تعمل إيه لو كنت مكانى؟؟؟؟

[زينة الله]

ممكن حضرتك تخلي كذا مريض من اللي راحوله يعملوا اشعه
وتجمع صور الاشعه وبيانات المرضي
وترفقهم في الشكوي يا دكتور
علشان يكون فيه مرجعيه للتحقيق فيها
وفيه ادله وشهود يرجعلهم المحققين بصور الاشعه
واكيد انهم لما يسالوا المرضي دول محدش حينكر انه عملها عنده
انت كده بتنقذ ناس كتير من اذاه
ربنا يوفقك
حتي الطب بقي فيه دخلاء
-----------------------------------------------------------------

حلوة الفكرة دى
بس على فكرة أنا اعرف بردو دكتور عك مع ناس كتير لدرجة ان مريضة منهم رفعت عليه قضية بالاشعات واوراق حالتها و فيها 5 - 6 سنين على ما تأخد حكم يكون عمل كام ميت مصيبة تانية
و ضحايا كتير اشتكوه فى النقابة لدرجة ان المسئولين فى النقابة كلهم بيشتموا فيه و كلهم عارفين بلاويه و لكن من غير قرارات و لا حياة لمن تنادى
وهو راخر راكب الموجة و حبه يعمل اعلانات و يتصور مع كام مسئول و يطلع فى برامج خايبة بيسوق نفسه يعنى
صحيح كل اللى بيروحله ما بيرجعش ليه تانى بس بعد الخسائر الصحية و المادية والنفسية و ربنا يرحمنا برحمته من غياب الضمير و سيطرة الجشع والطمع اللى عمى قلوب كتير من الناس

[تامر.محمد]

حسبي الله و نعم الوكيل فيه و في كل انسان ما عندوش ضمير بيتاجر بآلام الناس

انا رأيي ده ... على الأقل تبقى حاولت محاولة تقلل بيها نزيف البشر اللي هو عامله ده

يبقا لازم لما يقابلك واحد من مرضاه اللى تضرر من لعملية تنصحه بالشكوى
دى مش كيدية
دى فى مصلحة باقى المرضى
لكف الاذى

يظهر ملهاش حل غير شكوي من أكتر من ضحية

وأكيد المريض اللي اتعملة عملية بايظة تعبان وبيعاني هيبقي سهل اقناعة بشكوي الدكتور علشان ينقذ الناس منه

[تامر.محمد]

واحد صاحبي بيشتغل في مستشفي القوات المسلحه
بيحكيلي علي دكتور كان عندهم
لو حد راح قاله انا عندي رشح في صباع رجلي الكبير وبيعطس
كان بيوصفله دوا
لدرجه انهم كانو عاملينه مسخه وكله بيتتريق عليه
لحد ما دخلت زوجة عميد بمغص حاد
راح كشف عليها وهو كان رائد تقريبا
وقالهم زايده ولازم تتعمل دوقتي
جوزها قاله اكشف عليها تاني
قالهم زايده افتحوا اوضه العمليات
جوزها قاله اتاكد من الكشف
قالهم زايده حاده وحتموت لو مفتحناش بطنها دلوقتي
راح جوزها منفجر فيه قدام الناس
قاله يا ابن تيت وتيت وتيت (ولعن عيلته كلها)
لما هي زايده الجرح الي في بطنها ده ايه يا حماااااااااااااااااااار
وهي اصلا كانت عامله الزايده قبل كده
وعليها لبسوه البيجامه وطلع معاش مبكر وقعد في البيت

يا نهار اسود .......
هي الحمورية بلغت بيه الحد ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[hazoom2006]

اعمل اللى يرضى ضميرك لان الناس دى انت بتشيل ذنبهم

[Mzeid]

معلش ممكن يا لو سمحتم لو ينفع
كل اللي بيقول عن دكتور بيعمل الموضوع ممكن تقولوا اسمه علشان نعرف مين و الاعضاء يتجنبوهم

[aliabutaleb]

المرضى في مصر ليس لهم إلا الله

آسف يا دكتور إن تعليقي ليس في صلب موضوعك وسؤالك

بس انا حسيت دلوقتي بالمصيبة اللي مرضانا واقعين فيها تحت إيد ناس ولا عندهم أخلاق ولا ضمير

[Dr Ahmed]

يا نهار اسود ....... :o_stupid[1]:
هي الحمورية بلغت بيه الحد ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مش قادر أتقبل العبارة دى

معلش ممكن يا لو سمحتم لو ينفع
كل اللي بيقول عن دكتور بيعمل الموضوع ممكن تقولوا اسمه علشان نعرف مين و الاعضاء يتجنبوهم

مش هينفع للأسف وإلا هيبقى تشهير مش تحذير وممكن تتداخل عند الناس المضاعفات الواردة مع الإهمال وبينهما فارق كبير

اعمل اللى يرضى ضميرك لان الناس دى انت بتشيل ذنبهم

لا يافندم أنا مش بشيل ذنب حد أنا بحاول منع مخطئ إنما لو لم أفعل فلن أحمل ذنبه طالما أرفض فعله بما أستطيع عمله حتى لو بالقلب

