طرائف ولطائف من الحج (وائل عطية)

[Ibtal]

في الحج ممكن الواحد يشوف حاجات غريبة ومضحكة و دة ولا عيب ولا حرام . لكن الواحد لازم يعذر بعض الناس إلي هي جية من الغابات والصحرا و دورنا إن احنا نعلمهم. أنا في الحج كنا داخلين مسجد و كان فيه مكتب إستعلامات و كونتر من الرخام بعض الإخوة الافريقين افتكروا الكونتر ده مقام وقعدوا يمسحوا عليه. أخ تاني من باكستان بعد رمي الجمرة سالني أنا رميت أعمل إيه دلوقتي . أنا أظن إن الأخ سبعاوي مزاجه مش رايق شوية

[sab3aawy]

أنا أظن إن الأخ سبعاوي مزاجه مش رايق شوية

الموضوع مش مسالة عدم روقان، لكن فى نفس الوقت لما الاقى ان حزنى على حالة الجهل المريعة المتفشية بين معظم ابناء منطقتنا بيترجم على انه تحامل على الدين فدة فى حد ذاته يقلب المزاج حتى لو كان اصلا رايق، وخصوصا كمان لما عقدة الاضطهاد عندى تشتغل وابتدى اقول لنفسى :"يعنى لو كان نفس كلامى قاله فلان وللا علان من اعضاء المنتدى ممن عرف عنهم التحفظ كان هيتفهم صح والناس هتقول لهم عندك حق وجزاك الله خيرا، لكن علشان خاطر سبعاوى هو اللى بيتكلم يبقى تحامل على الدين"

[hh]

على فكرة فعلا في ناس مسلمين كتير جدا عندهم جهل جامد اوي بحاجات احنا بنعتبرها بديهيات. و الموضوع ده بيبقى اكتر في المسلمين في الدول الافريقية.
واحد قريبي حكالي انه مرة في الحرم لقي راجل افريقي اسود واقف بيصلي و مدي ضهره للكعبة!!! قاله كدة غلط لازم تبص للكعبة, رد عليه و قاله لأ الشيخ عندنا قال أن في الحرم القبلة في اي اتجاه:) هو طبعا الشيخ قصده انه لما يبص للكعبة من اي جهة تبقى دي القبلة. بس تقول لمين, يحاولوا يفهموه يهديك يرضيك مينفعش تصلي كدة, و ده ابدا قفلت معاه!!!!!!

[aif]

الحج بيبقى فيه مواقف غريبة جدا ... بعضها بيبقى مضحك وكوميدي كمان ... وبعضها بيبقى مأساوي .....
الحج ببساطة بيبقى تجسيد مبسط ليوم القيامة .... مع الفارق
يعني الناس كلها مجموعة في مكان واحد .... وزحام شديد .... وتجرد من الملابس ... والاحرامات اللي بنلبسها شبه الاكفان ....ومافيش عطور .... ومافيش اي اغطية رأس ( للرجال ) .....حتي الشعر منكوش عشان مش ممكن نمشط شعرنا عشان ما يقعش شعر .....بيبقى الناس كلها شبة بعض
وكل واحد بيبقى علي طبيعته .... مافيش تجمل .... مافيش تظاهر .....
ممكن تلاقي ناس بتموت قدامك من التدافع والزحام ..... ممكن تلاقى ناس اولادهم تاهو في وسط الملايين دي و نيبحثو عنهم زي المجانين .... وممكن تلاقي واحد او واحدة لقى ابنه اللي كان تايه وتلاقي نفسك بتبكي معاه من الفرح ...وناس نايمة في الشارع .....وناس بتدعي ربنا وتبكي ... وناس بتقرأ قرآن .... وناس مش عارفين يعملو ايه ...
وناس واخدين معاهم شيشة .... ايون شيشة
وناس زي ماهو مكتوب في الموضوع بيعملو حاجات غريبة عن جهل
ربنا يكتبهالنا جميعا

[Ibtal]

الموضوع مش مسالة عدم روقان، لكن فى نفس الوقت لما الاقى ان حزنى على حالة الجهل المريعة المتفشية بين معظم ابناء منطقتنا بيترجم على انه تحامل على الدين فدة فى حد ذاته يقلب المزاج حتى لو كان اصلا رايق، وخصوصا كمان لما عقدة الاضطهاد عندى تشتغل وابتدى اقول لنفسى :"يعنى لو كان نفس كلامى قاله فلان وللا علان من اعضاء المنتدى ممن عرف عنهم التحفظ كان هيتفهم صح والناس هتقول لهم عندك حق وجزاك الله خيرا، لكن علشان خاطر سبعاوى هو اللى بيتكلم يبقى تحامل على الدين"

