ايه رأيكو فى Sony ericsson X10

[yoko]

طب بما إنك في أرض الجولف أول ما أروح لختي هقلبه منك عشان نفسي أمسكه :) ولولا اللاب الي إتحرق كنت جبته

[Gabrial]

هو جواه ال android market بسم الله ما شاء الله !! ملياااااان

كدة تمام ،شكراً ،مستنيين ريفيو حلو ،ألف مبروك .

[AhMeD EzZ]

طيب ممكن ريفيو صغير عنو
و عن نظام android عشان متعملتش معاة قبل كدة عايز اعرف ايه نظامة سهل و لا معقد
و الف مبروك الموبايل

[Gabrial]

طب بما إنك في أرض الجولف أول ما أروح لختي هقلبه منك عشان نفسي أمسكه :) ولولا اللاب الي إتحرق كنت جبته

أول ميوصل هقولك يا أحمد عشان لو عايز تشوفه .

[yoko]

أول ميوصل هقولك يا أحمد عشان لو عايز تشوفه .

أصل انا مسافر بره مصر يوم الخميس
وبابا ناوي يجيبه وأنا هموت وأقلبه منه!!! ورأفته بيه قلتله هديلك القديم بتاعي وبلاش أكتب رده هنا

[AhMeD EzZ]

أصل انا مسافر بره مصر يوم الخميس
وبابا ناوي يجيبه وأنا هموت وأقلبه منه!!! ورأفته بيه قلتله هديلك القديم بتاعي وبلاش أكتب رده هنا

هههههههههههه
اتوقع الرد دة زي الي اتقالي لما حاولت اقلب الماك بوك من بابا
صحيح يبني عايز اشوفك قبل ما تسافر و لا ناوي تهج من برة برة

[Gabrial]

أصل انا مسافر بره مصر يوم الخميس
وبابا ناوي يجيبه وأنا هموت وأقلبه منه!!! ورأفته بيه قلتله هديلك القديم بتاعي وبلاش أكتب رده هنا :pointiy2[2]:

معلش تعيش و تقلب ،إن شاء الله قبل يوم الخميس هيكون موجود ،سبهوله شوية وبعد كدة هتلقيه إدهولك ،مفيش أطيب من الاهل ،ربنا يخليه لكم .

[yoko]

هههههههههههه
اتوقع الرد دة زي الي اتقالي لما حاولت اقلب الماك بوك من بابا
صحيح يبني عايز اشوفك قبل ما تسافر و لا ناوي تهج من برة برة

إنت بس قول إمتى يا باشا وأنا أجيلك
وهو نفس الرد غالبا

معلش تعيش و تقلب ،إن شاء الله قبل يوم الخميس هيكون موجود ،سبهوله شوية وبعد كدة هتلقيه إدهولك ،مفيش أطيب من الاهل ،ربنا يخليه لكم .

يا رب ولأ في الحاجات دي إستحاله ممكن يقولي أجبلك واحد بس بتاعي إنسى!!!

[AhMeD EzZ]

إنت بس قول إمتى يا باشا وأنا أجيلك
وهو نفس الرد غالبا

افعص هنااااا

http://www.nilemotors.net/Nile/167024-a.html#post3872879130

[shery103]

بعد كام ساعة من استخدام الجهاز

اندرويد بجد سهل جدا جدااااااا ، انا مش من الناس اللى يحبو يقرو كاتالوج او يدورو على النت ازاى حاجة بتتعمل ، انا بستكشف

كل اللى كنت عارفاه عن اندرويد قبل كده حاجات بسيطة جدا ، و قريت review للجهاز كان فيه كذا صورة ، و خلاص على كده

نعمل بقه الريفيو بتاعى

اولا ، فى العلبة ، عندك التليفون ، جراب جلد حلو و شيك ، سماعة بسلك عادية تنقسم الى جزئين ( المايك و زرار الرد على المكالمة فى جزء ، و الجزء التانى هيدفون عادى عشان لو عايز تركب اى سماعات تانية تقدر )

ثانيا بقه و ده الجميل ، سماعة ستيريو بلوتوث براديو ( عشان الموبايل مفيهوش راديو ) ، و برضو ممكن توصلها اى سماعة مش شرط السماعة اللى جاية معاها ( و ممكن تسمع راديو من غير ما تبقى السماعة متصلة بالموبايل عشان الراديو ملوش علاقة بالموبايل )




طبعا فى شاحن ، بس بيدخل فيه كابل USB ، فالموبايل بيتشحن من فتحة ال USB

نيجى للتليفون بقى
اول حاجة تلاحظها فيه الشاشة
4 inch
و ال resolution 480x854
الشاشة رائعة ، ممتعة فعلا و مبقتش عايزة اسيب التليفون !!
استجابة الشاشة كويسة جدا و مفيش فيها اى مشاكل
جربت اكتب sms و طبعا حاجات على النت و الكيبورد مريحة و واضحة

