Amino acids

[lancerevolution]

الحاجات دى ممكن و ركز فى كلمة ممكن لأنها بتعنى الموافقة او الرفض فى حاله واحدة فقــط لما يكون معاك مدرب محترف جدا و دى طبعا نادره جدا جدا و معاك دكتور تغذيه لأن الكلام إلى حضرتك بتتكلم عليه أوعايز توصله بما إنك بقالك سنه بتلعب و بتلاقى إلى بقاله شهر بيلعب أنت حضرتك عايز تخلى نفسك مثلا زى جون سينا و دا طبعا شوف بيتعامل مع جهاز طبى و دكاترة عاملين أزاى


ركز معايا أوى أوى أوى
أبعد عن أى شــــئ مهما وصلت و مهما كان معاك دكتور أو مدربين عن الأدوية و الحقن و البرشام بتاع الهرمونات
لأنه 99,9% بيسبب عقم و ساعات بيعمل طفح جلدى و ساعات بيعمل سرطان جلدى



لكن غير كدة الله أعلم لكن بصراحه أنا شايف أنك تبقى هيلسى أحسن مهما كان حجمك أنت مش بتعمل حجم أنت بتعمل أعصاب و قوة فى العضله نفسها مش فى حجمها و خلى موضوع الحجم دة ييجى بطبيعة جسمك أفضل مليون مرة من أى شئ تانى
يعنى بتنام كويس لأن النوم مهم جدا فى تكوين العضله
بتاكل كويس و بتدرب كويس

كلام حضرتك مظبوط هرمونات لا طبعا
المشكلة تكمن فى الأكل و النوم فى أيام كتير ما بعرفش أكل كويس و سعات بيعدى أسبوع أكل أى كلام
لظروف الكلية بتاعتى

الكلام ده تمام 100%

انا كنت بتمرن زمان أيام مكان عندي وقت فترات طويلة متصلة على مدار 5 أو 6 سنوات وياما عدى عليا وشفت الناس اللي بتاخد هرمونات زي الأنابول والجي إتش بيزيد وزنهم وحجمهم في فترات بسيطة لا تتعدي الست أو ثمان أشر ولكن القوة والأوزان اللي بيتمرنو بيها مش بتكون متكافئة من الزيادة الرهيبة في وزنهم يعني تلاق الواحد من دول يجي الجيم في نص حجمي بعد ستة أشهر تلاقيه بقى ضعف حجمي لكن الوزن اللي بيتمرن بيه 70% من الوزن اللي أنا بتمرن بيه

يعني الحجم مش كل حاجة!

غير إن الهرمونات مضرة للجسم بشكل عام كمان الوزن الزايد الكبير اللي بينتج عنها بعد ترك التمرين وده هيحصل هيحصل لظروف العمل والزواج هتلاقي كل الوزن ده إتحول لسمنة وكل الجسم بقى وحش جداً

لكن أنا الحمد لله في كل فترة التمرين دي مازدتش في وزني غير تلاتة أو أربعة كجم فقط علشان كدة لما بطلت بقالي أكتر من 6 سنوات ماتمرنتش حجم العضلات طبعا قل جدا لكن جسمي مش تخين ولا عندي دهون.

الأمينو أسيد لواحد بقاله سنة بيتمرن مش وحش لأنه عبارة عن بروتينات في أبسط صورة ليها وهي اللتي يمتصها الجسم بدون حاجة لعملية الهضم والبروتينات طبعا هي المكون الأساسي للعضلة

لو نت حاسس إن مفيش زيادة في حجم العضلات رغم زيادة الأوازن اللي بتتمرن بيها إستخدم الأمينو عادي بس لاتنظر منه نتائج مبهرة لأنك تقريبا مش هتحس بفرق واضح مقابل تمنه الغالي لكن على مدى حوالي 3 أشهر هتحس بالفرق

أما لو عضلاتك بتكبر بمعدل طبيعي يبقى مالوش لازمة قوي ووفر فلوسك أحسن

انا أعرف واحد خد هرمونات و كدا
بقى ضخم و خلاص و الوزن الى بيشيله و بيبقى بيموت فيه ببقى أنا بسخن بيه

[mohamedrabia]

