مشاكل بالجملة فى الاى فون 4 الجديد ...حاجة تكسف

[PRO-DRIVE]

مع احترامي الكامل لمعارضين الiphone , و لكن مستحيل

مستحيل يكون دة رد الشركة , مستحييييييييييل باي شكل من الاشكال

مستحيل يكون التليفون فيه عيوب زاى دي

و معلش , اي حد نفسه يبقا عنده منتج من منتجات ابل , لأنهم هم الافضل في مجالهم من حيث الجودة و التكنولوجيا

اللي بيشتري اجهزه أبل عشان عاوز يعيش اللايف ستايل بتاع ابل ! لكن هي كبرمجيات غبيه و محتكره بغباء !

لكن هما متميزين في جذب انتباه الناس و وهم الناس بأنهم بيعملو التكنولوجيا جديده !!

مننساش ان دي الشركة القدمت اول كمبيوتر شخصي في العالم

و الشركة الغيرت مفهوم الmusic بالipod

و الشركة غيرت مفهوم الناس عن الموبيلات المملة بالiphone

اول كمبيوتر شخصي ابل خدت السمعه , لكن في الحقيقه مش هو اول واحد !

بالمناسبه الايبود من تاريخه و هو مليان بالعيوب ! مش عشان جهاز صوته كويس و بيتصل بالكمبيوتر من ايتونز يبقي هي دي التكنولوجيا !!

و غيرت مفهوم الكتب الالكترونية بالipad , و الذي حقق مبيعات رهيبة و مستمر في الانتشار بدون توقف

اي باد اكبر ضحك علي العالم ! بعيدا عن انه اي فون كبير مش اكتر من كدا ! الا انه كله عيوب ! مش لاقيله ميزه !

مظنش ان الشركة دي هيكون ردها كدة , ابدا , دة لو شركة على قدها في مصر مش هترد كدة

مننساش ان شركة زاى دي ليها منافسين لا حصر لهم , و الهجوم الحاصل دة دليل ممتاز على قوة الشركة

بعيدا عن الموضوع دا !
هههه تعرف في البرامج للأي فون ! لو عملت برنامج و بعته و أبل بعتتلك و رفضت و اذا تكرمو عليك و بعتولك سبب الرفض ! من حق ابل مقاضاتك لو انت نشرت سبب الرفض اللي بعتهولك !! عشان اغلبها ردود تافهه ! المبرمجين اتعودو علي الردود دي من ابل قووي !!

و حاجة كدة على جنب : عارفين هنا في المنتدى لما حد يقول لو جربت الالماني مش هتسيبه و مش هتركب حاجة غيره , اهو ابل كدة

لو حد جرب يمتلك لابتوب ابل (ماك بوك) , هينسى كل اللابتوبات التانية و هينسى حاجى اسمها ويندوز

عندي ماك بوك برو و بفضله علي باقي الاجهزه اللي عندي ! و ناسي ويندوز ! لكن ميمنعش اني انتقد سياسه الشركه

[Karim_Monir]

هم بتوع رينو كلهم كده

يعزو التكنولوجيا و المرمطة

هههههههههههه

بعيد عن راس الموضوع
احلى رد قريتة في الموضوع
فعلا واضح ان كل بتوع رينو كدة :-)
واللي هايفتح بقه هاوقفه :-)

[أحمد كمال]

بعيد عن راس الموضوع
احلى رد قريتة في الموضوع
فعلا واضح ان كل بتوع رينو كدة :-)
واللي هايفتح بقه هاوقفه :-)

[Kareem_A]

ازى يعنى اول كميوتر شخصى فى العالم ..مين اللى بلغك المعلومة دى ...؟؟؟؟!!! هى كمان ابل بقيت بتحرف تاريخ الكمبيوتر

بالنسبة للاى فون الجديد العيوب حقيقية و تقدر تدور عليها بنفسك فى اكتر من موقع...و هى الفكرة اساسا ان ابل عايشة فى دور الشركة المستحيلة و ان منتجتها لا تقهر ..بينما الحقيقية ان منتجتها بتصنع فى الصين زيها زى باقى الشركات ...و كلها عيوب فى التصميم والتصنيع و هناك امثلة لا حصر لها بهذا الخصوص .لكن طبعا الشركة عندها قسم اعلامى ممتاز بيغطى بذكاء على اى اخبار سلبية

دة فى فضيحة اخرى محدش يعرف عنها حاجة فى مصر و هى ان عدد من عمال شركة فوكسكون انتحر هذا العام بسبب انخفاض المرتبات و هى الشركة التى تقوم بتجميع منتجات ابل فى الصين ..

