هتعمل إيه ...؟؟؟ مفروووس

[A7MED_PHARMA]

السلام عليكم

الدكتورة إلي كنت واخد إسمها أيام الجامعة علشان أفتح بيه الصيدلية
كانت هنا النهاردة في الصيدلية

الست دي من زمان ..وأنا مش بستريح لها
لما كانت بتيجي الصيدلية ...كانت تشتكيلي من البنات ..وتقولي البنات مش بيعاملوني كأني دكتورة
ولما تقعد مع حد غريب ..تشتكيله مني
وتقول إني مش بعاملها كأنها دكتورة ...
وتحس عندها بعقدة نقص وإضطهاد فظيعة

المهم

كانت واخدة شوية حاجات شكك من زمان
وجت النهاردة قعدت شوية مع البنات
وراحت فاتحة الدرج بتاع الفلوس ..وقفلته
وقالت للبنات "إنا دفعت الفلوس إلي عليا أهه ..إشطبوا بقا حسابي"

........
أنا طبعا خصمت للبنات كل واحدة يوم..علشان ماينفعش أنهم يسيبوها (أو أي حد غيرها)يفتح درج الشغل بالطريقة دي
وخلاف كده
البنات حلفولي ..إنها ماحطتش فلوس في الدرج
والأتنين أكدوا إنها فتحت الدرج..وقفلته تاني ..وماحطتش مليم واحد
والحل
البنات طبعا ماعرفوش يتصرفوا إزاي..وإستنوني لما جيت وحكولي
أنا نفسي مش عارف أتصرف أزاي ...أروح أقولها إنتي بتستهبلي؟؟؟؟
ولا أعمل إيه

موقف صعب أوي ..بالنسبة ليه

حد عنده حل .. أنا مش هسيب الفلوس لها..ولازم أخد فلوسي
أعمل إيه ياشباب؟؟؟

[محمد محمد]

فهمها الموضوع وقولها مافيش حاجة اتحطط في الدرج هتقولك ازاي وبتاع قولها انا كل يوم بعمل جرد وعندي دفتر والفلوس اللى انت حطتيها مش متأيدة......بس لو البنتين اللى عندك شطبوا علي اسمها يبقي هما اللى يتحملوا المسؤولية.

[msafa]

انت محتاج شوية خطوات
اول حاجة الخصم للبنات يوصل لاسبوع ولو صعب تغيرهم على الاقل 3 ايام، الدرج ده مينفعش حد يقرب منه مهما كان، المفروض انت شخصيا تستلمه منهم بالجنيه و القرش

تاني حاجة، في اسلوب معين ممكن تكلم بيه الدكتورة
يعني مثلا
زي ما حضرتك عارفة ان احنا بنعمل جرد كل يوم - تلاميذك بقى
و اني طبعا مسؤول بشكل مباشر عن الصيدلية
الفلوس اللي حضرتك بتقولي انك حطتيها في الدرج مش موجودة
وانا كمسؤول مباشر فعلا مشوفتش اي فلوس اتحطت في الدرج، فالفلوس لما تحبي ترجعيها يا ريت ابقى أخدها منك شخصيا، فشوفي حضرتك تحبي ترحعيها امتى ------ دا احنا تلاميذك

معرفش انت لسة محتاجها الدكتورة دي ولا لأ



اتمنى ان اجتهادس ممكن يفيدك
وربنا يعينك ان شاء الله

[A7MED_PHARMA]

شكرا جزيلا على الرد

بس الطبيعي والمنطقي ...إني لما أروح أكلمها(مهما كان الأسلوب)هيا هتتمسك بموقفها
وممكن كمان تحلف إنها حطت الفلوس(علشان لو قالت غير كده ..هتبان قدامي كأنها حرامية)
وهيا طبعا مستحيل تظهر نفسها قدامي إنها حرامية

فالمنطقي
إنها هتتمسك برأيها ...وكمان ممكن تتهم البنات بالسرقة علشان تبرأ نفسها من تهمة قذرة زي السرقة
؟؟؟؟
والحل يارجالة


وأنا متأكد إنها عملت كده...علشان أنا عارف طبعها كويس
دي كانت بتيجي تاخد أي دوا من الصيدلية ...لازم تشوف الفواتير(رخامة يعني)وتشوف سعر جملته ...وتاخده بسعر الجملة
لكن أنا منعت الموضوع ده من زمان
فأنا متخيل إنها شايفة الفلوس دي ..حقها