انا سمعت ان الفول السويا بيجيب نتائج حلوة في الموضوع ده واتعمل منة بودر ممكن يكون مفيد ومش فيه خطر بالنسبة بقا لاي عقاقير لازم يكون ليا مخاطر لازم تسيب اي ضرر بالجسم وترسيباتها عاليها مها حرقتها بالتمرين وده عن تجربة شخصية بلاش احسن انا بعاني من املاح وترسيبات بالكله كتير جدااا وكان عندي حصوات بسبب الحجات ده بعد الشر عنكم جميعا خليك طبيعي احسن وبلاش الفكر ده ممكن تاخد مقويات تاخد حقن فيتاميناتحقن اعصاب ديبوفيد او نيو رافيد تفيد وكل كويس ونام كويس هتحس بفرق كبير

[lancerevolution]

سمعت انا كمان عن الفول الصويا دا و فى واحد صاحبى بيعمل بيه خلطة كدا حلوة بردوا
حجربه كدا و هقولك

[lancerevolution]

دى المكونات بتاعت الى قصدى عليه

[kloda]

خد امينو برولاب 2000 او واي بروتين اوبتيمم دي اسامي الشركات
الواي لو جسمك قابل للسمنة ابعد عنة
ماتستناش نتائج مبهرة
هما بعد 3 شهور حيخلو شكلك احسن و متخافش منهم خالص عشان دي بروتينات في ابسط صورها زي الاكل يعني بس سهلة الهضم و الترسب علي العضلة
الامينو خد 5 حبيات الصبح و 5 بعد التمرين علطول و 5 قبل ما تنام
الرقم مش كبير ولا حاجة لو حسبتها حتلاقيهم ادوك حولي 30 جرام بروتين زي الي موجودين في علبة التونة بس الفرق سرعة الهضم و الترسب علي العضلة بروتين دول كويسن جدا مع الاكل طبعا خصوصا انك بتلعب بقالك سنة و جسمك نشيط و الدورة الدموية نشيطة
و دة بيسموة ان العضلة بتكون عطشانة لاي كمية من البروتين عشان تمتصها
و كتر من التونة و السمك و كل بطاطس مسلوقة و رز مسلوق عشان لازم نسبة نشويات صافية عشان تديك طاقة
الواي بروين بيكون اسكوب و دة مقدار بيكون موجود جوة العلبة
اسكوب بعد التمرين و اسكوب قبل ما تنام دو حيدوك تقريبا حوالي 50 جرام بروتين اكتر من الامينو بكتير طبعا
عشان الواي اصلا معمول للناس الرفيعة الي العضلة عندها مش بتكبر بسهولة
و فية نسبة دهون طبعا
لو عايز تعرف اي حاجة عن الاسعار او اي حاجة انت عايزها انا تحت امرك
ربنا يوفقك اتمني اني اكون افدتك

[lancerevolution]

خد امينو برولاب 2000 او واي بروتين اوبتيمم دي اسامي الشركات
الواي لو جسمك قابل للسمنة ابعد عنة
ماتستناش نتائج مبهرة
هما بعد 3 شهور حيخلو شكلك احسن و متخافش منهم خالص عشان دي بروتينات في ابسط صورها زي الاكل يعني بس سهلة الهضم و الترسب علي العضلة
الامينو خد 5 حبيات الصبح و 5 بعد التمرين علطول و 5 قبل ما تنام
الرقم مش كبير ولا حاجة لو حسبتها حتلاقيهم ادوك حولي 30 جرام بروتين زي الي موجودين في علبة التونة بس الفرق سرعة الهضم و الترسب علي العضلة بروتين دول كويسن جدا مع الاكل طبعا خصوصا انك بتلعب بقالك سنة و جسمك نشيط و الدورة الدموية نشيطة
و دة بيسموة ان العضلة بتكون عطشانة لاي كمية من البروتين عشان تمتصها
و كتر من التونة و السمك و كل بطاطس مسلوقة و رز مسلوق عشان لازم نسبة نشويات صافية عشان تديك طاقة
الواي بروين بيكون اسكوب و دة مقدار بيكون موجود جوة العلبة
اسكوب بعد التمرين و اسكوب قبل ما تنام دو حيدوك تقريبا حوالي 50 جرام بروتين اكتر من الامينو بكتير طبعا
عشان الواي اصلا معمول للناس الرفيعة الي العضلة عندها مش بتكبر بسهولة
و فية نسبة دهون طبعا
لو عايز تعرف اي حاجة عن الاسعار او اي حاجة انت عايزها انا تحت امرك
ربنا يوفقك اتمني اني اكون افدتك

:b4_388:

[hamdy]

موضووع ممتاز جدا بصراح فيه معلومات اول مرة اعرفها