حد بيفكر يتجوز ادخل وشوف

[eslam_wega]

اخويا كان فى مشروع جواز من كام يوم وكان فى اعجاب بينه وبين العروسة
وكل حاجة ماشية تمام لغايت لما جينا لموضوع الاتفاق
طلبوا منوا يكتب قيمة بى 200 الف جنية
والشقة هو عنده شقة بى 110 الف فى العبور الحمدلله
قالوا لا الشفة دى مش عجبنىا عايزين شقة بى 150 الف على الاقل
وغير كدا يجيب الجهاز كله لوحدة وهما عليهم المطبخ والخلاط بس يعنى بالكتير هيسهموا بى 7 تلف جنية
طيب حد يسالنى دلوقتى يمكن هيجوز هيفا وهبى ولا حاجة اقولك لا البنت عادية جدا يعنى مش جميلة ولا حاجة هى مقبولة بس
تقولى امل لو قمر بقا وجميلة بجد كانوا عاملوا اية
احتمال كانوا طلبوا شقة على النيل
زمان كان يقولك احنا بنشترى راجل دلوقتى الجشع والطمع بقا مالى قلوب الناس
يلا حد بيفكر يتجوز
وعجبى

[elassar2010]

دة الطبيعى دلوقتى وتلاقى اهل الى انت هاتتجوزها ناس على قدهم خالص واحتمال بيقضوا نص عشاهم نوم
ولما ترحلهم يقولك احنا مش بنطلب حاجات غريبة كل البنات الى فسنها بيجلهم كدة!!!!
احنا يابنى ماشين تبع الاصول والعادات!!!!!!!!!
وكل ماتروح ليهم هات هات هات

[النوبي]

لا اله الا الله الناس اتهبلت ولا ايه

[megamoudy]

وف الاخر يقولو العنوسة زادت

والشباب معرض عن الجواز

والانحرافات والزنا زاد طب ماهو احنا اللي بنعمل ف نفسنا كده

حسبي الله ونعم الوكيل

[blazer]

حسبى الله ونعم الوكيل
المفروض الواحد يطلب حاجت معقوله
يعنى كتر خير اخوك انه جايب شقه
دا واحد جارنا و ضابط جيش متجوز والبنت هى اللى جايبه الشقه !!! مع ان حالته الماديه المفروض كويسه
انا اعتقد افضل نظام يمشى دلوقتى ان كل حاجه ب النص ماعد الشبكه والشقه تبقى على الراجل

[أبو إياد]

مش كل الناس

اول امبارح وباعتبارى كبير اخواتى روحنا علشان نتعرف على الناس رغم ان فى سابق معرفه بينا وبينهم لكن موضوع الارتباط جه بشكل مفاجىء
ولقيت نفسى اتفقت معاهم على كل حاجه من ناحيه الشقه والفرش والمؤخر وكله
وعلى فكره الاتفاق كان كل الفرش بالمناصفه

[زينة الله]

على فكرة الناس اللى بتركز على المادة بشكل مبالغ فيه
بتعانى من الاحساس بالنقص والدونية و فاكرة ان المادة هى اللى حتعوض احساسها بالنقص

[Mustafa_Farouk]

السلام عليكم،

د العادي دلوأقتي يا إسلام، بس نصيحة أخويه، خليه يسيب البنت دي وميكملشي في الموضوع عشان أنا كان عندي موضوع شبة بتاعك كدة وإتخنقت جداً نفسياً ومادياً عشان الحمل بيكون عليك لوحدك من قبل ماتتجوز، اومال بعد كدة حتشم نفسك امتى و ازاي، اذا كان الولد عليه كل حاجة من الابرة للصاروخ، حتى لو الولد حيشيل كل حاجة، المفروض أهل البنت يكون زوق و ميزودش في الطلبات التانية، إلي هي مش أساسية.
أنا مش عارف إيه المشكلة لما تكون امكانياتي معقولة ونعيش على الأض ونبني أنا وهي الحياه. بس أكيد الشخصية اللي أنا بحلم بها ليسا موجودة.

