يوميات مقلع عن التدخين حديثاً .... تفضل بالدخول

[ashouhdy]

اليوم ال 65 بدون سجارة
من اليوم ال 55 تقريبا أقدر اقول انى فعلا بقيت اكرة حتى رائحة السجائر ومش طايقها

بس اوقات بشرب حجر تفاحة و اوقات لأ

[MaZaGAngeE]

اليوم الرابع ,
شربت حجر تفاحة النهارده الصبح و عليها لحد دلوقتي

[bayooo]

ياريت بس ياجماعة تخلصوا النيه لله ........وتبقوا مبطلينها علشان ربنا....مش علشان غليت........ساعتها هاتقدروا ما ترجعلوهاش تاني ان شاء الله

انا الحمدلله مبطل من 3 سنين

[ابو فرح]

اليوم الرابع بالنسبه ليا بس ممكن اشرب سجارتين فى اليوم لحد ما انساها خلص ربنا يوفقنا جميها

[Egyzizo]

يا جمــاعة الخير ..

خدوها منى نصيحة ..
اللى يبطل التدخين يبقى مرة واحدة ..
تاريخ اقلاعك عن التدخين هو تاريخ آخر سيجارة شربتها ..
لو بطلت من يومين وشربت سيجارة أو حجر شيشة النهارده الصبح يبقى انت مبطل فقط من النهاردة الصبح
ومعاناة اليومين اللى فاتوا يبقوا راحوا على الأرض.

المدخن بداخله وحش اسمه (ادمــــان) ..
لقتل الوحش يجب عدم اطعامه ، واعطاؤه سيجارة كل كام يوم يبقيه حياً حتى وان كان ضعيفاً

تبطيل السجاير بيمر بـ 3 مراحل معاناة ..
المرحلة الأولى والصعبة هى أول 72 ساعة
والمرحلة الثانية والأقل معاناة هى حتى اليوم الحادى والعشرين.
والمرحلة الثالثة والأليفة هى حتى الشهر الثالث.

احسب 72 ساعة من تاريخ آخر سيجارة أو حجر معسل شربته
يعنى لو مبطل من أسبوع وماشربتش فى الأسبوع ده غير سيجارة واحدة امبارح يبقى احسب من امبارح وتعب الأسبوع ما استفدش منه.

وخللى شعارك : لا تطعم الوحش Do not feed the monster

[SkyBird]

يعنى لو مبطل من أسبوع وماشربتش فى الأسبوع ده غير سيجارة واحدة امبارح يبقى احسب من امبارح وتعب الأسبوع ما استفدش منه.

وخللى شعارك : لا تطعم الوحش do not feed the monster

انا عارف ان مش هدفك تحبط المبطل عن التدخين قريبا بس صدقني ممكن يحصل ده للبعض
واضح انك مدخنتش قبل كده بقوه
كنت هتعرف ان فيه ناس عندها الوحش ده قوي جدا ميقدرش يجوعه مرة واحده والا ينقض عليه لكن ممكن يعمل ايه ؟
يقلل كميات الاكل علشان يصيبه بسوء تغذية وقوته تنهار فيسهل قتله
تتعدد الطرق ولكن النتيجه في الاخر هتكون واحده
ممنوع نهائيا العوده للتدخين

[Egyzizo]

انا عارف ان مش هدفك تحبط المبطل عن التدخين قريبا بس صدقني ممكن يحصل ده للبعض
واضح انك مدخنتش قبل كده بقوه
كنت هتعرف ان فيه ناس عندها الوحش ده قوي جدا ميقدرش يجوعه مرة واحده والا ينقض عليه لكن ممكن يعمل ايه ؟
يقلل كميات الاكل علشان يصيبه بسوء تغذية وقوته تنهار فيسهل قتله
تتعدد الطرق ولكن النتيجه في الاخر هتكون واحده
ممنوع نهائيا العوده للتدخين

أنا بس صعبان عليا إطالة فترة المعاناة السخيفة اللى بيكون فيها البنى آدم مش نفسه فعلاً ..
نفترض ان واحد بطل فى أول يوليو مثلاً بلا رجعة ولو إلى سيجارة واحدة ، ده معاناته الحقيقية هتنتهى يوم 21 يوليو.
لكن لو بطل فى أول يوليو مع أخذ سيجارة كل كام يوم فده هيفضل فى معاناة إلى أن يمر 21 يوم على آخر نفس أخده.
يعنى ممكن يفضل فى القصة دى 6 شهور أو أكتر ..

يبقى 21 يوم تعب واللا 6 شهور تعب؟


أنا على فكرة كلامى بناءاً عن تجربة 15 سنة تدخين + عدة محاولات فاشلة + معلومات أكاديمية وكتب بحثية فى كيفية الإقلاع عن التدخين

[ashouhdy]

عندك حق بس عمر ما كان اشتياقى للتفاحة ذى شوقى للسيجارة دة ممكن اقعد تلات ايام مشييش و اشرب بس عشان اقعد صدفة ع القهوة لكن السجاير استغفر الله العظيم كنت بنزل الساعة 3 الفجر ادور ع حد فاتح اشترى منة علبة سجاير اول مايتبقى سجارتين او تلاتة فى العلبة

[hamedo0]

ربنا يعفي عن الجميع ان شاء الله وايه اخبار المعسل يا رجاله

[ashouhdy]

اية الأخبار شكلوكوا رجعتوا تدخنوا تانى ولا ايييييييية اية يا رجااااااااااالة

[MaZaGAngeE]

اية الأخبار شكلوكوا رجعتوا تدخنوا تانى ولا ايييييييية اية يا رجااااااااااالة

لسه ماسك نفسي بس اوقات كده باخد سيجارتين من زمايلي في الشغل خلال اليوم.
و اوقات بروح القهوة اشرب حجرين معسل
بس فعلا حاجة متعبة جدا تبطيل السجاير ده

[ashouhdy]

أنا تحولت من مدخن سجائر الى مدخن تفاحة !!! كدة بقى انا اسمى غير مدخن و لا مدخن نكهات ولا اية !!!!!!

[MaZaGAngeE]

أنا تحولت من مدخن سجائر الى مدخن تفاحة !!! كدة بقى انا اسمى غير مدخن و لا مدخن نكهات ولا اية !!!!!!

دي مشكلة تانية من مدخن سجاير لمدخن شيشة
هوه احنا شربنا سجاير ليه بس من الأول ؟

[ashouhdy]

دي مشكلة تانية من مدخن سجاير لمدخن شيشة
هوه احنا شربنا سجاير ليه بس من الأول ؟

أنا عارف بقى اهو اللى حصل و خلاص بس بما انى منتقل حديثا الى الشيشة لقيت ليها مميزات اهما فى نكهات كتير وذى ما مودك موديك :) لو مبسوط عنب فاخر لو عادى و طبيعى تفاحة وكدا يعنى !!!! و حاجة تانية مفيش ريحة فأيدى و هدومى وبقى :))))

[magyver]

والله انا نفسي ابطلها
بس اصحابي اللي ماشي معاهم كلهم بيشربوا