تعاطفوا مع عز

[electroman]

هو اشترى شركة حديد الدخليه بتاعة القطاع العام -بتاعة الشعب يعنى - برخيص قوى و غيرها يعنى ا لعمالة ديه كانت شغالة يعنى قبل كده مش هو اللى فتح بيوت !!

عز و صعوده السريع من راجل محدش يعرفة ليصبح اقوى واحد فى الحزب - بفلوسه - وواضح
طموحه مالوش حد .. شكله بيرتب نفسه يبقى الجل الثانى فى العهد القادم - و الرجل الاول من وراء الستار - و لو حظه ضرب يبقى الرجل الاول ... و عيالنا يرددوا فى طابور الصباح : تحيا
جمهورية مصر الحديدية !!

[Powert]

الحمد لله ان ماتور العربية وحاجات الاساسية بتتصنع بره

كنا دلوقتي لاقينا الفيرنا ب اكتر من 100 الف جنية وغبرو هيقولك

اصل الحديد غيلي اللي بنصنع بيه الماتور والعربية واحنا بناخده من عز
:D:D

[ahmed1981]

ويظل قانون حماية الإحتكار وحماية المحتكرين .سيد الموقف.




وقد ورد في ذم الاحتكار احاديث:
حديث عمر مرفوعا " من احتكر على المسلمين طعامهم ضربه الله بالجذام والافلاس " رواه ابن ماجة واسناده حسن،
وعنه مرفوعا قال " الجالب مرزوق والمحتكر ملعون " اخرجه ابن ماجة والحاكم
وعن ابن عمر مرفوعا " من احتكر طماعا اربعين ليلة فقد برئ من الله وبرئ منه " اخرجه احمد والحاكم

وعن ابي هريرة مرفوعا " من احتكر حكرة يريد ان يغالي بها على المسلمين فهو خاطئ " اخرجه الحاكم

عَنْ يَحْيَى، قَالَ كَانَ سَعِيدُ بْنُ لْمُسَيَّبِ يُحَدِّثُ اَنَّ مَعْمَرًا، قَالَ قَالَ رَسُولُ اللَّهِ صلى الله عليه وسلم " مَنِ احْتَكَرَ فَهُوَ خَاطِئٌ " رواه مسلم

عَنْ فَرُّوخَ، مَوْلَى عُثْمَانَ اَنَّ عُمَرَ، رَضِيَ اللَّهُ عَنْهُ وَهُوَ يَوْمَئِذٍ اَمِيرُ الْمُؤْمِنِينَ خَرَجَ اِلَى الْمَسْجِدِ فَرَاَى طَعَامًا مَنْثُورًا فَقَالَ مَا هَذَا الطَّعَامُ فَقَالُوا طَعَامٌ جُلِبَ اِلَيْنَا قَالَ بَارَكَ اللَّهُ فِيهِ وَفِيمَنْ جَلَبَهُ قِيلَ يَا اَمِيرَ الْمُؤْمِنِينَ فَاِنَّهُ قَدْ احْتُكِرَ قَالَ وَمَنْ احْتَكَرَهُ قَالُوا فَرُّوخُ مَوْلَى عُثْمَانَ وَفُلانٌ مَوْلَى عُمَرَ فَاَرْسَلَ اِلَيْهِمَا فَدَعَاهُمَا فَقَالَ مَا
حَمَلَكُمَا عَلَى احْتِكَارِ طَعَامِ الْمُسْلِمِينَ قَالا يَا اَمِيرَ الْمُؤْمِنِينَ نَشْتَرِي بِاَمْوَالِنَا وَنَبِيعُ فَقَالَ عُمَرُ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ مَنْ احْتَكَرَ عَلَى الْمُسْلِمِينَ طَعَامَهُمْ ضَرَبَهُ اللَّهُ بِالإفْلاسِ اَوْ بِجُذَامٍ فَقَالَ فَرُّوخُ عِنْدَ ذَلِكَ يَا اَمِيرَ الْمُؤْمِنِينَ اُعَاهِدُ اللَّهَ وَاُعَاهِدُكَ اَنْ لا اَعُودَ فِي طَعَامٍ اَبَدًا
وَاَمَّا مَوْلَى عُمَرَ فَقَالَ اِنَّمَا نَشْتَرِي بِاَمْوَالِنَا وَنَبِيعُ قَالَ اَبُو يَحْيَى فَلَقَدْ رَاَيْتُ مَوْلَى عُمَرَ مَجْذُومًا. رواه أحمد

