حدث بعد منتصف الليل

[A7MED_PHARMA]

روق روق يا دوك

أنا مش هقولك هوا قال عليا إيه...

بس هقولك أنا خدمته إزاي
وربنا أعلم بكلامي


والده كان تعبان بالكبد ...وكان محتاج أدوية وبعض الحاجات من عند بتوع المستلزمات الطبية

وكان برضووو بالليل ..كانت الساعة 2 صباحا
وبرغم عدم سابق معرفة بينا على الإطلاق
جابلي الدكتور البشري إلي متابع حالة والده ..وجولي الصيدلية وعاوزين أنواع مش موجودة
وحسب كلام الدكتور البشري
الحالة كانت حرجة للغاية

ووالله الذي لاإله إلا هو

أخدت أخوه في عربيتي ..وقفلت صيدليتي
وروحت مع أخوه ميت غمر

وصحيت صاحب المخزن إلي أنا شغال معاه...وصحيت صاحب محل المستلزمات الطبية إلي أنا شغال معاه
بالتليفون

وجبت الادوية والمستلزمات
ورجعت تاني...والحمد لله الليلة العصيبة دي عدت على خير


أنا كصيدلي...مليش دعوة بأي حاجة من دي
ومش مفروض عليا إني أقفل صيدليتي وأروح بعربيتي أجيب لهم أدوية من مكان تاني في وقت متأخر زي ده
وللعلم
هوا إلي حاسب المخزن والمحل..يعني أنا مارحتش معاه علشان أكسب منه جنيه

وبعد إلي عملته معاه

يقول عني كلمة ..لاتليق بالمرة مع الخدمة إلي أنا خدمتهاله



وحسبي الله ونعم الوكيل

[AhMeD EzZ]

أنا مش هقولك هوا قال عليا إيه...

بس هقولك أنا خدمته إزاي
وربنا أعلم بكلامي


والده كان تعبان بالكبد ...وكان محتاج أدوية وبعض الحاجات من عند بتوع المستلزمات الطبية

وكان برضووو بالليل ..كانت الساعة 2 صباحا
وبرغم عدم سابق معرفة بينا على الإطلاق
جابلي الدكتور البشري إلي متابع حالة والده ..وجولي الصيدلية وعاوزين أنواع مش موجودة
وحسب كلام الدكتور البشري
الحالة كانت حرجة للغاية

ووالله الذي لاإله إلا هو

أخدت أخوه في عربيتي ..وقفلت صيدليتي
وروحت مع أخوه ميت غمر

وصحيت صاحب المخزن إلي أنا شغال معاه...وصحيت صاحب محل المستلزمات الطبية إلي أنا شغال معاه
بالتليفون

وجبت الادوية والمستلزمات
ورجعت تاني...والحمد لله الليلة العصيبة دي عدت على خير


أنا كصيدلي...مليش دعوة بأي حاجة من دي
ومش مفروض عليا إني أقفل صيدليتي وأروح بعربيتي أجيب لهم أدوية من مكان تاني في وقت متأخر زي ده
وللعلم
هوا إلي حاسب المخزن والمحل..يعني أنا مارحتش معاه علشان أكسب منه جنيه

وبعد إلي عملته معاه

يقول عني كلمة ..لاتليق بالمرة مع الخدمة إلي أنا خدمتهاله



وحسبي الله ونعم الوكيل

افضل حاجة قول حسبي الله و نعم الوكيل مش اكتر
و يولع اي حد تاني طالما كانت ابتغاء وجه الله

[rockana9112007]

السلام عليكم ورحمة الله وبركاتة يادكتور احمد .ازيك عامل اية ؟؟
انا عضو قديم فى المنتدى ومتابع كل مشاركاتك ومواضيعك القيمة .بس للاسف محصلش حوار او تعارف بينا قبل كدة
وبقولك اعمل الخير وارمية فى البحر ومتستناش كلمة شكر من حد عشان دى طبيعة البشر

المهم انا عندى تساؤل وكنت بفكر افتحلة موضوع لوحدة .بس لو مكنش يدايقك ممكن احط سؤالى هنا فى موضوعك ؟؟؟

انا من فترة بسيطة (حوالى 3 شهور )اتنقلت شغل جديد المهم ان الشغل دة مجهد جدااا جداااوكتير جداااا بنقعد ايام مبنامش مع مجهود عضلى وذهنى
المهم انى لقيت الناس هناك (وهم فى جميع الاعمار من العشرين وحتى ال60 )ومنهم مديرى بياخدو ترامادول وعائلتة وحبوب تانية حمراء اللون مسمينها فراولة والدنيا هناك بطيخ وبيدوة لبعضهم اكنهم بيدو بعض سجاير

