إعـــــــلان

Collapse

.

,
See more
See less

هو حب تاني عيل ..زي حب أول عيل !!!!! سؤال لأصحاب العيال 2 فما فوق

Collapse
X
 
  • Filter
  • الوقت
  • Show
Clear All
new posts

  • #31
    اولا الف الف مبروك
    يتربو في عزك يابو البنات
    معزه الكبيره حتفضل جواك واحساسك بيها حيبقي عالي (اصل انا البنت الكبيره لبابا وعندي اختين وولد بس انا حاجه تانيه)
    بس الصغيره حتاخد عقلك وقلبك بحركاتها (زي بنتي ماعملت فيا)
    بس اول ما الاتنين ما يوصلو كده سبع سنين حدف الجزم حيشتغل علي الاتنين
    وساعتها حتقول ياجدعان مفيش نظام المدارس الداخلي ...........
    ....................
    نصيحه صغيره عملتها لما ولدت بنتي في المستشفي....
    خليت كل اصحابي ومعارفي لا يجيبو ورد ولا شوكلاته ولا غيره ...كل واحد يجيب لعبه لابني الكبير كنت انا محدده الحاجات اللي كان نفسه فيها (وقتها كان داخل علي 3 سنين)
    ويقولولو ان اخته هي اللي قالتلهم جيبو اللعبه دي للاخويا علشان انا بحبه
    طبعا هو كان غيران منها بس في نفس الوقت حبها علشان جابتلو لعب كتيير
    وربنا يكون في عونك ويكون في عون مامتهم

    Comment


    • #32
      المشاركة الأصلية كتبت بواسطة kareemz مشاهدة المشاركة
      الف مبروك و ربنا يرزقك الذرية الصالحه ان شاء الله


      أنا من رأيى ان الطفل الاول بيكون الاهتمام بيه أكبر بكتير لانه حاجه جديده و بتشوف حركاته لأول مره و حاجات جديده عليك .. اقرا الموضوع ده



      تصرف الأم بعدالولادة بابنائها الثلاثه




      لو بلع قرش



      الطفل الاول: تطلب عمل اشعة للولد.



      الطفل الثاني: تقلق شوية عليه ، وتستنى وتشوف بيبلع الفلوس ويهضمها والاَّ لأ؟



      الطفل الثالث: تخصمه من مصروفه



      الملابس



      الطفل الاول: تلبس ثياب الحمل من اول لما تعرف انها حامل.



      الطفل الثاني: تحاول اتلبس ثيابها العادية لاطول فترة ممكنة.



      الطفل الثالث: ثياب الحمل هي ثيابها العادية اليومية.





      الاعداد للطفل



      الطفل الاول: كل دقيقة تغيير للطفل.. وتحاول تخلي ريحته حلوة.



      الطفل الثاني: كل ثلاث ساعات.



      الطفل الثالث: لما ريحته تطلع.



      خخخخخخخ





      القلق



      الطفل الاول: من اول خبطة تجري عليه و تشيله.



      الطفل الثاني: تشيله لو حست ان خلاص فيه سيارة بتصقعه.



      الطفل الثالث: احسن..علشان تتربي... خلي السيارة تدوسك.



      هههههههههه





      الاكل



      الطفل الاول: تغسل اى حاجة تقع على الارض.



      الطفل الثاني: تغسلها بشوية ماي.



      الطفل الثالث: تمسحها فى ثيابها.




      الفسح



      الطفل الاول: الملاهي... - المرجيحات ..النادي.



      الطفل الثاني: النادي.



      الطفل الثالث: السوق.




      الخروج



      الطفل الاول: تخليه مع اختها و تتصل تطمن عليه كل خمس دقايق.



      الطفل الثاني: تخليه مع اختها... و هي على الباب تفتكر تخلي رقم التليفون حق المكان اللي هيه بتروحه.



      الطفل الثالث: تخليه مع أى حد.. مع تحذير بان ما أحد يتصل بها الا فى حالة يكون فى الموضوع دم.




