شايف الصورة دى إزاى

[Fouad Ezz]

فى رأي (المتواضع) ... لا حل لأزمات القاهرة .. إلا بمنع البناء نهائيا فيها او فى ضواحيها
وإنشاء عاصمة عصرية جديدة تكون جاذبة للسكان لكن ((بنظام)) وفى خلال 10 أو 20 سنة تخلخل القاهرة ... ويمكن بعدها التفكير فى حلول لإصلاح أحوالها

[Fouad Ezz]

صورة بتوضح ان عندنا مواصلات عامة

وبتعبر عن الوحدة الوطنية وتلاحم قوي الشعب واتحادها ، حتي شوف الناس ماسكين بعض علشان ميقعوش من الأتوبيس

دة غير ان الأتوبيس فية كراسي ،،، أة والله العظيم فية كراسي ،،، و واضح علي وجوة الناس اللي قاعدين عليها انهم مستمتعين بالحياة كإنهم بيتفسحو

وكمان في واحد رافع ايدة وماسك فيها رغيفين عيش يعني العيش متوفر الحمد لله ومفيش حد بينام جعان

تعيش الحكومة

انا بحب الحكومة

الله ينور عليك ..
والله نفس اللي فكرت فية وانا بتأمل الصورة ... ودخلت جواها وتخيلت نفسى واحد من الناس دي و إزاي هاتكون معاناتهم ...
شوفت رغم ماساوية الصورة إن الناس لسة فيها خير ... وبتحضن بعض فى الزنقة
كمان الراجل إللى ماسك رغيفين عيش بصباع وحياته كلها بالصباع التاني!!!

[ابوهاشم]

كان زمان اتوبيس احمر طويل ب3 بيبان وكان نفس المنظر

[kh_talaat]

هو حضرتك مش من مصر ولا اية ؟؟؟؟

الصورة دي من معالم مصر ...

[osoliman88]

الصورة تعبر عن تكاتف وتضامن الشعب ، والمواطن لازم يساعد ويمسك في دراع اخوه المواطن ....
الصبر يا رب

[Ralliart]

حلها محتاج شغل لمصلحه المواطن مش لمصلحة لم الفلوس للحكومه
اولاً محتاج ان التاكسيات السوده تتلغي خالص ويتعملها احلال
وبعدين الابيض يتعمله مكاتب زي السيتي كاب بدل ما يقعدو يلفو طول اليوم ببنزين وغاز مدعم وبيخسرو الحكومه وبيخسرو نفسهم ويعملو زحمه ويبقى في كول سنتر تتصل بيه تقوله على مكانك يبعتو المكان لاقرب مكتب ويجيلك التاكسي ياخدك ودي سهله جداً وكل المطاعم عامله الحركه دي في الدليفري
وبعدين تتعمل محطات للاوتوبيس زي بقية دول العالم وممنوع منعاً باتاً وقوف الاوتوبيس او الميكروباص او الميني باص في حته غير المحطات دي
ساعتها ممكن نزود عدد الاوتوبيسات ويبقى ممنوع اي اوتوبيس يحمل فوق طاقته اللي هي الكراسي والطرقه من غير ما الناس تلزق في بعض
وساعت لما تبقى المواصلات آدميه محترمه نغلي الضريبه على العربيات قبل موديل السنه ب20 سنه بحيث ان اللي عنده عربيه قديمه هيبقى احسنله واوفرله يركب مواصلات وساعتها الزحمه هتخف والمصاريف هتخف

لكن حلول الحكومه النظيف كلها تتلخص في لم الفلوس الزياده ومفيش على لسانهم غير كلمة عندنا عجز في الميزانيه وكأن لو معندناش عجز مشاكلنا هتتحل!!

[kemoelord]

احنا متعودين على الصورة دى من التمانينات
كل اللى بيتغير فى الصورة هو لون الاتوبيس مش اكتر

احلى تعليق سمعته في الموضوع

طيب ماتيجى نقترح مع بعضينا شويه حلول ونسيبنا من الحكومه
عن نفسى فى طرق السفر بركب بتوع الجيش أغلب الأوقات ...لأنهم بيكونا واقفين فى الصحرا وفى نفس الوقت مضمونين
بس جوه البلد الموضوع بالنسبه لى صعب شويه.

