آخر مرة عيطت فيها إمتي..؟؟!!

[2faster]

اخر مرة عيطت كانت لما جدي مات

و المرة اللي قبلها لما بابا مات

غير كده حاجات لا تذكر

[Donzi]

اخر مره عيطت من ساعه وأنا في طريق الشغل والسبب وانا ومراتي قاعدين امبارح وكنت واخد بنتي الصغيره )4 شهور) على رجلي وبنتي التانيه سنتين ونص بتتنطط على الكنبه وعماله تلعب ومره واحده اختل توازنهه وأنا أول مره في حياتي اتخض كده لدرجة اني شهقت كإن روحي بتطلع وقسماً بالله متابعهه وهيه بتقع وكإن الدنيا كلهه وقفت لحد موقعت بتقلهه كله على راسهه من فوق جريت عليهه وهيه مسورقه وشلتهه وببص لقيت الدم خارج من بؤهه خفت ليكون نزيف داخلي خدتهه الحمام وقعدت أشطف الدم ولكن الحمد لله طلعت متعوره في لسانهه وأول مره أحس بمدى خوفي عليهم وانهارده وأنا في طريق الشغل تخيلت ان لو كان حصلهه حاجه كنت هعمل ايه ولقيت نفسي بعيط والناس اللي سايقين جنبي كانوا مستغربين جدا............ أنا بحبهم جدااااااااااااا ويارب لو فيه ضرر هيصيبهم أتمنا إني أكون بدالهم

الف سلامة عليها و الحمد لله انها جت بسيطة و ربنا يحميهملك من كل شر يا رب

[د.محمود صلاح]

أبكي من سماع القرآن والخشوع في الصلاة

[icehearted girl]

ياه..اللي يشوف بلاوي غيره تهون عليه بلوته
وقال اناللي بعيط من شوية خنقة ونتو عندكم ابتلاءات ياما

سبحان الله
بس انا واخده بالي ان مواقف البكاء عندكم كلها من الفراق..خاصة بسبب الوفاة..

او ع الاقل معظمها

انا زيكم برده.. بس بتلكك علي حاجات تانية

يعني مثلا مبقدرش امسك نفسي لما اسمع اغنية ست الحبايب يا حبيبة

معرفش ليه بس بنهار في البكاء فعلا.. وكمان اغنية دليدا كلمة حلوة وكلمتين... بفتح عياط ومبقفلش معرفش بردوا ليه

دا غير آيات معينة فلقرآن معظمها في سورة الواقعة

دا غير يوم مش هنساه ابدا كان في ناس بيدبحوا معزة في مناسبة ما

وكانت المعزة دي ليها ابنه صغيرة شوية كانت عمالة تصرخ

مش تمأمأ..لا والله بتصرخ فعلا ولمحت دموع كتير نازلة من عنيها

الموقف دا كل مفتكره جسمي كله يتنفض وافتح فلعياط

[AboELsoud]

اول مره اعيط في حياتي ساعت وفاه والدتي من 6 شهور
و لحد دلوقتي كل ما افتكرها لازم اعيط

[NoRmAl]

مانت بتعيط من تحت الخوزة يانورمال..وماحدش بيشوفك

ههههههههههههه

وبالنسبة لمواجهة السبب..أحيانا مستحيلة
زي مواجهة الموت بالظبط

هههههههههههه
حلوه منك يا دكتور :)))
والخوذه كلها مميزات :)

[icehearted girl]

هههههههههههه
حلوه منك يا دكتور :)))
والخوذه كلها مميزات :)

هوا حضرتك مبتعطيش غير علي موتوسيكل؟؟؟
لو الموضوع هيتداري بخوذة انا اجيب من بكرة

بس احنا اخرنا ماسك وبيخبي الوش كله ويسيب العينين اللي هي اصلا بنعيط منها

[NoRmAl]

هوا حضرتك مبتعطيش غير علي موتوسيكل؟؟؟
لو الموضوع هيتداري بخوذة انا اجيب من بكرة

بس احنا اخرنا ماسك وبيخبي الوش كله ويسيب العينين اللي هي اصلا بنعيط منها:n_no[1]:

