الحد الادنى الى يخليك تعيش عيشه كريمه

[zkralla]

بفرض أن عندك ولدين وزوجه
أيه المبلغ الى يعيشيك عيشه كريمه دون اسراف
يعنى عربيه متوسطه يعنى لانوس وفيرنا
مدارس لغات بنت حلال او خاصه عربى محترمه
اكل متوسط يعنى الاكل العادى
مصيف متوسط يعنى مش مارينا وفنادق شرم لأ كفايه اسبوع فى السنه مطروح أواسكندريه
.... باختصار كل حاجه متوسطه بعيد عن المبالغه والاسراف وبعيد عن الفقر
يعنى عائله من الطبقه المتوسطه تحتاج كام شهريا

[MTAK]

تحتاج اولا قبل اى شئ

القناعة
ثم
الصدقة
ثم
صلة الرحم
ثم
ما ترزق به
----
صدقنى مهما كتبت من ارقام
بدون ما ذكر اعلاه فلن يكفيك و لو عشت على الكفاف

[zanativich]

والله حسب المكان الى انت عايش فيه
يعنى القاهرة غير ما تكون عايش فى السويس مثلا بعيد عن الزحمة و الوش
عموما انا شايف ان مش اقل من 5000 جنيه

[م. عصام مهنى]

اخى الفاضل كل واحد بيكيف حياته على قد الدخل بتاعه
يعنى ممكن واحد يعيش بـ 500 جنية فى الشهر
وواحد يعيش بــ 10000 جنية فى الشهر
كلا حسب دخله قد اية

[mr_sameh]

100000 يدوبك الواحد يعيش بيهم

[ghabbour]

من حوالى 10 ايام كان فى برنامج على ال اف ام ( اذاعة الرديو )
و كان البرنامج عن الموضوع ده
فى رسالة وصلت من زوجة بتشتكى من المصاريف و المرتبات مش مكفيها هى و زوجها و ولدين
و بتقول انها هى و زوجها دخلهما فى الشهر حوالى 18000 جنية
ده بجد
فكل اسرة بتعيش على قد مستوى دخلها
و الى سيبها على ربنا مبيخفش و سيبها على ربنا
و ربنا يحسن احولنا جميعا و احوال بلدنا و يقل الفساد و السرقة
و انا اعتقد ان اقل بيت يمكن يعيش على مستوى
فقير 800 جنية
اقل من متوسط حوالى 1500 جنية
متوسط حوالى 3000 جنية
فوق المتوسط 5000 جنية
فوق المتوسط مميز 10000 جنية
رفاهية من 30 الى 60000 جنية شهريا

[hfekry]

تحتاج اولا قبل اى شئ

القناعة
ثم
الصدقة
ثم
صلة الرحم
ثم
ما ترزق به
----
صدقنى مهما كتبت من ارقام
بدون ما ذكر اعلاه فلن يكفيك و لو عشت على الكفاف

الله عليك يا استاذ , ربنا يباركلك

[أبو_يوسف]

كل واحد بيعيش حسب دخله .. مش بيشوف المستوى اللي عايز يعيش فيه وبعدين يحدد دخله..

[John_Samy_1]

تحتاج اولا قبل اى شئ

القناعة
ثم
الصدقة
ثم
صلة الرحم
ثم
ما ترزق به
----
صدقنى مهما كتبت من ارقام
بدون ما ذكر اعلاه فلن يكفيك و لو عشت على الكفاف

المشاركة ديه عجبتني جدا, ربنا يبارك في حضرتك.

