إيه حوارالفيلات الدوبلكس ده ؟

[Evo]

لفت نظري موضوع الفيلات الدوبلكس وإن اسعارها في التجمع الخامس مناسبة لكونها فيلا بمدخل خاص وحديقة

ليَّ كام استفسار فضولي لاي حد يمتلك النوع ده من السكان أو حتى شافه أو زار حد فيه لاني بصراحة مشفتوش نهائي ومعرفش شكله إيه من جوه

هل هو فعلا مناسب وفخم ويتقال عليه فيلا ؟

عرفت إن الدور الأرضي ده بدروم هل هو مناسب للمعيشة ؟ مش عارف ليه عندي احساس إنه زي جراج العربية أكتر من سكن وهل فيه دبلكس دور أول ودور ارضي بدل حوار البدروم ده

بصة سريعة في الوسيط لقيت اسعار للمتر 1100 و 1400 و 2200 و 2500 وكلهم في التجمع الخامس إزاي ؟!

من الاخر إيه الدوبلكس ده وحكايته إيه بالضبط

[أحمد كمال]

دوبلكس يعني شقتين تحت بعض مفتوحين على بعض و بينهم سلم داخلي ..... بس من الاخر

فزي ما فيه تفاوت في الشقق فيه تفاوت في الدوبلكسات !

[Evo]

بس هل يتقال عليه فيلا بالمعنى المعروف ؟
وكمان التفاوت ده في مكان واحد اللي هو التجمع ومعظمهم جنب بعض

[elassar2010]

انا معرفش حوار الدوبلكس دة(الى اعرفة بيكون الابراج وبيعملوا اخر 3 ادوار فيلل دوبلكس)

بس حضرتك روح اتفرج على الفيلا على الطبيعة وشوفها

[أحمد كمال]

بس هل يتقال عليه فيلا بالمعنى المعروف ؟
وكمان التفاوت ده في مكان واحد اللي هو التجمع ومعظمهم جنب بعض

هو مش فيلا ..... هو بيتمحك في الفيلا .... و الناس بتقول عليه فيلا و انا شخصيا مش مقتنع انه فيلا !

[dolly13]

بص احنا عاملين كدة عندنا فى عمارة فى الحى الرابع فى العبور وهو اصلا حى فيلات
فعلا بيتاخد البدروم ويبقى فيه سلم داخلى للارضى لكن احنا عاملين البدروم بمستوى الجنينة يعنى كانه هو الارضى وبعدين مساحة الشقة كبيرة جدا يعنى 280 متر لما يبقوا شقتين بالمساحة دى اعتقد انها هاتبقى فى الاخر شقة محترمة قوى قوى وممكن يتعمل فيها ديكورات وهمية

[Nile Heart]

فى احيان قليله بيتعمل الارضى + الأول مع بعض دوبلكس .. بس بتبقى اغلى..هنا فى الشروق المتر كده بيبقى ب 1500-1700 محاره وحلوق

وفى دوبلكسات بتبقى الدور ألاخير + غرف السطح ومعاه مسطح الرووف

هما دول ال 3 اختيارات للدوبلكس والأسماء الشائعه لهم
-ارضى منخفض (الاسم الشيك للبدروم) + أرضى
-أرضى + أول
-نهائى + رووف

[A.Saad]

ممكن تعمله بين اى دورين عادى بس سلم معدن او خشب مش خرسانة

[Nile Heart]

ممكن تعمله بين اى دورين عادى بس سلم معدن او خشب مش خرسانة

اللى مش مهندسين بيفتوا... وانا مش معاهم

[3mr Farrag]

اللى مش مهندسين بيفتوا... وانا مش معاهم :ob_mak1[1]:

الموضوع مش هندسه ....
بس هي فعلا بتبقي كده معظم الوقت علشان مساحه السلم بتكون صغيره ...
و علشان برضوا ماتقلش اني بفتي..
في كذا حاجه بتخليه يتعمل حديد فورفرجيه..
لو البيت اصلا ماكانش دورين و اتفتحوا علي بعض..
غير ذي ما قلت الماحه لأن الاسمنت بيقفل جامد غير الفورفورجيه بيكون في حتت فراغ كثير بيوسع الشكل العام...
غير بقي ناس بتعملوا مودرن...

انا مش مهندس بس احنا بتنا كده

[A.Saad]

اللى مش مهندسين بيفتوا... وانا مش معاهم :ob_mak1[1]:

على فكرة اللى بيفتى اعتقد انه انت
لان شفت تصميمه كتير
والموضوع منتشر فى احياء زى الدقى والمهندسين

[enas75]

الدوبلكس شقتين مفتوحين راسي مع بعض فيها كل المستويات
ممكن تبقي دوبلكس الدور الواحد 300 متر ......وده في بعض الاحيان يعادل مسطح فيلا
كل اللي فيها انها بتبقي حاجه وسط بين انها عماره وفيلا ...وسعرها وسط بين الاتنين
.........
بالنسبه لللاخ اللي بيفتي انه مينفعش سلالم معدن وخشب ...هو عمره ما دخل محلات دورين وطلع علي سلالمها قبل كده ولا ايه
ولو اشتريت شقتين فوق بعض حتفتح سلم ما بينهم ومنفعش يبصب خرسانه حيطلعو الدور التاني ازاي ....حيتسلقو حبال

[phantom0xx0]

أنا عندي دوبلكس في التجمع الخامس .. لسه محارة ، مسكنتش فيه ، طبعاً هو مش فيلا
الشايع بيكون بدروم + أرضي + جنينة أو دور أخير + روف

سعر الدوبلكس الأرضي عامة بيكون أقل من الدوبلكس ألي واخد الروف ... و ساعات مساحه الجنينة بتفرق

[Mzeid]

طيب و الله دي كويسة و سعرها حلو
بس مش المهم هي فيلا و لا لا المهم انها سكن منفصل

[Evo]

طيب يا جماعة هو الدور الأرضي أو البدروم ده ملوش فتحات تهويه أو شبابيك ؟

وهل في دوبليكس دور أول مرتفع ودور تاني مع الجنينة طبعا والحركات دي ؟