حدث عام 1979 ..أمن دولة

[MTAK]

فكرتنى بصديق وجد "صرصور" داخل وجبة طبق الطبيخ فى وجبة غذائية بتاعت شركة برضه
انما ما وصلتش لأمن الدولة
بس طلعوه مش عارف يفرق بين الصرصور و قشرة البصل بتاعة التقليه :)

[dolly13]

يعنى انت يا احمد مستغرب من الناس اللى بتقول الله يرحم عهد السادات ؟
طيب احب اقولك ان السادات لما فتح البلد كان عشان الناس تهيص شوية بعد حكم قراقوش وبعد الحروب اللى قضت على اى ملامح ترفيه وتبقى فيه عملة فى البلد يعنى يبقى فيه بذرة اقتصاد جديد واول مالبذرة ظهرت جه اللى كبرها ونماها وخلاها فلوس مالهاش حد وخدها
قبل الانفتاح ماكانش فيه حاجات كتير قوى كان شعب حافى بمعنى الكلمة بدون اى ترفيه
لكن على الاقل يا اخى لما كان فيه انفتاح ماكانش على البحرى لفوانيس رمضان والذى منه
لما كانت بتتعرف قضية رشوة الناس كانت بتقوم وماتقعدش
كان راجل ديكتاتور بصراحة ايوة لكن ارائه كانت صائبة وتخدم مصلحة عامة مش خاصة
دلوقتى ايه رايك فى الديمقراطية المزعومة مش انت بتتكلم زى مانت عايز وتشتم براحتك ها مبسوط من الديمقراطية قدرت تاخد بها حقك فى التعليم والعلاج واقل مستويات معيشية تضمن انك انسان
بلاش يا سيدى مش اتعملت البنية التحتية للبلد ايه رايك فى مستوى اداء المشروعات دى دلوقتى ايه رايك فى شبكات الصرف والطرق وشبكات الرى وخلافه
باقولك ايه يا احمد بلاش نتكلم فى الماضى خلينا فى دلوقتى احسن اكيد طبعا انت شايف مستوى العيش بدون فيران وصل لايه والا نقول كمان؟

[بحري]

قبل الانفتاح ماكانش فيه حاجات كتير قوى كان شعب حافى بمعنى الكلمة بدون اى ترفيه

بالنسبة إلى إنه كان شعب حافي بمعنى الكلمة قبل الانفتاح فده كلام غير دقيق ولا حتى على المستوى البلاغي لو اعتبرنا أنها نوع من التصوير البلاغي ليس إلا...غير كده الترفيه موجود طول عمره في البلد ولكن الواقع الحالي إن صناعة الترفيه تطورت في الدنيا كلها بطريقة رهيبة وبوسائل وصلت لكافة المجتمعات وكافة المستويات...المقارنة تظهر عند إجرائها مع أحوال الدول الصناعية الكبري في هذا التوقيت..مدى حصول عموم الشعب على الترفيه مقارنة بالشعب المصري وهنلاقي إن النسب متقاربة إلى حد كبير....طبقة مطحونة ومش شايفة قدامها وطبقة مترفة ومش حاسة بالدنيا

لكن على الاقل يا اخى لما كان فيه انفتاح ماكانش على البحرى لفوانيس رمضان والذى منه

أحمد بهاء الدين يومها وهو من هو أطلق عليه انفتاح السداح مداح....وياريت الموضوع دلوقتي على قد فوانيس رمضان كان مش هيبقى فيه مشكلة

لما كانت بتتعرف قضية رشوة الناس كانت بتقوم وماتقعدش

وهذه أيضا غير دقيقة...وقتها كان الفساد البكر الذي لم تطؤه قدم بشر...كان استكشاف لذة الفساد المقنن..الدنيا كانت ماشية ومحدش بيعترض ولا حاجة ولما الأسعار غلت مرة واحدة الناس ثارت وبرغم كده تم اعتبارها ثورة حرامية...والموضوع مشى

[dolly13]