عَنِ ابْنِ عُمَرَ، عَنْ النَّبِيِّ صَلَّى اللَّهُ عَلَيْهِ وَسَلَّمَ مَنْ احْتَكَرَ طَعَامًا اَرْبَعِينَ لَيْلَةً فَقَدْ بَرِئَ مِنْ اللَّهِ تَعَالَى وَبَرِئَ اللَّهُ تَعَالَى مِنْهُ وَاَيُّمَا اَهْلُ عَرْصَةٍ اَصْبَحَ فِيهِمْ امْرُؤٌ جَائِعٌ فَقَدْ بَرِئَتْ مِنْهُمْ ذِمَّةُ اللَّهِ تَعَالَى. رواه أحمد

عَنْ اَبِي هُرَيْرَةَ، قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَنْ
احْتَكَرَ حُكْرَةً يُرِيدُ اَنْ يُغْلِيَ بِهَا عَلَى الْمُسْلِمِينَ فَهُوَ خَاطِئٌ. رواه أحمد

عَنْ عُمَرَ بْنِ الْخَطَّابِ، قَالَ سَمِعْتُ رَسُولَ اللَّهِ ـ صلى الله عليه وسلم ـ يَقُولُ " مَنِ احْتَكَرَ عَلَى الْمُسْلِمِينَ طَعَامَهُمْ ضَرَبَهُ اللَّهُ بِالْجُذَامِ وَالاِفْلاَسِ " رواه ابن ماجه

حَدَّثَنِي يَحْيَى، عَنْ مَالِكٍ، أَنَّهُ بَلَغَهُ أَنَّ عُمَرَ بْنَ الْخَطَّابِ، قَالَ لاَ حُكْرَةَ فِي سُوقِنَا لاَ يَعْمِدُ رِجَالٌ بِأَيْدِيهِمْ فُضُولٌ مِنْ أَذْهَابٍ إِلَى رِزْقٍ مِنْ رِزْقِ اللَّهِ نَزَلَ بِسَاحَتِنَا فَيَحْتَكِرُونَهُ عَلَيْنَا وَلَكِنْ أَيُّمَا جَالِبٍ جَلَبَ عَلَى عَمُودِ كَبِدِهِ فِي الشِّتَاءِ وَالصَّيْفِ فَذَلِكَ ضَيْفُ عُمَرَ فَلْيَبِعْ كَيْفَ شَاءَ اللَّهُ وَلْيُمْسِكْ كَيْفَ شَاءَ اللَّهُ . رواه الإمام مالك

[أبو عبدالله]

ما هو للأسف كل ما نقول مش عارف ايه لأي واحد يقولك ما هو عنده موظفين وعمال ومش عارف ايه

انا مش فاهم الأسلوب ده من الأساليب الصهيونية

يا اخواني هو الــ 7 الاف موظف دول لو مشينا عز مش هيلاقو شغل يعني ولا ايه

ايه المشكلة اني افتح مصنع تاني وتالت ورابع وعاشر كمان وساعتها هشغل بدل السبعة الاف مائة الف

انا مش فاهم والله ليه بنحب نحور كلامنا ونحور المواضيع

هما هيموتوا يعني ما كل الناس عايشه وبتاكل وبتشرب وبتنام وبيخلفوا وبيتجوزوا كمان




وعلى فكره الطن النهارده بـــ 5100 جنيه
وعمــــــــــــــــــــــــــــــــــار يـــــــــا مصــــــــــــــــــــــــــــــــــــــــر

[Dr Ahmed]

يعنى كده الشقة ال 120 متر تكلف كام من غير الأساس ومن غير تشطيب (حديد + أسمنت + رمل وظلط+ طوب + عمالة ونقل: حوائط وسقف)؟؟؟؟ تقريبا؟؟؟