      فى البيت



      الطفل الاول: كل دقيقة تتفرج على ابنها وهو نايم.



      الطفل الثاني: من وقت للثاني تتاكد ان الكلب(الطفل الاول) ما أكل إيد الولد.



      الطفل الثالث: تغيب عنهم الا لو سمعت صوت صراخ.




      للاسف الكلام ده صح جدا

      Comment


      • #33
        المشاركة الأصلية كتبت بواسطة kareemz مشاهدة المشاركة
        الف مبروك و ربنا يرزقك الذرية الصالحه ان شاء الله


        أنا من رأيى ان الطفل الاول بيكون الاهتمام بيه أكبر بكتير لانه حاجه جديده و بتشوف حركاته لأول مره و حاجات جديده عليك .. اقرا الموضوع ده



        تصرف الأم بعدالولادة بابنائها الثلاثه




        لو بلع قرش



        الطفل الاول: تطلب عمل اشعة للولد.



        الطفل الثاني: تقلق شوية عليه ، وتستنى وتشوف بيبلع الفلوس ويهضمها والاَّ لأ؟



        الطفل الثالث: تخصمه من مصروفه



        الملابس



        الطفل الاول: تلبس ثياب الحمل من اول لما تعرف انها حامل.



        الطفل الثاني: تحاول اتلبس ثيابها العادية لاطول فترة ممكنة.



        الطفل الثالث: ثياب الحمل هي ثيابها العادية اليومية.





        الاعداد للطفل



        الطفل الاول: كل دقيقة تغيير للطفل.. وتحاول تخلي ريحته حلوة.



        الطفل الثاني: كل ثلاث ساعات.



        الطفل الثالث: لما ريحته تطلع.



        خخخخخخخ





        القلق



        الطفل الاول: من اول خبطة تجري عليه و تشيله.



        الطفل الثاني: تشيله لو حست ان خلاص فيه سيارة بتصقعه.



        الطفل الثالث: احسن..علشان تتربي... خلي السيارة تدوسك.



        هههههههههه





        الاكل



        الطفل الاول: تغسل اى حاجة تقع على الارض.



        الطفل الثاني: تغسلها بشوية ماي.



        الطفل الثالث: تمسحها فى ثيابها.




        الفسح



        الطفل الاول: الملاهي... - المرجيحات ..النادي.



        الطفل الثاني: النادي.



        الطفل الثالث: السوق.




        الخروج



        الطفل الاول: تخليه مع اختها و تتصل تطمن عليه كل خمس دقايق.



        الطفل الثاني: تخليه مع اختها... و هي على الباب تفتكر تخلي رقم التليفون حق المكان اللي هيه بتروحه.



        الطفل الثالث: تخليه مع أى حد.. مع تحذير بان ما أحد يتصل بها الا فى حالة يكون فى الموضوع دم.




        فى البيت



        الطفل الاول: كل دقيقة تتفرج على ابنها وهو نايم.



        الطفل الثاني: من وقت للثاني تتاكد ان الكلب(الطفل الاول) ما أكل إيد الولد.



        الطفل الثالث: تغيب عنهم الا لو سمعت صوت صراخ.