يعنى ابل كانت بتعمل ارباح خرافية على حساب عاملين بسطاء و تكاليف قليلة جدا و هو دة سبب ارباح ابل الخرافية .

ارجو اولا ان حضرتك تقلل حدة الكلام لان الموضوع مش مستاهل كل دة

اولا اول كمبيوتر شخصي كان من انتاج IBM و لكن كان كمبيوتر شخصي اسما فقط , لأن كان سعره عالي (1500 دولار) و كان سعته تتحمل رسالتين من الرسايل بتاعت دلوقتي

و لكن ابل انتجت اول كمبيوتر شخصي قابل للاستخدام اليومي و سعره جيد

ابل فعلا بتجمع منتجاتها في الصين و دي مش مشكلة اطلاقا و كل الشركات بتعمل كدة

اما عن العيوب الحضرتك بتقول عليها , فالاجهزة كلها فيها عيوب مش ابل بس , و لو دققت هتلاقي و لو دورت على النت هتلاقي برده ناس بتهاجم شركات تانية

زاى ما قلت لحضرتك شركة كبيرة زاى ابل ليها منافسين كتيييير و طبيعي ان ناس تطلع تقول كدة و مش كل حاجة نصدقها ...... احنا على النت !!!!

احب اقول لحضرتك اني عندي تلاتة Ipod و اتنين ماك بوك و Iphone غير اكسسوارات كتيييير و في حاجات منهم بقالها 3 سنين و شغالة زاى الفل و محصلش اي عيب في اي حاجة الحمد لله


و لا انكر ان القسم الاعلامي عند الشركة ممتاز و ذكي جدا , بيعملوا اعلانات بتخلي المتفرج يبهر بالمنتج

[karaktar]

يجماعه جربو nokia n900 رهيييييييب

[Kareem_A]

اللي بيشتري اجهزه أبل عشان عاوز يعيش اللايف ستايل بتاع ابل ! لكن هي كبرمجيات غبيه و محتكره بغباء !

انا مش فاهم قصد حضرتك بظبط في الحتة دي , حضرتك تقصد ايه بظبط ببرمجيات ؟

لكن هما متميزين في جذب انتباه الناس و وهم الناس بأنهم بيعملو التكنولوجيا جديده !!

دي حقيقة , و لكن هقول لحضرتك على حاجة

فعلا ابل مش دايما بتخترع التكنولوجيا , و لكن بتخليها صالحة للاستخدام للمستهلك العادي و بتقدر تحط التكنولوجيا في اجهزة صغيرة و مختلفة و دة في حد ذاته اختراع

اول كمبيوتر شخصي ابل خدت السمعه , لكن في الحقيقه مش هو اول واحد !

فعلا IBM هي صاحبة اول كمبيوتر شخصي و لكن كان كمبيوتر شخصي اسما و ليس مضمونا , لأن كان سعره عالي جدا و كان يسع رسالتين فقط

بالمناسبه الايبود من تاريخه و هو مليان بالعيوب ! مش عشان جهاز صوته كويس و بيتصل بالكمبيوتر من ايتونز يبقي هي دي التكنولوجيا !!

ارجو ان حضرتك تقولي مثال لهذه العيوب , عشان زاى ما قلت انا عندي تلات Ipod و مفيش ولا واحد ظهر في اي عيب و في واحد منهم بقاله 3 سنين

اي باد اكبر ضحك علي العالم ! بعيدا عن انه اي فون كبير مش اكتر من كدا ! الا انه كله عيوب ! مش لاقيله ميزه !

