حدث عام 1979 ..أمن دولة

[A7MED_PHARMA]

ياجماعة ...مفيش حاجة حلوة 100%
ومفيش حاجة وحشة 100%

وعصر السادات على أد ماكان فيه من بلاوي كتير جدااااا
بس على الأقل حسينا فيه بالكرامة ...ولو مرة على الأقل في حياتنا
كرامة النصـــر

وبخلاف نصـــر 73
عصر السادات كله ..كان عصر مأساوي على كل النواحي
وبالذات ظهور بذور الفساد الإجتماعي....
وللأسف ..بذور الفساد نمت وكبرت في ظل البيئة أيامها
لدرجة إن شجرة الفساد ..وصلت لكل مركز حكومي في أم الدنيا ..وغير حكومي

بس الحقيقة الأكيدة
البذرة إتزرعت في عصر السادات...وإشتد عودها في العصر التالي

[ahmed4000]

البذرة إتزرعت في عصر السادات...وإشتد عودها في العصر التالي

كده مش انت بس اللى حتاخد وقف

ده المنتدى باللى فيه كله حيتوقف

[kisho55555]

شكرا دكتور احمد على الموضوع ....

[A7MED_PHARMA]

جميع المشاركات تعبر عن اراء ووجهة نظر اصحابها فقط والمنتدى غير مسئول عنها

شوفت..دي معناها إن المنتدى غير مسؤل
يعني كل واحد يتحمل مسؤلية كلامه..وبعدين إحنا مش بنتكلم عن شخص بعينه
إحنا بنتكلم عن فترة زمنية

[kisho55555]

انا محبتش انى ازد غى الكلام ... لانى قريت الكلمة دى ...

الحمد لله انا فترة وعدت ...

[wael3m]

مش المهم العصر البائد كانت ظروفه اية والعصر اللى احنا عايشين فيه ....احنا كشعب اللى سلبين اوى
بنشوف الغلط وبنسكت وكانة شئ عادى فى حيانتا بندفع رشوة لاء وايه بنسميها مسميات جديدة زى ( الشاى بتاعنا يا بيه -الحلاوة)
علشان عارفين انها غلط وبندارى عليها المهم احنا تأثيرنا ايه فى البينة المحيطة بينا

فعلا احنا مش لازم نستنى التغيير يجيى من بره احنا اللى لازم نتغير
وفعلا صدق الله لما قال فى القرآن ( إن الله لايغير ما بقوم حتى يغيروا ما بأنفسهم )
دكتور أحمد والدك عمل الصح بس للأسف ايد لوحدها مبتسقفش !!!!!!!!!!!!

[M.almaghraby]

?why DR.almaghraby

ارتماؤه فحضن امريكا....

السلام مع اسرائيل

الانتفتاح السوقي الرأس مالي الغبي الي خلي حثالة مصر معاهم فلوس من لاشيء

سياسته الملتوية مع القوي المعارضة

شديد الدكتاتورية زي الي قبله...

حتي ضحايا الحرب من مصابين و ارامل و غيره لم يتم الاعتناء بهم بشكل يصح و يليق بهم...

بالاضافة الي ان نشر الخلاعة و ثقافة الافلام الساقطة بدات في هذا العصر.....حتي المخدرات الايام دي كانت منتشرة جدا...

من الاخر هوا نيم الشعب و خدره و فهمه ان ثقافة السلام دي هيا الصح.... و ان احنا كدا فعصر رخاء

وللاسف نجح في هذا .... مش عامة الناس كل شوية واحد يقولك " الي معملش ايام السادات فلوس ... عمره ما حيعمل " !!!!

[dr-mohamed]

sadat is the main responsible person of the tragic events in egypt these day

هناقشك بعد مشاركتك الاخيرة بالتفصيل

طبعا السطر الاخير ده يبين خطأه الكبير فى مستقبل السياسة المصرية

كمان زبون هيشرف مع فارما في الوقف القادم
الهل يسامحك يا فارما مش بقولك مفيش موضوع تعمله الا لما يتوقف فيه حد
واتمال كمان المرة دي ميبقاش وقف في المنتدي يبقي وقف عن المشاركة في الحياة العامة اصلا

-
بأختصار ... السادات كان رئيس بجد و كان مخلص للبلد دي بجد و كانت مصر أيامه ليها هيبتها و كرامتها اللي ضاعوا دلوقتي تحت أقدام أمراء و أميرات البترول الخليجيين

