فين ممكن اتعلم السباحة

[chicobon]

السلام عليكم

كنت عاوز اعرف فين ممكن اروح في القاهرة عشان اتعلم السباحة يعني مكان للكبار و الاطفال عشان عاوز اعلم ابن اخويه السباحة و انا كمان بس مش عارف فين ينفع طبعا مش هقدر اشترك في نادي و سئلت في كام نادي اذا كانو بيقبلو اي حد بس يدخل يدرب قالو لاء مافيش يعني لو حد عنده فكرة ياريت يقولي عشان الواحد بيتكسف انه مش عارف يعوم واحنا اهو في الصيف فرصة اتدرب هل في مكان زي ده ولا مافيش هنا ارجو الرد و شكرا

[ghada_zaky]

ممكن كلية تربية رياضية ...بيعملوا تدريب كنشاط خدمة للمجتمع
هنا فى اليكس ده موجود وبيتهألى اكيد موجود فى القاهرة

[kemoelord]

انا دلوقتي يا جماعه مشترك مثلا في النادي الاهلى , هل ممكن اروح اقولهم انا عاوز اتعلم سباحه ولا تعليم السباحه يقتصر فقط على الصغار
انا عاوز الفكره او المبدا نفسه بدل ما اروح احرج نفسي على الفاضي

[chicobon]

ممكن كلية تربية رياضية ...بيعملوا تدريب كنشاط خدمة للمجتمع
هنا فى اليكس ده موجود وبيتهألى اكيد موجود فى القاهرة

يعني حضرتك تقصد اروح كلية التربية و اسئل اذا كان في تعليم للكبار ولا لاء مش عارف مسمعتش قبل كده انهم بيدربو حد طيب حد عنده معلومة عن الكلام ده ولا هو الواحد طول عمره ما هيعرف يتعلم السباحة

[نور القمر]

انا بودي ولادي نادي الظباط في الهرم ( قصر الاهرام)
مكنش عاجبني في الاول عشان زحمة بس لما لقيت مستوى ولادي بيتقدم بسرعة قلت هو ده المطلوب مدام في اهتمام فعلي من المدربين
لاحظت كذا شاب بيتعلموا كنت فاكراهم مدربين في الاول وبعد كدة عرفت انهم بيتعلموا بس مش عاملين كورس مخصوص لكبار وكورس للصغار انما التقسيم بيكون على حسب المهارة ومستوى التعلم

[chicobon]

انا بودي ولادي نادي الظباط في الهرم ( قصر الاهرام)
مكنش عاجبني في الاول عشان زحمة بس لما لقيت مستوى ولادي بيتقدم بسرعة قلت هو ده المطلوب مدام في اهتمام فعلي من المدربين
لاحظت كذا شاب بيتعلموا كنت فاكراهم مدربين في الاول وبعد كدة عرفت انهم بيتعلموا بس مش عاملين كورس مخصوص لكبار وكورس للصغار انما التقسيم بيكون على حسب المهارة ومستوى التعلم

شكرا للرد انا من القاهرة معرفش كتير عن الهرم و الجيزة ممكن توضيح اكتر فين المكان ده لو تكرمت و بكام التكاليف

[نور القمر]

اخر الهرم محطة مشعل بس المشوار هابقه صعب عليك
الدفع 70 جنيه لكل 8 حصص والحصة ساعة
وممكن تاخد 8 حصص او مضاعفاتها في خلال الشهر

[ghada_zaky]

يعني حضرتك تقصد اروح كلية التربية و اسئل اذا كان في تعليم للكبار ولا لاء مش عارف مسمعتش قبل كده انهم بيدربو حد طيب حد عنده معلومة عن الكلام ده ولا هو الواحد طول عمره ما هيعرف يتعلم السباحة :t_thum1[1]:

كلية تربية رياضية اللى فى اليكس بتعلم اطفال و كبار ليها واعيد لكل سن
مش عارفة القاهرة بس بيتهيألى ان اكيد القاهرة كمان لان ده يعتبر نشاط لخدمة المجتمع فى كل كليات كتير

[chicobon]

شكرا لرد و من الواضح ان صعب ان الواحد يتعلم السباحة في الكبر لو مش مشترك في النادي شي يزعل بجد

[Akram]

نادي قصر الأهرام لضباط القوات المسلحة ,
انا رحت اتفرجت عليه و بصراحة معجبنيش خالص و مفيش اي نظام أو اهمام ,
في نادي الرماية و طبعاً مكانه معروف (ميدان الرماية آخر فيصل و أول طريق القاهرة الاسكندرية الصحراوي) بيعلموا السباحة للكبار و الصغار ,
و فيه حمامين سباحة ,
التاكليف للصغار 100ج في الشهر و للكبار 170ج ,
بس لازم تقابل المدرب الأول ....

[w_abedelhakim]

انا مشتركة لبنتي في دار الدفاع الجوي السعر 80 ج ل 8 حصص بس مش عارفة فيها للكبار ولا لا هسال لما اروح المرة الجاية

[shemooz]

فيه مدرسة العلياء في زهراء المعادي و كمان فيها حمام مغطى للسيدات و بيعلموا صغار و كبار و دي ارقام تليفوناتها
25218628/25168986

[LanCeLoT]

طب في اسكندريه ايه النظام ؟؟؟؟
هل كلية تربيه رياضيع التعليم فيها حلو ؟؟؟
ومكانها فين ؟؟
وهل في اماكن تانيه غيرها؟؟؟

[chicobon]

انا مشتركة لبنتي في دار الدفاع الجوي السعر 80 ج ل 8 حصص بس مش عارفة فيها للكبار ولا لا هسال لما اروح المرة الجاية

شكرا لرد حضرتيك هستني الرد

[chicobon]

فيه مدرسة العلياء في زهراء المعادي و كمان فيها حمام مغطى للسيدات و بيعلموا صغار و كبار و دي ارقام تليفوناتها
25218628/25168986

اتصلت بي الرقمين و محدش بيرد هو المكان ده نادي ولا عبارة عن ايه شكرا لتجاوب و شكرا للهتمام