اختلف مع حضرتك في النقطة دي جاااااامد

العالم هو الوهم نفسه ان ابل على وشك اطلاق كمبيوتر تابلت (tablet) بينما ابل مقالتش اي حاجة

و لما الناس لقوا انه مجرد eBook انتقدوا ابل بشدة

لو الاي باد بالنسبة لحضرتك مفيهوش مميزات فدة مش معناه انه كله عيوب , ارجو ذكر احد هذه العيوب

و للمستخدمين التقلديين فهو ايفون ليس اكتر (انا برده شايفه كدة) , و لكن بالنسبة للناس البتقرأ كتب الكترونية , فالاي باد دة طفرة بالنسبالهم , بعد ما كان اقوى جهاز eBook ابيض و اسود

بعيدا عن الموضوع دا !
هههه تعرف في البرامج للأي فون ! لو عملت برنامج و بعته و أبل بعتتلك و رفضت و اذا تكرمو عليك و بعتولك سبب الرفض ! من حق ابل مقاضاتك لو انت نشرت سبب الرفض اللي بعتهولك !! عشان اغلبها ردود تافهه ! المبرمجين اتعودو علي الردود دي من ابل قووي !!

بس يا باشا الكام دة مش منطقي بالمرة , و ازاى الناس عرفت كدة , يعني لو الشركة هتقاضيني لو قلت سبب الرفض سيقى اكيد مش هقول ان الشركة قالت انها هتقاضيني , طب مانا كنت قلت سبب الرفض و خلاص

و بعدين دي applications يعني ممكن فعلا يكون البرنامج مش كويس او لا يليق او اي حاجة , يعني هو ابل هترفض البرنامج غلاسة , بالعكس دة كل لما البرامج تزيد دي حاجة كويسة ليهم

عندي ماك بوك برو و بفضله علي باقي الاجهزه اللي عندي ! و ناسي ويندوز ! لكن ميمنعش اني انتقد سياسه الشركه

ربنا يباركلك فيه يا باشا :) , بصراحة بتبسط لما الاقي حد بيستخدمه :)

و طبعا سياسة الشركة شئ و منتجاتها شئ تاني , و لكن شركة ابل شركة ضخمة اوي

يعني سهل يعملوا منتج مفيهوش عيب , مش هيوفروا فلوس يعني

[محمد محمد]

الأي فون مش تليفون بالمعنى قد ماهو اكسيسوري
و غالبية زباينه بيجيبوه للشو و قليلين اللي بيجيبوه علشان قوة التكنو اللي فيه و لأنهم عارفين هما عايزين منه ايه

زي اللي قبله

برضه اول ما نزل كان مليان عيوب و ربنا نتعه بالسلامه و شغال

انا الحقيقة اعترف بتليفون كتليفون حاجة واحدة ....موتورولا

انما ابل

اللي غاوي

ينقط

بس بعيد عن ده

الشركة فعلا بترد بشكل استهتاري جدا على الناس

قال ماتمسكوش كده

و عجبي

عاملين زي جماعة عندنا في مصر ماسكين توكيل سيارة يابانية اول حرف من اسمها تويوتا.

[wawoo]

و للمستخدمين التقلديين فهو ايفون ليس اكتر (انا برده شايفه كدة) , و لكن بالنسبة للناس البتقرأ كتب الكترونية , فالاي باد دة طفرة بالنسبالهم , بعد ما كان اقوى جهاز eBook ابيض و اسود

مافيش اى حدة فى كلامى يا كريم ...

بخصوص الاى باد ..انت رايك اية تفتكر فى جهاز ebook ,و مافيهوش اختراع بسيط و هو مدخل ميمورى كارد يعنى افرض انا معاية كتاب على ممورى لية مقدرش ادخلة و اقراء منة ..مقدرش ببساطة لان ابل عاوزاك تنزل الكتاب من مكان معين ودة حيكون بفلوس طبعا و باشتراك ..هو دة الفكر الاستغلالى و التحكمى اللى بتستعملة ابل فى كل منتجتها ..