[hussein]

يعنى كده الشقة ال 120 متر تكلف كام من غير الأساس ومن غير تشطيب (حديد + أسمنت + رمل وظلط+ طوب + عمالة ونقل: حوائط وسقف)؟؟؟؟ تقريبا؟؟؟

حوالى 38000 جنية

[Dr Ahmed]

38 ألف
قول 40
+ محارة بتاع 6 آلاف
+ سيراميك أرض ومطبخ وحمام بتاع 10 آلاف
+ سباكة 5 آلاف
+ كهرباء 4 آلاف
+ معجون ودهان بتاع 8 آلاف (على الأقل)
+ نجارة بتاع 10 آلاف
يعنى كمان 43 ألف
يعنى عدينا ال 80 ألف بالراحة

ودا من غير سعر الأرض
ومن غير أساس العمارة
ومن غير العفش
ومن غير العروسة
ومن غير الشبكة

أحمدك يارب إنى اتجوزت وأبويا بنا لنا عمارة قبل ما يقابل ربه يارب اكرمه أفضل الكرم
واللى متجوزش ياشباب يروح بقى يلعب كورة جايز يطلع له بمليون وللا حاجة زى لاعيبة المنتخب.
وحسبى الله ونعم الوكيل

[Xpert]

هيييه .. اروح اتجوز من لبنان انا بقي ... اخد واحده بنت مليونير (ربنا يسامحك يا اونكل عز .. كده تدوخنا معاك ههه)
ليه مانعملش مصتع تاني و تالت و رابع .. اسكت يا عم اما بيقولك الحديد ب 5100 دلوقتي .. انت عاوز اونكل عز يسمعنا ولا ايه .. لو عملوا مصنع تاني و تالت و رابع الحديد يرخص و اونكل عز يخسر كتير .. ده غير طبعاً اخواننا ال7000 واحد هايلاقوا شغل في المصانع التانيه ... و تبقي فضيحه ..
و هوه احنا عارفين نستورد حديد عشان نعمل مصنع تاني و تالت و رابع .. يا باشا دي سياسات .. عشان المصالح بتتصالح يا حج ..
يبقي انت اكيد في مصر ..

[badblood]

بس يقى ده حبيبه والروح في الروح
وسلامي لشعب مصر الغلبان
اللي بينزل بعد صلاة الفجر عشان يلحق طابووووووووووور العيش وعجبي
حسبي الله ونعم الوكيل

[Islam_galal]

حديد عز وصل 5200 ج
و علي آخر السنة لو فضلنا بنفس الظروف (بدون مفاجات) من 7000ّ الي 8000 ج

(الراجل دة فاتح بيوت أكتر من 7000 فرد يعنى حوالى 30 إلف واحد بيكلة من وراة.)
أسف يا باشمهندس محمد كان فيه 3500 في الدخيلة قبل ما عز يصنع حديد
(من الأخر التاجر هو إللى بيعلى السعر على الأخر وزى ما أنتم شايفين بشاى إعلى من عز فى السعر - وعلى الرغم من كدة محدش بتكلم غير على أحمد عز )
غلط يا باشمهندس المهندس أحمد عز بيتحكم في سعر الحديد في مصر كلها فعليا و التجار الكبار رجالته و مايقدروش يخالفوه و في سوابق كتير ، لو مش عارف إسأل أي زميل في المبيعات بشكل و دي و حتعرف
(معلومة مصنع بشاى أكبر من مصنع عز )
الدخيلة لوحدها تعدي بشاي؟؟؟؟؟
باشمهندس محمد لقد جانبك الصواب تماما


و لله الأمر من قبل و من بعد

[analyzer]

انا عايز اصب سقف البيت بتاعى بقالى اكثر من سنة مش عارف اجمع فلوسه
يا اما الحديد يغلى يا اما الاسمنت
مسلحه السقف 150 م اخر كلام اتقلى يتكلف 25 الف جنيه
الى كنت عامله ب 9 الف جنيه من كام سنة

حسيبى الله ونعم الوكيل

[al_manara]