المرضى في مصر ليس لهم إلا الله

آسف يا دكتور إن تعليقي ليس في صلب موضوعك وسؤالك

بس انا حسيت دلوقتي بالمصيبة اللي مرضانا واقعين فيها تحت إيد ناس ولا عندهم أخلاق ولا ضمير

برضه أتمنى عدم التعميم لعدم الإساءة للمهنة لأنى أعلم أبضا الكثيرين ممن يتقون الله فى مرضاهم لأقصى درجة ويحرصون على رفع مستواهم العلمى والعملى من أجل تقديم الخدمة الأفضل لمرضاهم

وللأسف الطبيب وغيره من التخصصات الهامة ، وكل التخصصات تعتبر هامة ، ناتج نهائى من نواتج التعليم ونظامه الحالى
تفتكر نظام التعليم الحالى ممكن يفرز منتج نهائى عالى الجودة؟
أظن إن المتميزين فى كل المجالات متميزين تميز شخصى وليس نتيجة خروجهم من منظومة متميزة أو ناجحة
وأنا أظن أن نسبة المتميزين فى جميع المجالات لا تزيد عن ال 20% فقط

[aliabutaleb]

برضه أتمنى عدم التعميم لعدم الإساءة للمهنة لأنى أعلم أبضا الكثيرين ممن يتقون الله فى مرضاهم لأقصى درجة ويحرصون على رفع مستواهم العلمى والعملى من أجل تقديم الخدمة الأفضل لمرضاهم

وللأسف الطبيب وغيره من التخصصات الهامة ، وكل التخصصات تعتبر هامة ، ناتج نهائى من نواتج التعليم ونظامه الحالى
تفتكر نظام التعليم الحالى ممكن يفرز منتج نهائى عالى الجودة؟
أظن إن المتميزين فى كل المجالات متميزين تميز شخصى وليس نتيجة خروجهم من منظومة متميزة أو ناجحة
وأنا أظن أن نسبة المتميزين فى جميع المجالات لا تزيد عن ال 20% فقط

باتفق مع حضرتك تماماً
المرضى اللي راحوا للزميل اللي حضرتك بتتكلم عنه وثقوا فيه ثقة تامة وكان هو ليس أهلاً لهذه الثقة إما لجهل أم لطمع
وكل واحد بياخد نصيبه، ممكن ييجي نصيبه ده في دكتور محترم على خلق وعلى علم، وممكن العكس
عشان كدة في الأول وفي الآخر بنقول لنا الله

[Dr Ahmed]

المرضى اللي راحوا للزميل اللي حضرتك بتتكلم عنه وثقوا فيه ثقة تامة وكان هو ليس أهلاً لهذه الثقة إما لجهل أم لطمع
وكل واحد بياخد نصيبه، ممكن ييجي نصيبه ده في دكتور محترم على خلق وعلى علم، وممكن العكس

ودا يدخلنى فى نقطة تانية هى نقطة المعتقدات الطبية الشائعة عند العامة ومدى اعتقادهم فيها ومدى الثقافة الطبية عند عامة الشعب ومقاومتهم للصحيح منها

العامة بيعتقدوا فى الوصفات والخرافات أكبر من اعتقادهم بالعلاجات الطبية الممتدة أو الجراحية
وبعض الناس ينجذب جدا لمن يخدعه ويرفض من ينصحه
وكثير أو غالب الناس لا ينتبه لمبادئ العمل الطبى او الجراحى مثل القيام بالعمليات فى صالة أو حجرة بمنزل الطبيب فالمريض لا يعلم شيئا عن التعقيم أو تجهيزات غرفة العمليات المفترضة ولو عرف بعضا منها لعرف أن الطبيب الذى يقوم بعملية فى هذا المكان طبيب غير موثوق به

للأسف لم يكن لأمثال هذا الزميل أن يستمروا لولا أن من حولهم من البشر لا يستطيعون تمييز الخطأ من الصواب فى أشياء الخطأ فيها فى غاية الوضوح

[fadod]

طالما المرضي راضيين بالنتائج الخائبه للجراحات علي يد هذا الطبيب ، يبقي خلاص
. لازم ناخد بالنا ، ذي م القانون لا يحمي المغفلين ، فأيضاً القانون الطبي لا يحمي الجاهلين . عامل عملية ومفروض يكون الدكتور شرحلك نتائجها وإحتمالات فشلها ونجاحها. ولو فشلت إيه أنواع الفشل. ماهو حتي الفشل بيكون ليه توقعات ، مش بيكون مفاجأة . وإنت راضي ولقيت العملية بنتائجها مرضية ليك ، يبقي إنت حر
أنا مبحولش أكون حاد علي نوعية الناس الغلابه ، بس هما بردو جهلهم داه شئ غريب. لما حتي بتحاول تنصحهم بيكون تفكيرهم انك غيران . طيب داه مش جهل بس لكن غباء كمان.