[PRO-DRIVE]

انا مش فاهم قصد حضرتك بظبط في الحتة دي , حضرتك تقصد ايه بظبط ببرمجيات ؟

برامج أبل ابل يعني , مقصدش النظام , اقصد ايتونز و طريقه تعامله مع ايفون و اي باد و كويك تايم اللي علي منصه ابل و بتنزل نسخه لويندوز بس !

دي حقيقة , و لكن هقول لحضرتك على حاجة

فعلا ابل مش دايما بتخترع التكنولوجيا , و لكن بتخليها صالحة للاستخدام للمستهلك العادي و بتقدر تحط التكنولوجيا في اجهزة صغيرة و مختلفة و دة في حد ذاته اختراع

بص , تعرف ان ابل معاها برائه اختراع نظام تشغيل متعدد المهام !! Object-oriented multitasking system - Google Patent Search

مع ان سبحان الله اساسا نظامهم مشتق من نظام تاني !! بس من سنه كام بقي اخيرا شفنا علي الايفون نظام متعدد المهام ؟؟ مع انه اساسا حاجه من اختراعهم حسب ادعائهم !!

ارجو ان حضرتك تقولي مثال لهذه العيوب , عشان زاى ما قلت انا عندي تلات Ipod و مفيش ولا واحد ظهر في اي عيب و في واحد منهم بقاله 3 سنين

اقصد عيوب تصميمه زي مثلا موضوع البطاريه و كدا عموما ربنا يباركلك فيهم ,

اختلف مع حضرتك في النقطة دي جاااااامد

العالم هو الوهم نفسه ان ابل على وشك اطلاق كمبيوتر تابلت (tablet) بينما ابل مقالتش اي حاجة

و لما الناس لقوا انه مجرد eBook انتقدوا ابل بشدة


لو الاي باد بالنسبة لحضرتك مفيهوش مميزات فدة مش معناه انه كله عيوب , ارجو ذكر احد هذه العيوب

و للمستخدمين التقلديين فهو ايفون ليس اكتر (انا برده شايفه كدة) , و لكن بالنسبة للناس البتقرأ كتب الكترونية , فالاي باد دة طفرة بالنسبالهم , بعد ما كان اقوى جهاز eBook ابيض و اسود

عيوبه اتكتب فيها كتب , شخصيا اكبر عيب بالنسبالي الـ DRM لو حستخدمه في قرايه الكتب بس , كمان موضوع ان جهاز بحجمه و امكانياته افضل مضطر برضه اني استخدمه مع اي تونز ! مفيهوش مخرج USB صحيح فيه ميني , بس مش حتساعدك تحط كل اللي انت عاوزه !

المفروض انه كان غير متعدد المهام !

بس يا باشا الكام دة مش منطقي بالمرة , و ازاى الناس عرفت كدة , يعني لو الشركة هتقاضيني لو قلت سبب الرفض سيقى اكيد مش هقول ان الشركة قالت انها هتقاضيني , طب مانا كنت قلت سبب الرفض و خلاص

دا بند من بنود اتفاقيه تشغيل منصه تطوير اي فون :) , المضحك , انك مبتعرفش الشروط دي غير لما بتدفع 100$ لأبل و حتي ممنوع انك تعرض الشروط دي علي العامه ! لغايه ما ناس استغلو ناسا و جابو منها الشروط دي :)

عموما تقدر تقرا الترجمه دي :) كويسه جدااا
ظƒظ„ طھط·ط¨ظٹظ‚ط§طھظƒ طظ„ط§ظ„ ظ„ط£ط¨ظ„: ط§طھظپط§ظ‚ظٹط© طھط±ط®ظٹطµ ط¨ط±ظ†ط§ظ…ط¬ ظ…ط·ظˆط±ظٹ iPhone « ظ…ط¯ظˆظ†ط© ط£ط³ط§ظ…ط© ط®ط§ظ„ط¯

و بعدين دي applications يعني ممكن فعلا يكون البرنامج مش كويس او لا يليق او اي حاجة , يعني هو ابل هترفض البرنامج غلاسة , بالعكس دة كل لما البرامج تزيد دي حاجة كويسة ليهم