ومديرى دة بياخد الحاجات دى بأستمرار وبدون انقطاع فطبعاااا بيبان فى الشغل انة فايق ومصحصح ونشيط بالرغم انة منامش من يومين وانا قصادة ببان انى الشاب الكتيان اللى مش عارف يركز لو سهرت ومنمتش ليلة واحدة بس

طبعااا هو بيلمحلى ان الطريق الوحيد للاستمرار فى العمل دة انى اخد المنشطات والادوية دى وطبعااا انا رافض تماما

فكنت فى النهاية عاوز اعرف اية هيا الاضرار والاثار الجانبية اللى بتحصل لمتعاطى هذة الحبوب عشان احذرة منهاااا
مع العلم انة بياخدهااا بقالة سنين وزى البغل ولا بيشتكى من اى حاجة
ولسيادتكم جزيل الشكر
تحياتى

[A7MED_PHARMA]

السلام عليكم ورحمة الله وبركاتة يادكتور احمد .ازيك عامل اية ؟؟
انا عضو قديم فى المنتدى ومتابع كل مشاركاتك ومواضيعك القيمة .بس للاسف محصلش حوار او تعارف بينا قبل كدة
وبقولك اعمل الخير وارمية فى البحر ومتستناش كلمة شكر من حد عشان دى طبيعة البشر

المهم انا عندى تساؤل وكنت بفكر افتحلة موضوع لوحدة .بس لو مكنش يدايقك ممكن احط سؤالى هنا فى موضوعك ؟؟؟

انا من فترة بسيطة (حوالى 3 شهور )اتنقلت شغل جديد المهم ان الشغل دة مجهد جدااا جداااوكتير جداااا بنقعد ايام مبنامش مع مجهود عضلى وذهنى
المهم انى لقيت الناس هناك (وهم فى جميع الاعمار من العشرين وحتى ال60 )ومنهم مديرى بياخدو ترامادول وعائلتة وحبوب تانية حمراء اللون مسمينها فراولة والدنيا هناك بطيخ وبيدوة لبعضهم اكنهم بيدو بعض سجاير

ومديرى دة بياخد الحاجات دى بأستمرار وبدون انقطاع فطبعاااا بيبان فى الشغل انة فايق ومصحصح ونشيط بالرغم انة منامش من يومين وانا قصادة ببان انى الشاب الكتيان اللى مش عارف يركز لو سهرت ومنمتش ليلة واحدة بس

طبعااا هو بيلمحلى ان الطريق الوحيد للاستمرار فى العمل دة انى اخد المنشطات والادوية دى وطبعااا انا رافض تماما

فكنت فى النهاية عاوز اعرف اية هيا الاضرار والاثار الجانبية اللى بتحصل لمتعاطى هذة الحبوب عشان احذرة منهاااا
مع العلم انة بياخدهااا بقالة سنين وزى البغل ولا بيشتكى من اى حاجة
ولسيادتكم جزيل الشكر
تحياتى

إيااااااااااك ألف مرة والحاجات دي
أولا:لإن الموجود منها .. مجهول المصدر أساساً ..وفيه منها الهندي والصيني..وفيه منه إلي تحت بير السلم
ثانيا: لو الراجل المدير ده ...ماخدهاش لمدة يوم واحد
تخيل
مش هيقدر حتى يقوم من السرير....وهيحس إن كل عضمة في جسمه مكسورة ...وبكسل رهيب
وهيجري يجيبها بأي سعر
فاهم ده معناه إيه؟؟؟
إنه كده مدمن ...ولسه ماحسش بإدمانه
وعلشان يسيبها ...لازم يدخل مصحة علاجية

ده غير الأثر التراكمي على الكبد ...وعلشان هيا مادة مجهولة المصدر ...وغير خاضعة للرقابة الدوائية...فمن الأرجح إنها تكون مسببة لأمراض تانية


وحسبي الله ونععم الوكيل

[zkralla]

ماهي وحشة
لو حلوة ..كنت فكرت في الموضوع
هههههههههههههههههههههههه





وربنا العظيم يابو سمير هوا ده إلي جه في بالي ساعتها
ومع إن الموقف مابيتاهلش الضحك..مع ذلك مامستكش نفسي من الضحك
علشان ساعة لما الراجل قال"طب إنتي طاااااااالق..إبقي خدي بقا فلوسك منها"..إفتكرت النكتة على طووول
وفطست على نفسي من الضحك



ماهو لو على الشامبوهات والكريمات ..ممكن
لكن تخيل يا إبن عمي
ناس بتاخد علاج..وبعدين تيجي تقولي ماخدناش
ده الواحد بياخد العلاج..ويقول يارب الشفا من عندك
تيجي الناس تاخد علاج..وتسرقني