        تحليل دقيق جدا وواقعي قوي كريم باشا
        بالنسبة للحب و المعزة كلها بتبقي واحدة انت بس بيتهيألك دلوقتي في الوقت الحالي ان بنتك هي حبك الوحيد عشان لسه الهانم التانية ما شرفتش انما مجرد ما تتولد حتلاقي ربنا نزل حبها في قلبك بشكل فظيع و علي فكرة الاباء غير الامهات في الشعور ده لان الام بيتولد معاها الاحساس ده اول ما بيحصل الحمل و دي حاجة فطرية كده لانها بتبقي جزء لا يتجزا منها
        انما طبعا الاهتمام بيكون مع الطفل الاول اكثر بكتير من التاني و ده سببه ان الابوين بيكونوا اكتسبوا الخبرة المناسبة مع الطفل التاني يعني انا مثلا عندي مازن الكبير عنده 8 سنين و كان و هو صغير بيبقي قلقي عليه مالوش حل يعني مش مجرد ما يمرض اجري بيه او الكلام ده انما بيبقي قلق مفرط لدرجة بتستفز الاهل من حواليك لدرجة انه لما كان عنده سنتين و معظم كلامه مش مفهوم وديته لدكتور تخاطب و من غير ما حد يعرف من اهلي او اهل مراتي عشان ما يدبحوناش و مرة تانية نزلت الفجر بالشبشب لاقرب مستشفي لما كان عنده برد و كان سخن شوية
        انما مالك الصغير و عنده 4 سنين انا اللي بعالجه بأيدي لما يمرض لدرجة انه ما بيفرقش بين الدوا و الحاجة الحلوة و كل يوم يقولي يا بابا ما تنساش تجيبلي معاك دواء و انت راجع
        الاتنين حبهم واحد طبعا انما الاهتمام هو اللي مختلف حسب المرحلة السنية يعني انا عندي مازن دلوقتي الراجل بقي بطل في الكاراتيه بسم الله ما شاء الله و حاصل علي الحزام البني فطبيعي حيبقي قلقي عليه اقل من اخوه اللي ممكن يؤذي نفسه من غير ما يعرف و انا بصراحة مش مقتنع خالص بالرأي القائل ان الكبير بتبقي معزته اعلي سنة عن التاني لاني بالفعل بكرههم ...اقصدي بحبهم هما الاتنين بنفس النسبة بس ممكن مثلا مالك احبه الصبح اعلي من مازن سنة و بعد الظهر احب مازن سنة اعلي شوية انما قبل ما ننام الاتنين حبهم بيبقي واحد

        ربنا يباركلك في بناتك و يلا تقل جيبك و ظبط الودايع عشان العرسان مستنيين
        (وَلْيَعْفُوا وَلْيَصْفَحُوا أَلاَ تُحِبـُّونَ أَنْ يَغْفِرَ اللَّهُ لَكُمْ):satelite:

        [SIZE=4][COLOR=navy]محمد فهمي[/COLOR][/SIZE]

        Comment


        • #34
          ألف مبروك يا بوحميد و يتربوا فى عزك إن شاء الله

          طبعاً مفيش كلام كتير يتقال بعد اللى الناس قالته.....بس أنت عندك ميزة كويسة برضه......ان سنهم قريب من بعض و الفرق مش كبير.....يعنى مدى أستيعاب مايا للأختها مش هيكون مثلاً زى ما يكون فى فرق بينهم 4 سنين

          بمعنى أن الما يكون الفرق كبير شوية....4 سنين أو أكتر...الطفل الأول بيشعر بالغيرة و بيحس أن التانى ده جه خد منه الجو و الأهتمام و الدلع.....و ممكن تكون تصرفاته عنيفة بعض الشئ.

          عموماً أنت ساعة الولادة جيب هدية لمايا و فهمها أن أختها هى اللى جابتها ليها....و مع مرور الوقت برضه تفهم مايا أن دى أختها الصغيرة الهبلة اللى مش فاهمة حاجة و أنها لازم تاخد بالها منها.

          و بالنسبة لموضوع الحب ده.......متقلقش....لحد ما بنتى الصغيرة اتولدت و أبتدت تلاغى مكنتش حاسس حاجة جديدة قوى.......بس بعد كده......مش عاوز أقولك........ده حتى مراتى بتحس أنى بحب الصغيرة أكتر من الكبيرة :)
          [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
          [/CENTER]

          Comment


          • #35
            انت اكيد هاتحب الاتنين
            بس هاتلاقيك بتميل اكتر للطفل اللي دمه خفيف ومطيع وهادي..
            سواء كان الأكبر أو الأصغر..
            من أعظم الحسرات يوم القيامة..أن ترى حسناتك الصحيحة المقبولة في ميزان غيرك وغالبًا يكون ممن تكرهه

