شاحن لاب توب hp pro book 4515 s

[alzwawy]

مساء الفل علي احلي رجاله رجاله نايل موتورز
انا لسه جايب شهر 2 لاب توب hp probook 4515s
والحمد لله الصبح الشاحن باظ بيبقي في جوه الجاك الي بيدخل في الاب سن بيدخل جوه اللاب السن ده اتكسر
مش عارف اعمل ايه يا رجاله محدش يعرف بكام الشاحن ده انا عارف هلاقي فين انا هلاقي اكيد في سوق العصر بس عاوز اعرف بكام

[pro_samir]

الكوبي اوريجينال لو نوع كويس جدا هيكون في رينج 150 جنية

بس نصيحة طالما السوكيت بس اللي مكسور شوف اي محل صيانة لابتوب يغيرلك الكابل بواحد تاني يكون فية سوكيت سليم وخلاص وبياخدة من اي شاحن محروق لأن الأصلي احسن واكيد أوفر بدل ما تشتري شاحن تاني

السوكيت دة بيقولو علية إبرة علي فكرة

[alzwawy]

عامل ايه يا معلم وحاشني والله انا واحد قالي النهارده علي حوار اني ادور علي واحد يغيرلي السوكت بس هشوف النهارده ان شاء الله يا معلم

[pro_samir]

الله يكرمك يا محمود وانت كمان

لو ملاقيتش انزل علي مول البستان في هناك كتير ولو عايز اقولك علي حد معرفة هناك تروحلة ابقي كلمني

وبالراحة علي الجهاز

[أبومعاذ]

أنا معايا نفس الجهاز وهو جهاز ممتاز بالنسبة لسعره
بالنسبة للشاحن الهاي كوبي بيعمل 120 في المول بتاع السخاوي والأصلي بيعمل 190-200 ونصيحة تجيب الأصلي

[factorialx]

حرام تجيب شاحن جديد
إنت تروح مول البستان و تروح تجيب سلك جديد ب 20 جنيه

و تقطع السلك القديم و توصله بالجديد بس خلي بالك من ال+ و -

أنا عندي اللاب حصل فيه كده برضه و غيرتله السلك عادي خالص و عملتها لواحد صحبي برضه

مول الاسيوطي كان في واحد فاكرني زبون طلعلي سلك من شاحن قديم و بيقولي ده سلك اصلي
-كام يا باشا ؟
قالي 90 جنيه قلتله شكرااااااا

[alzwawy]

الله يكرمك يا محمود وانت كمان

لو ملاقيتش انزل علي مول البستان في هناك كتير ولو عايز اقولك علي حد معرفة هناك تروحلة ابقي كلمني

وبالراحة علي الجهاز

الحمد لله خلاص يا باشا عملته في السخاوي الراجل قص السلك البايظ و ركب واحد تاني و اخد 40 جنيه
بس في مشكله تانيه ان السوكت الي في الاب الي بيدخل فيه الشاحن اتكسر و الراجل قالي هيتغير ب 150 حنيه

[alzwawy]

أنا معايا نفس الجهاز وهو جهاز ممتاز بالنسبة لسعره
بالنسبة للشاحن الهاي كوبي بيعمل 120 في المول بتاع السخاوي والأصلي بيعمل 190-200 ونصيحة تجيب الأصلي

اه الجهاز محترم جدا يا مان و الحمد لله المشكله اتحلت

[alzwawy]

حرام تجيب شاحن جديد
إنت تروح مول البستان و تروح تجيب سلك جديد ب 20 جنيه

و تقطع السلك القديم و توصله بالجديد بس خلي بالك من ال+ و -

أنا عندي اللاب حصل فيه كده برضه و غيرتله السلك عادي خالص و عملتها لواحد صحبي برضه

مول الاسيوطي كان في واحد فاكرني زبون طلعلي سلك من شاحن قديم و بيقولي ده سلك اصلي
-كام يا باشا ؟
قالي 90 جنيه قلتله شكرااااااا

عملته يا باشا خلاص و كلفني السلك 40 حنيه و السوكت الي في الاب اتغير ب 150 جنيه علشان اتكسر