سؤال لكل المتزوجين وكل العزاب أيضا بالله عليك بتحب أو هاتحب ميين

[Powert]

سؤال أتمنى أن أسأله لكل المتزوجين وكل العزاب أيضا بالله عليك بتحب أو هاتحب مين {لغير المتزوجين} اكتر...؟؟؟؟

مراتك...........ولا...........شغلك

تتهم كل نساء العالم الرجال بأنهم بيحبوا شغلهم اكتر مابيحبوهم كزوجات أو كخطيبات أو كحبيبات........،



وأنا بالنيابة عنى أعترف بأن هذا صحيح..........صحيح......صحيح ليه....؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل:

أولا..........الشغل بيصرف عليا.......بس أنا اللي بصرف عليها!!!

ثانيا........في الشغل ممكن تزعق براحتك و زعيقك يجيب نتيجة...

مع مراتك صعب انك تزعق براحتك ومهما زعقت مش هييجى بنتيجة..........

ثالثا........ممكن تزوغ من الشغل في أي وقت من غير ماحد ياخد باله أو
حد من الزملاء يغطيك أنما تزوغ من مراتك........هيهات.......أنسى يا عمرو

رابعا........في الشغل عندك مدير ممكن ترضيه لو أشتغلت كويس..... إنما
مراتك لو عملت قرد.........مش ممكن ترضيها !!! وإذا رضيت....... عندك
حماتك عمرها ما ها ترضى أبد !!!!!!!

خامسا.......في الشغل من حقك تاخد أجازه.......عندك عارضه..و اعتيادي.....ومرضى دا غير يوم الجمعة....والعطلات الرسمية.....بصراحة الشغل ريحه خفيف ع القلب..... أنما مع مراتك...مش ممكن تاخد أجازه......بالعكس دانت لازم تلزق فيها يوم الأجازة بتاعتك
و إلا يبقى نهار اهلك مالوش ملامح.....لك أجازه واحده فقط......و طويلة جداً !!!!........

سادسا........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و فراش.....و سكرتيره خاصة.....والكل يضرب لك تعظيم سلام في البيت هاتعيش زوج وتموت زوج......واللقب الوحيد اللي ممكن تاخده لما تنادى عليك مراتك وتقولك....يابو العيال......أو.......يا حاج.......... ولما تعجز.......وتسلم النمر...تقولك.............يا بركه...........

سابعا.......الشغل لو زهقت منه ممكن تسيبه بدون مشاكل....وبسهوله.... أنما مع مراتك......لو روحك طلعت.....لازم تحط ف بقك كوتشى وتفكر مليون مره.....في المحاكم والمؤخر و النفقة....والعيال وتلاقى نفسك في الآخر بتغني.....أنا اللي أستاهل....كل اللي يجرى لي الغالي بعته رخيص........ولا أحسبوووووش غاااااالى ..{ العزوبية}طبعا.


ثامنا........في الشغل...لو سبته أو سويت معاشك....أو بلغت سن المعاش بتاخد مكافأة كبيره....ومعاش...وحفله تكريم.....، أما مراتك لو سبتها قبل ما تموت...أنت اللي هاتدفع مكافأة ومؤخر ونفقه......وشقه كمان.......و تتحبس لو مادفعتش..........

تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها.........ظلم

عاشرا........في الشغل....متأمن عليك عشان لو حصل لك حاجه....... ولو حصل لك حاجه.....مراتك هي اللي هاتقبض التأمين

في النهاية....بتهوى مين أكتر...مراتك ولا شغلك..

الإجابة..أكيد مراتي :( طبعا !!!!!!

[PRO-DRIVE]

هو انت متجوز يا بورت هههههههههه

مكنش باين عليك الاحباط دا في المقابله بتاعت دينا D:

[theking2690]

باورت انت مش ممكن اكتر اتنين بيخلونى اهلك من كتر الضحك هنا فى المنتدى انت يا باور تى و بيشو اللى هو اكسيبرت

[badblood]

بصراحة لا ده ولا ده
بحب عربيتي

[Powert]

يا pro-drive لأ انا مش متجوز ليه كده حرام عليك شكلك بتعزني أوي

يا theking اي خدمة بس تعالى انت كل يوم :D

يا badblood انا برضه معاك في دي انا بحب عربيتي اكتر من الشغل ومش من الجواز علشان لسه ماجربتوش :D

[Xpert]

انا سمعت اسمي بيتنادي هنا ... قلت ادخل اسلم ..
طب قولولي بقي .. لو هاتختاره بين النايت لايف (العربيات و الخروج و كده) .. و بين الجواز .. تختار ايه ؟ هاها ..
انا عن نفسي ناوي اتجوز .. اللي مش عاجبه .. يقوللي ايه اللي مش عاجبه و يلحقني قبل الفاس ما تقع في الراس نياهاهاها .. انا شايف الجماعه المتجوزين خايفين يتكلموا و يظهروا في التوبيكات دي :d :d :d

[Ahmed Samy]

