هل دى حاجة طبيعية !!!

[m_car]

السلام عليكم ورحمة الله وبركاته

موضوع تعبنى جداااااااا وشاغلنى جدااااا لدرجة انى ساعات بتعب نفسيا وبحس انى هموت بجد

الموضوع وما فيه

انى كتير بحس انى هموت , يعنى ابقى داخل انام ويجى ليا حاجة تقولى انت هتموت وانت نايم

كتير جداااااا بحلم انى ميت وبشوف نفسى بموت

الموقف ده اتكرر كتير لدرجة انى فى مرة كنت داخل انام ولقيت صوت بيقولى انت هتموت انهارده قمت صليت ونمت وانا على يقين انى هموت وبقيت بودع الناس بطريقة غريبة

اعمل ايه الموضوع ده تعبنى فى ونفس الوقت فرحان لانى دايما متذكر الموت وده لان بجد نفسى اموت علشان ارتاح من الدنيا بما فيها حلو او وحش

انا ممكن مكنش منتظم فى الصلاة اوى بس الحمد لله عمرى ما اعمل الحرام ولا اجى جنبه

طيب حل اللى عندى ايه !!!!!

انا اكتر حاجة تعبانى جدااااا انى لو مت اكتر حد هزعل اوى عليه امى وابويا لانهم بجد غاليين اوى عندى

[icehearted girl]

هقلك كلمة واحدة بس















يبختك..

[m_car]

ازاى يا بختك

يابختك انى مش عارف انام

[icehearted girl]

لا

يبختك انك مفتكر الموت فكل وقت كدا

[m_car]

انا عارف ان ده كويس بس بجد انا تعبت من كتر التفكير انا مش بعرف انام

الحل ايه !!!!!!!!!!!!!!!!!!!!

[icehearted girl]

طب انت التفكير بيتعبك ف إيه؟؟ هل هو خوفك من الموت في حد ذاته؟؟

ولا حاسس انك مقصر ومش مستعد للموت فلوقت دا؟؟؟

يعني حدد سبب التفكير المستمر دا وخوفك

[m_car]

مجرد ان الواحد يفكر فى الموت ده فى حد ذاته يتعب الواحد

سواء مستعد او مش مستعد والله وربنا يعلم انى بحسد كل واحد رايح بندفن ولا حاجة

ده مش يأس منى ولا حاجة بس اكيد هو رايح دار الحق واحنا فى الباطل

التعب كله ان بالى مشغول اوى بالموضوع ده

شئ متعب جداااا مجرد انك ماشى وفى حاجة بتقولك فى ودنك انت هتموت كمان شوية انت لو ركبت العربية دى هتعمل حادثة وتموت

[Mzeid]

كانت عندي الحالة دي ايام الاعدادية
كنت حاسس احساس غريب اني هموت الكلام دة كان كل يوم

[M.almaghraby]

ربنا معاك

حاجة مؤرقة جدا

بس حاول تشغل نفسك بالحياة اكتر

[m_car]

دى اكتر حاجة قرفانى انى شاغل نفسى بالحياة وبالشغل والبيع والتجارة لدرجة انى تعبت بجد

[M.almaghraby]

خلاص انسي الموت

يا جماعة هوا لازم عشان الواحد ضميره يبقي صاحي يفتكر الموت علي طول !!!!!!!!!

اعمل لاخرتك و متغضبش ربنا فحاجة و سيبها علي الله يا راجل :))

[mahfouz1983]

نصدق بالله يا اخي الي بيموت اليومين دول بيستريح

[بحري]

لست وحدك...هناك الملايين حول العالم يعانون من ذات الشئ
thanatophobia
الإنسان به فطرة حب الاستمرار في الدنيا والخلود وفي نفس الوقت يعلم من واقع حياته أن لعمره نهاية كغيره من البشر..ويعلم من دينه أن ما بعد الموت له ترتيبات خاصة وحساب وجنة أو نار
فبالتالي الإنسان المؤمن يتكون لديه خوف مضاعف من الموت:
- لانتهاء حياته التي يتمتع فيها
- لعلمه بأنه سيحاسب على تقصيره

هذا الخوف الفطري والديني مقبول في حدود معينة بحيث لا يجعل الإنسان معطلا عن العمل والسعي لدنياه وأخراه...أما إذا تحول إلى حالة مرضية ووسواس دائم فيحتاج الإنسان وقتها إلى مراجعة طبيب

قد يزداد الشعور بالخوف من الموت نتيجة اكتئاب أو المرور بتجربة موت أحد المقربين أو مشاهدة الجنازات أو الدفن أو الجثث (طبعا الناس بتاعة طب بيحصلهم desenstization) ...لكن عموم الناس الموضوع بيفرق معاهم أحيانا كثيرة

الخلاصة
تذكر الموت دائما مطلوب ولكن من أجل المزيد من الطاعة والتقرب إلى الله والاستعداد للآخرة
ولكن إذا تحول إلى معوق وحاجز بين الإنسان والعمل فلابد له من مراجعة طبيب

طبعا في كلام كتير ممكن يتقال كنوع من التأهيل النفسي وزيادة الوعي والمعرفة ممكن نخليه في مشاركات تانية عشان كثير الكلام ينسي بعضه بعضا

[M.almaghraby]

(طبعا الناس بتاعة طب بيحصلهم desenstization)

فعلا :(

[sara2001]

مجرد ان الواحد يفكر فى الموت ده فى حد ذاته يتعب الواحد

سواء مستعد او مش مستعد والله وربنا يعلم انى بحسد كل واحد رايح بندفن ولا حاجة

ده مش يأس منى ولا حاجة بس اكيد هو رايح دار الحق واحنا فى الباطل

التعب كله ان بالى مشغول اوى بالموضوع ده

شئ متعب جداااا مجرد انك ماشى وفى حاجة بتقولك فى ودنك انت هتموت كمان شوية انت لو ركبت العربية دى هتعمل حادثة وتموت

اعتقد انك داخلياً بتتمنى الموت وبتفكر فيه كتير للسبب ده يأتي كثيراً في احلامك
حاول تنتظم في الصلاه وتقرأ في القرآن قبل النوم
وتشغل كل دقيقه في وقتك وتبذل مجهود بدني بممارسة رياضه كل يوم
علشان تنام من التعب بدون تفكير
احياناً تتملكني هواجس وأحلام الموت لكن ياريتها بتكون عني
للأسف بتكون خاصه بفقد الأحباء وبتكون أشد إيلاماً للنفس