أولا بس بلاش حضرتك دى يا أيس أنا كلى على بعضى 22 سنه :)))
وبعدين أنا مبقلعش الخوذه أساساً :))))
وموتوسيكل كمان :))
أنا أتهزقت :)

[A7MED_PHARMA]

هوا حضرتك مبتعطيش غير علي موتوسيكل؟؟؟
لو الموضوع هيتداري بخوذة انا اجيب من بكرة

بس احنا اخرنا ماسك وبيخبي الوش كله ويسيب العينين اللي هي اصلا بنعيط منها:n_no[1]:

ماهو لسه واخد مخالفة على الفيميه بتاع الخوذة

علشان محدش يشوفه وهوا بيعيط ..أو وهوا بيغمز للبنات

[icehearted girl]

أنا شكلي عكيت

[Ghamrawy]

هما 3 مرات فى حياتى اللى عيطت فيهم بحرقة و فى العلن و مدة طويلة

المرة الاولى و انا بادفن والدى الله يرحمه فى 24/8/2001
كنت ماسك نفسى جامد لغاية ما فتحوا القبر و ابتدى ينزل ساعتها ما قدرتش امسك نفسى خالص

المرة التانية فى 2005 بعد مكالمة تليفون حسستنى بالقهر و عدم الحيلة و الافترا و لغاية النهارده مش مسامح اللى كان السبب

المرة التالتة كانت فى رمضان فى الصلاة لما الشيخ قال دعاء طويل حسيت انه كان يقصدنى فى الدعاء ده

غير كده تلاجة متحركة

[NoRmAl]

ماهو لسه واخد مخالفة على الفيميه بتاع الخوذة

علشان محدش يشوفه وهوا بيعيط ..أو وهوا بيغمز للبنات

أدا أنت بتعرف كل الحاجات دى منين :)))
طيب أنا بعمل أيه دلوقتى :))))

[A7MED_PHARMA]

وماله الموتوسيكل يانورمال


أنا ركبت موتوسيكلات قبل كده ...لما كنت بشد العربية
ومن غير خوزة كمان..ماقولكش

في الصيف ..أحسن من العربية كتيررررررر

[A7MED_PHARMA]

أدا أنت بتعرف كل الحاجات دى منين :)))
طيب أنا بعمل أيه دلوقتى :))))

أكيد بتغسل الموتوسيكل

هههههههههههه

[samagroup]

انا بابكي في المواقف المو’ثره مثلا لما شفت فيلم احد جنود الاحتلال الامريكي للعراق صوره لبعض العراقيين ماشيين ولا بيهم ولا عليهم وفجاه طياره او اثتين ضربتهم بدون رحمه حتي اللي حاول يهرب من الضرب كانت الطياره بتابعه بالقذف وفجاه ظهرت سياره ميكروباس كان فيها طفلين في الكرسي الامامي والتصوير واضح للي صور وللطياره انهم طفلين ونزل من العربيه ناس علشان ينقذوا من تم ضربهم اولا ولكن الرحمه الامريكيه تابعتهم بالضرب ثم توجهت للسياره وبدم بارد فضلت تضرب في السياره وفيها الطفلين لدرجه ان السياره من الضرب لفت حول نفسها ثم بعد ذلك احد الجنود جري واخذ جثث الاطفال وحطها في مدرعه انا اسف اني حكيت الموقف الصعب ده ولكنها الحقيقه اللي بتحصل في العراق وفلسطين وافغانستان والشيشان وقبلهم في البوسنه والهرسك ولسه احنا نايمين علي ودنا ومش عارفين ايه اللي بيجري معانا وحولينا احنا لازم نعيط كل لحظه علي الحال اللي وصلنا ليه ودمنا اللي بقي رخيص بس لازم برضه نفوق من الغفله اللي احنا فيها ونعود لربنا ونقعد نعيط علي بابه لحد ما يرضي عننا وبذكركم ان العياط مش عيب لان ارجل راجل حافظ علي هذا الدين بعد الرسول صلي الله عليه وسلم كان بكاأأ سيدنا ابو بكر الصديق اسف للاطاله