تكييف سامسونج

[د.أحمد السعيد]

حجيب لك من الاخر

انا عندى فى البيت شارب و يورك بقالهم 3 سنوات
و امبارك ركبت فى شقة اخى سامسونج 1.5 و 3 حصان طبعا بعد مباحثات و مقارنات واسعة المدى و لا تتخيلها (لان نسيبى عنده شركة مكيفات و قد نصحنى حاليا بالسامسونج و طبعا سألت كتير و استقريت على السامسونج
بصراحة جهاز فوق اممتاز و صوته هووووووووس و تبريده محترم
و طبعا انا شفت الجهزه و هى بتتركب طبعا السامسونج محترم فى و صلاته و جودة مكوناته دا حتى بكر العزل جايه معاه غير ان وصلاته تفوق الاجهزه الاخرى بمراحل و حتى باعتين مع الجهاز الصلصال اللى هيسد مكان فتحة المواسير اللى ركبت فى الحيطه !!
و فى الاخر استخير الله و عموما فرق الاجهزه فى السعر مش كتير

[د/أحمد ابراهيم]

شكرا على المساهمات الجميلة من الشباب

الموضوع قرب يصبح مرجع للي عايز يشتري تكيف

انا شخصيا كل معلوماتي مستقاه من البحث والسؤال فقط

وده اول مرة اقرر اشتري تكييف

طيب:

هل نوع mitsubishi
موجود في مصر

لان في مهندس لسه جاي من السعوديه شكرلى جدا فيه

----------------------

بالنسبه لترين:
ان فعلا اغفلت التكييف ده هحاول اكلمهم واشوف ايه الاسعار والتفاصيل التانيه (عشان تضاف على الموضوع هنا)
-----------

السامسنج:
الاراء عليه متضاربه ولسه جديد في السوق بس هو فعلا تكييف شيك وتكنولوجي ممتازة

وهنا في مصر درجات الحرارة مش زي دول الخليج

ومقارنته ب sharp هي لصالح الشارب من منطلق ضمان شامل على الوحدتين الداخليه والخارجيه بالكامل لمدة 5 سنوات

نفس الحاجة في سامسنج + حسب ماسمعت ضمان استبدالى وليس اصلاح خلال اول 6 شهور

وبالتالى الضمان متساوى في النوعين

ملحوظه اخيره trane من الاجهزه الممتازه واللي ناوي اجيبه ان شاء الله

انا هحاول اكلمهم

لو ليهم خط ساخن ياريت تقلى عليه

واهى فرصة نشوف التكنولوجى بتاعته مقارنة بالانواع الاخري

---------------------

مجموع اراء الاعضاء حتى الان:

شارب : الافضل بالاجماع- مجرب من ناس كتير- ضمان صادق- وخدمة مابعد البيع ممتازة
العيوب: تكنولوجى قديييم

سامسنج: جهاز جديد في السوق
امكانيات حديثة اكتر من ممتازه +انه شيك جدا وملهوش صوت + اول دفعة من اي نوع جديد دايما المستورد بيجيب فرز اول بعدها الكلام بيتغير
العيوب: مفيش معلومات كافيه عن متانة القطع الداخلية + خدمات مابعد البيع لم يتم اختبارها بعد

ترين:
مرشح قول وسمعه عالمية كبيره
لاكن المعلومات غير كافيه بعد

يونيون اير: فاشل

[grumby78]

اتفضل يا أخي الرقم المختصر لترين 19212 والفيديو ده من مصنع ترين
YouTube - Trane Air Conditioner - How It's Made

[bebo_bambino]

انا عايز اركب تكييف عندي و احتمال كبير جدا اجيب السامسونج بس انا كنت عايز اعمل حركة و كنت عايز اعرف منكم هي حتنفع و لا لأ .

عاوز اركب 2 تكييف كل واحد 1.5 حصان في غرفتين النوم بس في قدام الغرفتين صالة صغيرة مساحة كل اوضة حوالي 11 متر و مساحة الصالة الصغيرة 15 متر فكنت عايز اركب في كل غرفة تكييف و اسيب الباب مفتوح علشان يسمع برة .
ممكن ينفع الكلام ده و لاحيبقي ضغط علي التكييف و ممكن ميفصلش الكباس.

