الظابط اخد عربية والدي وسجن السواق وانا عايز اشتكيه

[shaddadfalcon1]

البارح السواق اللي سايق عربية والدي النص نقل كان ماشي علي كوبري كفر الدوار والمرايا بتاعة العربيه خبطت مراية عربيه ملاكي مش عارف ازاي بس المهم مفيش اي حاجه حصلت

السواق من طيبته نزل يتاسف قام الظابط (مباحث مش مروور وشغال في الأمن العام) واخد رخصه ورايح بيه القسم وسايب السواق في الحبس من البارح والعربية دخلت الحضانه والمفروض طبعا يطلع عين اهالينا عشان نطلعها

اولا انا مخنوق جدا لما عرفت - الفلوس في ستين داهيه بس الموقف نفسه حارق دمي

انا عايز اشتكي البني ادم المتخلف ده وعايز اعرف ازاي وهل اللي عمله ده قانوني ولا لآ لما اشتكيه اقول ايه

[ahmed_mido1889]

اشتكيه في اداره التفتيش في وزاره الداخليه

[gebreel]

في لواء في الدراسة اسمو محسن حاجة ده اللي ماسك الحاجات اللي هناك دي و اللي اسمعو عنو انو راجل محترم جدا

[M.Osman]

لا تعليق

(10 احرف اهو)

[gebreel]

افتكرت اسمو اللواء محسن عبد الستار

[MaZaGAngeE]

ربنا يقويك عليهم

لو تقدر تعمل أي حاجة ولو حتى تلغراف شكوى لوزارة الداخلية اعملها

ربنا يقويك عليهم

[أحمد كمال]

و يقولوا بلاش تسيبوها

ياخي بلا قرف

اللي ييجي له فرصه يطير و يفضل قاعد يستاهل اللي يجراله

[M.Osman]

و يقولوا بلاش تسيبوها

ياخي بلا قرف

اللي ييجي له فرصه يطير و يفضل قاعد يستاهل اللي يجراله

باشا....

كفاية احسن يتقال لك صدعتنا ولا حاجة

[A.Saad]

شكوى لمكتب الوزير
شكوى لادارة التفتيش بالوزارة
واعتقد ان فيه ادارة تفتيش تابعة للمديرية نفسها

شكوى فى النيابة ومكتب النائب العام - ممكن تلغراف له - بحبس السائق بالقسم بدون سبب

[m_car]

اهاااااااااااااااااا وقعت مع ايد الناس الجميلة المحترمة اللى بيعرفوا الحق

يااااااااااااااااه ناس جميلة اوى البظاط دول بجد ناس تتحط على الجرح يشفى على طول بلسم يا جماعة

ربنا يقويك ياباشا معاهم

[shaddadfalcon1]

بعد ذل طول النهار البارح انا ووالدي واخو السواق وازوج اختي اقولكم الحكايه

علي كوبري كفر الدوار اللي بقاله اكتر من 30 سنه وبجد لسه مخلصش كان الطريق واقف كالعاده

المرايا بتاعة عربيتنا خبطت في مراية البوكس اللي فيه الظابط الحيوان وكل اللي حصل ان المرايا اتقفلت

وبما ان الطريق واقف قام الظابط واللي معاه نازلين واخدين الرخص وقالولو تعالي ورانا

السواق من طيبته راح وراهم لحد القسم بالعربيه وطبعا خدوها منه والمفاتيح وحطوه في الحجز لحد تاني يوم

المصيبه بقي لقينا الظابط عامل محضر فيه البنود دي:
1- حزام وعلي كلام السواق كان شده
2- سواقه بسرعه جنونيه - مش هعلق
3- تحميل ركاب في الصندوق - وطبعا مكنش في حد

الحمد لله طلعنا السواق والبارح طلعنا العربيه من غير الرخص بعد الأتي

دفعت 500 جنيه في دمنهور في المحافظه وقال ايه تبرع للمحافظه والنظافه -
الحزام والركاب في الصندوق كانو عاملين 800 جنيه غرامه نزلناهم 185 جنيه
غير الرش الكتير في المرور وانتو سيد العارفين وبعد كل ده الظابط اللي هناك قال لازم العربيه ترخض من اول وجديد

