ليه الدكتور نسي الفوطه ؟؟

[Donzi]

يا فندم بقول لحضرتك مرتبي بعد 10 سنين شغل ميكملش 500 جنيه هل دي فترة مؤقته
طيب سمعت دي
معاش الدكتور بعد 40 سنه شغل لا يتعدى 700 جنيه !!!!
هل دي فترة مؤقته برضو ........!!!

وشكرا لحسن ظنك بس مش انا اللي كاتب الشعر ونفسي اعرف اللي كتبه ولو انه ينطق بضمير كل طبيب[/quote]


انا قصدي ان حضرتك او اي دكتور بعد 10 سنين شغل عندك بدائل افضل بكتير من الوظيفة زي ما ذكرتهم قبل كدة لكن الوظف لو بعد 20 - 30 - 40 سنة ........ برضو موظف

[SkyBird]

انا فاهم كلام حضرتك ووضحته قبل كده لو تقصد الجمله دي

يعني مابيفضلش طول عمره زي موظف في شركة الكهرباء اللي لو استغنى عن وظيفته مش هايلاقي ياكل لأنه معندوش بدائل اخرى

فانا قلت موظف الكهربا ممكن يكون كهربائي بعد الشغل ويكسب دهب
علشان ميبقاش فيه خلط بين الوظيفة والصنعه
كوظيفه عامل الكهربا افضل من الدكتور
كصنعه
يعني كشغل بعد الظهر كل واحد وشطارته وياما فيه كهربائية وسباكين يكسبوا افضل من الدكاتره ده موضوع تاني خالص
فاهمني
مش عايزين نستغل صنعة الطبيب لاهدار حقه في وظيفته
احنا اعتراضنا ان الدولة متقدرناش كموظفين في مستشفيات حكومية ووحدات ريفيه تخدم اهم شئ في الدنيا وهي صحة المواطن وحياته زي ما تقدر ......... عامل الكهرباء وموظف السنترال

[A7MED_PHARMA]

الأطباء فعلا مهدورة كرامتهم في مصر..وحقوقهم

راتب الطبيب ( أو الصيدلي ) في الجكومة مايكفيهوش شاي وشقتين فول وطعمية يفطر بيهم الصبح في المستشفى
ده غير المسؤلية الكبيرة إلي بيشيلها على قلبه....يعني لازم عينه في وسط راسه طول ساعات العمل
تخيلوا إزاي
أي مهنة تانية ..ممكن يريح ..أو يكبر شوية دماغه ...أو يهمل ..ومحدش هياخد باله..وهتعدي
إنما االطبيب البشري...
مسؤل عن رووووووووح .. مسؤل عن حياه
ودي لوحدها كفايا

غير طبعا ..مستوى التعليم الكلينيكال لصغار الأطباء....حدث ولا حرج



...............
أنا مش بدي مبررات لخطـــأ الأطباء
لكن مجرد توضيح

[SkyBird]

اخطاء الاطباء ملهاش علاقة بالمرتب يعني لا تتخيلوا طبيب يخطئ علشان مرتبه قليل
اخطاء الاطباء بسبب التعليم زي ما الدكتور احمد فارما اشار ودي مشكلة عايزة برنامج تعليم مستمر للاطباء مشترك بين وزارة الصحة والجامعات
واخطاء الاطباء لا يسلم منها لا طبيب امريكي ولا الماني ولكن النسب تتفاوت طبعاً وليها حدود صارمة زي ما سبق ووضحت
اما الاهمال فهو جريمة لا تغتفر واذا كان اهمال اي موظف جريمة واحده فاهمال الطبيب مليون جريمة
دي مسلمة مش محتاجه نقاش يا جماعة والاطباء عارفين كده كويس
يا جماعة حتى لما فكرنا في الاضراب كان موضوع استمرار اقسام الطوارئ في العمل 24 ساعة بديهي يعني مش هنسيب عيان قلب او واحد في غيبوبة سكر او زايده ملتهبة علشان حماقة وغباء الحكومة

[Fouad Ezz]

انا مع الأطباء عموما وأشعر بمعاناتهم (التى هي نفس معاناة كل أصحاب المهن الذين يعملون فى القطاعات الخدمية بالحكومة)
ومع الأطباء إللى شاركوا فى الموضوع ده خصوصا (لإننى حاسس بالمرارة فى كلامهم وكأنهم بيتكلموا عن حالى)
بس أنا مش طبيب
ومش عايز أقول أنا بشتغل إية .... كيلا يفتح موضوع مماثل عن مهنتى وتبقى فيها دم
بس أنا برضوا بعد 16 سنة شغل مرتبى 700 ج بعد الكادر!
طبعا فهمتوا ... "أهلا بالمعارك"

[A7MED_PHARMA]

مرتبى 700 ج بعد الكادر

(إيموشن واحد بيعد فلووووووس كتيررررررررر)

[Fouad Ezz]

(إيموشن واحد بيعد فلووووووس كتيررررررررر)

والله انا عارف ... داريها بقى وطنش خالص أكنك معرفتش ...
بس للحق أنا بعد فلوس كتير بس مش من الدروس

[A7MED_PHARMA]

والله انا عارف ... داريها بقى وطنش خالص أكنك معرفتش ...
بس للحق أنا بعد فلوس كتير بس مش من الدروس

أنا كمان من النوع إلي ممكن تدخل عليا لاقيني قاعد بعد 20 أو 30 ألف جنيه
لكن بيبقا فلوس هتندفع للشركات والمخازن