اعتقد يا استاذ بحرى قبل السادات الناس ماكانتش تعرف او تحلم حتى انها تلبس بناطيل جينز قصدى كاو بوى
وعلشان اكون دقيقة ممكن تقوللى مصادر دخل الدولة بعد الحرب كانت ايه ؟
وايه اللى بدا مرحلة انتعاش اقتصادى فى البلد؟
ووصلنا لايه؟

[dolly13]

بعد وفاة الرئيس جمال عبد الناصر في 28 سبتمبر 1970 وكونه كان نائباً للرئيس أصبح رئيساً للجمهورية. وقد اتخذ في 15 مايو 1971مصر وهو ما عرف بثورة التصحيح، وفي نفس العام أصدر دستوراً جديداً لمصر. قراراً حاسماً بالقضاء على مراكز القوى في
وقام في عام 1972 بالاستغناء عن ما يقرب من 17000 خبير روسي في أسبوع واحد في خطأ استراتيجي كلف مصر الكثير إذ كان السوفييت محور دعم كبير للجيش المصري وكان الطيارين السوفييت يدافعون عن سماء مصر التي كان الطيران الإسرائيلي يمرح فيها كيفما شاء ومكن هولاء الخبراء مصر من بناء منظومة الدفاع الجوي الصاروخي لكن السادات حاول التقرب لأمريكا فأقدم على خطوة كهذه . بينما يؤمن الكثيرون بأن اقدام السادات على هذا التخلي كان من خطوات حرب أكتوبر، حيث اراد السادات عدم نسب الانتصار إلى السوفيت.
وكذلك من اهم الأسباب التي جعلته يقدم على هذه الخطوه هو ان الاتحاد السوفياتي اراد تزويد مصر بالاسلحه بشرط عدم استعمالها الا بامر منه.حيث اجابهم السادات بكلمة: (أسف) فلا اقبل فرض قرار على مصر الا بقراري وقرار الشعب المصري. وقد أقدم على إتخاذ قرار مصيري له لمصر وهو قرار الحرب ضد إسرائيل التي بدأت في 6 أكتوبر 1973 عندما استطاع الجيش كسر خط بارليف وعبور قناة السويس فقاد مصر إلى أول انتصار عسكري على إسرائيل.
وقد قرر في عام 1974 على رسم معالم جديدة لنهضة مصر بعد الحرب وذلك بإنفتاحها على العالم فكان قرار الانفتاح الاقتصادي.
ومن أهم الأعمال التي قام بها كان قيامه بإعادة الحياة الديمقراطية التي بشرت بها ثورة 23 يوليو ولم تتمكن من تطبيقها، حيث كان قراره الذي اتخذه بعام 1976 بعودة الحياة الحزبية حيث ظهرت المنابر السياسية ومن رحم هذه التجربة ظهر أول حزب سياسي وهو الحزب الوطني الديمقراطي كأول حزب بعد ثورة يوليو وهو الحزب الذي أسسه وترأسه وكان اسمه بالبداية حزب مصر، ثم توالى من بعده ظهور أحزاب أخرى كحزب الوفد الجديد وحزب التجمع الوحدوي التقدمي وغيرها من الأحزاب.


لم تكن ردود الفعل العربية إيجابية لزيارته لإسرائيل، وعملت الدول العربية على مقاطعة مصر وتعليق عضويتها في الجامعة العربية، وتقرر نقل المقر الدائم للجامعة العربية من القاهرة إلى تونس العاصمة، وكان ذلك في القمة العربية التي تم عقدها في بغداد بناء على دعوة من الرئيس العراقي أحمد حسن البكر في 2 نوفمبر 1978، والتي تمخض عنها مناشدة الرئيس المصري للعدول عن قراره بالصلح المنفرد مع إسرائيل مما سيلحق الضرر بالتضامن العربي ويؤدي إلى تقوية وهيمنة إسرائيل وتغلغلها في الحياة العربية وانفرادها بالشعب الفلسطيني، كما دعى العرب إلى دعم الشعب المصري بتخصيص ميزانية قدرها 11 مليار دولار لحل مشاكله الاقتصادية، إلا أنه رفضها مفضلاً الاستمرار بمسيرته السلمية المنفردة مع إسرائيل.
وقد أقدمت الدول العربية على قطع علاقتها مع مصر، باستثناء سلطنة عمُان والسودان. وقد اعتبر كثير من الباحثين أن هذا القرار كان متسرعاً وغير مدروس، وكان في جوهره يعبر عن التطلعات المستقبلية للرجل الثاني في العراق آن ذاك صدام حسين. لكن سرعان ما عادت الجامعة العربية لجمهورية مصر العربية عام 1989, ومن الغريب أن معظم الدول التي قاطعت مصر لعقدها معاهدة سلام مع إسرائيل وإعترافها بها عادت بعدها بسنوات واعترفت بدولة إسرائيل بل وتسابقت في عقد اتفقيات عسكرية واقتصادية, ولذلك قيل عن السادات أنه كان سابق لعصره.

