حد فاكر الغشتغالة دى بمناسبة المواضيع الكتير عن اليابان؟؟

[SeiffoZ]

حد فاكر الإشتغالة دى بمناسبة المواضيع الكتير عن اليابان؟؟ ..

أيام المدرسة كان المدرسين بقنعونا إن اليابانيين عيونهم ضيقة عشان ده تأثير القنبلة الذرية ...

و أنا فاكر مدرس الدراسات الإجتماعية كان بيقولنا كده ...

و إن دى كانت معلومة صحيحة 100% أيام المدرسة ..

حد سمع أو فاكر الموضوعده

[Eng.Geo]

كنت مشروع طالب فاشل في الدراسات الأجتماعية :)
مش فاكر فيها حاجة :))
بس أعرف ان القنبلة سببت تشوهات بس مش فاكر ان ديق العين ده كان تشوه ولا لأ :)

[abogogo]

ههههههههههههههه فاكرها وكنا مصدقنها ده غير ان كان في رأي اخر ان السبب انهم بياكلوا رز وسمك كتير

[eng.octooo]

ههههههههههههههههه هيا طلعت اشتغالة ههههه انا كنت فاكرها بجد ان عينيهم ضيقة بسبب القنبلة

حد يموتنى ولا يبعتلى قنبلة هههه

[M.Osman]

فاكرها...

مع اني كنت في الإمارات و انا صغير... بس اللي قالهالي مدرس مصري برضه

هههههههههههههههه

[Ahmed Anwer]

أيه ده هيا طلعت اشتغالة ؟؟؟

طب حد يجيب صورة حد ياباني قبل الحرب عشان نتأكد إن عينهم كانت ضيقة عالطول

[M.Osman]

أيه ده هيا طلعت اشتغالة ؟؟؟

طب حد يجيب صورة حد ياباني قبل الحرب عشان نتأكد إن عينهم كانت ضيقة عالطول

جنكيز خان

[bmya]

جنكيز خان

ايه ده بس مش ده الراجل اللي كان في مسلسل الفرسان

ده شكله ابيض وحلو ومدملج وتحس انك عايز تطبطب عليه وتبوسه وتحوطه في جمب

[SeiffoZ]

ههههههههه طب كويس مش انا لوحدي يعنى إللى كان مضحوك عليا

[factorialx]

حد فاكر الإشتغالة دى بمناسبة المواضيع الكتير عن اليابان؟؟ ..

أيام المدرسة كان المدرسين بقنعونا إن اليابانيين عيونهم ضيقة عشان ده تأثير القنبلة الذرية ...

و أنا فاكر مدرس الدراسات الإجتماعية كان بيقولنا كده ...

و إن دى كانت معلومة صحيحة 100% أيام المدرسة ..

حد سمع أو فاكر الموضوعده

ده تخلف عقلي بحت

الحمد لله ما سمعتش عنها قبل كده

[د.أبونضال]

الحقيقة المصري طول عمرة معروف بقوته ......معروف بجبروته... في الإفتاء
فاكر مدرس ابتدائي كان بيشرحلنا معنى كلمة "بور سعيد" على إن المقطع الأول "بور" من الأراضي البور التي بنيت عليها المدينة، أما سعيد فهو الخديوي سعيد طبعا.
اوعى حد يقولي إنه مش عارف إن "بور" دي تعريب لكلمة Port الانجليزية يعني "ميناء"
المصري لا يمكن يقولك مش عارف أبدا؟! أنا نفسي باظبط نفسي كتير بأفتي في أشياء لا أفهم فيها.. مش عارف ليه!!!!!!!!

[hondaman]

هههههههههههههههه ايوة يا مان اتقلى كدة بردو ان السبب القنبلة بس مستنى ايه مش مدرس حكومى

[kar!m]

ايوه انا اتقالتلى كده رضه .. و بعدين مره بقول لحد اليابانيين عينيهم ضيقه من تأثير القنبله الذريه .. قالى انت أهبل؟ هى القنبله الذريه بتضيق العينين .. من ساعتها بطلت أصدق اى معلومه الا لما اتأكد منها

[yse]

والله مش المدرسين المصريين بس اللي بيقولوا كده انا كنت في السعودية واللي قالي كده مدرس سوري

بس صراحة المدرس السوري ده كان كل اصحابه مصريين تفتكروا يكونوا هما اللي قالوا له كده؟؟؟

[hamedo0]

التقال ليا ان القنبله الذريه عملت تشوهات في الجينات الوراثيه عشان كده هما شبه بعض لاكن ضيق العين مش اعرف