التكييف بيفصل بعد قد ايه !!

[ahmadmidop]

يا جماعة انا عندي استفسار صغير بالنسبة للتكيف انا جبت تكييف 3 حصاان شارب بس انا حاااسس انه بيطول لحد لما يفصل يعني ظبطه مثلا على 22 وكانت درجة الحرارة 25 وصل لحد 22 مثلا في تلت ساعة وفضل واقف على 22 ومفصلش اعد حوااالي ساعة وربع هل كده في مشاكل ولا عادي.... وكنت خارج فقفلتو ... اصل النظام ده يختلف عن الاجهزة التناية اللي في البيت

[ابوهاشم]

المفروض بمجرد مايوصل لدرجة الحراره اللى انت مظبطه عليها
يفصل تلقائى ومجرد ماتذيد درجة الحراره فى الغرفه يشتغل تانى

[MRBEBO]

فيه نظامين على حسب الجهاز اللي عندي

كولد

وده اول ما بيوصل لدرجة الحرارة اللي انت ظبطها بيفصل كمبريسور بس بتفضل المروحة شغالة يقلب الهوا

النظام التاني دراي

وده اول ما بيوصل لدرجة الحرارة اللي انت ظبطها بيفصل كمبريسور ومروحة يعني بيفصل تماما مفيش اي صوت بيطلع منه

[SHATAvip]

مممممممممم هوا انا سألت الراجل بتاع التوكيل اللى ركب التكييف عندى قاللى التكييف ميتخافش عليه إلا اذا مفصلش لمدة ساعتين و نص او تلاتة مثلا

[akramlail]

انا اللى عندى كاريير 2 وربع حصان مش بحس انة بيفصل الا لو ظبطة على 23 او 24 دة معناة اية ولسة جايبة مكملش الشهر

[ahmadmidop]

يعني الخلاصة ايه

[Terrible_DaRsH]

الخلاصة ان الجهاز فيه سينسور .

السينسور ده هو اللى بيفصل التكييف , لما توصل درجة حرارة الغرفة كلها زى ما انت ظابط التكييف ( 22 , 23 . 24 . 25 و هكذا ) التكييف بيفصل تلقائي .

و كل ما الغرفة كبرت كل ما التكييف بياخد وقت اطول علشان يفصل .

و كمان لما الباب بيبقي مفتوح و فى هواء سخن بيدخل الغرفة التكييف صعب انه يفصل .

علشان يفصل لازم الغرفة او المكان يكون محكم الغلق و مفيش هواء خارجي كتير بيدخل و كمان التكييف تكون قوته متناسبة مع حجم المكان .

[ahmadmidop]

واقصي مدي لو مفصلش انا افصله ايه هيا !!

[akramlail]

طب كل ما درجة الحرارة تقل بياخد وقت اطول عشان يفصل ولا كلة زى بعض ؟

[dramir1]

طالما انه شارب حتى لو مش مركبه من التوكيل كلمهم على رقم 19444 وقولهم مشكلتك ممكن يجولك مجانا زي ماعملو معايا

[Terrible_DaRsH]

واقصي مدي لو مفصلش انا افصله ايه هيا !!

بص لو انت حاطه فى غرفة اقفلها كويس و خليه على 28 و شوف هيفصل بعد اد ابه .

طب كل ما درجة الحرارة تقل بياخد وقت اطول عشان يفصل ولا كلة زى بعض ؟

لا طبعا كل ما تخفض درجة الحرارة بياخد وقت اطول علشان يبرد الجو خصوصا لو كان الجو حر .

[akramlail]

طب هوة بيفصل عندى عند 23 بعد كدة مبيفصلش وانا حاطة فى الصالة وقافل جزء بستارة ؟؟