رحم الله السادات و كل رجال مصر الشرفاء الذين ضحوا من اجل هذا البلد و هذا الجيل الذي ينكر جميلهم لأن علي رأي السادات الله يرحمه "اللي مايعرفش يقول عدس"

مع خالص تحياتي
م/ سمير الشهاوي

بتفق معاك جدا خصوصا في الجزء الاخير ده حارقني اوي

وبخلاف نصـــر 73
عصر السادات كله ..كان عصر مأساوي على كل النواحي
وبالذات ظهور بذور الفساد الإجتماعي....
وللأسف ..بذور الفساد نمت وكبرت في ظل البيئة أيامها
لدرجة إن شجرة الفساد ..وصلت لكل مركز حكومي في أم الدنيا ..وغير حكومي
بس الحقيقة الأكيدة
البذرة إتزرعت في عصر السادات...وإشتد عودها في العصر التالي

بذور ايه بس يا عم فارما وعصر ماساوي ايه حرام عليك
طيب هو اترمت في عهده بذور الفساد
لو لم تروي هذه البذور ويتم الاعتناء بها وحمايتها ورعايتها كانت كبرت وترعرعت واينعت واصبحت غابات استوائية كما اصبحت فيما بعد ؟
ولا هتقولي السادات هو المسؤل عن ده كمان

كده مش انت بس اللى حتاخد وقف

ده المنتدى باللى فيه كله حيتوقف

انا مش معاه وهبلغ عنه دلوقت الاشراف كمان علشان ياخد اخر وقف في حياته
بضحك طبعا يا فارما

ارتماؤه فحضن امريكا....
السلام مع اسرائيل
الانتفتاح السوقي الرأس مالي الغبي الي خلي حثالة مصر معاهم فلوس من لاشيء
سياسته الملتوية مع القوي المعارضة
شديد الدكتاتورية زي الي قبله...
حتي ضحايا الحرب من مصابين و ارامل و غيره لم يتم الاعتناء بهم بشكل يصح و يليق بهم...
بالاضافة الي ان نشر الخلاعة و ثقافة الافلام الساقطة بدات في هذا العصر.....حتي المخدرات الايام دي كانت منتشرة جدا...:s_thum1[1]:
من الاخر هوا نيم الشعب و خدره و فهمه ان ثقافة السلام دي هيا الصح.... و ان احنا كدا فعصر رخاء:c_laugh[1]:
وللاسف نجح في هذا .... مش عامة الناس كل شوية واحد يقولك " الي معملش ايام السادات فلوس ... عمره ما حيعمل " !!!!

استاذي دكتور مغربي ناخد كلامك جزئية جزئية
1- ارتماؤه في حضن امريكا: اللى قبله كان مرتمي في حضن روسيا وماخدناش منها حاجة
هو ارتمي لفترة في حضن روسيا ولما وجد مصلحته ومصلحة دولته عدم معاداة امريكا ارتمي في حضنها
واللى بعده فتح لامريكا الباب والشباك علشان متبقاش محتاجة نرتمي في حضنها لانها اصبحت في كل جزئية في حياتنا

2- السلام مع اسرائيل
هل كان مطلوب منه يستمر في الجعجعة الصوتية والقاء اسرائيل في البحر علشان ناخد على قفانا كل شوية والبلد تفضل منهكة في حروب وارضنا محتلة ؟ هل كان مطلوب ان يفعل كالنظام السوري او منظمة التحرير ؟
شوف هما فين واحنا فين يا دكتور دلوقت ارضهم الاتنين محتلة واحنا لا
العرب دايما مستعدين لحرب اسرائيل ......... حتي اخر نقطة دم في اخر عسكري مصري انما يحاربوا هما لا
شكرا كفاية علينا حروب وشهداء ودمار من جميع النواحي
نحارب دفاعا عن نفسنا ومحدش يقولي الدور علينا لما اللى عليهم الدور دلوقت يدافعوا عن نفسهم يبقي نشترك معاهم

3- الانفتاح
يا دكتور انت من جيلي اللى لبس تيل نادية واتعلم في مدارس الحكومة وكل السلع كانت في المتاجر الشعبية وباتا
تحب اولادك يعيشوا الحياة دي تانى ؟
وبعدين الانفتاح ايام السادات كان اخره التهريب من بور سعيد انما دلوقت كل بلدك انفتاح وعلى الاسوا دوما
يعني السادات في عصره كانت البلد خارجة من دمار وحرمان زي ما قال دولي فكان لازم يحسس الناس اننا خرجنا من الحرب انما بعد كدة فين موارد البلد
ولما الانفتاح في ايامه كان وحش متصلحش ليه بعد كدة