يا جماعة من غير هجوم - الراجل دة فاتح بيوت أكتر من 7000 فرد يعنى حوالى 30 إلف واحد بيكلة من وراة.
شريف قال الخلاصة - مداخلة شريف كلها صحيحة بس أحب أوضح
بما أنى أشتغلت فى أكبر شركات الحديد فى مصر وهما بشاى ثم عز فأحب أقول أن سعر الحدي عالى دلوقتى لأنخفاض الخردة ودية مشكلة يتحصل كل 5 سنيين يعنى الكريف بيعلى ويوطى كل 5 سنيين
حديد عز عندنا تسليم مصنع 4170 وحديد عز مش موجود فى السوق لأننا مش ملاحقين على الطلبيات سؤاء تصدير أو محلى - بشاى والعتال كلهم محلى ما عدا بعض الطلبيات الخاصة لبشاى لبعض الدول العربية
من الأخر التاجر هو إللى بيعلى السعر على الأخر وزى ما أنتم شايفين بشاى إعلى من عز فى السعر - وعلى الرغم من كدة محدش بتكلم غير على أحمد عز
معلومة مصنع بشاى أكبر من مصنع عز وبشاى يا جماعة بيكبر فى الخفا وتوسعاتة لسة شغالة لحد دلوقتى ةحدش حاسس بية خالص لأنة راجل مش بتاع بروبجندا زى عز - صدقونى الحوت القادم فى الحديد فى مصر هوة بشاى لو العز مطورشى نفسة ودة هو المرحلة القادمة لينا فى مصر واخارج وربنا يسهل وكلنا مركزين فى كدة
موضوع بيع المصانع لشركر أرسيلور ميتال دية أشاعة وصعب جدا - لأننا لينا توسعات كبيرة جدا فى مناطق تانية ويا مسهل- بس حتى الشركة دية لو أشتريت عز ودة صعب أية المشكلة ما كل شركات الأسمنت أشترتها شركات عالمية.
سعر الحديد من الأخر لا يعبر إلا عن جشع التجار والدليل أن أحمد عز مش ملاحق على السوق وكمان لأول مرة حديد عز يخرج من المصنع أقل من بشاى طول عمرى وأنا فى بشاى وحتى لما رحت عز تمن الحديد بتاع عز أغلى حوالى 150-200 جنية لكن دلوقتى العكس هوة إللى حادث

ياريس مخلوف عندك حق 7000 مصري مهمين جدا و 70 مليون مش مهمين خالص مالهومش لازمة
لو سيادتك قريت في مصراوي من اسبوع في دكتور في جامعة عين شمس كان عامل دراسة عن تكلفة الحديد عارف قال بيتكلف كام
1750 جنية بهمامش ربح 20%

ياريس عز الي انت بتقول علية فاتح بيت 7000 اسرة فهو خرب الدنيا علي باقي الشعب
دة بيكسب بشكل بشع
هو فية اية

[Xpert]

يبقي انت اكيد في مصر .. حيث واحد يبني نفسه و 70 مليون مش لاقيين يبنوا تربتهم
هههه
علي راي فيلم طباخ الريس .. انتوا وديتوا الشعب فين يا حازم ... 75 مليون مالاقيش منهم ولا واحد ... هههههه

[dr.amr]

والله الموضوع بقي زياده
الشقق عندنا في مدينة نصر عند سيتي ستارز اقل حاجه 500 الف وانت طالع
لغاية بقي مليون واكتر
اربع حيطان بمليون!!!!!!!!!!!!

[al_manara]

الشقق بقت غالية في كل مكان
حتي الشقق القديمة بقت غالية وتقول لية يقولك الحديد بقي غالي
يعني اقل شقة بكام النهاردة !! والشباب هاتعمل اية !! بقت ارقام خيالية بتاعت الشباب الي مش عارف يتجوز

حديد عز يا استاذ مخلوف الي بتتكلم علية بياخد المتر المكب بتاع الغاز ب 12 قرش يعني مش مدعم لا دة ببلاش

وياتري البلد رايحة لحد فين ربنا يستر