حلقة خط احمر لوزير الماليه ؟؟!!!,,,

[dr_click]

لو عايز رأي خد عندك مقال جلال عامر النهاردة


اليوم، الخميس، اتفقنا فيه أن تكتب أنت وأقرأ أنا، فتعال نقف فى حتة ضل واحكى لى لكن ليس على طريقة «المفهماتى».. و«المفهماتى» وظيفة ظهرت مع ظهور السينما الصامتة وكان يقف على كرسى يمين الشاشة يشرح للمتفرجين ما يشاهدونه على الشاشة كما يفعل معلق الكرة الآن.. البطل الآن يقول للبطلة «أحبك» وهى تقول له «حبك برص» ويستمر المفهماتى..
البطل الآن فى منزل البطلة يطلب إيدها وواخد معاه جاتوه وسندويتشات وباكو معسل وطبعاً كلها «بلاستيك» علشان التصوير وعندما يكتشف أبوها أنها بلاستيك يرفض ويضرب البطل ويطرده فيبكى ويغنى (جئت لا أعلم من أين ولكنى أتيت).. وبمرور السنوات أصيب المفهماتى بالملل فأصبح لا ينظر إلى الشاشة ويحكى من عنده..
تظهر على الشاشة البطلة مريضة ونائمة على السرير والطبيب يشير لأهلها (انتم كنتم فين دى ميتة من أول الفيلم) بينما المفهماتى يقول إن البوليس الآن يقبض على العصابة فيحتار المتفرجون هل يبكون مع الشاشة لموت البطلة أم يصفقون مع المفهماتى للقبض على العصابة، ومع ظهور السينما الناطقة اختفى «المفهماتى» من قاعات السينما ليظهر على صفحات الصحف وشاشات التليفزيون نعيش فى خراب فيحدثنا عن التعمير، وفى فساد فيحدثنا عن الشفافية، وفى استبداد فيحدثنا عن الديمقراطية وهل رأى الحب سكارى مثلنا طبعاً لأ.. ويظهر (٢) مخبرين فيقول أنهما (لوريل وهاردى) حضرا لإضحاكنا.. وأصبحنا فى عصر المفهماتية..
مفهماتى دين يخرج عن النص، ومفهماتى كروى يشرح لك مباراة بترول أسيوط أثناء ماتش هولندا، ومفهماتى استراتيجى تحدثه عن «غزة» فيرسم لك خريطة «دارفور» وممثل يعلمك السياسة وسياسى يمارس التمثيل وكله واقف على كرسى يمين الشاشة مثل أخرس يشرح فيلماً صامتاً والجمهور حائر هل يبكى أم يصفق.. فى فيلم «طاقية الإخفاء» يسأل «توفيق الدقن» (العلبة فيها إيه؟) فيرد «عبدالمنعم إبراهيم» (العلبة فيها فيل) فيعاود «الدقن» السؤال (البلد فيها إيه؟) فيرد «عبدالمنعم» (البلد فيها عمران).. عموماً أنا خلصت خلاص اتفضل حضرتك إكتب.

[thedeveloper87]

اه احنا بلد فقير ومواردنا ضعيفة مقارنة بمصروفاتنا (اللى انفاق الوزراء فيها كلام فاضى يعنى 100 مليون كتير بس ولا حاجة بالنسبة لميزانية 200 مليار

موارد الدخل في مصر:
1. قناة السويس
2. السياحة
3. الغاز الطبيعي (اللي بيتباع ببلاش)
4. البترول
5. الاستثمارات الأجنبية
6. الضرائب
7. الصناعات

يعتبر الاقتصاد المصري هو الثاني حجما بين الدول العربية بعد السعودية .وثحتل مصر المركز الثاني في أفريقيا بعد جنوب أفريقيا وقبل نيجيريا في الناتج القومى الإجمالي برصيد بقترب من 200 مليار دولار (قيمة إسمية) أو ما يوازي 480 مليار دولار (قيمة القوة الشرائية) وهو مايتعدى 1 تريليون جنيه مصري.

المصدر: Wikipedia

يعني احنا مش دولة فقيرة ولا حاجة وعندنا موارد كتير جدا، ده غير الثروات المعدنية اللي في مصر. عندك مثلا أرض سيناء غنية بأجود أنواع السيليكون الموجود في العالم.

ياترى الفلوس دي كلها بتروح فين؟؟

اه عجز الموازنة مبيتمولش الا بالضرائب فقط ومفيش دولة متقدمة عندها دخل رئيسى قبل الضرائب

اتفرج على الحلقة دي




YouTube - ‫ط¨ظ„ط§ طط¯ظˆط¯- ط¯. ط¹ط¨ط¯ط§ظ„ط®ط§ظ„ظ‚ ظپط§ط±ظˆظ‚‬‎

اه لازم تدى رجال الاعمال الاراضى ببلاش والطاقة باقل الاسعار علشان يبنوا وينتجوا ويشغلوا ناس والعجلة تدور