[blazer]

موقف صعب جداا
بس سؤال
انت فعلا ممكن تحتاج الدكتوره دى تانى
لو مش محتاجا يبقى اتكلم معاها بكل صراحه
لان دا حقك وهى سورى يعنى تعتبر سرقتك او اكلتك حقك عليك
حتى لو مبلغ صغير
! ربنا معاك بصراحه موقف وحش اوى

[X_MM_X]

بص يا د أحمد طالما طلعت من الصيدليه والبنات سابوها فخلاص كده صعب تكلمها في حاجه لإنها هتنكر

[omar-saad]

موقف صعب
بس انتا لازم تواجهها بالحقيقة
علشان انتا لو سبت الموضوع دا كدا هاتتعود بقى وهاتبقى زيطة
وتكلمها بالذوق وبالراحة
واكيد انتا وهية فى تعاملات مالية مابينك وبينها لو مارضيتش تدفع
ابقى اخصم المبلغ دا من اى تعامل
وبعد كدا تنبه على اى حد بتثق فية من البنات انها تسلمها الفلوس بايدها وتكتبهم فى اجندة مخصصة لدا علشان ماتبقاش فى حجة بعد كدة
وانا شايف انك تفكك بقى منها وتنقل الصيدلية باسمك
علشان تحس براحة نفسية
وربنا يوفقك للخير

[Mzeid]

السلام عليكم

أولا لازم تروح تكلمها بس مش قدام ناس طبعا
ثانيا تهزر معاها بكلمتين كدة
ثالثا تبدا تفتح معاها الحوار
تقولها أنا كنت بعمل جرد و البنات بلغوني انك جيتي الصيدلية و فتحتي الدرج علشان تحطي الفلوس بس في الجرد ملقيتش الفلوس اللي حضرتك حطتيها و البنات حلفوا و أقسموا أن هما ما اخدوش حاجة فعديت على حضرتك علشان الفلوس بس علشان اكيد حضرتك نسيتي تحطي الفلوس

أو

البنات في الصيدلية بلغوني أن حضرتك عديتي علي في الصيدلية علشان الفلوس بس قالوا لي ان حضرتك اترددتي تحطي الفلوس قدامهم و قفلتي الدرج فجيت علشان احصل الفلوس بيني و بين حضرتك

[blazer]

البنات في الصيدلية بلغوني أن حضرتك عديتي علي في الصيدلية علشان الفلوس بس قالوا لي ان حضرتك اترددتي تحطي الفلوس قدامهم و قفلتي الدرج فجيت علشان احصل الفلوس بيني و بين حضرتك

+9999999
فى الجون
لو عندها شويه ضمير و احساس هتديهمللك
ادخول دخله لطيفه جدا و مش قدام حد
و ممكن تقولها هو انتى اترددتى ليه يا داكتوره تحطى الفلوس هو انتى مش بتثقى فى البنات اللى شغالين
فقولتى تديهملى شخصيا
و كدا يعنى
ولا اقوللك اديها حقنه تيمو :]

[SunSet]

هو المبلغ كام يعني.؟

وبعدين مش حضرتك صيدلي؟؟ ازاي وليه الصيدلية مش مكتوبة بإسمك !!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

[A7MED_PHARMA]

إنتوا ماأخدوتوش بالكم من تعليقي على شخصيتها

هيا غالبا شايفة الفلوس دي حقها....علشان إسمها على الصيدلية ..يبقا من حقها تاخد أي شئ بسعر جملته
وأحيانا كانت بتعمل خصم لنفسها ...فوق سعر الجملة كمان ...يعني كانت بتخسرني فلوس
ولما منعت الموضوع ده من زمان
ولما تاخد أي حاجة ..تتكتب بسعر البيع للجمهور..وهيا تتحاسب عليها بسعر الجمهور

شخصية غير طبيعية
وقال عاوزاني أول ماهيا تيجي الصيدلية ...أقوم لها من على المكتب وأقولها إتفضلي يادكتورة إقعدي
مع العلم إنها في نفس سني ..يعني 26 سنة
وأنا أخدت إسمها وأنا في الجامعة ..علشان أنا كنت قعدت 3 سنين في طب قبل ماحول صيدلة
يعني هيا مخلصة قبلي بــ3 سنين
وأنا واخد إسمها على الصيدلية أيام ماكنت في الجامعة