لازم يبقى عدنا صبر و تاني في ال مواضيع الحساسة و الدينية احنا لا نقدر مدى جهل بعض. الشعوب المسلمة رغم حبهاالفيطري الشديد لل إسلام. بعض القرى في الدول الروسيا لا يمتلك نسخة قرآن

[أبومعاذ]

حتي الشعر منكوش عشان مش ممكن نمشط شعرنا عشان ما يقعش شعر

أحمد باشا جائز تسريح الشعر ولو وقع شعر في المشط فلا شئ عليك إنما المشكلة لو حد نتف او قص شعر عن عمد

مشكلتنا فعلا في الجهل بالدين و تعاليمه و لازم نحاول نتعلم بس انا مش شايف ان الموضة دلوقتي التطرف و الجمود
المشكلة الحقيقة ان اللي بيبقى جاهل لما حد ييجي يفهمه بيبقى عايز يفهم اللي على مزاجه و اللي على هواه مش اللي ربنا عايزه و تلاقيه يقولك بس طول عمر ابويا بيقول كذا و بيعمل كذا تقوله بس النبي قال كذا يقولك مليش دعوة دا تشدد و تطرف يا عم مش انا اللي بقول دا الرسول عليه الصلاة و السلام يقولك يعني انت اللي هتعلمني ديني
لو كل واحد جاهل حاول يتعلم و يفهم ممكنش دا بقى حال المسلمين

[أبومعاذ]

من المواقف اللي حصلتلي في الحج اني اتسرق مني 5 شباشب كل مرة ادخل الحرم و اسيب الشبشب في مكان و اخرج ملقيش شبشب اشتري واحد جديد و ارجع يحصلي نفس القصة و مرة عملنا ناصحين انا و كام واحد من اللي كانو معايا و حطينا الشباشب في كيس بلاستيك و حطيناهم في مكان معين عشان احنا كنا شايفين ان الناس بتتلغبط و تاخد الشباشب و انها مش بتتسرق فحطيناهم كلهم في كيس و قلنا اكيد كدا محدش هيتلبغط و ياخدهم و برضو طلعنا ملقيناش حاجة
اللي اجمد من كدا اننا يوم طواف الوداع كنا رايحين نطوف و كان معانا حاجات و خايفين عليها لقينا شباب مصريين نايمين في صحن المسجد الحرام و شكلهم طيب... بعد اذنكوا يا شباب هندخل نطوف و راجعين على طول خلي جنبكم الحاجات دي قالولنا ماشي مفيش مشكلة بس متتاخروش عن نص ساعة دخلنا و خرجنا بعد 10 دقايق ملقيناش الشباب ولا الحاجة بس انا لغاية دلوقتي مش عايز اصدق انهم سرقونا
من مشاكل الجهل المضحكة برضو ليلة ما كنا رايحين نرجم شفت بعيني ناس طلعت الجبل و جابو حجارة ضخمة جدا يعني لا يقل وزنها عن 10 او 15 كيلو و قعدوا يكسروا فيها عشان يطلعو منها الحصى اللي هيرموه برغم ان الارض اصلا مليانة حصى ملوش اخر

[جمال]

واحنا رايحين نحج و اول نزولنا المطار وكنا كلنا محرمين طبعا , فوجئنا بواحد معانا مش محرم , ايه ياعم ما احرمتش ليه , فكان ردة
اصلى نسيت وعموما مش مهم انا عندى 4 حجات تانيين قبل كده !!!!
اكيد كانو بدون احرام برضه

[أبومعاذ]

واحنا رايحين نحج و اول نزولنا المطار وكنا كلنا محرمين طبعا , فوجئنا بواحد معانا مش محرم , ايه ياعم ما احرمتش ليه , فكان ردة
اصلى نسيت وعموما مش مهم انا عندى 4 حجات تانيين قبل كده !!!!
اكيد كانو بدون احرام برضه

فكرتني بواحد كان معانا في الحج و فضل نايم طول ايام الحج و اللي يحاول يصحيه يتنرفز عليه

[sab3aawy]

ده كان كلامى

انا اتربيت فى بيتنا على ان الدين يعنى اولا و الاعتدال وثانيا اعمال العقل ولست على استعداد لتغيير ذلك الآن لمجرد ان الموضة تغيرت واصبح التطرف والجمود و"لاتجادل يا اخ على" هو الأمر السائد