[بحري]

لبس بنطلون جينز ده كان حلم بعض أفراد الطبقة الوسطى والأقل منها، وتم تحقيقه إما بالسفر للخارج أو الرضى بالعمل كحرفيين -(ميكانيكية وسباكين وغيرها...) لإنها المهن اللي كانت بتجيب فلوس وقتها-..أو بالمشاركة في السرقة والتهليب
وعلى أي الأحوال فالرغبة في ارتداء بنطلون جينز ليس معيارا ولا هدفا يجعل من الممكن بسببه أن نتغاضى الآثار الكارثية لما حدث في عهد السادات من انفتاح غير مقنن....لولا بقية إيمان ودين عند الناس كانت البلد اتعرضت لانهيار تام أخلاقي واقتصادي وكان ثلاثة أرباع الشعب انتحر

مصادر الدولة قبل الحرب..هي هي بعد الحرب إلا لو اعتبرنا إن زيادة الجمارك والضرائب يعتبر نوعا من الدخل المحترم لأى دولة

اللي بدأ مرحلة انتعاش اقتصادي نسبي هو تحرك عجلة التجارة والتخلص من القبضة الحديدية للقطاع العام العقيم...ولكن لم تكن هناك ضوابط فكانت الآثار السلبية أكبر بكثير من النتائج الإيجابية

إحنا وصلنا لإيه....التطور الطبيعي للحاجة الفاسدة

[dolly13]

كل عصر له سلبياته وايجابياته
اختيارى للبنطلون الجينز كان مجرد مثال قس عليه كثير من الامثلة لتعرف حال الناس قبل الانفتاح
قبل المطالبة بالديمقراطية وقبل ان يعى اى مواطن حقوقه وواجباته لابد من تحقيق قدر معين من (مش هاقول الترف لا خليها الشبع) وقدر من التعليم الجيد لكى يستطيع التعاطى مع الديمقراطية
لم ينفذ السادات من خطته الا القليل وتم اغتياله
وماذا بعد السادات وما الذى يبرهن على قصر نظره فى الحياة السياسية
ماهو المقياس بين اخطاء السادات والنتيجة التى وصلنا لها الان او بكلمات اخرى مدى مسؤلية السادات عما نعيشه حاليا ؟

[بحري]

اختيارى للبنطلون الجينز كان مجرد مثال قس عليه كثير من الامثلة لتعرف حال الناس قبل الانفتاح

أنا واخد بالي والله من قصد حضرتك..بس حبيت أوضح لأن في ناس كتير فعلا كان عندهم البنطلون الجينز وعلبة البلوبيف وبار الشيكولاتة هي غاية المنى وقمة الرفاهية وعشان كده عملوا الحاجات اللي وضحتها في مشاركتي السابقة عشان يحصلوا عليها

لم ينفذ السادات من خطته الا القليل وتم اغتياله
وماذا بعد السادات وما الذى يبرهن على قصر نظره فى الحياة السياسية
ماهو المقياس بين اخطاء السادات والنتيجة التى وصلنا لها الان او بكلمات اخرى مدى مسؤلية السادات عما نعيشه حاليا ؟