            Comment


            • #36
              مبروك يا دوك

              ربنا يحفظهم لك ويطرح لك فيهم البركة
              [CENTER][COLOR=Red]لأي استفسار أو شكوى بخصوص الإدارة والإشراف والدعم الفني، يرجى المراسلة على:[/COLOR]
              [/CENTER]


              [RIGHT][CENTER][COLOR=Navy][B][EMAIL="nilemotors.all@gmail.com"]Nilemotors.all@gmail.com[/EMAIL][/B][/COLOR][/CENTER]
              [/RIGHT]

              Comment


              • #37
                من ناحية الحب فتأكد إن حبهم هايكون متساوي في قلبك لأن الأتنين ولادك

                لكن طبعا الطفل الأول غصبا عنك بيكون تأثيره عليك أكبر بكتير من اللي بيجي بعده , عشان ده بيبقى أول فرحتك بالخلفة

                فتلاقي إن الإهتمام الشديد اللي كنت بتديهوله قل شوية بشوية مع إخواته

                بس ده مش معناه إن حب اللي بعديه أقل . لأ . هو مجرد إن الموضوع مابقاش جديد عليك زي الأول

                تعرف أنا كتير بنده على إبني التاني بإسم الأولاني , خصوصا لما بكون بلاعبه , وأعتقد ده بسبب التأثير الكبير لإبني الأول على

                Comment


                • #38
                  ربنا يرزقك ويرزق الجميع بالذرية الصالحة ان شاء الله
                  انت مش هتحس بالمولود التاني في الأول لأن بنتك مايا ربنا يباركلك فيها واخده قلبك دلوقتي
                  ولكن اول ما المولود التاني يبدأ يشاغل قلبك هيبدأ يتقسم اتنين يعني ممكن متحسش به الا بعد كذا شهر وممكن سنه وممكن اقل من كده
                  ومش شرط انك تحب حد عن حد
                  كل واحد هتحب فيه مميزاته اللي بتختلف عن اخوه

                  المسألة بتتخلخص ان انت عندك اشباع دلوقتي من مايا
                  ولكن اول ما تلاقي فيه واحده تانيه بتشاغل وبتبص ولها نظرات لك
                  هتبدأ واحده واحده تميل لها زي مايا
                  ومش بعيد تبص لمايا انها بقت قديمه وخلاص اخدت حقها وزياده ههههههههه
                  وبرضه مش شرط انها تغير من اختها او كده
                  مع ان الغيره في البنات زايده عن الولاد ولكن ممكن يحصل العكس وتلاقيها بتحبها وعاوزه تعملها كل حاجه
                  [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                  [COLOR="Olive"]قال رسول الله صلى الله عليه وسلم :[/COLOR]
                  [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                  Comment


                  • #39
                    ألف ألف مبروك. بس زي ما باقي الأعضاء قالوا لحضرتك الخوف إن الأولاني يغير من التاني. أنا أفتكر موقف خالتي عملته معية وانا صغير وخلاني أحب اخويا الصغير قبل مايجي. كانت تاخدني وتحط راسي على بطن ماما وتقولي اخوك بيلاعبك وبيكلمك العب معاه وكلمه إنت كمان. كنت أحب جدا اخويا وأحب ألعب معاه وكنت مستنيه ييجي بقي عشان اسمعه واشوفه بجد.
                    المولود الجديد بيحتاج اهتمام زي اللي قبله تمام بس الطفل الكبير مش بيقدر الاهتمام ده وبيفتكر إن الأهل بيحبوا الجديد أكتر, عشان هو برده بيحيس إن الحاجة الجديدة أحلى (لعبة جديدة, لبس جديد) وبيكون متخيل إنكم جبته طفل جديد وإنه بقى القديم. كويس ان حضرتك مهتم ببنتك كده بس حاول ماتحسسهاش بفرق في الاهتمام بعد الطفلة الجديدة. اعمل معها حاجات ليها لوحدها (Exclusive يعني D:) والمولود التاني لسة صغير (فرصتك قبل ما الصغيرة تبتدي تشبط) وهي مش هتحس بفرق اهتمام.
                    وربنا يخليلك ولادك هتحس انهم عينيك, عمر حضرتك حبيت العين اليمين أكتر أو اقل من الشمال
                    (أنا معنديش اولاد ولا خاطب أصلا -ربنا يسهل- بس أنا عشت تجربة الطفولة مع اب وأم كانوا بيحبونا جدا رحمة الله عليهم)
                    [CENTER]أستر يا رب