اندرويد :
مع ان الجهاز بييجى عليه نسخة قديمة من اندرويد 1.6 الا انه سريع جدا ( بروسيسور 1 جيجا )

مشكلة صغيرة كنت قريت عنها قبل ما اجيبه و عشان كده حليتها اول ما فتحته تقريبا ، ان مفيش task manager فبالتالى لو محتاج تقفل برامج مفتوحة عشان الرام لازم تجيب برنامج task killer ، و دول فى منهم كتير فى ال android market ، لازم ضرورى واحد يكون موجود على الجهاز لان مع الوقت لو برامج كتير متسابة مفتوحة الرام هيقل و بالتالى الجهاز هيتقل


ال android market جميل جدا لحد دلوقتى ، دخلت و نزلت برامج و لعب كتييييييير جدا و فيه برامج كتير جدا اكتر ما كنت متخيلة ، و اكيد لسه فى مواقع تانية كتير فيها برامج بس انا لسه مدورتش

الكاميرا لسه مجربتهاش بس هى 8 ميجا بيكسل

فتحت تليفونى القديم sony ericsson P1i عشان انقل الارقام و الصور و ال notes و حاجات تانية ، الدنيا كانت سهلة عملت pair للاتنين و نقلت الارقام فى ثانية send all و التليفون استقبلها و عملها Import فى ال phonebook

نقلت الصور و برضو كل حاجة بتروح فى مكانها ( عاجبنى الموضوع ده القديم مكنش كده )


اللى يفرق التليفون ده عن اى تليفون اندرويد هو برنامجين من سونى اريكسون
Mediascape
Timescape

ميديا سكيب هو عبارة عن برنامج بيجمع الصور و الاغانى و الفيديوهات كلها مع بعض ، مريح و سهل

تايم سكيب هو برنامج لل social networking integration للمدمنين من امثالى
عملت connect لل accounts بتاعتى فى facebook & twitter ، و هو بيعرض اخر ال updates من كل البرامج او من اللى تختاره ( يعنى ممكن اختار فيسبوك بس مثلا ) و طبعا ممكن تعمل update و تختار ال update يروح فين

حاجة كمان لذيذة اوى انك ممكن تربط حد على الفيسبوك او تويتر برقمه فى ال phonebook ، فلما تفتح اسمه فى ال Phonebook ، يجيبلك ال call log بينك و بينه ، و ال sms بينك و بينه ، و ال updates بتاعته ، و طبعا كل ده فى tabs فى صفحة الشخص ده


ال Browser اللى جاى مع التليفون لذيذ و كويس ، و ان كنت قريت ان ناس كتير بتنصح انى انزل واحد تانى ، هنجرب و نعرف

الجهاز جاى معاه Micro SD 8 GB و ممكن ياخد لحد 32

ال messaging معمولة فى شكل threads ( زى chat ) و دى حاجة مريحة جدا ( لسه لما المسجات تكتر هحس بقيمتها )

فى 3 homescreens فى التليفون و طبعا ال 3 بتختار ايه ال icons اللى تطلع فيهم ، ممكن تبقى shortcut لبرنامج او شخص او تبقى widget زى مثلا ساعة عادية او ديجيتال او icon بطارية جبتها من ال market او toolbar يتحكم فى البلوتوث و الوايرلس و ال gps و النغمات ( silent , vibration, normal )


لحد دلوقتى مشفتش اى مشاكل ، نوافيكم بالاخبار لاحقا لما ادعبس فيه اكتر

[shery103]

دى السماعة
Sony Ericsson - Products - Accessories - Overview - MW600

[Gabrial]

تسلم ايدك على الريفيو الجامد ،شكراً ،في إنتظار باقي الاخبار .هو حضرتك جبتي السماعة إلي فيها راديو منين؟

[m7nsh]

ماشاء الله .. مبروك ياشيرى على الموبيل
و الريفيو بتاعك ميه ميه ..
سؤال جانبى بس .. هو سعره كام دلوقتى ؟؟

[shery103]

تسلم ايدك على الريفيو الجامد ،شكراً ،في إنتظار باقي الاخبار .هو حضرتك جبتي السماعة إلي فيها راديو منين؟

هى جاية مع التليفون يا فندم ( سونى اريكسون دايما بيدلعونا )

ماشاء الله .. مبروك ياشيرى على الموبيل
و الريفيو بتاعك ميه ميه ..
سؤال جانبى بس .. هو سعره كام دلوقتى ؟؟

الله يبارك فيك
انا جبته من موبايل شوب فى سيتى ستارز ب 3999

[medo_2060]

الف مبروك يا شيرى على الموبايل
بس ليه الجهاز دا عجبك اكتر من اى فون الجديد(انا مش بقولك اى فون افضل انا بسال لانى عايز اعرف الاحسن) وخصوصا ان سعرهم متقارب؟