4- شديد الديكتاتورية زي اللى قبله
السادات لم يكن مثل سابقه بالعكس ايام سابقه تم سجن الاخوان ثم الشيوعيين ولم يكن مخلوق يجرا على فتح فمه
ايام السادات بدا الديمقراطية لكن من منظور كبير العيلة وقعدة الجلابية لانه كان بيعتبر نفسه اب للشعب مش رئيس
ولم تكن كالايام الحالية فحتي ايام ناصر كان المضطهدين ومن يسجنون هم المعارضين السياسيين فقط الان كل واحد مننا ممكن بكرة يبقي خالد سعيد

5- ضحايا الحرب لم يتم الاعتناء بهم ؟
يا دكتور امال مين اللي عمل جمعية قدامي المحاربين وضحايا الحرب ومين اللى اداهم اعفاءات ومميزات لهم ولاولادهم سحبت منهم تدريجيا في العصر التالى له ولم يعد عبد العاطي هو البطل الذي يتم تكريمه بل تامر حسني

6- نشر الخلاعة و ثقافة الافلام الساقطة بدات في هذا العصر.....حتي المخدرات الايام دي كانت منتشرة جدا...

الخلاعة موجودة في كل العصور وفي ايام السادات زادت لكن في نفس الوقت مكانش شارع الهرم وجامعة الدول اصبحوا كما هم عليه
من الاخر شوارع المهندسين مع احترامي الشديد لكل المقيمين فيها والله اصبحت الان عبارة عن بيت كبير لممارسة الحرام
اما المخدرات فاقاويل كتيرة ان الراجل الله يرحمه كان دماغه عالية وان كان لا يوجد اي دليل على ذلك
بس بصراحة دماغه كانت عالية اوي وموزونة اوي اوي اوي


7- هوا نيم الشعب و خدره و فهمه ان ثقافة السلام دي هيا الصح.... و ان احنا كدا فعصر رخاء
و ده اللى كان ممكن يحصل فعلا لو الراجل عمره طال شوية لكن هو ملحقش من حرب 73 لفك الاشتباك 74 لفتح القناة 75 لبدا محادثات السلام 77 لاحداث يناير 79 لحملة الاعتقالات ضد الخونة 80 ثم استشهاده رحمه الله



ومن الاخر السادات هو الرئيس الوحيد اللي اتمرمط بمعني الكلمة ولم يولد وفي فمه معلقة من ذهب او ظابط في مساره العادي كسابقه ولا حقه ولكنه طورد وسجن وعمل في ادني المهن
تولي الرئاسة وسيناء محتلة ونص وزارته بتتامر عليه والدول العربية بتوعده من غير ما تساعد وروسيا توعد وتخلف وعدها
وبرغم ذلك كمل خطة التحرير وقدر يشن حرب 73 ولانه عارف حدود قدراته كويس ومش من هواة الجعجعة الصوتية قرر اللجوء لسياسة اليهود وان يكون يهوديا اكثر منهم وقدر يعمل معاهدة السلام ويسترد باقي الارض كل ده وهو بيواجه شوية الاخوان وشوية الشوعيين وشوية الناصريين وفي الاخر تحالف الكل ضده مما دفعه لاجراءات سبتمبر 80 ثم استشهد

[A7MED_PHARMA]

ياعم محمد
إنت شايف النقاط المشرفة في تاريخ الرجل...وبتدافع عنه
وباقي الرجالة
شايفة النقاط السوداء في تاريخ الرجل ..وبتهاجم فنرة رئاسته


لكن في العموم
السادات كان شخصية قوية ..ولها تأثير
لكن للأسف مكنش محكم السيطرة على كل مايجري
وأحيانا - كما قرأت - كان يغض الطرف عن بعض ماكان يجري

وبالذات أحداث ثورة الجياع
مكنش شايف مشكلة إن السلع الأساسية تزيد
وكونه إنه مش شايف مشكلة في غلاء السلع الأساسية لشعب فقير مطحون..دي لوحدها مصيبة
وده إلي بيحصل دلوقتي
حكومتنا الموقرة مش شايفة أي مشكلة في غلاء السلع الأساسية
على إعتبار إن الشعب مخبي الفلوس تحت البلاطة..وعاوز الحكومة تأكله على الجاهز