ولما تشوفني بعدهم...تقول فارما ده راكب لانسر ..علشان يبعد العين عن نفسه


هههههههههه

[Fouad Ezz]

زى ما كان الدكاترة بيتكلموا
كل واحد من أصحاب المهن المحترمة والشريفة منا
بيعمل حاوي عشان يعيش عيشة محترمة (وبما يرضى الله)
لإن مرتبات الحكومة وبعض القطاع الخاص لا تكفى فاتورة الماء والغاز والكهرباء
ولإن بلدنا حالها مشقلب ومعاندة نفسها
ممكن تلاقى دكتور أو طبيب أو مهندس أو مدرش أو صيدلي متشعبط فى الأتوبيس بينما نجم الغناء العربى راكب الشبح حنبة
بلاش نجم الغناء (ده بيلم فلوس من الناس الـ .... غاوية)
لما تبص لما يتقاضاة لاعبوا الكرة (من أموال حكومية) وتقارنها بجملة (إنت عارف إن المهنة دى مرتبها ضعيف لية إشتغلتها؟) ... تبقى هاتجنن
ياناش ... ياهووواا ... أيهم أولى بالرعاية وتأمين المستقبل من ينقذكم من الموت ويعالج مرضاكم ... من يعلم أولادكم من يصف لكم الدواء .. من يبنى بيوتكم ... أم من يسليكم بكلمتين أغانى ولا يجب الجون فى نفسة فى الوقت الضايع؟؟؟؟؟
أما أنا ...
فأنا مدرس إنجليزى (أو كنت)
ودلوقتى بأشتغل لحسابى فى الترجمة والنشر والتأليف ... عشان ماسمعش كلمة (ايوة يا عم ... الدرووووووووس)
بس إللى خلانى أسيب المهنة مش قر الناس على الدروس ولا إنعدام أدميتى فى شغل الدروس ولا اللف على البيوت زي بتوع الدليفرى ولا بقائي بالشارع طول اليوم زي الـ ....
لأ
فى يوم .. فى أحد برامج محمود سعد ... كان مستضيف عمال نظافة ,,, واحد منهم قال "والله يابية مرتبى 500 ج"
راح محمود سعد مواجه الكاميرا بطريقتة المعهودة وقال """ يعيش إزاي ده .. قولولى .. يعيش إزاي؟""""
من ساعتها ... قولت كفاية بقى ينضحك على أكتر من كدة ... هاشوفلي شغلانة تانية وأستغل دماغى لنفسى .... (لن أكون بيبى سيتر فى المدرسة نهارا وعامل دليفرى بعد الظهر)
مع العلم إنى باحترم مهنتى جدا وبحبها جدا .. بس للأسف ماينفعش تشتغلها فى مصر
أول مرة أطول كدة ... عذرا ... لا كلام يعبر عما بداخلى

[SkyBird]

المدرسين مظلومين جدا حتى بعد كذبة الكادر
وانا عن نفسي ومن نفس المنطق اللي اتكلمت بيه اعتبر الدروس الخصوصية عمل اضافي لا يوضع في الحسبان اثناء النظر في مرتب المدرس
وبالمثل الاهمال جريمة اذا تعمد المدرس ذلك لاجبار احد على اخذ الدروس الخصوصية
لا يوجد اهم من الصحة والتعليم
على راي الشاعر القديم
ان المعلم والطبيب كلاهما لاينصحان اذ هما لم يكرما
واهم تكريم هو التكريم المادي اللي يجيب التكريم المعنوي
المهنتان الوحيدتان اللي لا يمكن تخلي حد يجبرك تطلع اللي عندك
مفيش عيان يقدر يقول لطبيب عالجني غصب عنك وبالقوه لانه ممكن يكتب له اي حاجه لا تفيد ولا تضر ويقوله ده اللي عندي
وكذلك المدرس نفس المثل

[Donzi]

واضح ان انا قلبت عليكو المواجع

و طبعا انا بحترم ارائكم جمعيا ( الطبيب - الصيدلي - المدرس ) و اتفق معاكو تماما ان مرتبات الحكومة ماتأكلش عيش حاف سواء بقى للدكتور او للمدرس او للمهندس او للموظف او حتى العامل البسيط اللي كلهم بني ادمين و من حقهم ياخدو رواتب محترمة تؤمن لهم عيشة محترمة بغض النظر عن مهنة كل واحد فيهم ايه لأن في النهاية كلهم متعلمين و كلهم بيأدو وظيفتهو و كلهم من حقهم ان يتم تقديرهم

وخلونا نبص لنصف الكوب المليان .. اكيد اللي دخل طب - او صيدلة او هندسة - و رضي يتعب فيها التعب المضني دة كل السنين دي اكييييد بيحب مهنته و دة اللي هايخليه يستحمل لحد ما ينجح ، يعني اكيد شىء جميل انك تشتغل حاجة بتحبها و كمان بتخدم الناس و بتاخد ثواب اااااااااااااااااااد كدة كل يوم - بالاش طمع بقى هو في احلى من دعاء الناس ليكو لما تكونو سبب في شفاء مريض و رضا ربنا

[Donzi]

أنا كمان من النوع إلي ممكن تدخل عليا لاقيني قاعد بعد 20 أو 30 ألف جنيه
لكن بيبقا فلوس هتندفع للشركات والمخازن

ولما تشوفني بعدهم...تقول فارما ده راكب لانسر ..علشان يبعد العين عن نفسه


هههههههههه

و هي الانسر شوية برضو

ما شاء الله ماتخفش مش بقر والله ربنا يباركلك في ما رزقك

[powerofhelll]

الحمد لله ان الواحد مش دكتور