الشغل عندي هواية أكتر منه أكل عيش
بس تعرفوا ايه احلى حااااجة في الشغل ؟؟؟؟
لما تعمل حاجة حلوة و تبقى مستني لما تروح تحكي لمراتك (اللي فاهماك)
فا لو مافيش حد زيها ؟؟؟ يبقى النجاح في الشغل مالوش طعم ...تفرح مع ميين ؟؟؟

إلا لو فيه نظام بقى;)

بس الجواز ابقى..............:d (نصيحة لكل أصحاب الأنظمة)

[ecybrarian]

"خيركم خيركم لأهله" ......زوجتي طبعا

[araberphilosoph]

بحب هواياتي اكتر من الاتتنين

[Powert]

الشغل عندي هواية أكتر منه أكل عيش
بس تعرفوا ايه احلى حااااجة في الشغل ؟؟؟؟
لما تعمل حاجة حلوة و تبقى مستني لما تروح تحكي لمراتك (اللي فاهماك)
فا لو مافيش حد زيها ؟؟؟ يبقى النجاح في الشغل مالوش طعم ...تفرح مع ميين ؟؟؟

إلا لو فيه نظام بقى;)

بس الجواز ابقى..............:d (نصيحة لكل أصحاب الأنظمة)

انت اغرب زوج قابلته اول مرة اسمع ان في حد بيحكي لمراته هو عمل اية وهي بتسمعلك ولا بتنفض؟؟؟؟ اكيد انت لسه في شهر العسل :D

[Karim_Monir]

الشغل عندي هواية أكتر منه أكل عيش
بس تعرفوا ايه احلى حااااجة في الشغل ؟؟؟؟
لما تعمل حاجة حلوة و تبقى مستني لما تروح تحكي لمراتك (اللي فاهماك)
فا لو مافيش حد زيها ؟؟؟ يبقى النجاح في الشغل مالوش طعم ...تفرح مع ميين ؟؟؟

إلا لو فيه نظام بقى;)

بس الجواز ابقى..............:d (نصيحة لكل أصحاب الأنظمة)

الله يفتح عليك
عشان كدة بفضل الزواج بين فئتين متفهمتين
وعشان كدة دايما الدكاترة اكتر فئة تفضل الزواج من بعض
وعشان لما ببقي بحكي لواحد عارف طبيعة شغلي هايبقي عارف اني عملت مثلا حاجة مستحيلة

[Islam_galal]

زوجتي طبعا

[Abdm]

أنا متزوج وبصراحة مقدرش أستغنى عن الاثنين لان الشغل هو زى ما powert قال
الشغل بيصرف عليا.......بس أنا اللي بصرف عليها!!!

وطبعا الرزق من عند ربنا وأنا مجرد سبب بل من الممكن أن أكون أرزق بسبب زوجتى وأولادى .
الحياة متنفعش من غير الشغل الذى يحقق للمرء كل ما يريدة وهو أحد أسباب السعادة بسبب أن العمل فى حد ذاتة سعادة لانك تحقق ذاتك والمال الذى تكسبة لتعيش حياة كريمة أنت وأولادك
وأيضا متنفعش من غير الزوجة والاولاد مع شرط مهم جدا وهو الزوجة والاولاد الصالحين ويقع عبء هذا الشرط على اختيار الزوجة الصالحة من البداية

هقول حاجة مهمة جدا: أهم شىء الاعتدال والمساوة بين حق العمل وحق الاهل والاولاد لاْنى أعرف أمثلة فى الحياة تعيش حياة غير سعيدة بسبب عدم الاعتدال فأعلم أنك يجب أن توفر الوقت للاولاد حتى يتم تربيتهم تربية سليمة ولا يحدث
( التفكك الاسرى ) بسبب أهتمامك بجانب العمل على جانب الاسرة
مع تمنياتى لكم جميعا بزوجات وأولاد صالحين .

[Powert]

احلى كلام سمعته منك يا abdm

[Ahmed Samy]

انت اغرب زوج قابلته اول مرة اسمع ان في حد بيحكي لمراته هو عمل اية وهي بتسمعلك ولا بتنفض؟؟؟؟ اكيد انت لسه في شهر العسل :D

لاء يا سيدي داخل على السنتين اهو
و بتسمع و لا بتنفض و لا حاجه
بس في المقابل ..بما هيا بتحكيلى عملت ايه في المطبخ و أنا بره باسمعها برضه و ما بنفضلهاش :)

الله يفتح عليك
عشان كدة بفضل الزواج بين فئتين متفهمتين
وعشان كدة دايما الدكاترة اكتر فئة تفضل الزواج من بعض
وعشان لما ببقي بحكي لواحد عارف طبيعة شغلي هايبقي عارف اني عملت مثلا حاجة مستحيلة

و الله يا كريم التفاهم تفاهم و جداني و استعداد نفسي قبل مايكون اتفاق مهني
اللي عايزة تسمعك هاتسمعك و لو مافهمتش هاتسئل و لو انت عايز تحكي هاتحكي و لو مافهمتش انت هاتفهمها