[esam_comm]

سامسونج او ال جي مش عارف موجود في مصر ولا لا بس هو

[د/أحمد ابراهيم]

اتفضل يا أخي الرقم المختصر لترين 19212 والفيديو ده من مصنع ترين
youtube - trane air conditioner - how it's made

شكرا يا باشا على ردك ومعلوماتك اللى اثرت الموضوع

اناحاولت اكلمهم من شوية بس الموظفة قالتلى اني اتصل من 9 ص - 5 م

(الظاهر معندهمش حد نبطشي)

هحاول اكلمهم بكرة ان شاء الله ونشوف ايه النظام

[د/أحمد ابراهيم]

تكييف ترين:

الرقم: 19510

الجهاز امريكي

التجميع في الصين

الكومبريسور صيني

النوع روتاري

الضمان:
5 سنوات على الكومبريسور

سنه واحدة على الجهاز

كده ترين خرج خارج المنافسة في رأيي

---------------
معلومات عن شارب الجديدpremium plus
(مقارنة ب premium )
البلازما ايونز: الضعف

امكانيه توجيه الهواء لاى نقطة في الغرفة عبر الريموت( الغرفة مقسمة 6 نقاط في برمجة الجهاز ويتم توجيه الهواء حسب رغبة المستخدم)

في حالة انقطاع التيار فان الجهاز يعمل ذاتيا عند عودة التيار ثانية

خاصية التنظيف الذاتي (تحتاج 45 دقيقة)
الميقاتى 24 ساعة

السعر: اغلى ب 300 جنيه عن ال premium العادي

+ القطع ياباني تجميع مصري
الكومبريسور يابني

الضمان 5 سنوات على كل اجزاء الجهاز

اهم العيوب: وجود رائحة غير محببة (حسب ما افاد به مراسلونا في المنتديات الاخري)

------------------------
سامسنج:

التصنيع كوري

التجميع صيني

الكومبريسور كوري نوع روتاري

الضمان 5 سنوات على الجهاز بالكامل

السعر ارخص من شارب

[fady_1989]

بص وانت ماشي على العمارات هتلاقي 70% من التكييفات اللى راكبه كاريير
اماكن الخدمه الشاقه (المحلات فروع البنوك المطاعم ) هتلاقيهم كلهم كاريير
مع انه ضمان سنه واحده وفيه مكونات صيني (مابقتش عيبه) الا اني اعتقد انه اقوى جهاز في السوق وعمري ما سمعت حد اشتكى منه .

[adel1212]

بالامس اشتريت سامسونج ماكس حائطى 1.5 ب-س
سوف يتم التركيب اليوم
سوف اوافيكم بالاخبار اولا باول

[grumby78]

الاخ عادل منتظرين تقريرك عن التكييف السامسونج .......

[magdy_dvd]

بصراحة بعد تكيف ال جى ارت كوول انسى صناعة كورى تقفيل تركى مستورد بالكامل منتظرين الاخ عادل تقريرك عن التكييف السامسونج

[DreAmO]

تكييف ترين:



---------------
معلومات عن شارب الجديدpremium plus


اهم العيوب: وجود رائحة غير محببة (حسب ما افاد به مراسلونا في المنتديات الاخري)

[overline]
السلام عليكم ورحمه الله وبركاته

بالنسبه لتكييف ترين .. صراحة اول مره اسمع عنه


اما تكييف شارب .. انا بستغرب ازاي من اهم عيوبه حسب كلامك وجود رائحه غير محببه

مع ان هو التكييف الوحيد اللي نازل بتكنولوجيا البلازما كلاستر .. اللي بتقضي على الروائح الكريهه في المكان

فأزاي هو نفسه يسبب رائحه غير محببه ؟!

انا معلوماتي ان اي تكييف يعمل رائحه غير محببه .. لو الميه في الحوض راكدة ( ودة بسبب عدم ضبط ميل او ارتفاع التكييف بشكل مناسب )


بالنسبه لمعلوماتك عن شارب بريميم بلاس .. فعلا صحيحه لأني اتصلت بتوشيبا العربي وقالي نفس الكلام

وسعر ال 3 حصان سبليت شارب برميم 5235 جنيه بارد / ساخن ( بارد فقط اقل ب 100 جنيه )

سعر ال 3 حصان سبليت شارب بريميم بلاس 5535 جنيه بارد / ساخن

لكن المشكله ان شارب عليه ضغط .. وتم تحديد موعد معاينه خلال 10 ايام ( وقت طويل اوي )


كمان خدمه المبيعات في توشيبا .. ضعيفه في معلوماتها ( يعني مش بيفيدك بشكل كامل )

يعني تقوله لو انا جبت الجهاز من موزع معتمد ليكم .. ايه نظام الضمان معاكم ( يقولك معنديش معلومات )

لو قولتله طب لو اشتريت التكييف من محل ولا شركه بتبيع شارب .. هيبقى الضمان من خلالكم ولا ايه ( يقولك معنديش معلومات )

لو قولتله طب اقرب موزع شارب لسكني ايه ( يقولك معنديش معلومات )

طب هل في تقسيط ( يقولك دي تكلم فيها مع الفني اللي هيعاين .. انا معنديش معلومات )

لو سألته ايه الفرق بين البريميم والبريميم بلاس ( يقولك انتظر دقايق اتأكد من المعلومه )

المبيعات ضايعه صراحه .. فأيه ظروف الدعم الفني والصيانه ؟


معلومه اخيره .. انا جربت كاريري سقفي مستعمل .. صراحه معجبنيش وكان صوته مزعج ( صوت الهوا بتاع المروحه شديد اوي وعالي .. مزعج مزعج مزعج )

فهل شارب له صوت ؟

[/overline]