بس مخها مش طبيعي بالمرة

وحسبي الله ونعم الوكيل فيها...دي كانت بتاخد 900 كل شهر..بيروحوا لها لحد باب البيت

وكمان طمعانة في أكتر
وشايفة إنها من حقها تاخد أي حاجة ..بأقل كمان من سعر الجملة

إيه البشر المتخلفة دي؟؟؟

[A7MED_PHARMA]

هو المبلغ كام يعني.؟

وبعدين مش حضرتك صيدلي؟؟ ازاي وليه الصيدلية مش مكتوبة بإسمك !!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

يامسلمة

أنا كنت في طب 3 سنين قبل ماحول صيدلة
ولسه مخلص صيدلة السنة إلي فاتت
والمفروض أنقل الصيدلية بإسمي خلال الفترة إلي جاية دي..

تمام كده..فهمتي الموقف

[Mzeid]

إنتوا ماأخدوتوش بالكم من تعليقي على شخصيتها

هيا غالبا شايفة الفلوس دي حقها....علشان إسمها على الصيدلية ..يبقا من حقها تاخد أي شئ بسعر جملته
وأحيانا كانت بتعمل خصم لنفسها ...فوق سعر الجملة كمان ...يعني كانت بتخسرني فلوس
ولما منعت الموضوع ده من زمان
ولما تاخد أي حاجة ..تتكتب بسعر البيع للجمهور..وهيا تتحاسب عليها بسعر الجمهور

شخصية غير طبيعية
وقال عاوزاني أول ماهيا تيجي الصيدلية ...أقوم لها من على المكتب وأقولها إتفضلي يادكتورة إقعدي
مع العلم إنها في نفس سني ..يعني 26 سنة
وأنا أخدت إسمها وأنا في الجامعة ..علشان أنا كنت قعدت 3 سنين في طب قبل ماحول صيدلة
يعني هيا مخلصة قبلي بــ3 سنين
وأنا واخد إسمها على الصيدلية أيام ماكنت في الجامعة


بس مخها مش طبيعي بالمرة

وحسبي الله ونعم الوكيل فيها...دي كانت بتاخد 900 كل شهر..بيروحوا لها لحد باب البيت

وكمان طمعانة في أكتر
وشايفة إنها من حقها تاخد أي حاجة ..بأقل كمان من سعر الجملة

إيه البشر المتخلفة دي؟؟؟

دي المشكلة
لأن أضع اسم أي شخص أو منتج أو شركة على عملي لازم ادفع فلوس زي المطاعم اللي عندنا اللي واخدة الاسماء زي ماكدو و بيتزا و الناس

فهو بصراحة حقها أنها تاخد مقابل أنك يا دكتور استغليت اسمها بس اللي مش ظريف أنها تعمل كدة على أساس أنها تاخد فلوس او أدوية
و كان المفروض انها لو عايزة تعمل كدة كانت تبلغك تقولك بينك و بينها أنها عايزة مقابل مش بالطريقة المستفزة دي :b4_237: بالأسلوب دة

[SunSet]

يامسلمة

أنا كنت في طب 3 سنين قبل ماحول صيدلة
ولسه مخلص صيدلة السنة إلي فاتت
والمفروض أنقل الصيدلية بإسمي خلال الفترة إلي جاية دي..

تمام كده..فهمتي الموقف

ماشي بس حضرتك برضه ما قلتش المبلغ كام

لان طالما انت تقدر تكتب الترخبص بإسمك يبقى خلاص امشي في إجرائتك واخر مبلغ هي تأخذه إخصم منه المبلغ اللي هيه قالت انها حطته

طبعا ما يصحش انها تشتري شكك وصراحة المفروض حضرتك توقف التعامل ده مع اي حد

وبالنسبة لمسألة انها بتعوز يتعمل لها خصم يمكن يكون عندها حق من باب العشم وكمان اداب المهنة

يعني مثلا ( وللأسف ده ما بقاش بيحصل) المفروض الدكتور مش بيأخذ من دكتور زيه تمن الكشف

دي اقل اصول اللياقة

ما علينا

حضرتك بس انقل الترخيص بإسمك لان مفيش مبرر ان يفضل الترخيص بإسم حد تاني

[Mzeid]

اه معلش هي بتاخد 900 جنيه كل شهر
اه أسف معلش كنت فاهم غلط بس
لا دة كدة استفزاز واضح
اخصم منها المبلغ من الشهر اللي جاي يا دكتور و خلاص