[د/أحمد ابراهيم]

خلي اخوك يريح دماغة ويشوف غيرها

البنات كتيييييرررررررررررررر

وفيه عائلات كتير محترمة

واذا كنوا بيعملوا كده من دلوقتي بكره البيت يبقى كله مشاكل وتدخلات من قبل اهل العروسة

ده رأى بصراحة

[viper911s]

الموضوع كدة يا اسلام موضوع استنزاف ومنظرة وبالتالى العيشة قدام متنفعش
انا البنت الى معايا حاليا انا شايفها كويسة فى ل حاجة الحمد لله
وروحت لااهلها تعارف وتمام كلة والحمد لله
وقلتلها انى يوم لما اتقدم رسمى هقول الى هقدر اعملة اهلك عجبهم ماشى ونتفق على كدة ومعجبهمش يبقى كفى الله المؤمنين شر القتال وكلة فى حالة
مش عيب
الواحد بيطلع عينة علشان يعرف يلم نفسة


مش هقولك غير ان اهلى رافضين يروحوا لااهل العروسة علشان كلام الحموات بقا والنكد والحاجات دى رغم انى انا الى هجيب الشقة ايجار قديم بس هما رافضين مبدا انى ازنق نفسى علشان اتجوز وبيستبوا الاحداث معلش خرجت برة الموضوع بس
المواضوع شاغلنى اوى
شكرا

[m_car]

هو فى رد بس ممكن اخد فيه سجن 50 سنة مش ايقاف

انا لو منه وهما طلبوا منى الطلبات دى ولو انا بحبها عمرى كله

هقولها انتى طلعتى بيئة جدااااااااااا

لان الناس اللى بتطلب الطلبات دى بتكون ناس جعانة

[blazer]

هو فى رد بس ممكن اخد فيه سجن 50 سنة مش ايقاف

انا لو منه وهما طلبوا منى الطلبات دى ولو انا بحبها عمرى كله

هقولها انتى طلعتى بيئة جدااااااااااا

لان الناس اللى بتطلب الطلبات دى بتكون ناس جعانة

بحس انهم مستنين الواد اللى هيخليهم يعيشوا بعد عيشه الكحرته و يصرف عليهم
يأمل يكون سلو بلدهم كدا
انا اسمع ناس فى الارساف متتجوزش الا ب 4و5 اطقم شينى وشبكه 50 الف و ثلاجتين و ديب فريزر ووو!

[Mostafa.Mahran]

بسم الله الرحمن الرحيم

................

يرجى مراعة ا؟لآداب العامة للحوار وعدم التلميح باى لفظ خارج
4:32pm 29/6/2010
مشرف القسم 9ب

[بحري]

من يمن الزوجة وبركتها تيسير المهر وتكاليف الزواج ومن شؤمها تعسير المهر وكثرة التكاليف...إزاي يقدر الزوج يشعر بالسعادة مع زوجة يشعر إنها وأهلها تعاملوا معاه باعتباره وغد أو على الأقل (مشروع وغد) إلى أن يثبت العكس...وحتى لو لم يعتبروه وغدا..بأي مبرر يضعوه تحت كل هذا الضغط النفسي...وهل سيتبقى عنده بعد ذلك أي مساحة لكلمة طيبة أو لفتة شاعرية أو لمسة حانية صادقة

[Islam_galal]

الجواز مشروع العمر و محتاج ترتيبات كتيييييييير
فلوس بس . . . لأ

محتاج تقرب إلي الله أن يهديك إلي بنت الحلال
محتاج دعاء صادق من الوالدين لأن يهديك الله إلي زوجة صالحة
محتاج إختيار الزوجة الصالحة من أماكن الصلاح و ليست الأكثر براعه في الرقص في الأفراح
محتاج إجتهاد في كل ذلك دون يأس لفترة طويلة (سنة ، إثنان ، . . . )

فعلي قدر الهدية يكون الثمن و اظفر بذات الدين (ليست بالظواهر فقط تؤخذ الأمور و لكن بالأسرة و الأم)

أما ما عدا ذلك فلا شئ لأن الشاب يتخيل نفسه خبيرا و يضع الشروط و الحدود لإختيار زوجة ليقيم حياه لا يعلم عنها شيئا !!!!!

نصيحة أخيرة لكل شاب
حماتك هي زوجتك في المستقبل مهما كانت الإبنة تنتقد أمها حاليا فستؤول إليها إن آجلا أو عاجلا