والدي راح النهارده عشان يرخص العربيه من اول وجديد ويارب ياخد رخصه جديده فيها التاريخ من النهارده مش الرخصه القديمه اللي هتنتهي كمان 4 شهور

انا بجد اول مره احس بالظلم والقهر ده يعني عشان الظابط كتب البنود دي يبقي كلامه مصدق؟؟

كنت عايز اشتكيه البارح والكل قاللي العربيه لسه معاهم وممكن يدسو حاجه فيها ويبلسوك تهمه

ان شاء الله بعد مانستلم كل حاجه لازم اعمل حاجه في الحيوان ده

بالله عليكم بقي تقولولي بالتفصيل الممل اعمل ايه وابعت لمين ومن غير مااضر نفسي

[ahmed ismail]

دمى اتحرق و فار اول ما قريت مشكلتك
عموما حسبى الل ونعم الوكيل فى كل ........* فاكر نفسه باشا و ماشى يبلطج على الناس

[cyborg_ift]

بعد ذل طول النهار البارح انا ووالدي واخو السواق وازوج اختي اقولكم الحكايه

علي كوبري كفر الدوار اللي بقاله اكتر من 30 سنه وبجد لسه مخلصش كان الطريق واقف كالعاده

المرايا بتاعة عربيتنا خبطت في مراية البوكس اللي فيه الظابط الحيوان وكل اللي حصل ان المرايا اتقفلت

وبما ان الطريق واقف قام الظابط واللي معاه نازلين واخدين الرخص وقالولو تعالي ورانا

السواق من طيبته راح وراهم لحد القسم بالعربيه وطبعا خدوها منه والمفاتيح وحطوه في الحجز لحد تاني يوم

المصيبه بقي لقينا الظابط عامل محضر فيه البنود دي:
1- حزام وعلي كلام السواق كان شده
2- سواقه بسرعه جنونيه - مش هعلق
3- تحميل ركاب في الصندوق - وطبعا مكنش في حد

الحمد لله طلعنا السواق والبارح طلعنا العربيه من غير الرخص بعد الأتي

دفعت 500 جنيه في دمنهور في المحافظه وقال ايه تبرع للمحافظه والنظافه -
الحزام والركاب في الصندوق كانو عاملين 800 جنيه غرامه نزلناهم 185 جنيه
غير الرش الكتير في المرور وانتو سيد العارفين وبعد كل ده الظابط اللي هناك قال لازم العربيه ترخض من اول وجديد

والدي راح النهارده عشان يرخص العربيه من اول وجديد ويارب ياخد رخصه جديده فيها التاريخ من النهارده مش الرخصه القديمه اللي هتنتهي كمان 4 شهور

انا بجد اول مره احس بالظلم والقهر ده يعني عشان الظابط كتب البنود دي يبقي كلامه مصدق؟؟

كنت عايز اشتكيه البارح والكل قاللي العربيه لسه معاهم وممكن يدسو حاجه فيها ويبلسوك تهمه

ان شاء الله بعد مانستلم كل حاجه لازم اعمل حاجه في الحيوان ده

بالله عليكم بقي تقولولي بالتفصيل الممل اعمل ايه وابعت لمين ومن غير مااضر نفسي

طب احمد ربنا على كده والله كنت خايف عليك لا تحشر حاجه في زورك ولا حاجه علشان ترمي بلاك عليهم

ربنا يخلصنا منهم

[adel_2346]

ايه القرف ده3 بنود يودوا فى داهيه لا وايه الافندى مظبط البنود بالمسطره

[shaddadfalcon1]

ايه القرف ده3 بنود يودوا فى داهيه لا وايه الافندى مظبط البنود بالمسطره

الاتنين الأوليين ساهليين - المصيبه في التالت اللي لازم نرخص عشانه

لسه مكلم والدي وكان بيطلع شهادة مخالفات

بيقولي قالوله هيعملو معاه واجب ويطلعو الرخصه سنه - كان ناقص يطلعوها شهرين وهو دافع سنه كامله