العيان هنا قبل العملية بيكون عارف المضاعفات كويس أوي ، وبيكون ماضي علي عقد فيه كل حاجة عن العملية..يضمن له حقه،
وموضوع زايدة عند واحده عمله الزايدة قبل كدة داه حاجه جديدة جداً ...علي أساس إنه مركب في عينيه CT SCAN ، وفي ودانه ULTRASOUND أما ايديه فيها x-ray

[Dr Ahmed]

وموضوع زايدة عند واحده عمله الزايدة قبل كدة داه حاجه جديدة جداً ...علي أساس إنه مركب في عينيه ct scan ، وفي ودانه ultrasound أما ايديه فيها x-ray

ههههههههههههههههههههههه
وصف جديد جدا
بس هو قصده يفتح ويشوف
والله لو زايدة وطلعت من تانى يشيلها
لقى حاجة تانية يشيلها
ملقاش حاجة يقفل ويقول للعيان دا مغص كلوى


فيه "دكتور" مبتدئ متعجل المكسب " =........" جاله مريض التهاب بالغدة اللعابية تحت الفك
قال له الغدة دى لازم تتشال
وخدر العيان
وعمل له خربوش مكان الغدة
وغطاها بالشاش والبلاستر
وكتب له حقن مضاد ومسكن قوى
وبعد كام يوم كان الالتهاب راح والعملية نجحت والمريض مبسوط بنجاح "العملية" والدكتور مبسوط .. كله انبسط

[maiasn2000]

الحل لابد وان يتوافر له عدة جوانب اولا كيف عرفت حضرتك بانه يفعل ذلك؟ لابد من وجود مرضي اصابهم الضرر وهذا سهل اثباته بالاستعانه بعدد منهم بتسجيل بيناتهم في كشف بكامل بيناتهم بشرط ان يكونونوا متضررين فعلا واثبات الخطوات التي حدثت معهم من ذلك الطبيب .
2- ان تتقدم بشكوي للجنة اخلاق المهنه في النقابة
3 - لايجب ذكر انه يعمل اكصر منك وان مؤهله اقل منك لانها في هذه الحالة تعتبر شكوي كيديه
4 - تقدم بنفس الشكوي لوزارة الصحه مدعمه بحالات المرضي وبيناتهم مع مراعاة ابلاغ المريض بانك ستتقدم بشكوي ضده ليسمحوا لك بتقديم بيناتهم
انت في هذه الحالة تقوم بالواجب الذي يجب عليك ان تقوم به واذا لم تفعل ذلك فتكون كمثل الشريك في الفعل امام الله
ساعد الناس حرام ماحدش ناقص تجار وجزارين في جتتهم برضه

[Dr Ahmed]

يبدو أن الحل فعلا يبدأ بتسجيل بيانات الحالات التى تقابلنى من عنده تسجيلا كاملا شاملا طرق الاتصال بهم وبمرور الوقت هيكون عندى ملف كامل قوى أقدر أوصله لأى جهة معنية

[fadod]

ههههههههههههههههههههههه
وصف جديد جدا
بس هو قصده يفتح ويشوف
والله لو زايدة وطلعت من تانى يشيلها
لقى حاجة تانية يشيلها
ملقاش حاجة يقفل ويقول للعيان دا مغص كلوى


فيه "دكتور" مبتدئ متعجل المكسب " =........" جاله مريض التهاب بالغدة اللعابية تحت الفك
قال له الغدة دى لازم تتشال
وخدر العيان
وعمل له خربوش مكان الغدة
وغطاها بالشاش والبلاستر
وكتب له حقن مضاد ومسكن قوى
وبعد كام يوم كان الالتهاب راح والعملية نجحت والمريض مبسوط بنجاح "العملية" والدكتور مبسوط .. كله انبسط

الواضح من كلامكم إن أي حد بيعمل عملية في مصر ويلاقي نفسه عايش بعد العملية أي حي يرزق ومامتش...بيعتبر العمليه ناجحة ١٠٠٪ أوتوماتيكي


في إيه أكتر من ديه تجربة ...تتخدر وماتعرفش إيه اللي بيجرى فيك ، ومن نعمه ربنا عليك وكرم الدكتور ثانياً ..تلقي بعد كدة نفسك رجعت للحياه ...كفاية عليك كدة قوي، بلا نتائج بلا هباب

[fadod]

ههههههههههههههههههههههه
وصف جديد جدا
بس هو قصده يفتح ويشوف
والله لو زايدة وطلعت من تانى يشيلها
لقى حاجة تانية يشيلها
ملقاش حاجة يقفل ويقول للعيان دا مغص كلوى

هي مش الزايدة بتتعمل laparoscopic ولا إيه النظام ، من كلامك كدة بتتكلم عن فتح بطن وقفل ، كأنها big surgery ....بنعملها هنا في ٢٠-٣٠ دقيقة ...والعيان بيقبلني في المكتب بعد العملية بنص ساعة وهو مروح