كده الموضوع بيدخل في منطقة قلق
ولكن عموما السادات واللي قبله مكنش عندهم خطة أساسا..مجموعة من ضباط الجيش الصغيرين ذوي الخبرة المحدودة في الحياة العامة (الاقتصادية والاجتماعية والتقنية والفنية) ..كان عندهم أحلام مش خطة..المفترض إنهم كانوا يدوا العيش لخبازه ويعطوا فرصة للكفاءات في المجالات المختلفة عشان الدنيا تتحرك...لكن كل واحد منهم وإلى الآن عايش دور الزعيم اللي بيفهم في الاقتصاد والسياسة والاجتماع وياخد قرارات الحرب بنفسه ويحرك الجيش بقراراته الشخصية بغض النظر عن كلام قادته..زعيم ملهم بقى

[dolly13]

لا اختلف مع حضرتك فى نقطة هامة
ولكن عموما السادات واللي قبله مكنش عندهم خطة أساسا
كيف لم يكن للسادات خطة ؟
وما قولك فى التعددية الحزبية
الانفتاح الاقتصادى والذى شجع قليلا المستثمرين الان على الوثوق فى البلد بعد كارثة تاميم عبد الناصر
مستوى التعليم ايا السادات مقارنة (بنحو الامية الحالية)
فتح باب العلاقات مع الامريكان بدلا من السوفييت
قس هذه الخطة او الاحلام كما تسميها فى الفترة التى حكم فيها السادات بعد الحرب
لتجد انه رجل سابق لعصره بمعنى الكلمة

[بحري]

لا يختلف اثنان أن السادات أذكى بكثير من سابقه ولاحقه..لكن بالنسبة للخطة فهو فعلا لم تكن لديه خطة واضحة..اللهم إلا إذا كانت الخطة هي إعطاء ٩٥٪ من أوراق اللعبة للأمريكان بدلا من الروس..وهي خطة شؤم في الحقيقة
أما بالنسبة التعددية الحزبية...فالذي فعله السادات في أواخر حكمه هو المنابر السياسية (وسط ويسار ويمين) وقام باختيار وتعيين قادة هذه المنابر من بين أعضاء تنظيم مصر كما أسماه بعد أن كان اسمه حزب مصر الاشتراكي وبقية المنابر سماها أول الأمر تنظيمات ثم سماها بعد ذلك أحزاب..هكذا بقرارات منه وليست بتطورات ديموقراطية ذاتية..وحينما أنشأ الحزب الوطني سارع غالبية أعضاء حزب مصر (الحزب الوحيد) بالانضمام لحزب السادات الجديد...وده اللي هيحصل لو مبارك عمل حزب جديد بدل الحزب الوطني

الخلاصة المنابر السياسية كانت عبارة عن تمثيلية كبيرة...قسمت الحزب الواحد إلى ثلاثة أجزاء كل واحد منها له دوره في الأوركسترا الزائفة

[dolly13]

بحلول خريف عام 1981، انتشرت في مصر حملة اعتقالات واسعة شملت المنظمات الإسلامية ومسئولي الكنيسة القبطية ووصل عدد المعتقلين في السجون المصرية إلى 1600 معتقلا وذلك على اثر حدوث بوادر فتن واضطرابات شعبية يبدو ان ورائهااصابع خارجية كان الرئيس السادات يتخوف على اثرها أن ترفض إسرائيل الانسحاب من سيناء بحجة ان الوضع بمصر غير مستقر وهو ما ادى به من موقع القائد إلى اتخاذهذه القرارات الخاصة باعتقال كل من يؤجج الفتنة في 5 سبتمبر 1981 قبيل اغتياله بنحو شهر وهو الذي كان قد صرح لبعض المقربين بأنه سوف يطلق سراح المعتقلين بعد أشهر قليلة عند اتمام الانسحاب من جانب إسرائيل.

