باركولي اخذت علاوة تشجيعية خمسة جنيه

[devilishtigers]

بلاش طمع دول 4 جنيه بحالهم يعني ممكن لو عايز تغير العربية وتحوش منهم كمان حد لاقي

[Abdo_Eldesokey]

أحب بقى أنتهز الفرصة دي .. وأطلب من حضرتك سلفة جوز جنيهات عشان أجهز بيهم الشقة وأتجوز

وهسددهم لحضرتك على سنتين بالكتير

ها قلت إيه ؟؟

[A_H_M_A_D]

بجد 5 جنية

سؤال برئ هو القانون اللى اتعمل علية الزيادة دى من سنة كام؟

معظم جداول الزيادات و العلاوات دي بتكون معمولة من سنة 60 أو 70 بالكتير , و كل فترة طويلة بيتعمل عليها تعديل طفيف جدا , عشان كده الوضع وصل للي إحنا فيه دلوقتي

أنا كنت شغال في شركة من شركات وزارة الكهرباء و كانت علاوتي السنوية 16 جنيه و لما ترقيت بقت 18 جنيه , لأن جدول العلاوات ده كان معمول من أول مالشركة فتحت سنة 78

أحيانا بحس إن الحكومة بتدي الموظفين جنيه تاني غير اللي إحنا بنتعامل بيه , يعني نظرتهم هم للجنيه غير نظرتنا خالص , ده طبعا أثناء مابيدفعوه كمرتبات بس , لكن لو بيحصلوه كضرايب مثلا تلاقي الوضع إختلف 180 درجه

[cyborg_ift]

والله هتجنن وأ‘رف استقبلت الخبر الرهيب ده إزاي الحمد لله انك لسه عايش

[cyborg_ift]

والله هتجنن واعرف استقبلت الخبر الرهيب ده ازاي الحمد لله انك لسه بينا

[dr.nemo]

والله تشجيع رهيب من الدوله يخلي الواحد يجري زي الرهوان طبعا من البلد
وكمان بيشجعوا علي الزواج عندما تخلف اول مولود بيدولك 2 جنيها ولو خلفت الواد التاني بتاخد باردوا 2 ج اما الواد التالت يخصارة بيتحرم من ال 2ج
مجهود جبار من الدوله للتشجيع علي العمل والنضال وحب الانتماء وتكوين اسرة سعيدة سعيدة سعيدة

الرهوان التاني ..... التاني هه
ربنا يكون في عون الدولة
بتداين علشان تشجعنا

معظم جداول الزيادات و العلاوات دي بتكون معمولة من سنة 60 أو 70 بالكتير , و كل فترة طويلة بيتعمل عليها تعديل طفيف جدا , عشان كده الوضع وصل للي إحنا فيه دلوقتي

أنا كنت شغال في شركة من شركات وزارة الكهرباء و كانت علاوتي السنوية 16 جنيه و لما ترقيت بقت 18 جنيه , لأن جدول العلاوات ده كان معمول من أول مالشركة فتحت سنة 78

أحيانا بحس إن الحكومة بتدي الموظفين جنيه تاني غير اللي إحنا بنتعامل بيه , يعني نظرتهم هم للجنيه غير نظرتنا خالص , ده طبعا أثناء مابيدفعوه كمرتبات بس , لكن لو بيحصلوه كضرايب مثلا تلاقي الوضع إختلف 180 درجه

طبعا الحاجات الجميلة اللي زي دي
بتفكرهم بالزمان الجميل
أيام ما كان الجنيه لا يقدر بثمن

اما الضرايب والحاجات الوحشة دي
فبرضه الجنيه لايقدر بثمن....خالص
و ياعيني بيضطروا يعيشوا الواقع ساعتها