اه حترفض غلاسه :) , انت مشفتش اوبيرا لما نزلت متصفحها علي الايفون ! و كانت ناقصه تبوس رجل أبل عشان تخليهم يحطو اوبيرا كبرنامج جوا الابب ستور ! و في الاخر وافقو ! بس ليه ؟ عشان اوبيرا عملت حركه ذكيه و عملت ضغط من المستخدمين علي ابل انها تنزله :) غير كدا مكنوش حيرضو :)*

الحقيقه عشان اوبيرا منافس قوي لمتصفحهم ,

Approved

و برضه حركات كتير من دي مع جوجل و مع ادوبي :) , مش بتكلم علي مستوي مبرمجين صغيرين :)

ربنا يباركلك فيه يا باشا :) , بصراحة بتبسط لما الاقي حد بيستخدمه :)


الله يكرمك :) , جوده كمبيوترات ابل بصراحه مقدرش انكرها اب


و طبعا سياسة الشركة شئ و منتجاتها شئ تاني , و لكن شركة ابل شركة ضخمة اوي

يعني سهل يعملوا منتج مفيهوش عيب , مش هيوفروا فلوس يعني

جوده الاجهزه مقدرش انكرها بصراحه :) , لكن سياسيه الشركه زي ماقلت هي اللي كرهتني فيها :(

[brown-eyes]

يا باشا ما انا جربته للاسف كان نفسي يطلع الكلام ده صح بس كاميرته مع انها حلوه على الموبايل بس حطها على الكمبيوتر وحط معاها صوره من n95 وهتعرف الفرق وبالنسبه للجوده فانا مجرب ايبود وكان من اسوأ ما يكون ومفيهوش اي اوبشنز وسعره غالي التنين وكان بيهنج كتير ولا جوده ولا بتنجان وفي الآخر وقع في كباية ميه وحمدت ربنا ورميته في الزباله وجبت كرييتف انضف منه مليون مره وعلى الاقل فيه اسبيكر (محسسني ان الاسبيكر اختراع في جهاز سعره اضعاف المنافسين) وبعدين جودة ايه اللي بتتكلم عنها انت قريت الموضوع ؟؟؟

وبالنسبه للشاشه جرب تحطها جنب شاشة اومنيا hd وشوف الفرق وكنت قريت ان شاشات الاي باد من سامسونج اصلاً
وموضوع البلوتوث ميزه ازاي؟؟؟؟؟؟؟ مش فاهم؟


\/COLOR]

الكاميرا بتاعة الايفون 2 ميجا بيكسل و n95 5 ميجا بيكسل لازم يكون في فرق مع العلم ان النوكيا n95 عن نفسي وعن تجربة بعتبره من احسن الاجهزة اللي نوكيا نزلتها خصوصا في الكاميرا وكمان الميوزك ايديشن جهاز اعتمادي جدا وكامرته كويسة جدا ولو عايز تقارن الكاميرا بتاعته يبقي نقارنها مع الايفون 4 جي لان بردو الكاميرا 5 ميجا بيكسل
بالنسبة للايبود بصراحة مش معاك خالص انا استعملت اكتر من جهاز ايبود بس كلهم كانو من غير هارد ديسك عشان دايما كنت بستعمل الايبود نانو انا استعملت الجيل الاول والتاني والتالت بصراحة ماشوفتش فيهم اي مشاكل نهائي بالرغم من اني كنت مابحفظش عليه خالص وعمره ماحصل فيه حاجة وبالنسبة للايتونز هو ممل شوية بس المشكلة مش في الايتونز المشكلة ان الاغاني العربي مابيكونش ليها id3 فصعب انك تعمل بلاي ليست او تسمع الاغاني بترتيب معين لان الايتونز بيرتب الاغاني حسب الاي دي بتاعها و الموضوع ده كان بيضيقني لغاية ما لافتلو حل وبقيت بعمل بلاي ليست منفصلة
الشاشة مقارنة بالسامسونج من وجهة نظري وبالنسبة لي الايفون يكسب بس ده بالنسبة لي ممكن لحد تاني يكون السامسونج احسن
بالنسبة للبلوتوث انا مش عايز منه اكتر من انه يشتغل علي اجهزة الصوت لاني مابحبش ولا استقبل من حد حاجة ولا ابعت لحد حاجة ومش كل ما حد يشوف معايا حاجاة علي التلفون يقولي ابعتهالي فا بالنسبة لي كده احسن وده بالنسبة لناس كتير عيب عموما لولا اختلاف الازواق لبارت السلع والاختلاف في الراي لايفسد للود قضية

