ايه الي حصل لحديقة الازهر ؟؟؟ ايه القرف ده !

[Ayman-Ahmed]

ما هو نفس السبب ده وللاسف هاقول عليها جهل بعض الناس بتاريخ واهمية المكان اللى خلى وزارة السياحة تمنع دخول المصريين منطقة الاهرامات فى العيد الصغير والكبير.ما هو مش معقول ابقى ماشى مع اجنبى وعمال اقوله حضارة-اصالة-تاريخ ويبص يلاقى شاى بيترمى على الارض وناس فارشة ونايمة عند الهرم الكبير وحلتين محشى ويا سلام لو شم النسيم وشوية فسيخ حلوين بيتقطعوا ويترموا على الارض ونودى الليمون فين ارمى يا واد هنا جنبك وخلاص.

والواد ريحته كلها بصل وفسيخ وواقف امام الاجنبى اكنه شايف تمثال معجب اوى بيه وممكن صورة يا عمو.

ويا سلام على الشباب اللى بيحاول يمارس اللغة فيبدا يشتم,ما هو اصل الانجليزى مفهيوش غير شتايم والافلام والاغانى الاجنبى كلها شتايم بس

مش عارف امتى بعضنا هيتعلم ونعلم اولادنا احترام الاماكن الاثرية .

[Terrible_DaRsH]

هى مرة واحدة رحت حديقة الازهر علشان اشوفها و هى اخر مرة .

يعنى بدل ما الحكومة تشيل العشوائيات و تتطورها رايحة تعمل حديقة بملايين !

يعنى انا ابقي قاعد فى الحديقة فى مكان جميل و منظر طبيعى جيد و ابص قدامى الاقى عشوائيات !!

يعنى قمة التحضر x قمة التخلف فى وقت واحد .

ما هو نفس السبب ده وللاسف هاقول عليها جهل بعض الناس بتاريخ واهمية المكان اللى خلى وزارة السياحة تمنع دخول المصريين منطقة الاهرامات فى العيد الصغير والكبير.ما هو مش معقول ابقى ماشى مع اجنبى وعمال اقوله حضارة-اصالة-تاريخ ويبص يلاقى شاى بيترمى على الارض وناس فارشة ونايمة عند الهرم الكبير وحلتين محشى ويا سلام لو شم النسيم وشوية فسيخ حلوين بيتقطعوا ويترموا على الارض ونودى الليمون فين ارمى يا واد هنا جنبك وخلاص.

والواد ريحته كلها بصل وفسيخ وواقف امام الاجنبى اكنه شايف تمثال معجب اوى بيه وممكن صورة يا عمو.

ويا سلام على الشباب اللى بيحاول يمارس اللغة فيبدا يشتم,ما هو اصل الانجليزى مفهيوش غير شتايم والافلام والاغانى الاجنبى كلها شتايم بس

مش عارف امتى بعضنا هيتعلم ونعلم اولادنا احترام الاماكن الاثرية .

متفق معاك تــــماما .

[sarawe511]

ههههههههههههه
والله انا لما شفت الصورة ضحكت جدا
استاذ human 12عندة حق ان الناس دول غلابة و المواقف دي مبتحصلش الا ف المواسم و الاعياد
استاذ كريم عيزك تروح حديقة الازهر ف اي يوم صباحا اثناء فترة الدراسة و اتفرج علي المسخرة بجد و قلة الادب( بتبقي مليانة كبلز و اخر قلة ادب )

[Terrible_DaRsH]

استاذ كريم عيزك تروح حديقة الازهر ف اي يوم صباحا اثناء فترة الدراسة و اتفرج علي المسخرة بجد و قلة الادب( بتبقي مليانة كبلز و اخر قلة ادب )

انا لما جيت اروح الناس قالت لى روح بالليل علشان متشوفش العالم الزفت بتوع المدارس و قلة الادب دى .

رحت الساعة 10 بالليل لاقيت الوضع اسوا من الصبح و تقريبا كل ما الليل يدخل كل ما الناس تتمادى فى قلة الادب لا و كمان محدش بيهمه حد .

و ده منظر واحد من المناظر اللى بتطل عليها الحديقة الساحرة ..


يعنى شفت قلة ادب و عشوائيات و روحت

[AmatoALLAH]

شوف انا رحتها اول ما فتحت كذا مره و كانت تحففففففه بس دا من 5 سنين

و روحتها مره من 6 شهور و صعقت من المناظر المقرفه و اللي شوفتها هناك بسبب البنات و الولاد اللي عاملين نفسم حبيبه و في منتهي قلة الادب

اول ما البارك فتحت كان الامن بيمنع اي حد يقعد في اي مكان ضلمه دلوئتي لا , و الامن عادي شايفين المناظر دي و ساكتين

بس الصراحه ماكنش فيه حد بيعوم في النافورة :) و كانت نضيفه و كويسه

[Abo_Lina]

يا نهار أسود العيال مجرد ما نزلوا المية إسودت ..

[Ayman-Ahmed]

بالنسبة للاجانب المنظر اللى بتطل عليه معظم الحديقة جميل يعنى القلعة وجامع محمد على مع الخضرة والعشوائيات ديه بالنسبة للاجانب هى معجزة وابهار المصرى وازاى بيقدر يكيف نفسه يعنى احياء عايشين مع الاموات.وانا بانسبة لى مبقولش عليها عشوائيات ليهم بس بقول لاننا محافظة مفيهاش مكان لمبانى تانى فمعظم الناس لجاءت للطريقة ديه

[devilishtigers]

انا اخر مرة دخلتها كانت من 6 او 7 شهور بس كانت زي اول صورة
بس تقريبا الصورة ملعوب فيها عمرها نا توصل للوضع دا والامن يسبهم.
دي لو وصلت انهم يقفلوها ويخرجوا الناس

[ehab08]

الصوره ديه فى عيد او موسم
بتيجى ناس بسيطه كتير من الارياف او من منلطق القاهره و بالنسبه ليهم اللى بيعملوه ده مش عيب او غلط
و الامن مش بيقدر ابدا يسيطر على كل الناس ديه و كمان لو حاولوا هيسمعوا كلام وحش

يومين الناس البسيطه تستمتع بطريقتها فى ظل الظروف القهريه اللى بنعيش فيها فى ظل خكم البرنامج - اعتقد مش عيب
الناس محتاجه متنفس

عمرهم ماشافوا حمام سباحيه و فيه منهم عمره ماشاف بانيو اصلا


كمان كتير من دول العالم بيحصل فيه كده و ماحدش بيقول عليهم قرف

المختلف بس طريقه لبس و تصرفات بس فى الاخر نفس الفكره

ديه فى london
telegraph photographers' pictures of the year: Jane mingay - telegraph

millennium park in chicago


ديه من باريس

http://www.moet-chandon.co.uk/photos/2005/07/02_fun_in_fountain.jpg

ديه من كاليفورنيا


new york, washington square park


المكسيك


و ديه من سيول



الناس فى كل حته بيستعملوا نفس الطرق للفرحه و اللعب فى المياه

ليه ولاد بلادنا نقول عليهم قرف و نقول ان ده قله نظام

الناس محتاجه تنبسط و المكان موجود عشان كده

رفقا بالسطاء يا عزيزى

أنا موافقك على رأيك
ده بيحصل فى كل دول العالم فى أوقات الحر الشديد