 ج

بس مشكلته انه له خرطوم كبيييييييير اوىىىىىى عشان الفايظ بتاعه هوا سخن
مش عارف اعمل اية

[engahmedsamy]

دة مشروووع فاشل جدا جدا جدا

[mostafabakry]

كان فيه ماركه اسمها الجزيرة منتشرة جدا في أسوان وليها مصنع هناك كمان

وأعتقد أن أصل الماركة دي سعودي

ولا أعتقد نهائي بأن الشركات الكبير في مجال التبريد والتكييف بتنتج النوع ده ، خصوصا أنه مش مكيف ممكن تقول عليه ملطف للجو

وفكره عمله بسيطه جدا

وعلى فكره التكييف ده غلط جدا في المناطق الساحليه لأنه بعتمد على الماء مما يؤدي إلى أرتفاع نسبة الرطوبه بالجو جدا

وبما أن الأجواء الصحراوية نسب الرطوبة بها منخفضه جدا فبالتالي مش بتفرق عندهم

كمان نع أرتفاع الرطوبه في بلادنا تأثير التكييف الصحراوي هايكون أضعف وده نتيجة تشبع الجو بالرطوبة أصلا

الخلاصة

في وجه بحري في مصر ليس له داعي على الأطلاق

في وجه قبلي ، رخيص السعر وغير مكلف في تشغيله وملطف للجو

التكييف الشباك العادي أقوى بمراحل

+1

كلام مظبوط

بص يا سيدي زي ما قال اخونا الكريم
هو حل عملي و قليل التكاليف و لكن مش بنفس كفاءة تكيييفات الفريون

انا عندي منه جهازين منهم واحد ثابت و التاني متنقل علي حمال بعجل ممكن تحركة لأي مكان انت عاوزه و فيه تانك ميه يشيل 40 لتر ( صفحتين يعني ههههههههه و اللتر بيعمل 15كم هههههههههه )

هو عملي جدا للأماكن المفتوحة اللي بيصعب فيها قفل الباب و مساحتها كبيرة ز ي الصالة مثلا
طبعا هو ميزته انه قليل استهلاك للكهرباء و عان كدا الناس عندنا في الصعيد خصوصا اسوان و قنا بيشتره عشان تكاليف تشغيله منخفضة بالمقارنة بالفريون

عندنا المساجد كلها مركبه المبردات الصحراوية دي و بصراحة شغالة زي الفل و الناس ما بتصدق ميعاد الصلاه ييجي عشان تروح المسجد و تلاقي الناس مأنتخه مش عاوزة تطلع بعد الصلاه من كتر ما المكان مرطب

بس طبعا عيبة انه ما ينفعش يشتغل غير في مكان جاف و رمفيهوش رطوبة عالية زي اسوان و قنا اما القاهرة فطبعا هيبقي حل فاشل جدا بسبب الرطوبة العالية اللي في القاهرة
كمان عيبة انه كل شوية بيحتاج تنظيف و تغيير القش اللداخلي و احيانا تغيير طلمبة المياه اللي بترفع المياه عشان تبلل القش و الهواء يعدي من خلاله فيتشبع بالميه و يبرد

خلاصة الكلام في القاهرة ماينفعش المبرد الصحراوي و عليك و علي الفريون و امرك لله في فاتورة الكهرباء اللي اصلا مش مستقرة و كل شوية تقطع لما هنموت من الجحيم اللي احنا فيه

[Pharaoh]

دة مشروووع فاشل جدا جدا جدا

حضرتك قصدك على التكييف ولا المبرد؟

[eng_ahmedryad]

+1

كلام مظبوط

بص يا سيدي زي ما قال اخونا الكريم
هو حل عملي و قليل التكاليف و لكن مش بنفس كفاءة تكيييفات الفريون

انا عندي منه جهازين منهم واحد ثابت و التاني متنقل علي حمال بعجل ممكن تحركة لأي مكان انت عاوزه و فيه تانك ميه يشيل 40 لتر ( صفحتين يعني ههههههههه و اللتر بيعمل 15كم هههههههههه )

هو عملي جدا للأماكن المفتوحة اللي بيصعب فيها قفل الباب و مساحتها كبيرة ز ي الصالة مثلا
طبعا هو ميزته انه قليل استهلاك للكهرباء و عان كدا الناس عندنا في الصعيد خصوصا اسوان و قنا بيشتره عشان تكاليف تشغيله منخفضة بالمقارنة بالفريون

عندنا المساجد كلها مركبه المبردات الصحراوية دي و بصراحة شغالة زي الفل و الناس ما بتصدق ميعاد الصلاه ييجي عشان تروح المسجد و تلاقي الناس مأنتخه مش عاوزة تطلع بعد الصلاه من كتر ما المكان مرطب

بس طبعا عيبة انه ما ينفعش يشتغل غير في مكان جاف و رمفيهوش رطوبة عالية زي اسوان و قنا اما القاهرة فطبعا هيبقي حل فاشل جدا بسبب الرطوبة العالية اللي في القاهرة
كمان عيبة انه كل شوية بيحتاج تنظيف و تغيير القش اللداخلي و احيانا تغيير طلمبة المياه اللي بترفع المياه عشان تبلل القش و الهواء يعدي من خلاله فيتشبع بالميه و يبرد

خلاصة الكلام في القاهرة ماينفعش المبرد الصحراوي و عليك و علي الفريون و امرك لله في فاتورة الكهرباء اللي اصلا مش مستقرة و كل شوية تقطع لما هنموت من الجحيم اللي احنا فيه

مظبوط ياباشا

وده اللي أنا قلته أن في الصعيد أداءه أحسن

أما في وجه بحري مع إرتفاع درجه الرطوبه هايكون بلا داعي وكفاءته قليله جدا

وعلى فكره أنا كنت قاعد في أسوان سنة ونص