مشروع تأجير السيارات بالمشوار .. ايه رأيكم ؟

[alrabeh]

هل حد عنده خلفية عن موضوع او مشروع تأجير السيارات بالمشوار بمعنى انك تأجر سيارتك وانت اللى تسوق او حد تعرفه علشان العربية ما تتبهدلشى
ياريت لو حد يعرف حاجة عن المشروع ده يفيدنا او حتى لو حد جرب يأجر يقول لينا تجربته

[shooter123]

بص يا سيدي
انا كان عندي مكتب تأجير سيارات بس قفلته لظروف كدا
المهم
لو انت شاري عربيتك اصلا لغرض تجاري او انك تخليها هي تشيل مصاريفها يبقي موفق باذن الله بس بشرط انت اللي تسوق وتربط مع كذا مكتب ايجار سيارات انك تطلع مشاوير المطار
ولكن لو جايب العربية للاستخدام الشخصي يبقي مش حينفع لان الزبون ده حيلطعك وده حيقولك استني شوية وحاجات مقرفة وحتلاقي نفسك مع الوقت اصبحت سواق تاكسي
احسبها وربنا يوفقك

[MaZaGAngeE]

ناس كتير عاملاها و بيكسبوا كويس

[pro_samir]

في واحد صاحبي كان عامل الموضوع دة وكان ماشي معاة كويس

بيتفق مع مكاتب ومع المعارف وتدريجيا هتتعرف ويجيلك مشاوير كويسة ،وكان في ناس شركات بيتفقو معاة يفضل معاهم فترات بشكل يومي

بس المشكلة انك لازم تتعود تستغني عن العربية علشان متضيعش شغل وكمان لو انت مش فاضي لازم تتفق مع حد معرفة يعني اخوك صاحبك أو ما شابة حد متقلقش علي العربية معاة علشان يطلع هو بيها لو انت مش فاضي

وممكن تطبع كروت وتوزعها علي المعارف ومكاتب الإيجار لأن غالبا محدش بيرمي الكارت (بس متكتبش علية ايجار سيارات وكدة احسن يقع في ايد الحكومة ويظبطوك)

مرة اتعرفت علي واحد مشغل العربية بالنظام دة كنت واقف مش لاقي تاكسي ولاقيتة وقفلي ولما وصلني اداني تليفونة وعرض عليا اني اكلمة لو في أي مشوار وفعلا كلمتة بعدها علشان مشوار سفر ومكانش معايا عربية (لأنة اكيد احسن من التاكسي) ،، بس كان ماشي سلحفة وشلني دة غير اننا كنا متفقين في التليفون علي الفلوس وبعد ما وصلني قعد يتمحك علشان زيادة زي التكسجية فا حذفت نمرتة من عندي وكانت اخر مرة

[magyver]

هو انا اعرف ناس كتير عاملين الحوار دة
وماشية معاهم حلو

[alrabeh]

ما شاء الله على المشاركات
طيب وأسعار الإيجار ايه

[MaZaGAngeE]

المنيا القاهرة 250
المنيا الفيوم 150
المنيا الشرقية 450
المنيا المنصوره 550
المنيا اسيوط 150