                    [URL]http://www.nilemotors.net/Nile/160206-bocanegra.html[/URL]
                    [URL]http://www.nilemotors.net/Nile/170673-smg-10-000-a.html[/URL]
                    [SIGPIC][/SIGPIC][/CENTER]

                    Comment


                    • #40
                      ألف ألف مبروك يا د/ أحمد و ربنا يرزقك بالذرية الصالحة و يبارك لك فيهم.

                      أولا انا فى المشكلة دى يوميا لأن ربنا رزقنى ببنوتين توأم و الحمد لله ، و طبعا اى تصرف بتعمله بتلاقى التفسير الجاهز بتاع "أصل انت بتحب فلانة اكتر" ، و رأيي انك تبتدى تعود نفسك على سماعه.

                      ثانيا لازم نحلل الموضوع علشان نفهمه صح ، و ساعتها هاتلاقى حضرتك ان معظم الآراء اللى اتقالت بتصب فى بوتقة واحدة و مش مختلفة ...

                      الحكاية فى رأيي وليدة مواقف و تصرفات و اوضاع هى اللى بتحدد رد الفعل و تبعياته.

                      فيه نقطة مهمة جدا مش لازم حضرتك تنساها : شعور الأب مكتسب ، و شعور الأم غريزي ، و شعور الجدود و الأعمام و العمات و الخيلان و الخالات مكتسب تحكمه بشدة العلاقات الشخصية و العائلية و التصرفات نحو و من الطفل.

                      الطفل الأول له مكانة خاصة لأنه الأول .. زى اى حاجة بتجيبها لأول مرة ، تفتكر اول عربية كان احساسك بيها ايه ؟؟؟ حتى لو معاك ايه دلوقت ، احساس الأولى كان مختلف ... لأنها الأولى ، و قيس على كده كل شئ يعتبر التجربة الأولى ، و كذلك الطفل الأول ، فله احساس مختلف عند الوالدين ، ببساطة لأنه اول تجربة ، مش شرط يكون مميز ، يكفى انه اول تجربة، و بعدين فيه حاجة مختلفة عن اى طفل من العائلة ، ان اى طفل آخر مهما حبيته هايرجع يروح مع اهله ، و لكن ده بتاعكم انت و والدته ، و ده ليه طعم مميز فى اول مرة و يستمر في باقى الأطفال و لكن بدرجة التعود على الأحساس الذى لم يعد جديدا
                      .
                      و تزداد تلك المكانة لو كان الطفل هو اول جيل الأحفاد فى العائلة و بخاصة لدى الأجداد

                      كل المواقف التى نمر بها مع الطفل الأول تكون ذات طعم خاص للسبب المذكور سابقا ، و هذا يرسخ الشعور بأنه لا يمكن ان ياتى له منافس ، و لكن هيهات ... فمن سنة الحياة ان الله سبحانه و تعالى يخلق لنا مواقف جديدة لنمر بها مع الطفل الجديد فترسخ هى الأخرى فى اذهاننا و تصبح بنفس التميز مع الجديد مثل تميز مواقف الطفل الأول.

                      الأحساس بضعف و قلة حيلة المولود الجديد لابد و ان يحرك كم من العواطف الجياشة نحوه فتشعر انك تحبه اكثر من الأول ، و يزداد هذا الشعور كلما حدث ما يحركه ، من ان يحصل الأول على ما يريده بينما يعجز الثانى لضعفه او قلة حيلته عن ذلك ، فتتحرك العاطفة نحوه.

