20 جنيه

[SaberMan]

هو دا اللى انا نفسى اسمعه من بدرى :) .. انا باردوا نفسى اشوف كل الناس مش محتاجة حاجة وكله عايش مبسوط عشان انا لما يشوف حد ناقصه حاجة عنى بتدايق اوى .. مثال صغير على كدا لما اكون مثلا على المحور الصبح فى عز الحر والجو زاحمة موت وانا مشغل التكييف وحران باردوا وابوس جنبى الاقى واحد قاعد فى عربيته من غير تكييف هيموت من الحر العربية من جوا اسخن من الجو برا وتلاقيه رادى وكش بيتكلم عشان هى دى امكانياته .. بس انا طبعا عارف انا الارزاق بيد الله بس مفيهاش حاجة ان انا اساعده دا يعتبر رزق ربنا بعتهوله برده


ضيف على كده فى شوارعنا الصبح جنب ميكروباص أو أوتوبيس فى عز الحر و الناس بصه عليك بحمد ربنا و أدعى ربنا للكل بالخير, بقى نفسى أخدهم معايا بس طبعا مستحيل ربنا يرزقنا بالحلال

[yasserelsayad]

انا عايز اللى بيصوت بـ لا يقولنا ليه عشان نعرف وجه نظره باردوا

قَالَ رَسُولِ اللَّهِ صلى الله عليه وسلم:
"مَا نَقَصَتْ صَدَقَةٌ مِنْ مَالٍ وَمَا زَادَ اللَّهُ عَبْداً بِعَفْوٍ إِلاَّ عِزًّا وَمَا تَوَاضَعَ أَحَدٌ لِلّهِ إِلاَّ رَفَعَهُ اللَّهُ"

[mazagngi2010]

لا علشان معرفش ال 20 دي رايحه فين ممكن تكون حاجه ملهاش لازمه وانا شايف ان ناس تستحقها اكتر منه طبعا
من الاخر لما اعرف كنه الحاجه اللى رايحه لها الفلوس هحكم

[yasserelsayad]

لا علشان معرفش ال 20 دي رايحه فين ممكن تكون حاجه ملهاش لازمه وانا شايف ان ناس تستحقها اكتر منه طبعا
من الاخر لما اعرف كنه الحاجه اللى رايحه لها الفلوس هحكم

تمام .. يعنى لو انت عرفت هى رايحة فين ممكن تدفع .. يعنى المبدا موجود اهم حاجة .. شكرا يا باشا على التوضيح

[mazagngi2010]

بالظبط
10 حروف ياعم الاداره ارتحتى

[esraatefa]

اة طبعا هديهاله وهكون سعيدة جدا انى قدرت اسعد حد بشئ هو محتاجه ويريحه اكتر

[ahmed4000]

انا شايف انك متقدرش تعتمد على اجابتنا بسواء اه او لا
لان الهدف مش واضح هو ايه ولمين وايه سبب السؤال فبالتالى الناس بتجاوب لكن لو فهمت اكتر ايه الهدف من السؤال اصلا ممكن اجابتها تختلف

[Mohammmed]

لا علشان معرفش ال 20 دي رايحه فين ممكن تكون حاجه ملهاش لازمه وانا شايف ان ناس تستحقها اكتر منه طبعا
من الاخر لما اعرف كنه الحاجه اللى رايحه لها الفلوس هحكم

نفس المبدأ لو عرفت هى راحة فين اكيد هدفع

[M.Osman]

موضوع جميل جداً و الفكرة حلوة و كنت متابع من الموبايل...

المهم...

المشكلة في حاجة يا جماعة ...
و معلش
استحملوني
جايز اكون رخم او غلس
او رأيي ميعجبش حد

بس للأسف
في ناس كتير بتكون محتاجة مساعدة
و أول ما يجي في ايدها فلوس بترميها في حاجات هايفة
لدرجة انك و الله العظيم لو شفت الناس اللي انت ممكن تكون ادتلهم فلوس لأنك شايف انهم محتاجين يلبسوا احسن ... او ياكلوا احسن.. او فلوس ليهم يدخروها في حاجة عدلة تنفعهم

ممكن تلاقيهم فرتكوها في اي كلام فاضي
حاجات ملهاش لازمة

حاجة كدا زي ... لو انت بتدي فلوس لواحد عشان تساعده في حياته او مشروعه مثلاً عشان يقف على رجله... و تلاقيه راج جايب موبايل بلاكبيري !!

انا بس بزعل
اوي
اوي
اوي

ان الناس اول ما بتجيلها فلوس
و تحس ان الفلوس جاية لها بالساهل

يطيروا الفلوس بالساهل في شوية كماليات

للعلم
انا مش بدي فلوس لحد...انا لسة باخد مصروف من اهلي و عارف بصرف المصروف ازاي و في اية... بس اللي بتكلم عليه واقع

[devilishtigers]

أيوة

لو في مقدوري أخلي حياة واحد أحسن هاساعده

لو واحد ما عندوش تكييف و نفسه يجيب تكييف ممكن أساعده

ولو واحد نفسه يلبس جزمة محترمة برضه أساعده

لو عيلة كبيرة و عندهم تلاجه صغيرة و نفسهم في تلاجة أكبر برضه أساعدهم

ولو حد هايقوللي نساعد المحتاجين دقة بس

ده في الزكاة ( لأن ليها مخارج شرعية) انما باقي فلوسنا ممكن نتصدق بيها زي مانحب

ودي تنفع صدقة

هو ربنا معيشنا على حافة الفقر علشام مانساعدش الا اللي على حافة الفقر !!!


نفسي أغمض و افتح و ألاقي الناس في بلدي كلها مستريحة

+11111111111
العشرين جنيه دي ممكن تصرفها في علبتين سجاير او تدفع كارت شحن
تخيل بقى لو انت دخلت الفرحة على حد ب 20 جنيه

[maka]

طالما فى مقدورى وفى استطاعتى و هاسعده على حاجة حلال و هتريحه اكيد طبعا مش هتاخر

[lancerevolution]

لو حاجة حلال و هتفيدة فعلا و ضرورية و محتاجها يبقي ليه لا

+1111111111111111

[Car's Sniper]

لو كان شخص ماعرفوش من اللى منتشرين اليومين دول ويقولك اخوك مزنوق فى (..)جنيه...فمش هادفعله بدون تفكير
لكن لو حد واثق انه محتاج اى مبلغ بجد ...هديلوا كل اللى معايا بدون نقاش