[wawoo]

و برضه حركات كتير من دي مع جوجل و مع ادوبي :) , مش بتكلم علي مستوي مبرمجين صغيرين :)

صحيح انا نسيت حكاية ابل مع ادوبى و اعلانها الحرب على الفلاش "الذى يستخدم فى معظم صفحات الانترنت حاليا"
و طبعا لا وجود لاى مشغل فلاش على الاى باد او الاى فون او خلافة لأن ببساطة ابل عاوزة تتخلص من الفلاش عشان متدفعش اى حقوق لادوبى..سبحان اللة عاوزة تستغل كل المطورين لكن هى ازى تدفع لادوبى اى حقوق ...

وكأن الفلاش اصبح لا جدوى منة بقرار من ابل "هما فكرين نفسهم مين بالضبط عشان يتحكمو و يحتكرو تطور الكمبيوتر والانترنت بالطريقة المستفزة دى "...

انا لا اعتقد ان شركة بهذة السياسة وهذة العجرفة التكنولوجية ممكن تستمر كتير مهما كان حجمها حاليا...

[human]

صحيح انا نسيت حكاية ابل مع ادوبى و اعلانها الحرب على الفلاش "الذى يستخدم فى معظم صفحات الانترنت حاليا"
و طبعا لا وجود لاى مشغل فلاش على الاى باد او الاى فون او خلافة لأن ببساطة ابل عاوزة تتخلص من الفلاش عشان متدفعش اى حقوق لادوبى..سبحان اللة عاوزة تستغل كل المطورين لكن هى ازى تدفع لادوبى اى حقوق ...

وكأن الفلاش اصبح لا جدوى منة بقرار من ابل "هما فكرين نفسهم مين بالضبط عشان يتحكمو و يحتكرو تطور الكمبيوتر والانترنت بالطريقة المستفزة دى "...

انا لا اعتقد ان شركة بهذة السياسة وهذة العجرفة التكنولوجية ممكن تستمر كتير مهما كان حجمها حاليا...

السلام عليكم

ابل مش راضيه تشغل الفلاش مش عشان عجرفه او يتحكموا او يحتكروا
ببساطه هما قادرين يطوروا و قادرين يكسبوا عشان عاملين platform بيطوروا و بيكسبوا نتيجه للاعاتماد على ال platform و استثمارات بفلوس كتير و ده ادى لنجاح باهر لكل من ابل و المبرمجين اللى خلى ناس بتكسب فلوس كتير بسبب القاعده الاعلانيه و القدره الشرائيه لملايين من مالكى الابل وده فى النهايه بيقدر يديك applications قويه بأسعار رخيصه
و اى نجاح لابل هو نجاح لمطورين كتير بيكسبوا من ابل ستور فمافيش اى استغلال

المشكله الكبيره انه لو فتح السكه للفلاش اللى هيحصل ان الفلاش دلوقتى platform مستقل بذاته على اامتصفح و ده هيدى الفرصه ان applications تتباع بره ال apple store و ده كده يبقى بيسيب الناس اللى بتطور برامج و بطور العاب و بطور اى حاجه و قتل الابداع الجديد اللى هو بيعمله و بوظ السياسه الاعلانيه الضخمه المدمجه فى ال platform بتاع الا iphone

و عشان كده ماينفعش انه ينزل الفلاش و ديه استثمارات بفلوس كتير مش ينفع تقول احتكار و عجرفه

[PRO-DRIVE]

مبدأيا انا ضد الفلاش بلاير لأسباب كتير بس مش دي !