.........
سمعتوا أخر خبر
الملكة إليزابيث ملكة بريطانيا ...هتبيع القطار الملكي ومجوهراتها الشخصية وهتبيع بعض ممتلاكتها الشخصية
لسد العجز في الميزانية العامة للدولة


إحنا بقا بنعمل إيه لما بيحصل العجز في الميزانية بتاع كل سنة
نزود الضرايب ..وبالتالي يزيد سعر السلع الأساسية

[dolly13]

هناقشك بعد مشاركتك الاخيرة بالتفصيل



كمان زبون هيشرف مع فارما في الوقف القادم
الهل يسامحك يا فارما مش بقولك مفيش موضوع تعمله الا لما يتوقف فيه حد
واتمال كمان المرة دي ميبقاش وقف في المنتدي يبقي وقف عن المشاركة في الحياة العامة اصلا




بتفق معاك جدا خصوصا في الجزء الاخير ده حارقني اوي



بذور ايه بس يا عم فارما وعصر ماساوي ايه حرام عليك
طيب هو اترمت في عهده بذور الفساد
لو لم تروي هذه البذور ويتم الاعتناء بها وحمايتها ورعايتها كانت كبرت وترعرعت واينعت واصبحت غابات استوائية كما اصبحت فيما بعد ؟
ولا هتقولي السادات هو المسؤل عن ده كمان




انا مش معاه وهبلغ عنه دلوقت الاشراف كمان علشان ياخد اخر وقف في حياته
بضحك طبعا يا فارما


استاذي دكتور مغربي ناخد كلامك جزئية جزئية
1- ارتماؤه في حضن امريكا: اللى قبله كان مرتمي في حضن روسيا وماخدناش منها حاجة
هو ارتمي لفترة في حضن روسيا ولما وجد مصلحته ومصلحة دولته عدم معاداة امريكا ارتمي في حضنها
واللى بعده فتح لامريكا الباب والشباك علشان متبقاش محتاجة نرتمي في حضنها لانها اصبحت في كل جزئية في حياتنا

2- السلام مع اسرائيل
هل كان مطلوب منه يستمر في الجعجعة الصوتية والقاء اسرائيل في البحر علشان ناخد على قفانا كل شوية والبلد تفضل منهكة في حروب وارضنا محتلة ؟ هل كان مطلوب ان يفعل كالنظام السوري او منظمة التحرير ؟
شوف هما فين واحنا فين يا دكتور دلوقت ارضهم الاتنين محتلة واحنا لا
العرب دايما مستعدين لحرب اسرائيل ......... حتي اخر نقطة دم في اخر عسكري مصري انما يحاربوا هما لا
شكرا كفاية علينا حروب وشهداء ودمار من جميع النواحي
نحارب دفاعا عن نفسنا ومحدش يقولي الدور علينا لما اللى عليهم الدور دلوقت يدافعوا عن نفسهم يبقي نشترك معاهم

3- الانفتاح
يا دكتور انت من جيلي اللى لبس تيل نادية واتعلم في مدارس الحكومة وكل السلع كانت في المتاجر الشعبية وباتا
تحب اولادك يعيشوا الحياة دي تانى ؟
وبعدين الانفتاح ايام السادات كان اخره التهريب من بور سعيد انما دلوقت كل بلدك انفتاح وعلى الاسوا دوما
يعني السادات في عصره كانت البلد خارجة من دمار وحرمان زي ما قال دولي فكان لازم يحسس الناس اننا خرجنا من الحرب انما بعد كدة فين موارد البلد
ولما الانفتاح في ايامه كان وحش متصلحش ليه بعد كدة

4- شديد الديكتاتورية زي اللى قبله
السادات لم يكن مثل سابقه بالعكس ايام سابقه تم سجن الاخوان ثم الشيوعيين ولم يكن مخلوق يجرا على فتح فمه
ايام السادات بدا الديمقراطية لكن من منظور كبير العيلة وقعدة الجلابية لانه كان بيعتبر نفسه اب للشعب مش رئيس
ولم تكن كالايام الحالية فحتي ايام ناصر كان المضطهدين ومن يسجنون هم المعارضين السياسيين فقط الان كل واحد مننا ممكن بكرة يبقي خالد سعيد

5- ضحايا الحرب لم يتم الاعتناء بهم ؟
يا دكتور امال مين اللي عمل جمعية قدامي المحاربين وضحايا الحرب ومين اللى اداهم اعفاءات ومميزات لهم ولاولادهم سحبت منهم تدريجيا في العصر التالى له ولم يعد عبد العاطي هو البطل الذي يتم تكريمه بل تامر حسني

6- نشر الخلاعة و ثقافة الافلام الساقطة بدات في هذا العصر.....حتي المخدرات الايام دي كانت منتشرة جدا...