                      بعد فترة نجد اننا قد (بغير قصد) قسونا على الأول و بخاصة اننا نطلب منه ان يكون عاقلا و يترك المقتنيات للصغير الذى لا يفهم ، و عندما ندرك ذلك ، تتحرك ابرة ميزان العواطف لا شعوريا تجاه الأول لتعويضه عن خطأ نقع فيه دوما ، وهو خطأ "انت الكبير العاقل"..

                      تتحرك المشاعر بحدة شديدة عندما نجد أحد الأقارب و بخاصة الجد او الجد يدلل أكثر الطفل الأول او يتحدث عنه بتفضيل لأنه الأثير لديهم ، فتتدفق مشاعر لا ارادية نحو الثانى الذى دخل فى سباق خاسر رغما عنه (حتى لو مؤقتا)..

                      تحكم مشاعر الأقارب كما قلنا العلاقات الشخصية و التصرفات الفردية ، فنجد مثلا العمة لا تحب ابنة اخيها لأنها لا تحب زوجة اخيها (ام الطفلة) مثلا ، او نجد ان الخال لا يحب الطفل الأول لأنه كان مسافرا عند ولادته بينما حضر ولادة الثانى مثلا ، و هكذا ... ، و قد نجد تصرفات غريبة من تفضيل أحد الأطفال دون الآخر من الأقارب و ذلك لأن الطفل الأول مثلا يغنى لعمه بينما الثانى يخجل منه و يجرى ليختبئ خلف والده ، و هنا نجد شعور العم ينجرف نحو الأول دون الثانى. و احيانا تتسبب مواقف كهذه فى ان يميل الوالدين او احدهما بميزان حبه نحو الطفل الآخر اعلانا منه بوجوده و انه ليس اقل من اخيه او اخته ، و لتنبيه القريب الغير عادل فى حبه ليرجع عما يفعل.

                      و بالتالى نجد اننا نظل جيئة و روحة بين تلك المشاعر مما يتسبب فى الشعور بانك تحب احد اولادك اكثر ، و الأمر لا يخلو من بعض الميل او الأنحراف نتيجة بعض العوامل كأن يكون احد الأطفال اكثر ميلا للأم مثلا عن الأب بينما الطفل الآخر عكس ذلك فيجد الأب ضالته فيه فتميل كفة ميزان الأب نحوه رغبة منه فى ملء ذلك الفراغ ، و هذا مجرد مثل و وارد الحدوث هو او غيره ، و لكن المعتاد ان نحب أطفالنا بنفس الدرجة تقريبا ، و لكن تتراوح المشاعر فنحس بتفضيل بعضهم على الآخر ، و ان كان هذا مؤقتا و عادة فى جميع الأتجاهات ...

                      و تحضرنى هنا المقولة الشهيرة :

                      سئل غيلان بن سلمة الثقفي: من أحب ولدك إليك؟ فقال: "صغيرهم حتى يكبر، ومريضهم حتى يبرأ، وغائبهم حتى يحضر".

                      و بالنسبة لى ، فعندما اكون مع احدى ابنتى ، اشعر و كأنى احبها هى فقط دون اختها ، و اجدنى اشعر نفس الشعور عندما اكون مع الأخرى ، و لكن عندما اكون معهما الأثنين ، و كفاهما الصغيران فى كفى ، يمشيان معى ، او عندما اتفقدهما ليلا و هما نائمتان و اتأملهما و انظر اليهما ، او عندما اعود من عملى و يجريان نحوى (طبعا بحثا عن "جبت لنا ايه" او عن المصروف) ، فقط عندها اشعر بمدى حبى للأثنتين معا ، دون تفضيل لأحداهما على الأخرى..

                      هى دى وجهة نظرى ، و اكيد مش هاتكون شاملة و لكن اعتقد بتفسر لنا جزء كبير من اللى بنشوفه.

                      و تحياتى و ألف مبروك تانى..

