تمور بس من غير بروتينات رجاء

[د/أحمد ابراهيم]

رمضان على الابواب

ومش عارف اشتري تمور رمضان من فين

خاصة ان بعض الاشخاص عايزين يشتروا كميات كبيرة للتوزيع على المساجد -افطار صائم-

كنت ديما بجيب نوع اسمه الطحان (كراتين صغيرة 3 كيلو او 2.5 كيلوا) وكان ممتاز بجد ونضيف جداا

السنه دي نفس الشركة غيرت الاسم بقي : الصفوة

والمستوي غني بالبروتين (سوس بالعربي)

عايز اجيب حاجة نضيفة للبيت وعشان التوزيع بتاع المساجد (عشان دي امانه)

كان في سوق العبور بلح بيجي من السعودية وكان كويس بس الاسعار والتجار متعبين

دول الخليج اعتقد البلح عندهم موسمه قبلنا عشان درجات الحرارة العاليا

ياريت اي احد يعرف اجيب تمور وبلح نظيف منين

وان شاء الله يكون له نصيب في الاجر والثواب عند الله

[أبو عبدالله]

في نوع انا مجربه كويس جدا ومن افضل الأنواع اللي جربتها مصري
هو ميزته انه ملحم زي ما بيقولوا واغلبه طعمه زي بعضه مش كل بلحايه بطعم شكل زي باقي الانواع
هو اسمه اولاد علي وموجود في هايبر وان عالطول ودائما بجيبه من هناك
وربنا يتقبل منا ومنكم ان شاء الله

[بحري]

المشكلة إن التمر بقاله كام سنة الموسم بتاعه مش متوافق مع رمضان فكل سنة بتشتري تمر السنة اللي قبلها
غير كده الوضع في العراق أثر كتير جدا على سوق التمور