عاوز مركب كويسه لحفلة خطوبه

[marsguy]

السلام عليكم ورحمة الله وبركاته،،،

في واحد صديقي مغترب بره مصر وكلفني إني أسال له على مركب كويسه يعمل فيها خطوبته على شهر 10 كده إن شاء الله.

هو عاوز يعزم حوالي 100 فرد وعاوز تكون حفله هاديه يعني وفي مركب مستواها كويس.

يا ريت لو حد يعرف مركب كويسه ويديني أرقام التليفون

شكراً

[SeiffoZ]

فى مركب إسمها نايل ماكسيم .. فى الزمالك ... جنب مراكب السرايا و إمبريال و نايل سيتى

أعرف إن دى بتلف فى النيل و الفرح شغال جوا فيها ...

لكن مش عارف تفاصيل الحقيقة

[FunnyMickey]

اعرف كمان مركب اسمها الفلندره
عالنيل
مش عارف فين بالظبط
بس شفت فيها فرح معمول الصبح
تحفه
بس هيا غاليه شويه
الفرد ب100 جنيه

[Ahmed_Elkhateb]

لاء فى مركب فى دهر الفور زيزون اسمها الأكوريوس الفرد هيعمل 90 او 95 حاجه كده والمركب بتلف سعتين ونص فى النيل وانا ممكن اسألك لو عاوز انا شغال فى شركة سياحه وبنتعامل معهم وديه تقريبا ارخص حاجه انما ماكسيف والنايل كريستل والفارو كل ده غالى من 150 وانت طالع اه الأكل فيها اوب بوفيه

[bayooo]

بس المراكب دي بيحصل فيها مسخرة ...وست مش لابسة بتطلع ترقص وحاجات وحشة....اتقوا الله

[FunnyMickey]

ياسعاده الريس هيا ايه اللي بيحصل فيها مسخره

دي مركب بتتأجر عشان يتعمل فيها خطوبه

انتا لو عاوز تجيب رقاصه
هات

انما مش اجباري

المراكب اللي بتتكلم عليها دي اللي بيبقي فيها بند شرقي والخيم الرمضانيه اللي ملهاش علاقه برمضان

انما الراجل حيأجر مركب للخطوبه

افهم الاول وبعدين قول اتقوا الله

[Dr.Karim Emam]

ياسعاده الريس هيا ايه اللي بيحصل فيها مسخره

دي مركب بتتأجر عشان يتعمل فيها خطوبه

انتا لو عاوز تجيب رقاصه
هات

انما مش اجباري

المراكب اللي بتتكلم عليها دي اللي بيبقي فيها بند شرقي والخيم الرمضانيه اللي ملهاش علاقه برمضان

انما الراجل حيأجر مركب للخطوبه

افهم الاول وبعدين قول اتقوا الله

ثم إن المسخره ممكن تكون في أي مكان مش لازم في المراكب و بس
و ياريت بلاش التعميم و رمي الناس بالباطل عمال على بطال

[Terrible_DaRsH]

مركب الفلندره كويسة جدا على فكرة .

[SeiffoZ]

بس المراكب دي بيحصل فيها مسخرة ...وست مش لابسة بتطلع ترقص وحاجات وحشة....اتقوا الله

فى مسخرة بتبقى فى النت ...

إتقى الله و متستخدمش النت أبدا

[Ayman-Ahmed]

المراكب كتير على النيل .بس لو تقولنا هو عاوز يدفع كام بالكتير.هقدر افيدك اكتر ورينج الاسعار بيبدا من 60 ل 180 جنيه والساعتين على المركب بيبقوا عبارة عن:
-رقص شرقى
-رقص تنورة
-باند شرقى\غربى
-اوبن بوفيه او اطباق للفرد

خد بالك بقى ان معظم اللى على المراكب اجانب وبتبقى محجوزة مسبقا عن طريق شركات السياحة او افراد.بص المراكب الكبيرة\المحترمة مش هتديك المركب لوحدك لان في شركات سياحة حاجزة الا لو هتدفع تمن الرحلة كاملة.

[FunnyMickey]

فى مسخرة بتبقى فى النت ...

إتقى الله و متستخدمش النت أبدا

اه
والبوفيه من الكبائر

عاوز حد يقرب بقي من الديك الرومي

[Egyzizo]

بس المراكب دي بيحصل فيها مسخرة ...وست مش لابسة بتطلع ترقص وحاجات وحشة....اتقوا الله

تصدقوا بالله .. أنا داخل بادور على المشاركة دى ..

هههههههههههههههههههههههه

أنا قلت اقطع دراعى ان ماكانش اللى احنا متعودين عليه حصل فى الموضوع ده.

[dr_abooody]

بس المراكب دي بيحصل فيها مسخرة ...وست مش لابسة بتطلع ترقص وحاجات وحشة....اتقوا الله

اعتقد ان دة على حسب الطلب لو واحد مش عايز رقاصة براحتك مش مفروضة على الواحد يعني
و بعدين الافراد اللي معزومين بيكونوا ناس محترمين و من عائلة واحدة او الاصدقاء المقربين يبقى مسخرة اية اللي هتحصل بقى