إعـــــــلان

Collapse

.

,
See more
See less

سؤال لإخوانى الى زارو راس سدر

Collapse
X
 
  • Filter
  • الوقت
  • Show
Clear All
new posts

  • سؤال لإخوانى الى زارو راس سدر

    السلام عليكم ورحمة الله وبركاته
    اخوانى الأفاضل ليا استفسار كنت عايز اخد العائله واروح راس سدر كام يوم نغير جو كنت عايز اعرف هل لازم احجز شاليه من القاهره قبل ما اطلع ولا عادى لما اوصل بأجر علطول تانى حاجه ايه اسعار الشاليهات هناك تبدأ من كام وتنتهى الى كام يعنى متوسطات وهل الشاليهات نظام قرى سياحيه ولا اهالى ثالث حاجه هل مستوى البلد كويس ومحترم ومصيف عائلات ولا مش اد كده وفى حاجات خارجه ومش لطيفه رابع حاجه نظام الأكل هناك ايه فى مطاعم سمك ومطاعم عاديه واسواق وكده ولا زى العين السخنه لازم تروح لحد السويس عشان تجيب اكل وياريت يكون فى امثله للمطاعم الجيده إن وجدت جزاكم الله خيراً

  • #2
    زي ما تكون خدت الكلام من على لساني بس انت قلته أوضح مني بكتير
    [mshosh2]http://www.4shared.com/photo/lCkSz74F/morsee.html[/mshosh2]

    Comment


    • #3
      راس سدر المدينة نفسها عادية وهادية جدا جدا وفيها كل حاجة بأسعار معقولة

      اخر مرة كنت هناك من فترة مكانش في علي البحر غير فندق واحد تبع جهة حكومية وكان مستواة مش قد كدة وكان فية شاليهات تانية تبعة وشاليهات خاصة بس مكانتش علي البحر ولكن ليك حق استخدام الشاطئ ، انا كنت هناك في اجازة عيد وكان كل الموجودين علي الشاطئ يتعدو علي الصوابع وكلة عائلات

      ويفضل حجز طبعا لأنك ممكن تروح متلاقيش أماكن فاضية

      الحل التاني بقي واعتقد دة افضل وهو قرية سياحية قبل راس سدر بشوية حوالي 15 كم تقريبا ودي مجربتهاش بس اكيد هتبقي انضف بكتير وأحسن ولو حبيت تشتري اكل انزل راس سدر مش هتبقي بعيدة

      راس سدر المدينة حوالي 60 كم من السويس علي ما أذكر وعند نص المسافة متنساش تعدي علي عيون موسي والمزار العسكري اللي عندها
      [RIGHT][B][I]Mohamed Samir[/I][/B]
      :sleeping:
      [CENTER]'
      [/CENTER]
      [/RIGHT]

      Comment


      • #4
        المدينه هاديه و محترمه
        و فيها مطاعم مختلفه من مشاوي و سمك و خلافه و محلات فيها كل حاجه من بلاستيكات الي كافه مستلزمات الحياه
        بس معرفش حاجه عن الايجارات هناك و يارييييييت لو حد يقدر يقولي بكام

        Comment


        • #5
          رأس سدر يعني ،،، استجمام فقط

          بحر و نوم فقط مفيش حاجة تانية تعملها

          و المطاعم مش كتيرة و مفهاش اختيارات

          يعني حتي سلاسل الفاست وود الشهيرة مش فاتحة هناك

          عشان كده لما بروح بنزل في فندق

          عندك كريتيف ( جرين سدر ) - اشهرهم و اظرفهم من حيث القيمة مقابل السعر

          رامادا ،،

          و فيه دلوقتي الباتروس

          الليلة من 450 جنية ل 600 جنية حسب ظروف الحجز ساعتها

          غير كده في قري كتير بأسعار أرخص يعني من 150 جنية الليلة فطار و عشا برده

          زي النزهة بيتش و مارينا سدر و قري كتير مش فاكر اسمايها

          لو القري العادية دي غالبا بتلاقي عندهم أماكن ،، مش شرط تحجز من القاهرة ،، و لو حجزت عشان تبقي مطمن يبقي أحسن

          و طبعا عائلية جدا جدا جدا ،،،

          قري سياحية مقفولة و بحر و بسينات و ألعاب أطفال ،، يعني تبقي مطمن علي ولادك جدا

          بس هيا اخرها تلت أيام ،،، أكتر من كده هتزهق لأن مفيش حاجة تعملها غير البحر

          Comment


          • #6
            ما حدش معاه ارقام تليفونات لحد هناك نحجز من عنده شقق
            [CENTER][FONT=Comic Sans MS]


            [/FONT][/CENTER]

            Comment


            • #7
              طب مين راح الصيف ده يقدر يفيدنى اكتر

              Comment


              • #8
                متابع معاكم
                [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

                Comment


                • #9
                  عايز اصيف طهقان

                  Comment


                  • #10
                    [quoteعايز اصيف طهقان ][/quote]
                    طب ايه بس الى منعك وبعدين ده انت من اسكندريه يعنى البحر من حولك فى كل مكان واكيد عارف الشواطىء الكويسه من الوحشه

                    Comment


                    • #11
                      مازلت منتظر ردود اخوانى الى ذهبوا من قبل لراس سدر ارجو منكم المسعاده بالمعلومات

                      Comment


                      • #12
                        المساعده اسف

                        Comment


                        • #13
                          أنا رحت شهر 10 اللي فات أميره الباتروس فندق ممتاز وأكثر من رائع الليله بحوال 500 غرفه دبل مع فطار وعشا أوبن بوفيه وحمامات سباحة كتير ونظيفة جدا ممكن تروحها داي يوس الفرد ب 85 جنيه ست منيو والأوضه داي يوس ب 200 جنيه فعلا مستواه هايل والاطفال اقل من 6 سنوات مجانا ومن 6 الى 12 نص فرد

                          Comment


                          • #14
                            ايه الأخبار يا شباب

                            Comment


                            • #15
                              اهم حاجة تبعد عن مارينا سدر قرية في قمة القذاره وعدم النظافة والحشرات بتسرح فيها زي الرز ده كلام من واحد كان شغال في القرية الهباب دي موظف استقبال
                              [url=http://www.postimage.org/image.php?v=aV2u_gG9][img]http://www.postimage.org/aV2u_gG9.jpg[/img][/url]

                              Comment

                              Working...
                              X