أتخصص محاسبه ولا إدارة ؟؟!!

[Medo.Malek]

اهلاً بشباب تجارة "إنجلش" المنصورة.... مين الدكاترة اللي بيدولك يا باشا ؟ و عملت اية في الإمتحانات ؟

اهلا بيك يا باشا
الصراحة انا معرفش غير دكتورين بس .. واحد فيهم كان و لا زال اكتر واحد كويس عرفته طوال ال 4 سنين ( د\ مكرم باسيلى ) محاسبة ( و بيدينى الترم التانى )
و عندك يا سيدى د\ حاجة ابو العز( مش عارف اسمه كامل ) محاسبة برضه و ده اكبر خ$%#ق عرفته فى الكلية ( كان فى الترم الاول)
بالنسبة للامتحانات و الله .. الحمد لله على كل شىء كانت مش اوى يعنى و ربنا يستر

[M!SHO]

ممكن تتميز بالحصول على إحدى الشهادات المهنية فى المحاسبة أو المراجعة زى ال

CPA (Certified Public Accountant

أو CMA (Certified Management Accountant)

أو CIA (Certified Internal Auditor

ناس صحابى بياخدو ( CMA ) وماشيين فيها بالعافيه وبيقولولى انها تقيله وخدها بعد التخرج احسن ...

ماله ال Auditing ده زي الفل واللهِ, ده أنا جايب فيه امتياز بجدارة..بجد كانت مادة جامدة جدا, مع إني كنت باكره المحاسبة أصلا.

شوف اللي يريحك, أنا عن نفسي اتخصصت محاسبة عشان كلام الناس إنها أحسن بس, بس للعلم أنا ماباتأهاش أصلا ولا بشتغل فيها ولا ناوي اشتغل فيها.

أنت أكيد بتهزر ,,,,
امتياز فى Auditing ....انا جايب فيها 10 يعنى ناجح بالعافيه برغم انى حليت فيها كويس ...

وانا زيك بالظبط مش عايز اشتغل فى المحاسبه,,,, بس انا متأكد مليون فى الميه ان الكلام اللى بيتقال دلوقتى غير اللى بيحصل بعد التخرج وظروف الشغل هى اللى بتحكم

[hazemhassan]

بص ياباشا انا عندى فى الكلية الفرق بين المحاسبة والادارة هما مادتين فى الترم فقط لاغير اللى هما مكان المحسبات فى قسم الادارة والعكس فى القسم التانى
بس من وجة نظرى المحاسبة بتتطلب اكتر من الادراة وبالذات لما تكون معاك كورسات محاسبةو هتبقى الدنيا فل معاك
وادعيلى انجح و بكدة اكون اتخرجت (محاسبة)

[M!SHO]

يا هشام انا بيسو يابنى انا دخلت ادارة و مفيش غيرها تنفعنا يا هشام احنا كان زمانا متخرجيين دلوفتى اسمع النصيحة منى وادخل ادارة و بعدين كدة كدة فخرى دى اخر سنة ليه ربنا يسلهالو و صابر و جعفر و الشلة دى ادارة انا عن نفسى بحب المحاسبة اوك بس الادارة انا شايفها متعة جدا بالرغم انى مبحبش الحفظ بس عايزة دماغ و انت عارف دماغى يا اتش اتكل على الله و ادخل ادارة

بيسو على نايل موتورز ,,,ازاى ؟؟
اخيرا" لقيت حد أعرفه .....يا مرحب برجالة تجاره انجليزى ,,,
وبعدين انت سارق الاكونت ده منين ... ولا ده صاحبك اللى كان قافل عليا فى الجامعه الاسبوع اللى فات ,,,,

يعنى انت وصابر وجعفر... إدارة
أمال مين اللى هيدخل محاسبه ...دا كل الدفعه لغاية دلوقتى إدارة حتى أحمد فاضل ...

[M.Osman]

اهلا بيك يا باشا
الصراحة انا معرفش غير دكتورين بس .. واحد فيهم كان و لا زال اكتر واحد كويس عرفته طوال ال 4 سنين ( د\ مكرم باسيلى ) محاسبة ( و بيدينى الترم التانى )
و عندك يا سيدى د\ حاجة ابو العز( مش عارف اسمه كامل ) محاسبة برضه و ده اكبر خ$%#ق عرفته فى الكلية ( كان فى الترم الاول)
بالنسبة للامتحانات و الله .. الحمد لله على كل شىء كانت مش اوى يعنى و ربنا يستر

د/مكرم عمره مدرس لي ..بيوقلوا كويس... درس لمحاسبة في رابعة بس

محمد سعيد ابو العز يا ماو... دا راجل عبقري ... كنت بحل الإمتحان بتاعه كله و بجيب جيد بس

بس هو عبقري بجد و امتحاناته فلة شمعة منورة :d

.
.
.
وصلت لأية يا اتش ؟

[M!SHO]

وصلت لأية يا اتش ؟

لسه موصلتش لحاجه واحترت اكتر ,,,
قاعد بذاكر ( international ) وماده لذيذه وكلامها سهل ,,,
ودماغى بتزقزق لإدارة

[crazylambada]

بيسو على نايل موتورز ,,,ازاى ؟؟
اخيرا" لقيت حد أعرفه .....يا مرحب برجالة تجاره انجليزى ,,,
وبعدين انت سارق الاكونت ده منين ... ولا ده صاحبك اللى كان قافل عليا فى الجامعه الاسبوع اللى فات ,,,,

يعنى انت وصابر وجعفر... إدارة
أمال مين اللى هيدخل محاسبه ...دا كل الدفعه لغاية دلوقتى إدارة حتى أحمد فاضل ...

للاسف سرقه مني بالعافيه
لما شاف الموضوع بتاعك
و ياسيدي متاسفين على القفله بتاعت الاسبوع اللي فاتت

[M!SHO]

للاسف سرقه مني بالعافيه
لما شاف الموضوع بتاعك

اه...مانا قابلته وقالى ,,

و ياسيدي متاسفين على القفله بتاعت الاسبوع اللي فاتت

يا باشا أسف على ايه ,,,
ولا يهمك يا عم ,,والله انا فضلت واقف اشبه على العربيه وحاسس أنى عارفها ,,,
أتشرفنا يا فندم

[kemo0o]

بص يا سيدي
انا والحمد لله لفيت كتير جدا في شركات وشفت ناس كتير قوي وقعدت واتعلمت مع ناس كتير وفي مجالنا "الهندسة" وخصوصا في الشركات الهندسية عدد المحاسبين مش كتير وكمان لازم يكونوا خبرة وكمان المطلوبين للتدريب لازم يكونوا تخصص management

انما دايما بشوف ناس كتير قوي في موضوع ال management وبصراحة مجال كويس وشغله كتير

بس في الاخر انا مش خبير ولست على علم كافي بتخصصات الادارة والمحاسبة ولكن انا بقول لك اللي شفته