عاوز تكييف للصيدلية..ضروري

[A7MED_PHARMA]

بلاش تعمل حاجه فى العربيه خالص خليها مستخبيه يا عم بلاش تصرف مليم واحد الناس وحشه جداااااااااااااااااااااااا

مش قادر أقاوم

هقولك على حاجة...أنا دخلي الشهري معقول

وبحب العربيات زي عنيا...حتى فكرت أني أجيب عربية نص نقل شيفرولية حاجة وتمانين
أركبلها جنوط ..وأغير لونها وأخليه أزرق ميتاليك..وأسقط مكنة بنزين .. و كساحات وأفلامانات
وأوزع عليها أدوية
بس الأساس ..أعملها لدماغي

زي دي كده




مش للدرجة دي طبعا ..بس حاجة زي كده يعني
ومش هتكلف فلوس تقريبا

[Car's Sniper]

فيه فكرة ثانية يا احمد باشا لو المكيف العادي غالي عليك

طالما ان المطلوب هو 5 درجات مئوية فقط وانت مش عايز تقعد مثلج يعني

يبقى ممكن مكيف صحراوي

ايوه تكنولوجيا قديمة وبيشتغل بالميا بدل الفريون بس بيرطب الجو وبيقلل درجة الحرارة بطريقة مطلوبة

سعره : اقل من نص سعر شارب او كاريير

عيوبه
1. تكنولوجي قديمة
2. منظر مش اد كده بس كده كده اللي مش عاجبه يبقى يدفع اللي عليه
3. اهم عيب في نظري : عدوى legionella لو تفتكر الميكرو دي بكتيريا بتعيش في التكييفاات اللي فيها ميا وبرضه دي ممكن التغلب عليها بتنظيف التكييف المستمر

وعلى فكرة لو التكييف العادي الحصان بيبرد 10 متر مربع
التكيف الصحراوي الحصان بيلطف 50 متر

حضرتك جبت المفيد فى السعر والمساحة اللى يقدر عليها ال1حصان...والعيوب دى كلها محلولة..يعنى اول عيب مش هاتفرق التكنولوجى طالما هيقوم بنفس الوظيفة اللى هايقوم بيها شارب
والعيب التانى انا بشوف كتير اشكال شيك جدا جدا ومنهم اشكال كانت بتيجى فى التليفزيون تحفة ونفس انسيابية الاسبليت
انا بارجح ده عن غيره عشان الصيدلية مكان مفتوح يعنى ميت واحد خارج وداخل والهوا الساقع هيهرب كتير وممكن يكون تقيل على التكييفات العادية ويطلع عينها..اما الصحراوى مش فارقة معاه اصله حمارحافظ مش فاهم ومابيقولش لأ ههههه
...........................
ايوة يادكتور أ.العلاوى..انا قصدى على القش ...بس دلوقتى خلاص اتطورنا بقى وعدينا مرحلة القش

[A7MED_PHARMA]

ايوة يادكتور أ.العلاوى..انا قصدى على القش ...بس دلوقتى خلاص اتطورنا بقى وعدينا مرحلة القش

طيب فكرة عمله إيه ..ممكن تفهمهالي

[Car's Sniper]

طيب فكرة عمله إيه ..ممكن تفهمهالي

مقدرش افتى بصراحة...بس اللى لما سألت واحد كان عنده قاللى انه مابيعملش حاجة غير انه بيحطله مية بس وينضفه كل اسبوع او اسبوعين مرة ولما باقوله على القش (زى ماكان بابا مفهمنى) قاللى ان ده كان فى الموديلات القديمة ودلوقتى بقت الياف صناعية
وتقريبا فكرة عمله انه بيبرد المية ويرش الرذاذ فى الجو... فى مرة وقفت قدام فتحته بالظبط لاقيته بيطلع هوا ساقع جدا وكان فى السعودية كمان ..
وكل اللى شفتهم تقريبا الشكل ده

دورت لحضرتك فى جوجل ولاقيت اللينك ده
المكيف المتنقل الصحراوي
واظن دا فكرة عمل القديم..ومن الافضل لو تسأل حد عنده الجهاز ده عشان يفيدك صح
وكان فيه اعلان فى التليفزيون عن تكييف صحراوى وفيه سخن كمان كان ب600 جنيه بس مش فاكر اى حاجة عنه

[drmsadek1979]

لو ممكن تقولي جبت الترمومترات دي منين وبكام اكون شاكر جدا

[A7MED_PHARMA]

لو ممكن تقولي جبت الترمومترات دي منين وبكام اكون شاكر جدا

ترمومتر إسمه مسطــرة ..للتلاجة
وترمومتر تاني ..شبه ساعة المكتب كده ..نصه ترمومتر لحرارة الجو..ونصه التاني لدرجة الرطوبة
الإتنين عاملين ..حوالي 60 جنيه

من شركة الرفيدة ...في الزقازيق..للمستلزمات الطبية

[SunSet]

ممكن تحط الترمومتر في الفريزر او ماء مثلج وتعين ناضورجي

واول ما يشوفهم جايين يبلغك في يلاقوا الترمومتر مسجل درجة 8-10 درجة رغم انهم غرقانين في العرق

[eng_ahmedryad]

هات تكييفين شباك 1,5 حصان = 3 حصان

من ماركة معروفة زي شارب - كارير مثلا

والتكييف الصحراوي هايعلي نسبة الرطوبة خصوصا في وجه بحري هايخنقك من علو الرطوبة

عدي كده على الموضوع ده :

http://www.nilemotors.net/Nile/159042-a.html#post3872785102

[A7MED_PHARMA]

ممكن تحط الترمومتر في الفريزر او ماء مثلج وتعين ناضورجي

واول ما يشوفهم جايين يبلغك في يلاقوا الترمومتر مسجل درجة 8-10 درجة رغم انهم غرقانين في العرق

والله العظيم فكرت فيها
بس لقيتها هتبقا فكسانة أوي ..يعني مش هيبلعوها
هههههههههههه
بس هما فعلا عندهم حق في درجة حفظ الدوا..بس بقالنا عقود من الزمن
الدوا المصري بيحفظ عادي بدون شروط
لسه قايمين ياخدوا بالهم من شروط حفظ الدوا دلوقتي

[رزق]

والله العظيم فكرت فيها
بس لقيتها هتبقا فكسانة أوي ..يعني مش هيبلعوها
هههههههههههه
بس هما فعلا عندهم حق في درجة حفظ الدوا..بس بقالنا عقود من الزمن
الدوا المصري بيحفظ عادي بدون شروط
لسه قايمين ياخدوا بالهم من شروط حفظ الدوا دلوقتي

أهي بداية يا دكتور.