بس أنا كمان احب اجتهد واسيب ربنا يكمل وهو شيف اجتهادي وبيرزق دايما بالخير
والاجتهاد هنا هو تخطيط بسيط.
تعالى نفكر سوى بصوت عالي, ونسمع رأي بقيت الأعضاء المحترمين واللي هيفكرنا بأي حاجة ناسينها

بفرض أن عندك ولدين وزوجه
أيه المبلغ الى يعيشيك عيشه كريمه دون اسراف
يعنى عربيه متوسطه يعنى لانوس وفيرنا

بافتراض إنه مفيش اقساط هنقول العربية بتعمل حوالي 30,000 كيلو سنويا يعني حوالي 3 صيانات دورية = حوالي 4000 جنيه وحوالي 3000 لتر بنزين أو اقل = 6000 جنيه يبقي عربية بس 10000 جنيه سنويا غير أي مفاجآت.

مدارس لغات بنت حلال او خاصه عربى محترمه

بفترض طفل في بداية الحياه ( بلاش إعدادي ونحسب دروس من دلوقتي )
المدارس = 3000 جنيه سنويا لو مدرسة بنت حلال بس مدارس لغات احنا بنتكلم في 5000 جنيه لو فيه باص يبقى زود 2000 جنيه, مصاريف تشغيل الطفل ( ده منتدي سيارات ) 50 جنيه موبيل في الشهر, 400 جنيه ( على الاقل) ملابس ولعب في الشهر, 90 جنيه في الشهر مصروف ( ننسى بقي أيام ال 35 قرش ) يبقى الطفل سنويا دخْل في حوالي 12000 جنيه بدون باص أو 14000 جنيه بالباص.


اكل متوسط يعنى الاكل العادى

أنا حاولت كتير اخلي مصاريف اكلي أنا لوحدي تقل عن 1500 بس معرفتش. بس أنا كل اكلي من بره ( والدي ووالدتي متوفين وانا مش متجوز ولي أخ اعيش معه ) فـنقدر نقول لو شلنا تم el-delivery وحطناه في اللبن والسمن ( حاجات أنا مش بجيبها) هيكون متوسط الصرف ل2 بالغين وطفلين حوالي 2500 جنيه ( زوجتك مدبرة جدا جدا ) أو 4000 جنيه وده الاغلب

مصيف متوسط يعنى مش مارينا وفنادق شرم لأ كفايه اسبوع فى السنه مطروح أواسكندريه

تعالى نقول هانحط ميزانية 3000 جنيه ل مصيف ( شقة بـ120 جنيه في الليلة لمدة 7 أيام, شط وشماسي, فسح ) وهندبر بيهم المصيف ولو خلصوا هنقطع المصيف ونرجع

.... باختصار كل حاجه متوسطه بعيد عن المبالغه والاسراف وبعيد عن الفقر

فيه بقي حاجات ملهاش علاقة حضرتك مصرف ولا لأ زي مثلا لا قدر الله العيا أو الحوادث أو الظروف تعالي نفترض 4000 جنيه سنويا وسنة تشيل سنة ( زي تأمين العربيات ), لازم يكون برده فيه فسح في الصيف, عزومات في الاعياد وحاجات تانية هنقول هتتدبر من ميزانية الشهر المسكين بس غالبا هنخرم في 3 شهور في 1500 جنيه مثلا فـكده فيه 4500 رفاهية واجبة لتوفير حياه صحية كريمة

يعنى عائله من الطبقه المتوسطه تحتاج كام شهريا

10000 عربية +
12000 * 2 مدارس و 2 طفل +
30000 ميزانيه بيت +
3000 مصيف +
4000 طوارئ +
4500 تخريم ورفاهيات أو تحويش للمستقبل المظلم

يبقى احنا بنتكلم في حوالي
6291 جنيه شهريا النهارده لو معاك طفل واحد بدون تحويش محترم على اسعار الناهردة
لو عياز تزود كماليات زي

طفل تاني ( ممكن تيجي توأم من أول مرة ) 1000 جنيه شهريا

نفسك ابنك لما يتخرج تسيبله حاجة 1000 جنيه شهريا.

من الاخر لو حسبتها هتلقي نفسك لازم توفر إنت والمادام 6000 جنيه شهريا ( وهنشد الحزام شوية ) الناهردة ( ربنا اللي يعلم السنة اللي جية الوضع هيكون إيه ) ده غير لو احنا ناسين حاجة.