وده كان كلامك

بس انا مش شايف ان الموضة دلوقتي التطرف و الجمود
المشكلة الحقيقة ان اللي بيبقى جاهل لما حد ييجي يفهمه بيبقى عايز يفهم اللي على مزاجه و اللي على هواه مش اللي ربنا عايزه و تلاقيه يقولك بس طول عمر ابويا بيقول كذا و بيعمل كذا تقوله بس النبي قال كذا يقولك مليش دعوة دا تشدد و تطرف يا عم مش انا اللي بقول دا الرسول عليه الصلاة و السلام يقولك يعني انت اللي هتعلمني ديني
لو كل واحد جاهل حاول يتعلم و يفهم ممكنش دا بقى حال المسلمين

فلو سمحت يا ريت تتفضل وتفهمنى معنى كلامك بوضوح ، لأن اللى انا فهمته من الكلام ضايقنى بشدة ، لذا لو انا فاهم غلط يا ريت توضحلى

[أبومعاذ]

انا عارف ان ممكن يكون معنى كلامي كدا بس انا مكنتش اقصد حد معين بس دي حالة عامة
اناعارف كويس يا خالد باشا ان انت عندك ثقافة دينية جيدة و بالتالي مش ممكن اكون اقصدك و ياريت تحسن الظن فيا

[sab3aawy]

انا عارف ان ممكن يكون معنى كلامي كدا بس انا مكنتش اقصد حد معين بس دي حالة عامة
اناعارف كويس يا خالد باشا ان انت عندك ثقافة دينية جيدة و بالتالي مش ممكن اكون اقصدك و ياريت تحسن الظن فيا

انت بنفسك بتقول ان معنى كلامك ممكن يكون كدا، وبالتالى انت لو مكانى كان فكرك برضه ممكن يروح فى نفس الاتجاه

عموما طالما ان نيتك طيبة ولا تقصدنى يبقى حصل خير وربنا يدى كل واحد على قدر نيته

[أبومعاذ]

انت بنفسك بتقول ان معنى كلامك ممكن يكون كدا، وبالتالى انت لو مكانى كان فكرك برضه ممكن يروح فى نفس الاتجاه

عموما طالما ان نيتك طيبة ولا تقصدنى يبقى حصل خير وربنا يدى كل واحد على قدر نيته

يا عم خالد واضح انك برضو لسة متضايق
يا عمنا انت بتقول انك اتعلمت في البيت ان الاسلام يعني الاعتدال و انا بتكلم في نقطة اتباع الهوى او اتباع الاباء من غير تفاهم و اكيد مش قصدي انك المفروض متسمعش كلام الاهل لان الاسلام فعلا دين الاعتدال و طبعا هما صح
كل ما في الموضوع ان كلامك شدني لنقطة معينة دايما بعاني منها لما بتناقش مع اي حد في حاجة في الدين و يكون عكسها هو المتعارف عليه بين الناس بس مكنش المقصود انت او اي حد بشخصه بس دي شبه دي
ارجو اكون وضحت وجهة نظري و ياريت يكون صدرك من ناحيتي خالي من اي ضغينة

[Ramy.Gamal]

[QUOTE]
كنت أصلي في الحرم المكي، وبسبب الازدحام أراد أحد المعتمرين أن يمرّ من أمامي، فمددت يدي لكي أمنعه فصافحني بحرارة!!!! .[QUOTE]
فى المسجد الحرام مسموح ان تعبر امام اى مصلى وانا لما كنت هناك وعندما يمنعنى احد من العبور امامه كنت اعبر بالعافيه لانه مسموح بالعبور امام المصلين فقط فى المسجد الحرام ولا اعرف اذا كان مسموح فى المسجد النبوى او لا وخصوصا المصريين هما اللى يحاول يوقفك وانت ماشى قدامه وهو بيصلى هل مشكلتى انه مش عارف انه مسموح بالعبور فى المسجد الحرام ومنطقى انه يبقى مسموح فى الزحام الرهيب ده لو كل واحد معرفش يعدى امام كل مصلى الحركه هتقف فى المسجد نهائيا

[aif]

فعلا الحكم ده مخصص به المسجد الحرام ....انا مش عارف ايه سبب استثناء المسجد الحرام من الحكم العام بالعبور امام المصليين .... اختمال لوجود الطاف في المسجد الحرام ..؟؟؟؟؟ يا ريت لو حد يعرف اصل هذا الحكم يوضح لنا ....انا ح احاول الاقي الحكم ده ان امكن