انصحك بلاش تعمل كده نهائيا لان الناس مش مضمونه ولو يعني عاوز تعمل كده من باب الخير اعمل الموضوع ده في اضيق الحدود ويكون داخل البلد

الله يفتح عليك
ده الى انا بعمله الحمد لله
وعلى فكرة فى ماليزيا واندونسيا الى راكب سيارة لوحده بياخد مخالفه
وده افضل حل لمشكله الموصلات
بس المشكله ان الناس تكون كويسه

حضرتك متاكد من المعلومة دي ؟؟؟!!! بس بجد لو الموضوع كده تبقى الامور صعبه اوي يعني

ياسلام فعلا لو نتعلم زى مبننتقد نحاول نفكر ايه هى الحلول

يعنى لو خليتك بكرة وزير النقل حتعمل ايه علشان تحل مشكلة زى دى؟

ازاى تقلل الزحمة فى الاتوبيسات؟

حتقولى بمنتهى البساطة (كانه حل عبقرى) تزود عدد الاتوبيسات؟

حقولك وحتجيب فلوسها منين؟

تخيل علشان تقلل الزحمة اللى انت شايفها دى محتاج قدام كل اتوبيس حوالى 3 اتوبيسات؟ طيب حسبت لما عدد الاتوبيسات دى تنزل البلد الزحمة فى المرور حيحصلها ايه؟

...الخ


بعد متفكر فى الاسئلة دى كلها وتلاقيلها حلول عملية (مش نظرية بنظام نوفر فرص عمل ونبنى مساكن) ابقى تعال وانتقد زى مانت عايز

ما هي البلد بتخطيطها وبشوارعها وبشعبها وبثقافتها بسلطتها وبابا غنؤها (على راي احمد مكي) مش معطيانا فرصه نهائيا حتى للتفكير بس والله والله كمان مره فيه حاجات ممكن نعملها وبابسط الحلول يعني انا من متابعي برنامج " خواطر " لاحمد الشنقيري على ال mbc والي جايب " كوكب " اليابان الناس هناك مظبطين وممشين كل حاجة في حياتهم بالنظام , بمعنى ان لو المحطات تتعمل في الاماكن الصحيحه (مش بعد الاشارات وعند المنعطفات)+ تحديد اماكن مخصصه لوقوف الاتوبيسات والميكروباصات مش هيصه وكل واحد عاوز يقف في المكان الي يحبه يقف + معرفه والتزام الناس نفسهم بالوقوف في المحطات مش يقفوا في اي مكان والسلام , ده انا بشوف مهازل مهازززل في طريق النصر عند ميدان الساعه (مدينة نصر-القاهره) وتلاقي الناس واقفه في نصف الشارع , حضرتك لو بتتكلم عن زيادة الاتوبيسات فهم فعلا عملوا ده ومصر مليانه مواصلات اساسا بدون زياده بس الفكره في النظام انا قولت اول حاجة المفروض تتعمل + ذهاب الاتوبيسات الحكوميه في مواقيت محدده وبانتظام وتكون المواقيت دي مثبته عند المحطات + طرق سير الاتوبيسات زي ما بنشوف في الدول المحترمه , مش زي المترو يعدي واحد والتاني يجي بعد ساعه الى ربع تكون الدنيا خربت في المحطه , دي مشكلتنا احنا ما عندنا التزام باي حاجة ,,,, المشكله ان حتى حتى الحلول البسيطه مش قادرين نعملها طيب ايه طيب ,,,, يا باشا الحال اذا كان هيتصلح فهيتصلح بايدي الناس والشعب ,, لان خلاص زمن المعجزات انتهى

[ahmed4000]