وفي 6 أكتوبر من العام نفسه - بعد 31 يوم من اعلان قرارات الاعتقال- ، تم اغتيال السادات في عرض عسكري وقام بتنفيذ العملية "خالد الاسلامبولي" التابع لمنظمة الجهاد الإسلامي التي كانت تعارض بشدّة اتفاقية السلام مع إسرائيل ولم يرق لها حملة القمع المنظمة التي قامت بها حكومة السادات في شهر سبتمبر. خلف الرئيس الراحل السادات، نائب الرئيس حسني مبارك ولا يزال الرئيس مبارك رئيساً لجمهورية مصر.
طبعا السطر الاخير ده يبين خطأه الكبير فى مستقبل السياسة المصرية

[dolly13]

[M.almaghraby]

sadat is the main responsible person of the tragic events in egypt these day

[dolly13]

?why DR.almaghraby

[Samir Elshahawy]

والغريبة كل حاجة الناس تقولك فين ايام السادات؟

مش عارف بصراحة ازاى مش ملاحظين ان البلد بدأ خرابها على ايده بالانفتاح الاستهبال والطبقة المتوسطة انهارت وظهرت بدايات كل الفساد من فراخ فاسدة وتجارة عملة و"قطط سمان" ولا الشلة اللى كانت حواليه ..انيس منصور المستشار السياسى (ومتسالش ايه علاقة انيس منصور بالسياسة) التهامى (الراجل العجيب ده اللى كان مدروش) اما الناس المحترمة فكانت بتستقيل لما تلاقى العته اللى كان بيعمله -تقريبا مفيش وزراء استقالوا فى عهد اى رئيس الا فى عهده

وحتى لما مبارك جه -اختلفنا او اتفقنا معاه- كانت مصر متخانقة مع طوب الارض وكان البلد عايمة فى المجارى وكانوا بيتريقوا ان الاسهل على الواحد يسافر قبرص يوصل الرسال بنفسه على انه ينتظر الحرارة تيجى فى التليفون

- صحيح البنية الاساسية في مصر كانت شبه مدمرة لكن ماتنسوش ان مصر كانت لسه طالعة من 4 حروب أستمرت قرابة ال 25 سنة اكلت الاخضر و اليابس و لذا بدأ السادات بالتحول الاقتصادي من النظام الاشتراكي الي الرأسمالية و طبيعي أن أي تحول يحدث معه أخطاء
- كمان كان الشعار السائد هو "لاصوت يعلو فوق صوت المعركة" و بالتالي ماكانش فيه حاجة أسمها رأي و رأي أخر و ديمقراطية و كلام من ده و السادات هو أول من بدأ هذه الخطوة
- أما حكاية أن هناك وزراء أستقالوا أو أقيلوا أيام السادات فهذا شئ يذكر له و ليس عليه
لكن ممكن حد يقوللي لما حصلت مصايب هنا في العهد المبارك كام وزير كان عنده دم و حس بالمسؤلية و قدم أستقالته ؟؟
- السادات قدر أنه يكسر جبروت و هيبة أسرائيل و امريكا معا بقرار الحرب في 1973 و لولا كده ماكنش شبر واحد من أرض سيناء رجعت
- السادات هو من أعاد للجندي المصري كرامته و كبريائه التي ضاعت في 1967 لكن اليوم ...
عشرات الجنود سقطوا و يسقطون علي الحدود الشرقية و لاتستطيع مصر حتي ان تدين أو تستنكر
- ثم النهاردة اللي بيتكلموا عن المجاري و التليفونات اللي كانت بايظة أيه رأيهم في الشوارع المكسرة و الخرابات اللي بيسموها عشوائيات و المياه الملوثة بالمجاري
- أما عن القطط السمان و شلة المنتفعين أيام السادات فدول كانوا أرحم بكتير من شلة المنتفعين دلوقتي و الاسماء كتير و بلاش نتكلم عنهم

بأختصار ... السادات كان رئيس بجد و كان مخلص للبلد دي بجد و كانت مصر أيامه ليها هيبتها و كرامتها اللي ضاعوا دلوقتي تحت أقدام أمراء و أميرات البترول الخليجيين

رحم الله السادات و كل رجال مصر الشرفاء الذين ضحوا من اجل هذا البلد و هذا الجيل الذي ينكر جميلهم لأن علي رأي السادات الله يرحمه "اللي مايعرفش يقول عدس"

مع خالص تحياتي
م/ سمير الشهاوي