الخلاعة موجودة في كل العصور وفي ايام السادات زادت لكن في نفس الوقت مكانش شارع الهرم وجامعة الدول اصبحوا كما هم عليه
من الاخر شوارع المهندسين مع احترامي الشديد لكل المقيمين فيها والله اصبحت الان عبارة عن بيت كبير لممارسة الحرام
اما المخدرات فاقاويل كتيرة ان الراجل الله يرحمه كان دماغه عالية وان كان لا يوجد اي دليل على ذلك
بس بصراحة دماغه كانت عالية اوي وموزونة اوي اوي اوي


7- هوا نيم الشعب و خدره و فهمه ان ثقافة السلام دي هيا الصح.... و ان احنا كدا فعصر رخاء
و ده اللى كان ممكن يحصل فعلا لو الراجل عمره طال شوية لكن هو ملحقش من حرب 73 لفك الاشتباك 74 لفتح القناة 75 لبدا محادثات السلام 77 لاحداث يناير 79 لحملة الاعتقالات ضد الخونة 80 ثم استشهاده رحمه الله



ومن الاخر السادات هو الرئيس الوحيد اللي اتمرمط بمعني الكلمة ولم يولد وفي فمه معلقة من ذهب او ظابط في مساره العادي كسابقه ولا حقه ولكنه طورد وسجن وعمل في ادني المهن
تولي الرئاسة وسيناء محتلة ونص وزارته بتتامر عليه والدول العربية بتوعده من غير ما تساعد وروسيا توعد وتخلف وعدها
وبرغم ذلك كمل خطة التحرير وقدر يشن حرب 73 ولانه عارف حدود قدراته كويس ومش من هواة الجعجعة الصوتية قرر اللجوء لسياسة اليهود وان يكون يهوديا اكثر منهم وقدر يعمل معاهدة السلام ويسترد باقي الارض كل ده وهو بيواجه شوية الاخوان وشوية الشوعيين وشوية الناصريين وفي الاخر تحالف الكل ضده مما دفعه لاجراءات سبتمبر 80 ثم استشهد

[dolly13]

احييك على ردودك يا استاذ كايرو
بات من الجلى ان الحكومة نجحت تماما فى تغييب وعى الجيل الجديد عن الماضى البعيد منه والقريب ومحت الهوية المصرية والشعور بالانتماء وماخفى كان اعظم
اما انت يا فارما لو لاقدر الله اتوقفت فاعلم انى مش هاسامحك ابدا على فتح موضوع الرغيف ابو فار ده
قال يعنى دلوقتى لو لقيت فار فى الرغيف هاتزعل
مع ان ده بقى العادى ممكن تلاقى فيه خيرات كتــــــــــــــــــير قوى اهم حاجة ان مايجيش علينا الزمن اللى الرغيف ينفجر فيه فى وش اللى يفتحه

[A7MED_PHARMA]

احييك على ردودك يا استاذ كايرو
بات من الجلى ان الحكومة نجحت تماما فى تغييب وعى الجيل الجديد عن الماضى البعيد منه والقريب ومحت الهوية المصرية والشعور بالانتماء وماخفى كان اعظم
اما انت يا فارما لو لاقدر الله اتوقفت فاعلم انى مش هاسامحك ابدا على فتح موضوع الرغيف ابو فار ده
قال يعنى دلوقتى لو لقيت فار فى الرغيف هاتزعل
مع ان ده بقى العادى ممكن تلاقى فيه خيرات كتــــــــــــــــــير قوى اهم حاجة ان مايجيش علينا الزمن اللى الرغيف ينفجر فيه فى وش اللى يفتحه

والدي هوا إلي فتح الموضوع ..مش أنا
وأنا نقلت الموضوع وبس.
يعني لو إتوقفتي ..أديكي رقم موبايل الحاج ..وتتصرفي معاه بقا ..أنا مليش دعوة

أصل موضوع الوقف ده ..تقريبا وراثة عندنا في العيلة

ههههههههه

[dr-mohamed]

الاول وقبل ما ارد على فارما واظبطه بشكرك جدا يا دولي واضح فعلا ان فيه ناس كتير اتغيب عقلها او بمعني تانى اتغيب عنها التاريخ الحقيقي لانها لم تعاصره