                      [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                      [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                      [CENTER][COLOR=DarkGreen][B][SIZE=5]الصحة تاج على رؤوس الأصحاء
                      لا يراه إلا المرضى
                      [/SIZE][/B][/COLOR] [/CENTER]

                      Comment


                      • #41
                        العيل التانى بيسبب غيرة للاولانى و دى شفتها فى جميع اطفال العائلة و مصر كلها :)

                        بس سبحان الله , دايما بحب العيل الاولانى سواء ابن خالتى او ابن خالى او ابن عمتى او اى احد .

                        العيل الاول بيبقي غلبان و بياخد طباع العائلة و بيكون هادىء و التانى شيطان جاهز .

                        بخصوص الاسماء اخر اسم غريب سمعته كان " ريتال " , و الف مبروك يا دوك .

                        Comment


                        • #42
                          قبل أى حاجة مبارك على البيبى الجديد ويجى بالسلامة ان شاء الله
                          بخصوص التصويت انا لم اشترك فيه وهاتعرف السبب دلوقتى

                          نبدأ بالطفل الاول
                          أول لما عرفت ان زوجتى حامل فضلت احمد ربنا وكنت فى غاية السعادة ومستنى يوم تشريف الباشا بفارغ الصبر - ده غير الاهتمام الغير عادى بصحة والدته - كل شوية تحاليل وسونار والكلام اللى كلكم عارفينه
                          وصل مروان باشا بالسلامة لأرض الوطن وفعلا بدأت قصة حب عنيفة بينى وبينه - أى مكان بيبقى معايه - بدأت أخلية ياكل بدرى لمجرد انى أأكله بأيدى - مروان تحول فعليا الى حياتى كله

                          فجأه وبدون مقدمات ظهر فى الافق خبر ان المدام حامل (فرق بين مروان واخوه سنه بالظبط) نسبيا كانت صدمه خصوصا انى كنت لسه ما فوقتش من ولادة ومصاريف مروان

                          المهم بدأت (خلى بالكم من كلمة بدأت) العناية بصحة زوجتى بنفس الطريقة ايام حملها فى مروان - روحت لنفس الدكتور وعملت متابعة - روحنا مره وهيه فى الشهر الثالث - ومره وهيه فى الثامن - و3 مرات قبل الولادة

                          دكتور السكر - لأن زوجتى كان عندها سكر حمل المفروض اننا نروح له مرتين فى الاسبوع - روحنا له فى بداية الحمل 3 أو 4 مرات - وقبل الولادة بشهر روحنا له - والله انا فاكر رد فعل الدكتور انه فعلا اتخض لأنه كان فاكر ان مراتى سقطت ومفيش بيبى - ولما قلنا له اننا لسه مستمرين على جرعات الانسولين كان هايغمى علية لأنه قال انى زوجتى محتاجة على الاقل اربع اضعاف الجرعة وأكيد البيبى هايكون حصل له حاجة لكن الحمد لله اتأكدنا ان كل حاجة كويسة

                          الطفل الثانى
                          شرف الشاب الوسيم عبدالرحمن (اسمه الحقيقى حسام) الى ارض الوطن برضو - لكن فى وجود مروان قلب الاسد - المهم أول حاجة انى كنت زهقااااااااااان مووووت من عياطه ومن مصاريفة ومن الدكاتره اللى بيروح لهم - وفى نفس الوقت حبى لمروان بيزيد بطريقة مفزعه
                          كنت كل شوية اتلكك علشان نخرج انا ومروان لدرجة ان مروان اقتنع ان العربية بتاعتى انا وهو بس - ومش مسموح لأى شخص تانى يركبها معانا
                          كل العائلات لما بيجى طفل جديد بيستحوذ على الاهتمام والطفل القديم دايما بيكون مشكله ليهم ووالدتى نبهتنى للنقطة ديه - العكس تماما هو اللى حصل - اهتمامى بمروان تقريبا 80% والدته 15% وحسام 5%