السلام عليكم

ابل مش راضيه تشغل الفلاش مش عشان عجرفه او يتحكموا او يحتكروا
ببساطه هما قادرين يطوروا و قادرين يكسبوا عشان عاملين platform بيطوروا و بيكسبوا نتيجه للاعاتماد على ال platform و استثمارات بفلوس كتير و ده ادى لنجاح باهر لكل من ابل و المبرمجين اللى خلى ناس بتكسب فلوس كتير بسبب القاعده الاعلانيه و القدره الشرائيه لملايين من مالكى الابل وده فى النهايه بيقدر يديك applications قويه بأسعار رخيصه
و اى نجاح لابل هو نجاح لمطورين كتير بيكسبوا من ابل ستور فمافيش اى استغلال

طيب و الابليكيشنز المجانيه ؟ افرض انا عاوز اعمل برنامج بسرعه بيعمل حاجه بسيطه و ابعته للناس من غير فلوس !

لازم انا شخصيا ادفع لأبل ! و دا مخلي الناس يا أما تتوجه للطرق الخلفيه !!

المشكله الكبيره انه لو فتح السكه للفلاش اللى هيحصل ان الفلاش دلوقتى platform مستقل بذاته على اامتصفح و ده هيدى الفرصه ان applications تتباع بره ال apple store و ده كده يبقى بيسيب الناس اللى بتطور برامج و بطور العاب و بطور اى حاجه و قتل الابداع الجديد اللى هو بيعمله و بوظ السياسه الاعلانيه الضخمه المدمجه فى ال platform بتاع الا iphone

طيب و جوجل فويس ؟؟ و متصفح اوبيرا قبل الضغط عليهم !

و عشان كده ماينفعش انه ينزل الفلاش و ديه استثمارات بفلوس كتير مش ينفع تقول احتكار و عجرفه

بص هي دي المشكله ! ابل بتخليني عبد عندها ! هي بتعرف مصلحتي اكتر مني ! هي بتعرف ايه اللي يصلح ليا ولا لا ! بتعامل الناس علي انهم معاقيين ذهنيا و هي اللي من حقها تتحكم فيهم ! هي مش بتبيعلي منتج ! هي بتبيعلي خدمه !

[human]

مبدأيا انا ضد الفلاش بلاير لأسباب كتير بس مش دي !



طيب و الابليكيشنز المجانيه ؟ افرض انا عاوز اعمل برنامج بسرعه بيعمل حاجه بسيطه و ابعته للناس من غير فلوس !

تقدر تنزل application free فى ال apple store ده عادى

لازم انا شخصيا ادفع لأبل ! و دا مخلي الناس يا أما تتوجه للطرق الخلفيه !!

لا مش لازم

طيب و جوجل فويس ؟؟ و متصفح اوبيرا قبل الضغط عليهم !

عشان جوجل منافس ليهم و بيستخدم API هما مش مصرحين بيها و قايلين انهم ممكن يغيروها بعد فى اعتقادى الشخصى



بص هي دي المشكله ! ابل بتخليني عبد عندها ! هي بتعرف مصلحتي اكتر مني ! هي بتعرف ايه اللي يصلح ليا ولا لا ! بتعامل الناس علي انهم معاقيين ذهنيا و هي اللي من حقها تتحكم فيهم ! هي مش بتبيعلي منتج ! هي بتبيعلي خدمه


المشكله كمان ان فى الفلاش ممكن يبقى Music Platform و ده يضرب الا ITunes و برضه ضد سياسه و طريقه تفكير الشركه

الموضوع بسيط عايز iphone عندك الTechnology بتاعتهم و طريقتهم فى الحياه هما ماقلوش لحد يعمل عندهم حاجه بس الناس هيه اللى بتجرى ورا الQuality products اللى عندهم و ده يديهم الحق يحطوا القواعد اللى هما عايزنها واللى مش عاجبه يجيب windows mobile او android صح؟



!

[aliabutaleb]

طب ممكن سؤال بعيداً عن الجدال الدائر حالياً؟
لو حد مقتنع بالآيفون وخلاص واخد قرار الشراء
يشتري الـ 3Gs على أساس إنه بقاله سنة شغال وملوش مشاكل تُذكر
ولا يشتري الـ 4G ويتحمل مخاطرة ظهور العيوب اللي الناس اتكلمت عليها دي؟