ياعم محمد
إنت شايف النقاط المشرفة في تاريخ الرجل...وبتدافع عنه
وباقي الرجالة
شايفة النقاط السوداء في تاريخ الرجل ..وبتهاجم فنرة رئاسته
لكن في العموم
السادات كان شخصية قوية ..ولها تأثير
لكن للأسف مكنش محكم السيطرة على كل مايجري
وأحيانا - كما قرأت - كان يغض الطرف عن بعض ماكان يجري
وبالذات أحداث ثورة الجياع
مكنش شايف مشكلة إن السلع الأساسية تزيد
وكونه إنه مش شايف مشكلة في غلاء السلع الأساسية لشعب فقير مطحون..دي لوحدها مصيبة
وده إلي بيحصل دلوقتي
حكومتنا الموقرة مش شايفة أي مشكلة في غلاء السلع الأساسية
على إعتبار إن الشعب مخبي الفلوس تحت البلاطة..وعاوز الحكومة تأكله على الجاهز
إحنا بقا بنعمل إيه لما بيحصل العجز في الميزانية بتاع كل سنة
نزود الضرايب ..وبالتالي يزيد سعر السلع الأساسية

يا احمد باشا ارد عليك نقطة نقطة بالقطارة يعني:
1- انا شايف النقاط المشرفة بس وباقي الرجالة شايفة النقط السودة
غلط يا باشا انا قلت على نقطه السودة زي انه يشاع انه كان صاحب دماغ وانه حارب الكل في نفس الوقت
لكن العيب الحقيقي للسادات لم يكن انه مش حاسس بالشعب او غير محكم السيطرة لا
العيب الحقيقي للسادات ان الانا عنده كانت عالية زيادة يعني كان لازم يعرف كل حاجة ويعمل كل حاجة وصعب يثق في حد من اللى حواليه بسبب تاريخه السياسي من ايام شبابه وهي الصفة التي تخلي عنها ليلة مقتل الزعيم

وبعدين فين المشكلة اللى انت بتقول عنها دي كانت زيادة في قيمة بعض السلع في حدود 10% يا باشا
دلوقت السلع بترتفع 100 % واكتر كمان ومحدش بيفتح بقه
السادات كان بينزل العلاوة كل سنة 10% بعد ما فتحية تقوله المنحة يا ريس يجي هابد الشعب منحة عيد العمال وبعدها علاوة مايو 5% سنويا والاسعار رفعها مرة واحدة 10%
انت لما اخدت
ولا بلاش انت علشان انت حر يا باشا يعني ادوات التجميل والمكياجات مروقة الصيدلية
احنا
المطحونين في الارض من الموظفين لما اخدنا 30% علاوة من الاساسي واقسم بالله انا واحد من الناس العلاوة دي وقفت عليا مش فاكر ما بين 60 و70 جنيه يعني اقل من 5% من صافي المرتب وبقول تقريبا علشان مايجيش واحد حبيبي اسمه فارما او شنر الشيطان يوزه ويحسب مرتبي
قبل ما نقبضها كانت الاسعار زادت بشكل رهيب واللى كنت بشتريه بالف بقيت بشتريه بالف وخمسمية يعني زيادة اكتر من 50% خبطة واحدة

وبعدين ايام السادات كان كله موظفين تقريبا فكان كل الشعب بيدفع ضرايب
دلوقت احنا بس اللى بناخد على دماغنا لان الخصم من المنبع
يعني قبل ما نقبض تكون الحكومة اخدت حقها
قولي بقة كام واحد من اصحاب المشاريع الخاصة من كبيرها لصغيرها بيدفع الضرايب اللى عليه زينا

والدي هوا إلي فتح الموضوع ..مش أنا
وأنا نقلت الموضوع وبس.
يعني لو إتوقفتي ..أديكي رقم موبايل الحاج ..وتتصرفي معاه بقا ..أنا مليش دعوة

أصل موضوع الوقف ده ..تقريبا وراثة عندنا في العيلة

ههههههههه

الله يسامح والدك كان لازم يفكرنا بايام الرئيس القائد البطل رجل الحرب والسلام الرئيس المؤمن

[dolly13]

طيب طالما انتو صاحيين بقى دورو بتفسكم على الموضوعات اللى لسة عاملاها وعايزة اسمع تعليقات تفتح النفس لاشراقة يوم جديد