اديناهم أراضي ببلاش وأسعار طاقة ببلاش.... أخبار البطالة ايه؟ أخبار الاستغلال ايه؟ حضرتك ماسمعتش عن اللي اشتروا أراضي برخص التراب وباعوها بمليارات؟ أنا مش عايز أذكر أمثلة علشان ما توقفش

[Khaled_Nowaihy]

للأسف ما باتفرجش على التليفزيون كتير ...
حتى لو قعدت اتفرج ووجدت برنامج فيه اى وزير باغير المحطة على طول
باحس انهم عاوزين يحولوا المشاهدين الى جنجح (حد يعرف جنجح ؟)

وأحسن ما قيل فى هذا الموضوع مقالات فاروق جويدة فى أهرام الجمعة
كل اسبوع
كنت اقرأها واشعر بالقهر
وأقول لنفسى
لو أولى الأمر اللى بيتكلم عنهم دول وقرأوا مقالاته وكان عندهم ذرة خشية .... ما كانش ده بقى حالنا

[ahmed4000]

موارد الدخل في مصر:
1. قناة السويس
2. السياحة
3. الغاز الطبيعي (اللي بيتباع ببلاش)
4. البترول
5. الاستثمارات الأجنبية
6. الضرائب
7. الصناعات

يعتبر الاقتصاد المصري هو الثاني حجما بين الدول العربية بعد السعودية

حضرتك نص الحاجات اللى حضرتك قلتها لا علاقة للحكومة بها

1-السياحة (الدخل كله تقريبا يذهب للشركات والافراد..هى الحكومة بتقبض ايه من السائح ومحدش يقولى تذكر المتحف ولا الفيزا لان ده رقم تافه جدا لكن السائح بيصرف فلوسه على تاكسى على مطعم على فندق ..على بازار...وبالتالى الحكومى مبتكسبش من السياحة لكن تشجعها علشان تشغل ناس وتحرك عجلة الاقتصاد وده طبيعى برده فى اى دولة فى العالم

2- الصناعات..اى صناعات؟ معظم الاقتصاد دلوقتى بيقوم على القطاع الخاص وغالبية المصانع الحكومية فاشلة ولو فى كام شركة ناجحة فديون الشركات الخسرانة بتاكلها ويدوبك من سنتين تلاتة لما القطاع العام كمحمل بدا يسدد ديونه ...محدش يقولى وليه المصانع متكسبش وتنافس لان الكلام ده اثبت فشله من عشرات السنين وكل الدول خرجت من الصناعة والانشطة الاقتصادي بصفة عامة واكتفت بالرقابة والتحفيز


3-الاستثمارات الاجنبية: شرح السياحة والصناعات...هل لما بنقول دخل للبلد 10 مليار دولار استثمار اجنبى يبقوا دخلوا جيب الحكومة؟؟؟؟؟؟؟؟؟؟؟ الاستثمار الاجنبى بيجى يبنيله شركة ولا مصنع ولا فندق وبالتالى مبيدفعش حاجة للدولة الا الضرايب

4- قناة السويس...ًرح عملاق بس الناس ماسكة فيه واتحدى ان اى نقاش يتفتح من غير محد يقول كفاية قناة السويس...حتى حضرتك ذكرته اول واحد فى القايمة...لأكن لو سالنا حد هو بيجيب كام فى السنة مش حيرد...ولو رديت انا قولت بيجيب 30 مليار جنيه ...حتلاقى نط من الفرحة وكانه مسك الدليل اخيرا على فشل الحكومة اعتقادا منه ان ال30 مليار جنيه دول هما اللى حينقذوا مصر..رغم ان ال30 مليار دى لا تمثل اكتر من 10% من ميزانية مصر (التعبانة) التى لا تكقى تعليم ولا صحة ولا طرق ولا غيره...ويكفى ان اقول ان دعم البنزين فقط يلتهم (قناتين) للسويس لذلك ادعو الشعب المصرى لحفر 10 قنوات سويس جديدة حتى نكون قادرين فقط على اصلاح قطاع واحد فى البلد (يا التعليم يا الصحة يا الطرق)


استغربت اشارة حضرتك لاننا تانى اكبر دولة من ناحية الاقتصاد لان الكلام بتاع ويكبيديا مضلل..ازاى احنا اعلى دولة بعد السعودية فى وجود دول بترولية زى الكويت والامارات ...وحتى لو احنا تانى دولة من حيث الموارد بعد السعودية فاعتقد ان عدد سكاننا يتجاوز 10 اضعاف سكان السعودية وهو ما يعنى اننا لكى نكون دولة غنية لابد ان يكون ايرادنا (10) اضعاف ايراد السعودية والا حنضطر نقول اننا دولة مواردنا فقيرة مقارنة بعدد السكان


وفى النهاية لازم اقول الاكلشيه المعروف انا مبدافعش عن الحكومة ولا بقول اننا احسن دولة فى العالم بالعكس احنا اكيد ممكن نبقى احسن من دلوقتى ...لكن لا الشعب مستعد يفهم ولا مستعد يتحمل نتيجة اصلاح ولا مستعد من الاساس يشتغل ويتعب زى بقية الشعب مبتشتغل بجد واصرار وامانة