واحشني والله ياأبو إياد
بس شوفت الراجل (إلي إتوقف ده)مخه عامل إزاي
يعني أنا لما أعلق لواحد محلول بالليل..أو أدي حقنة لواحد محتاج في وقت مش هيلاقي حد يديله الحقنة دي
أبقا كده بدعي الفضيلة...أنا مس متخيل طريقة تفكيره بيفكر إزاي؟؟؟؟
سبحان الله
ويخلق مالاتعلمون

وحدث أيضا

(مش فاكر إذا كنت حكيت القصة دي ولا لأ)

من حوالي سنة فاتت
سهران كالعادة في الصيدلية
طرقات غير منتظمة على الباب الزجاجي للصيدلية
رجل في أواخر العقد الثالث ..أو بداية العقد الرابع ..فاره الطول ..ممتلئ الجسد بشكل هائل ..ملحوظ القوة
دخل الصيدلية
"والنبي يادكتور عندي حرقان على صدري ..ومش عارف حاسس إني مش تمام"
جه في بالي-لقلة خبرتي الطبية وحسب تعبير الريفين عن الحموضة بكلمة حرقان في الصدر- إن دي حموضة
روحت على الرف وجبتله كيس فوار راني ..وكباية ميه وبفتح الكيس علشان أحطله الفوار و
فجأة
الرجل الضخم يترنح ويسقط أخذا في طريق سقوطه بترينة عرض البرفانات
بدون وعي مني
لقيتني ممتطي (كرشه الضخم) وبحاول أضغط على صدره بالتتابع مع أنفاس من فمي لفمـــه
مرات معدودة ..لم تأتي بنتيجة
طلعت أخبط على أصحاب البيت وأنده عليه"ياعم رضا ..ياعم رضا"
ولا مجيب

أقف وسط الطريق الخالي بعد منتصف الليل

ولا أحد يساعدني لنجدة الرجل
لا أحد

أسيب الصيدلية والراجل ممدد على الأرض..وأجري لحد الكمين إلي موجود فيه (الغفــر)
للأسف مالقتهمش موجودين
رجعت الصيدلية تاني ...وحاولت أنقل الراجل للعربية ...لكن كان مستحيل تماما مع حجمه الضخم
إتنين راجعين من شغلهم في العاشر من رمضان بالليل
ندهتلهم
حاولوا يساعدوني ننقله للعربية ...ماعرفناش إحنا التلاتة نشيله
سبتهم في الصيدلية هما الإتنين ..ومعاهم الرجل المدد على الأرض
وركبت العربية وجريت على بيت أقرب دكتور بشري على بعد دقيقة واحدة بالعربية على سرعة 120 وسط الأرياف
خلال دقايق
رجعت بالدكتور البشري للصيدلية
لقيت الناس إلي كنت سايبهم معاه..جابوا أهل الراجل
وبطريقة ما ..شالوه ودوه عندهم البيت
سبت الصيدلية مفتوحة على مصراعيها
وأخدت الدكتور البشري وروحنا بيت المريض ده ..الدكتور حاول بشتى الطرق
وبعد عدة محاولات للتنفس الصناعي

لم يجدي

وغطا وشه بالبطانية ..وخرج بدون كلمة إضافية
وخرجت وراه
على صوت نساء المنزل يشق سكون الليل ..معلنا وفاة الرجل
روحت الصيدلية
وقفلت على نفسي باب الصيدلية ..وإنتابتني موجة من البكاء الشديد ..مع قئ رهيب
..

االدكتور البشري(صديقي)..إتصل بيا بطمن عليا ..وقالي
""على فكرة ياأحمد ..دي كانت ذبحة صدرية ..والراجل ده مات فور سقوطه..يعني ماكنش بإيدك حاجة تعملها""
وقالي كمان
""مايبقاش قلبك ضعيف كده..إحنا ياما بنشوف"

..............................
أنا شوفت جثث كتير ..لما كنت في طب القاهرة (قبل ماأحول لصيدلة)
لكن دي كانت أول مرة ..أشوف واحد يموت قدامي
وأنا وهو بــــــــــس
ويموت بين إيديا