الله يكون في عن الجميع
تقبل تحياتي

[mostafabakry]

والله حسب المكان الى انت عايش فيه
يعنى القاهرة غير ما تكون عايش فى السويس مثلا بعيد عن الزحمة و الوش
عموما انا شايف ان مش اقل من 5000 جنيه

+1
بس النهاردة في ظل الغلاء اللي احنا عايشين فيه 5000 اصبحت الحد الادني لحياة كريمة و حط خط تحت كريمة دي

اخى الفاضل كل واحد بيكيف حياته على قد الدخل بتاعه
يعنى ممكن واحد يعيش بـ 500 جنية فى الشهر
وواحد يعيش بــ 10000 جنية فى الشهر
كلا حسب دخله قد اية

بصراحة دي مش اسمهما عيشه دا اسمه انتقام تعذيب و ذل و حرمان و ربنا ما يرضاش بكدا
لما يبقي كيلوا اللحمة العادي ب 50 جنيه بس من غير خضار و باقي طلبات البيت
يا جماعة خلينا منطقيين مين يقدر يعيش هو و اسرته ب 500 جنيه و عنده عربية كمان و مدارس و اكل و شرب و لبس و مرض و دواء و و و و الخ

من حوالى 10 ايام كان فى برنامج على ال اف ام ( اذاعة الرديو )
و كان البرنامج عن الموضوع ده
فى رسالة وصلت من زوجة بتشتكى من المصاريف و المرتبات مش مكفيها هى و زوجها و ولدين
و بتقول انها هى و زوجها دخلهما فى الشهر حوالى 18000 جنية
ده بجد
فكل اسرة بتعيش على قد مستوى دخلها
و الى سيبها على ربنا مبيخفش و سيبها على ربنا
و ربنا يحسن احولنا جميعا و احوال بلدنا و يقل الفساد و السرقة
و انا اعتقد ان اقل بيت يمكن يعيش على مستوى
فقير 800 جنية
اقل من متوسط حوالى 1500 جنية
متوسط حوالى 3000 جنية
فوق المتوسط 5000 جنية
فوق المتوسط مميز 10000 جنية
رفاهية من 30 الى 60000 جنية شهريا

انا معاك في التقسيمة دي طبقا للظروف الراهنة في البلد العجيب اللي احنا فه

تحتاج اولا قبل اى شئ

القناعة
ثم
الصدقة
ثم
صلة الرحم
ثم
ما ترزق به
----
صدقنى مهما كتبت من ارقام
بدون ما ذكر اعلاه فلن يكفيك و لو عشت على الكفاف

طبعا كلام جميل و لا غبار عليه بس دي حضرتك انت عشان تصل رحمك و تزور قرايبك علي الأقل عاوزلك 3-4 كيلو فاكه تدخل بيهم في ايديك عالناس و لما تحسب النهاردة تمنهم هتلاقيه دخل في40-50 جنيه !!!!
الصدقة محتاجة انه يكون عندي اقل احتياجاتي اليومية عشان اقدر اتصدق صح و لا انا غلطان
القناعة موجودة و الحمدلله احنا مش عايزين اكتر من حياة كريمة و بس مش محتاج شالية في بورتو سخنة و لا رحلة لأوروبا عشان اشتري الكسوة بتاعة العيال و لا خروجة في فندق خمس نجوم كل يومين تلاته و لا كلام اللي بنشوفة في التلفيزيون دا
الحياة الكرييييييييييمة فقط لاغير حتي مش لازم كريمة ممكن نادية او باتعة او حتي ست ابوها يا جدعااااااااان

حرام و الله اللي بيحصل فينا دا

[zkralla]

اخى الفاضل كل واحد بيكيف حياته على قد الدخل بتاعه
يعنى ممكن واحد يعيش بـ 500 جنية فى الشهر
وواحد يعيش بــ 10000 جنية فى الشهر
كلا حسب دخله قد اية

ايوه فعلا
بس أنا باسأل سؤال افتراضى هل ابو 500 جنيه هيعيش عيشه كريمه ولا لأ

كل واحد بيعيش حسب دخله .. مش بيشوف المستوى اللي عايز يعيش فيه وبعدين يحدد دخله..