حلها محتاج شغل لمصلحه المواطن مش لمصلحة لم الفلوس للحكومه
اولاً محتاج ان التاكسيات السوده تتلغي خالص ويتعملها احلال
وبعدين الابيض يتعمله مكاتب زي السيتي كاب بدل ما يقعدو يلفو طول اليوم ببنزين وغاز مدعم وبيخسرو الحكومه وبيخسرو نفسهم ويعملو زحمه ويبقى في كول سنتر تتصل بيه تقوله على مكانك يبعتو المكان لاقرب مكتب ويجيلك التاكسي ياخدك ودي سهله جداً وكل المطاعم عامله الحركه دي في الدليفري
وبعدين تتعمل محطات للاوتوبيس زي بقية دول العالم وممنوع منعاً باتاً وقوف الاوتوبيس او الميكروباص او الميني باص في حته غير المحطات دي
ساعتها ممكن نزود عدد الاوتوبيسات ويبقى ممنوع اي اوتوبيس يحمل فوق طاقته اللي هي الكراسي والطرقه من غير ما الناس تلزق في بعض
وساعت لما تبقى المواصلات آدميه محترمه نغلي الضريبه على العربيات قبل موديل السنه ب20 سنه بحيث ان اللي عنده عربيه قديمه هيبقى احسنله واوفرله يركب مواصلات وساعتها الزحمه هتخف والمصاريف هتخف

!!

والله حلول زى الفل...يالا اطلع فى الجرايد قول خطتك دى مش انت الوزير ......واستنى النتيجة


"اه يا ولاااااد التييييييييييييييت عايزين تلغوا التاكسى الاسود علشان تنفعوا التاكسى الابيض علشان مصانع فلان وعلان تكسب وتغلوا علينا التاكسى

"على فكرة التاكسى الاسود زى الفل وعمرنا مشتكينا منه وعلى فكرة العربيات زى الفل ولا بتعمل تلوث ولا بتعطل ولا حاجة وطبعا دى مؤامرة من الحكومة علشان تلم فلوس جديدة"

العالم ببواطن الامور يقول "لا ياعم انا مسئول مهم قالى ان احمد عز مزنوق فى شوية حديد فقال يظبط التاكسيات علشان ياخدها خردة"

"ازاى يعنى متخلنيش الميكورباظ يقف يحمل ولا يركب من الطريق والناس العواجيز يعملوا ايه " وتطلع ست شايلة حاجت وتقول "حسبى الله ونعم الوكيل فيكم" واخر متحذلق "يعنى خلاص كل مشاكلنا اتحلت ومفاضلش الا مشاكل التاكسى والاتوبيس وعلى فكرة فى اوروبا والدول المتقدمة الاتوبيس بيقف لما تشاورله"


"انت عايز تغلى الضريبة على العربيات القديمة طيب انا حرفع عليك قضية واكسبها لانها غير دستورية وطبعا ياعم علشان الحكومة عايزة تلم فلوس لان كل دول العالم بترجع العربيات القديمة وبتفرض ضريبة على العربيات الحديثة فقط"


"سواقين التاكسى الابيض حيثوروا هما كمان ازاى تعملنا مكتب بالتليفون احنا عايزين نلف فى الشوارع نسترزق وانت مال تييييييييييت بالدعم هو انت بتدفعهولى من جيبك " مع صورة لسائق تاكسى يشتكى انه مش قادر يدفع القسط وعنوان بمعنى 180 الف سائق تاكسى مهددين بالضياع والتشر


وهكذا تتلقى مجموعة من الدعوات مصحوبة بكثير من اللعنات ومزيج من الشتائم للجد السابع لمجرد انك طلعت اى قرار سواء كان كويس ولا وحش

[Abo_Lina]

اللي يفرط في حقه النتيجة بتكون كده
ماحدش هاييجي لشعب خامل يطبطب عليه و يقوله خد أتوبيسات مكيفة يا حبيبي
الناس راضية كده مع بعضيهم و في بعضيهم هما حرين

[M.Osman]

اللي يفرط في حقه النتيجة بتكون كده
ماحدش هاييجي لشعب خامل يطبطب عليه و يقوله خد أتوبيسات مكيفة يا حبيبي
الناس راضية كده مع بعضيهم و في بعضيهم هما حرين