دي كانت تجربة ..من أقسى التجارب إلي عدت عليا في حياتي
....
اليوم التالي
أحاديث أهل القرية .. (أحمد)المتوفي إلي ربنا كرمه وكان على وش جواز على الرغم من سنه الكبير
أحاديث أهل القرية ..إن (أحمد)كان عايش لوحده ..ورنا رحمه إنه مات في الصيدلية..علشان لو كان مات في بيته..مكنش حد حس بيه
أحاديث أهل القرية.. عن الدكتور أحمد (أنا)المحترم إلي عمل كل إلي يقدر عليه
أحاديث أهل القرية..عن الدكتور أحمد (أنا)إلي مش فاهم حاجة- وإدى الراجل دوا غلط موته
أحاديث أهل القرية..عن الدكتور أحمد إلي سهران باللي في الصيدلية ..وربنا هيجازيه ثواب
أحاديث أهل القرية.. عن الدكتور أحمد(انا)الحمار إلي مش فاهم حاجة
أحاديث أهل القرية..عن الدكتور أحمد(أنا)إلي زق المرحوم ..وقعه..وقع على راسه ..مات

أحاديث أهل القرية..عن الدكتور أحمد(أنا)..ربنا يكرمه

احاديث فى المنتدى عن دكتور أحمد (أنت ) الى دمه خفيف

[A7MED_PHARMA]

احاديث فى المنتدى عن دكتور أحمد (أنت ) الى دمه خفيف

ربنا يخليك

[m.aligamal]

موضوع جميل جدا جدا يا دكتور احمد و بالمناسبه دى لى جار غتت جدا جدا جدا و بيشاكل دبان وشه مع جميع جيرانه و كان اخرهم صيدلى الى فى شارعنا و عرفت الحوار الى حصل بين هذا الجار و الصيدلى من الدكتور صاحب الصيدليه
الوقت كان حوالى 3 صباحا
الصيدلى المقيم قافل الصيدليه من بره و قايد النور و نايم جوه
يرن جرس الصيدليه
يقوم الصيدلى المقيم من نومه ببطء و كسل شديدين و فى دماغه مين ابن ال....................الى جاى دلوقتى و مقومنى من احلاها نوم
صاحبنا جارى الغتت بصوت جهور يا دكتور سيد انتا يا دكتور سيد
الدكتور سيد يرد عليه ايوه انا جاى لحظه يا سيدى ويبص يلاقى الجار الغتيت ايوه يابشمهندس خير
الباشمهندس جارنا عايز بنص جنيه فزلين
رد عليه الدكتور وقله فزلين فى حد يجى الصيدليه الساعه 3 الصبح و عايز فزلين
طبعا صاحبنا الغتيت رد عليه و قله يعنى اقعد متسلخ
بيحكيلى صاحب الصيدليه ان الدكتور الى كان متواجد بليل فى الصيدليه كان هيقوم يتشاكل معاه بسبب غتاته
طبعا انا لما عرفت الموضوع ده مقدرتش امسك نفسى من الضحك

[تامر.محمد]

موضوع جميييييييييييل جدا جدا جدا

[A7MED_PHARMA]

موضوع جميل جدا جدا يا دكتور احمد و بالمناسبه دى لى جار غتت جدا جدا جدا و بيشاكل دبان وشه مع جميع جيرانه و كان اخرهم صيدلى الى فى شارعنا و عرفت الحوار الى حصل بين هذا الجار و الصيدلى من الدكتور صاحب الصيدليه
الوقت كان حوالى 3 صباحا
الصيدلى المقيم قافل الصيدليه من بره و قايد النور و نايم جوه
يرن جرس الصيدليه
يقوم الصيدلى المقيم من نومه ببطء و كسل شديدين و فى دماغه مين ابن ال....................الى جاى دلوقتى و مقومنى من احلاها نوم
صاحبنا جارى الغتت بصوت جهور يا دكتور سيد انتا يا دكتور سيد
الدكتور سيد يرد عليه ايوه انا جاى لحظه يا سيدى ويبص يلاقى الجار الغتيت ايوه يابشمهندس خير
الباشمهندس جارنا عايز بنص جنيه فزلين
رد عليه الدكتور وقله فزلين فى حد يجى الصيدليه الساعه 3 الصبح و عايز فزلين
طبعا صاحبنا الغتيت رد عليه و قله يعنى اقعد متسلخ
بيحكيلى صاحب الصيدليه ان الدكتور الى كان متواجد بليل فى الصيدليه كان هيقوم يتشاكل معاه بسبب غتاته
طبعا انا لما عرفت الموضوع ده مقدرتش امسك نفسى من الضحك

حدث ولا حرج
بالليل الناس ممكن تيجي تاخد حاجات غريبة جدا
يعني ممكن واحد ييجي بالليل ياخد بودرة تلك..وواحد ييجي ياخد شامبو
حاجات زي كده يعني
بس أنا أساسا مش بنام في الصيدلية..أنا سهران طووول الليل وبنام بالنهار

موضوع جميييييييييييل جدا جدا جدا

شكرا جدا