هو أنا باسأل عشان احدد دخلى ؟؟؟؟؟؟؟
مش معقوله يعنى

السؤال كان الهدف منه معرفه الرقم الى كانوا بيتكلموا عنه الى هو الحد الادنى للرواتب فى مصر وهو 1200 جنيه وأنه رقم الى تحته يعتبر تخطى الى حد الفقر وطبعا الرقم ده مش ناس كتير بيأخدوه الغالبيه دخلهم اقل من كده
مش عارف يمكن 70% من الشعب المصرى
فيه ناس فى مصر دلوقتى بيأكلوا من الزباله وديه مش مبالغه والله العظيم أن ده واقع شوفته بعينى

[John_Samy_1]

كل واحد بيعيش حسب دخله .. مش بيشوف المستوى اللي عايز يعيش فيه وبعدين يحدد دخله..

ده صح بس لازم تكون عارف نفسك تروح فين بكرة عشان تحاول تختار طريق يناسبك في الحياه. مش عيب تكون طموح. فيه حكمة بتقول "اللي مش عارف عيز يروح فين أي طريق مناسب ليه". أنا مبحبش أمشي في أي طريق والسلام فـلازم أحول احدد وجهة أنا ريح لها عشان أعرف اختار طريق.

[mahmoudysf]

طيب بعد الارقام الرهيبة اللي اتكتبت دي
يبقى معى كدة موظفين الحكومة ميتين مش عايشين
على اعتبار ان مرتبات الموظفيين العاديين من 1000 الى 1500
والله واعرف ناس مش بتكمل 1000 جنية
السؤال بقى هل نلوم دول لما يرتشوا
ولا نلوم اللي وصلهم لكدة

[viper911s]

عادى عادى عادى عادى
اية المشكلة يعنى
وانتوا تعيشوا لية
مش هما عايشين
خلاص احمدوا ربنا انهم سايبنكوا تتحركوا فى بلدهم
وسايبنكوا ساكنين فيها
دا انتوا مفتريين اوى

[John_Samy_1]

احنا كمان افترضنا وجود سكن. حياه كريمة صعب جدا تتوافر في حدود 1200 جنيه. كريمة ديه معناها متطلباتك الحياتية البسيطة اللي تخليك حاسس إنك إنسان محترم بدون أي رفاهية تكون متوفرة في حدود 1200 جنيه. إزّي؟؟؟؟؟
ده أنا لو معيا 3000 جنيه بتزل بمعنى الكلمة لو دخلت المرور اجيب ورقة أو اخلص أي ورقة حكومية. لو حاولت اركب ميكروبص بتتهان ادميتي وادميه الناس اللي حوليا وده فيه اهانة ليَّ أنا كمان ( الستات بتتزق عشان الشباب ينط يركب من الشباك ). و باتزل أكتر وباسمع كلام ميسرش وانا بجيب حاجة رخصة وباسمع كلام من عينة "ماهو على اد فلوسك".
اللي بيرتشي أو يهين حد عشان مش معاه فلوس ممكن يكون بيعمل كده عشان هو نفسه محتاج فلوس لمراته, ولاده, أمه, اخواته عشان يعيشوا عيشة كريمة. 1200 جنيه يعمللوله إيه؟ أنا مش ببرر أنا بس بأسأل بصوت عالي عشان لو لقينا حل نواجهه بيه.
نص المشكلة إننا قررنا إننا مانحترمش بعض إلا بالفلوس, والنص التاني جي من اللي خلانا مضطرين نعمل كده عشان نوفر حياه كريمة مش لينا حتى ده ممكن يكون لاهلنا أو اللي مسئولين عنا.
ربنا يكون في عن الجميع