                          شوية شوية بدأت اخد بالى ان عندى طفل تانى وانى لازم اهتم بيه - لكن برضو مروان كان هو اللى بيكسب فى الفترة ديه
                          لغاية لما مروان بدأ يفرض سيطرته على البيت (الجملة صحيحة - على البيت مش على اخوه الصغير) واصبح هو الاامر الناهى فى البيت - فى الوقت ده بدات اميل شوية لحسام وفعليا كنت بقول ان ده من باب الشفقة علشان مروان هو الاقوى والاعنف فى كل ردود أفعاله

                          بعد فتره فعلا أتأكدت انى بحب حسام جدا - يمكن مش زى مروان لكن فعلا بحبه ولما برجع البيت بلاقية نايم بكون فعلا متضايق

                          شوية بقيت عامل زى المرجيحة شوية اقول انا بحب ده اكتر وشوية اقول انى بحب ده اكتر لغاية لما اكتشفت انى فعلا بدوب عشقا فى الاثنين - لكن ممكن نقول ان مروان اكتر شوية علشان العشرة - والله مش هزار فعلا علشان هو عايش معايه اكتر من اخوه بسنة بالاضافة انى خضت معاه اغلب تجارب الاب مع الابن (من الاخر كنت باجرب فيه )
                          المهم تقريبا نقول ان الاثنين زى بعض ماعدا انى دايما باقف فى صف حسام ضد مروان لما بيكونوا بيتخانقوا
                          ربنا يبارك لنا فى اولادنا ويارب يكون حظهم احسن من حظنا ونصيبهم احسن من نصيبنا
                          [SIZE=4][COLOR=navy]أبو مروان -------- أسألكم الدعاء لوالدتى بالشفاء ..... يا رب[/COLOR][/SIZE]

                          Comment


                          • #43
                            الاول عندى ليه حاجه فى قلبى اكتر من الثانى وده مش معامله ده موضوع عاطفى بحت
                            لكن المعامله الاثنين بحاول يكونوا زى بعض تماما
                            أنما اول فرح ده حاجه تانيه
                            [B]الوا السياسة مهلكة بشكل عــــــــــــــام...و بحورها يا بني خشنة مش ريش نعام.
                            غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام[/B]

                            Comment


                            • #44
                              بصفة عامة حب الأباء للأبناء لا يختلف من طفل لآخر ،

                              ولكن الأباء يميلون أو يحابون الأبن المريض حتى يشفى، والطفل الضعيف حتى يقوى، والأبن الفقير حتى يصبح غنيا ......

                              وهو ما قد يراه بعض الأبناء بأنه تفضيل من الأباء ، ولكنه ليس تفضيل ، بل هو محاولة لتحقيق التوازن بين الأبناء.

                              ولو أن هناك من يحب يده اليمنى أكثر من اليسرى ، أو العين اليمنى عن اليسري فسيفضل بعض الأبناء على البعض الآخر.

                              هذا هو الأساس في الحياة وفيما عدا ذلك فهو الإستثناء ..... والله أعلم
                              [SIGPIC][/SIGPIC]
                              [CENTER][FONT=Tahoma][SIZE=3][COLOR=Blue][COLOR=black]نهاية [/COLOR]مصر [COLOR=Black]ستكون [/COLOR]
                              [B][COLOR=DarkGreen]على يد (ج س خ)[/COLOR][/B]
                              [COLOR=DarkRed]وكله بالدين[/COLOR][/COLOR] [/SIZE][/FONT]
                              [/CENTER]

                              Comment


                              • #45
                                المشاركة الأصلية كتبت بواسطة ecybrarian مشاهدة المشاركة
                                الحقيقة الحب واحد..بس الاهتمام المبالغ فيه مع الطفل الأول بيقل مع الطفل التاني لأن الأبوين اصبح عندهما خبرة!!
                                بارك لله لكم وبارك في ذريتكم ورزقكم الخير كله عاجل ليس آجل
                                هو ده كلام الناس العاقلين
                                [CENTER]لا تترك صلاتك أبدا فهناك الملايين تحت القبور يتمنون لو تعود بهم الحياة ليسجدوا ولو سجدة[/CENTER]

                                Comment

                                Working...
                                X