مش فاهم

[SkyBird]

اللي يفرط في حقه النتيجة بتكون كده
ماحدش هاييجي لشعب خامل يطبطب عليه و يقوله خد أتوبيسات مكيفة يا حبيبي
الناس راضية كده مع بعضيهم و في بعضيهم هما حرين

معاك حق



القاهره ما تجيش حي من احياء نيويورك ورغم كده محدش يشوف المنظر ده هناك
حل اخر

انا اقترح شبكة عنكبوتية من مترو الانفاق لحل مشكلة الزحام

[Ralliart]

والله حلول زى الفل...يالا اطلع فى الجرايد قول خطتك دى مش انت الوزير ......واستنى النتيجة


"اه يا ولاااااد التييييييييييييييت عايزين تلغوا التاكسى الاسود علشان تنفعوا التاكسى الابيض علشان مصانع فلان وعلان تكسب وتغلوا علينا التاكسى

"على فكرة التاكسى الاسود زى الفل وعمرنا مشتكينا منه وعلى فكرة العربيات زى الفل ولا بتعمل تلوث ولا بتعطل ولا حاجة وطبعا دى مؤامرة من الحكومة علشان تلم فلوس جديدة"

العالم ببواطن الامور يقول "لا ياعم انا مسئول مهم قالى ان احمد عز مزنوق فى شوية حديد فقال يظبط التاكسيات علشان ياخدها خردة"

"ازاى يعنى متخلنيش الميكورباظ يقف يحمل ولا يركب من الطريق والناس العواجيز يعملوا ايه " وتطلع ست شايلة حاجت وتقول "حسبى الله ونعم الوكيل فيكم" واخر متحذلق "يعنى خلاص كل مشاكلنا اتحلت ومفاضلش الا مشاكل التاكسى والاتوبيس وعلى فكرة فى اوروبا والدول المتقدمة الاتوبيس بيقف لما تشاورله"


"انت عايز تغلى الضريبة على العربيات القديمة طيب انا حرفع عليك قضية واكسبها لانها غير دستورية وطبعا ياعم علشان الحكومة عايزة تلم فلوس لان كل دول العالم بترجع العربيات القديمة وبتفرض ضريبة على العربيات الحديثة فقط"


"سواقين التاكسى الابيض حيثوروا هما كمان ازاى تعملنا مكتب بالتليفون احنا عايزين نلف فى الشوارع نسترزق وانت مال تييييييييييت بالدعم هو انت بتدفعهولى من جيبك " مع صورة لسائق تاكسى يشتكى انه مش قادر يدفع القسط وعنوان بمعنى 180 الف سائق تاكسى مهددين بالضياع والتشر


وهكذا تتلقى مجموعة من الدعوات مصحوبة بكثير من اللعنات ومزيج من الشتائم للجد السابع لمجرد انك طلعت اى قرار سواء كان كويس ولا وحش

ما هو بما اني مسؤول يبقى القرار هيتطبق لاني طول عمري صح وعمري في حياتي ما غلطت والناس مش مقدره الحاجات العظيمه اللي بعملها ومش عايزيني استمر بس انا هستمر غصباً عنهم
هو كده واللي مش عاجبه يخبط دماغه في الحيط

[Abo_Lina]

مش فاهم:u_thin1[1]:

يعني لازم المواطن يطالب بحقه
إنما المصري بيتعايش مع المشكلة لحد ما تبقى الواقع بتاعه

[ah-gawad]

انا مش عارف دايما نظرتنا للاشياء متشائمة و علي طول نشوف نصف الكوب الفارغ بس الصورة دي يا جماعة توضح نجاح الحكومة في تطبيق نظام لتقارب افراد الشعب و التحامهم ببعض علشان نكون دايما يد واحده و في اتحاد دائم . يا جماعة شويه تركيز و فهم شويه لان الحاجات دي اكبر كتير من مستوي ادراكنا احنا فمن الاخر سيب نفسك خالص و متحاولش لانه مفيش فايدة

[Terrible_DaRsH]

الناس دى مش راكبة الاتوبيس .

الناس دى مركوبة .